كرسى الاعتراف

ايه اللي حققته وايه اللي لسه محققتهوش

ايه طموحاتك . انت قولت ان د/سامي و د/ رامي اكتر دكاتره بتحبهم ليه ومين الدكاتره دول

ايه رايك في الدفعه بتعتك . لو حد سالك من انت هتقول ايه

في سؤال انت ما جوبتش عليه بتاع سيندريلا ايه رايك في الصداقه بين البت والولد

لوجاتلك تلات فرص
انك تكون معيد بكليتك
سفرلدولة اوروبية لتكملة دراستك
عمل بشركة كبييييييرة وبراتب مغري
ايهما تختار
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وربنا يوفقك

اسئلتك حلوة جدا يا ذا كوين

بصراحة قعدت افكر فيه كتير
و وصلت اني اخد الفرصة التانية
سفرلدولة اوروبية لتكملة دراستك
بس علي اساس اني ارجع تاني .و ده ممكن يجيبلي التانيين

و ربنا يوفقنا كلنا

ايه يا ابو سالي
هو انا عشان مخلتكوش تغشوا ابقي خنيق و مؤذي
ماشي يا عم

يا عم دريم علي فكرة انت بتعيد اسئلة كده

اللي لسه محققتوش و طموحاتي حاجة واحدة اني ابقي دكتور في الجامعة
اللي حققته اني دخلت قسم اتصالات و ده اول الطريق
د/سامي البدوي غني عن التعريف عميد الكلية و استاذ الرياضيات بيدي اعدادي
و كذلك د/رامي طلعت استاذ الهندسة الوصفية و الرسم الهندسي و بيدي اعدادي برضه

رأيي في الدفعة و من انا دول قلتهم قبل كده

انا قلت باس للسؤال ده بس انا قريت الموضوع تاني
مفيش صداقة بين البنت و الولد
وانا من رأي سمسم و ديدو و فيوتشر و الكاشف
و الرد بتاع هبة النيل كان روعة و لخص الموضوع كله بصراحة.احييكي عليه

كده عمرو خلص يا ديدو

مين اللي بعده

eng_dido كتب:

اوعي تخلي حد يغش انت كدا تمام
اقل حاجه ممكن تحصل ان اللي اتظلم بسبب غش واحد تاني ممكن بسهولة يدعي عليك و ساعتها ضعت يعني ضعت

الحق بيزعل
مستنيين العضو الجديد وياريت يبقي انت يا ديدو هسالك اسئله جامده

شكرا يا جماعة
و يا ريت مكنش كنت تقيل عليكم
و اتمني ان اللي يكون كان عايز يعرف حاجة يكون عرفها

اللي بعدي بسام عبدالتواب

يلا يا جماعة فين اسئلتكم؟؟؟؟؟؟؟؟؟

مهما يكون برده هتتبهدل وسؤالي من الصوره اللي انت حططها دي

وبعديها تقول كل بياناتك وخلي بالك لازم تكون اجابه وضحه وصريحه يعني ما فيش كروهات يا ابيض يا اسود وضحه وصريحه ماشي يا بسام وضحه وايه صريحه ومستنيين نزولك

شكلك هتموتي يا سوسو

dream_land كتب:

مهما يكون برده هتتبهدل وسؤالي من الصوره اللي انت حططها دي

وبعديها تقول كل بياناتك وخلي بالك لازم تكون اجابه وضحه وصريحه يعني ما فيش كروهات يا ابيض يا اسود وضحه وصريحه ماشي يا بسام وضحه وايه صريحه ومستنيين نزولك

السلام عليكم
انا هبدأ في الرد على طول
دي يا دريم لاند ملك بنت مهند ونور في مسلسل نور التركي والصوره عجباني جدا وبتمني ان بنتي فاطمه ( اسمها في المستقبل ان شاء الله ) تكون حلوه زيها كده

البيانات الشخصيه
الاسم / بسام عبدالتواب شعبان عبدالغني
العمر / 20 سنه
محل السكن / تلات - مركز الفيوم -الفيوم
القسم / اتصالات -كهرباء
الهوايات / الكمبيوتر - كره القدم - القراءه

لو في بيانات ما قلتش عنها يا ريت حد يسأل عنها

بعتقد الأجابه كده واضحه وصريحه

ايه يا جماعه فين باقي الأسئله
ولا انتوا خلاص زهقتوا
انا مستعد

لا الاسئلة موجودة

مين اكتر معيد بتحبه واكتر دكتور بتحبه برضو؟؟؟؟؟

ايه هى اكلتك المفضلة؟؟؟؟؟؟

نكتفى بهذا القدر

Future Eng كتب:

لا الاسئلة موجودة

مين اكتر معيد بتحبه واكتر دكتور بتحبه برضو؟؟؟؟؟

ايه هى اكلتك المفضلة؟؟؟؟؟؟

نكتفى بهذا القدر

اكتر معيد بحبه / باشمهندس خالد حسني لانه محترم جدا وأخلاقه عاليه جدا وبيظلمش حد من الطلبه
أما احسن دكتور فطبعا حبيبي / دكتور مجدي عامر لانه استاذ مادتي المفضله
اكلتي المفضله : مش عارف اقول ايه انا وحش قوي في موضوع الاكل ده معظم الأصناف ما بحبهاش بس اكتر أكله بحبها طبعا المحشي والملوخيه

طيب خد السرالين دول
ايه اخبارك مع الدفعه اتكلم عنها قول رايك لان لحد الان معرفش حاجه كتيره عني هندسه الفيوم
قول بقي ايه اخبار سعدك يا هندسه في الحب قوووووووووووول كل اللي عندك
قول كمان موقف حصل معاك ضحكك اوي ومش شرط يكون في الكليه
قول موقف ضيقك اوي
قول موقف كنت مضايق فيه ولقيت فيه حد يشيل الضيق عنك
ليه عايز تدخل اتصالات
من اكتر اصحابك وليه دول بالذات

جاوب علي دول وانا هجهزلك الدفعه الجديده ورينا شطرتك

بتحب والدك اكتر ولا والدتك وليه؟؟؟؟

مين اكتر واحد بتحبه فى اخواتك وليه؟؟؟؟

ايه الموقف اللى حصل معاك وندمت عليه؟؟؟

ايه اكتر موقف فرحك؟؟؟

ايه اللى مش بتحبه فى الدفعة بتاعتك؟؟؟؟؟


شايف الحياة ازاى؟؟؟؟

نكتفى بهذا القدر

dream_land كتب:

طيب خد السرالين دول
ايه اخبارك مع الدفعه اتكلم عنها قول رايك لان لحد الان معرفش حاجه كتيره عني هندسه الفيوم
قول بقي ايه اخبار سعدك يا هندسه في الحب قوووووووووووول كل اللي عندك
قول كمان موقف حصل معاك ضحكك اوي ومش شرط يكون في الكليه
قول موقف ضيقك اوي
قول موقف كنت مضايق فيه ولقيت فيه حد يشيل الضيق عنك
ليه عايز تدخل اتصالات
من اكتر اصحابك وليه دول بالذات

جاوب علي دول وانا هجهزلك الدفعه الجديده ورينا شطرتك

اخباري مع الدفعه الحمد لله كل الناس اصحابي ومابحبش ازعل من حد ولا حد يزعل مني
اما بخصوص الدفعه فبعتقد ان معظمهم كويسين او على الاقل اللي اتعاملت معاهم لكن برضه بدون ذكر اسماء في ناس مش كويسه ما بتحبش الخير لغيرها ومابتحبش غير نفسها يعني طبيعي في الالنوعين الكويس والوحش
اما بخصوص الحب فانا الحمد لله لقيت الإنسانه اللي هتشاركني حياتي وعشان اريحكك من السؤال هي من بره الكليه تماما من مصر قريبتي بنت عمي وتقريبا مخطوبين اهلها واهلي عارفين كل حاجه
موقف ضحكني هو كان في الكليه والناس هي اللي ضحكت عليا موقفين في يوم واحد انا نمت في المدرج والدكتور دخل وانا انيم علق وقال هاجيبلك مخده معايا الدور الجي والموقف التاني في نفس اليوم واحد صاحبي بيهر معايا بقوم عشان اضربه اتشنكلت ووقعت على البنج والناس صحكوا بس

اكتر موقف اضايقت منه دكتور السيركت عندنا في اخر محاضره عطي سؤالين وماحلهمش والنعيد حاهم لنا غلط وفي بنت طلعت للدكتور وخلته جاوبهم لها وبعدين حطت الورق في مكتبه مابنتعملش معاها وماقلتش لحد منا على مكانه وماعرفناش إلا بعد الامتحان والاسئله دي جات في الامتحان وطبعا كلنا حلينا غلط

موقف كنت مضايق فيه كانت في مشاكل بيني وبين
my heart
وحكيت لواحد صاحبي اسمه مدحت لان ظروفي زيي ونصحني والحمد لله الموضوع عدي

عايز ادخل اتصالات عشان عايز اتخصص برمجه وعشان كده لازم اكمل اتصالات

اكتر اصحابي
في البلد (كرم ) جدع قوي وبلقيه لما احتاجه
من ايام ثانوي (احمد عصام - مدحت - احمد خلف الله -احمد قرني )دول عشره عمر الثانويه ولسه اصحاب لحد دلوقتي
في الكليه (ميرو - ديدو - إسلام عادل - إسلام ربيع -إسلام عادل ) عيال جدعه ومع بعض من اول الدراسه خاصه ميرو وديدو

بعتقد اني جاوبت بوضوح وصراحه
ماشي فين باقي الأسئله يا جماعه