كرسى الاعتراف

موضوع: كرسى الاعتراف السبت سبتمبر 13, 2008 5:06 am

تذكير بمساهمة فاتح الموضوع :

السلام عليكم ورحمة اللله وبركاتة

اكيد انتم عرفينها ايه هيا اللعبه ولو مش عرفنها فاللعبه عباره عن

تتلخص فى اننا هنبدأ من النهاردة نصوت على العضو اللى هيكون اول واحد يقعد على الكرسى.وهو العضو اللى هياخد 3 اصوات الأول.
ويقدر بقية الاعضاء ان يسالوا هذا العضو اى سؤال يتخيلوه.بفرض انه لازم يجاوب بكل صراحة ووضوح كى تعطى اللعبة اهميتها وهدفها.ومن حقة الامتناع عن الاجابة فى 2 فقط من الاسئلة الموجهه اليه.
مدة الجلوس على الكرسى للعضو الواحد اسبوع.وبعده هو هيختار العضو اللى هيقعد مكانه على الكرسى.وهكذا

ارجو ان تكونوا فهمتم اللعبة
لو في اي تعديل علي اللعبه انا موجود

منقووووووووووووووووووووول

وما اعتقدش انى هشوف فيهم اى صفة وحشة لانهم النور الذى ينير حياتى

وانا قلت يا ذا كوين مش ممكن عصبيتى تكون مع اصدقائى ابدا مهما كانت الظروف :D

ويا رب اكون قدرت اوضح وجهة نظرى صح فى الكام سؤال اللى فاتوا

موضوع حلو
اول سؤال
حدث في مره انك قلتي كلام وندمتي عليه ؟
وهل كان في موقف ندمتي اك ماقلتيش فيه كلام معين بعد ما خلص ؟
اكتر دكتور حسيتي انه اثر فينا السنه اللي فاتت ؟
علاقتك بأخواتك
الاصغر والاكبر منك ؟

اسئلتي كتير
لسه في تاني كتير

ايوة حصل والكلام اللى برضو ندمت انى ما قلتوش انى ممكن ما اكونش قدرت ادى اصحابى حقهم لما طلبوا منى انى اوصفهم لان وصفى ليهم لا يستطيع ان يصفه الكلام

وبصراحة اكتر دكتور اثر فيا السنة اللى فاتت دكتور جمال البيومى اللى كان بيعطيتا thermodynamics

لانه بالنسبة لى اب روحى

وعلاقتى باخواتى بحب اختى اللى اصغر منى اكتر لانها اقرب ليا

يا ريت اقدر اجاوب على اسئلة الجميع ان شاء الله :?: :D

لو ماكنتيش دخلتي هندسه كنتي تحبي تدخلي ايه ؟
لو عرفتي ان حد من اصحاك غلط فيكي من وراكي تعملي ايه تعاتبيه ولا تسكتي ولا كانك سمعتي حاجه ؟
لو حسيتي ان في معيد ظلمك في درجات ليكي تعملي ايه ؟

ايه يا جماعة مش تقولوا

المفروض يا ديدو تبعت كنت تبعت لينا رساله علي الميل

المهم
منوري الكرسي يا فاطمة و استحملي بقي الاسئلة-ده كمان لسه في ناس معرفتش-

الاسئلة كالتاتي

مين الدكتور اللي اتخنقتي منه و كنتي عايزة تفرميه؟و متقوليش مفيش؟

كمان ايه اكتر مادة بتحبيها في الدراسة؟

و ليه دخلتي اتصالات بالذات؟

مين اكتر واحد بتسمعي كلامه و متقدريش تخالفيه؟

و مين اكتر حد له تأثير عليكي؟

و استني لسه في اسئله كتيييييييييييييير

بالنسبة لبسام:

انا عمرى ما اتمنيت ادخل حاجة غير هندسة لان هندسة حلم عمرى بس كان ممكن اكون دكتورة اطفال

ولو حد من اصحابى عمل كدة افضل اعاتبه واسمع وجهة نظره

ولو معيد ظلمنى فى الدرجات لو الظلم لكل الناس هروح واكلمه ولكن لو الظلم ليا لوحدى بقول الحمد لله وبعوض فى الفينال

بصراحة فى دكتورين تخنقت منهم وووووووواحد منهم كان دكتور الرياضة علشان جاب لنا امتحان صعب اوى فى الترم الاول

اكتر مادة كنت بحبها السنة اللى فاتت هى الثرموديناميكس وعموما الرياضة

وانا دخلت اتصالات لانى بحب ادرس التفاصيل وكمان انا عملت استخارة

اكتر واحد بسمع كلامه وما اقدرش اخالفه هو بابا

اكتر حد ليه تأثير عليا هم اصحابى وخصوصا اسماء

لو بقيتي عميدة الكلية ليوم واحد بس
ها تعملي ايه ؟؟؟؟؟

سؤل تاني
ايه الحاجة اللي مخبياها عن اقرب صديقة ليكي و مش ها تقوليهالها ابدا ؟؟؟؟؟؟؟

علي فكرة في سؤالين بس تقدري ما تجاوبيش عليهم
معرفش انتي سبتي اسئلة ولا لاء

بالنسبة لضياء

لو بقيت عميدة الكلية ليوم واحد هعمل حفلة تكريم كبيرة لدكتور جمال البيومى ودكتور ما جد محمود كساب ودكتور محمد الربيعى

وبصراحة ما فيش اى حاجة فى حياتى اقرب صديقة مش عارفاها ولما بتحصل لى اى حاجة انا اللى بكلمها واقول لها مش بستنى لما تسألنى

وربنا يستر فى باقى الاسئلة شكل الاسئلة اللى جاية جامدة ولحد دلوقتى لسه ما سبتش ولا سؤال

احكي لنا اصعب موقف احرجتي نفسك فيه او حد احرجك
؟؟؟؟؟؟؟؟؟؟؟

ايه اهم مبدأ اتخليتي عنه و ليه و ازاي ؟.؟؟؟؟؟؟؟؟؟

اصعب موقف ان سونات وضعتنى على كرسى الاعتراف
والمبدأ اللى تخليت عنه هو الخصوصية وكلكم عرفتوا انا مين ومن حقكم تسألونى اى سؤال وانا مش من حقى الا انى ارفض سؤالين بس

ربنا يستر شكل الاسئلة الجامدة جاية

ما تخافيش هنبقي جنبك كلنا مش هنحاول نسال اسئله جتمده بس هسالك

انتي اكيد كنتي بتنافسي حد عندك في القسم بنت او ولد معلش انا مش بصدق اللي بيقول لا انا مش بنا فس حد لانه اكيد في دافع داخلي بيخلي الواحد عايز يتفوق مش شرط حلطط حد معين بس الدافع ده بيبقي نابع عن احساس داخلي لانه عايز يوصل لحد في الدفعه

مين البنت ومين الولد اللي كنتي بتبفسيهم ؟\

ايه انطباعك عن الدفعه بتاعتك .|؟

عايزه تعملي ايه لما تتخرجي ؟

انتي و اسماء (اقرب صديقة ليكي) و باباكي و مامتك
اتحطيتوا كلكم في موقف كان لازم انك تبيعي واحد منهم
مين اول واحد ها تبيعيه و ليه ؟؟؟؟؟؟؟؟

استفدتى ايه من علاقتك فى الكليه وعرفتى الناس على حقيقتها ولا لسه ؟
وهل فيه حد اذاك واتجرحت منه السنه ده؟
والبقيه تأتى طول الاسبوع

بالنسبة لريرى

انا بحب المنافسة الشريفة وما فيش حد بعينه بنافسه انا بنافس الدفعة كلها
بصراحة دفعة غريبة
فيه ناس واخدين منى موقف من اول سنة دخلنا فيها وفيه ناس كويسين جدا وفيه ناس للاسف خبثاء جدا
نفسى لما اتخرج اسافر فرنسا بس يا رب بابا يوافق

بالنسبة لضياء انا عمرى ما هبيع بابا وماما طبعا

واسما ء لايمكن ابيعها مهما كانت الظروف واللى انت ما تعرفهوش يا ضياء

انى مش بقدر اكره حتى الانسان اللى يجرحنى خصوصا لو كنت بحبه ولو حصل انى اتوضعت فعلا فى الموقف ده
هيكون دى تانى مرة اتمنى فيها الموت
وبعدين ايه يا ضياء الاسئلة الجامدة دى

ايوة استفدت طبعا من علاقاتى وعرفت الناس على حقيقتها

وللاسف فيه حد فى الدفعة جرحنى جامد السنة دى

لا انا بس بسخن الموضوع مش اكتر
هههههههههههههههههههههه
و ربنا يا رب ما يحطك في موقف زي ده ابدا

و علي فكرة انا كمان نفسي اسافر فرنسا بس عشان الفسحة مش الشغل
يعني مش وقتها خالص

ماشى يا ديدو :D

مين اكتر حد نفسك تعرفى معلومات عنه فى المنتدى ونفسك انه يتحط على الكرسى ده مكانك؟

» Demo على كرسى الاعتراف
» نيو جيرل على كرسى الاعتراف
» المهندسه على كرسى الاعتراف
» لولى على كرسى الاعتراف
» enghamada 11على كرسى الاعتراف(المشنقة) ههههههههه