كرسى الاعتراف

لقيت الإنسانه اللي هتشاركني حياتي وعشان اريحكك من السؤال هي من بره الكليه تماما من مصر قريبتي بنت عمي وتقريبا مخطوبين اهلها واهلي عارفين كل حاجه
والله فرحتني وطمنتني عليك ايوه كده يا جامد اعقبالنا

شوف المره دي مش سؤال دي مبروووووووووووووووووووووووووووووووووووووووووك
السؤال بقي
بعد التهاني . هتعزم مين علي الفرح شوف انا مكاني محجوز وخصوصا انها من نفس بلدي ولازم الفرح في مصر ها جاوب

Future Eng كتب:

بتحب والدك اكتر ولا والدتك وليه؟؟؟؟

مين اكتر واحد بتحبه فى اخواتك وليه؟؟؟؟

ايه الموقف اللى حصل معاك وندمت عليه؟؟؟

ايه اكتر موقف فرحك؟؟؟

ايه اللى مش بتحبه فى الدفعة بتاعتك؟؟؟؟؟


شايف الحياة ازاى؟؟؟؟

نكتفى بهذا القدر

بصراحه والدتي لسببين طبعا الام احن من الاب
ثانيا احنا البيت عامه علاقتنا بالحج عن طريق امي فبالتالي علاقتنا بيها اكتر

اخويا الكبير محمد انا وهو زي بعض في كل حاجه الشكل والصوت والطباع بيفهمني وبفهمه

الموقف كنت في أعدادي والمدرسه بتاعتي أتأخرت شويه وسبتها ورحت حصه تانيه ولما جات زعلت مني جدا

اكتر موقف فرحني لما طلعت الاول على المدرسه في ماده العلوم في تالته أعدادي والمدرسه بتاعتي كانت مبسوطه مني جدا


اللي مابحبوش في الدفعه بتاعتي ان في ناس ما بتحبش غير نفسها

شايف الحياه أزاي
هجاوب بعدين

هههههههههههههههههههههههههههه واخد بالك انت يا هندسه من الصوره

بس السؤال القادم ده انت هتشوف مني اسئله
اوصف نفسك .
مواصفات شخصيه ولد عجب شخصيته وكمان بنت عجبك شخصيتها وبدون ما تقول اسماء يلا
كفايه كده بس اكيد هسال تاني

يلا ده اول سوال اساله
ايه احلامك اللى نفسك تحققها
وفيه حاجه اتمنيتها وما حصلتش
كفايه كده دلوقتى

امتى الشخص ما يسحقش ثقتك من وجهة نظرك؟؟؟؟؟؟

هل انت متسرع فى اتخاذ القرارات؟؟؟؟؟

هل انت متفاهم ام لا؟؟؟؟؟؟

مين اكتر شخصية بتشدك فى الدفعة بتاعتك؟؟؟؟؟


امتى الشخصية تشدك؟؟؟؟

dream_land كتب:

بعد التهاني . هتعزم مين علي الفرح شوف انا مكاني محجوز وخصوصا انها من نفس بلدي ولازم الفرح في مصر ها جاوب

طبعا كل أصحابي معزومين وانت معاهم
المشكله ان احنا متفقين ان الفرح هايبقي في مركب في النيل فا هيبقي العدد محدود
بس بالتأكيد كل أصحابي معزومين

فين الرد على اسئلتى يا بسام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

eng_dido كتب:

انا هسألك سؤال واحد يا بسام
انت متأكد ان دي صورة بنت مهند و نور و انك عاوز بنتك تبقي شبهها
؟؟؟؟؟؟؟؟؟؟؟؟؟؟؟؟؟
اكيد لا لانك غيرت الصورة

ولاهي العظيم هي ولو في حد كان بيشوف المسلسل هيعرف كده
وانا هأكد ليكي يا ضياء
اما حكايه تغيير الصوره فا ده عادي انا بحب اعدل في الملف الشخصيبتاعي كل فتره في الصوره والتوقيع
بس

dream_land كتب:

اوصف نفسك .
مواصفات شخصيه ولد عجب شخصيته وكمان بنت عجبك شخصيتها وبدون ما تقول اسماء يلا
كفايه كده بس اكيد هسال تاني

بصراحه مش عارف اوصف نفسي أزاي
بس هاقول وأصحابي هما اللي يقرورا انا فعلا كده ولا لأ
انا بسيط جدا وأقل حاجه ممكن تفرحني وعمري ما بزعل من حد اجتماعي بحب الضحك والهزار أصحابي عندي في اوقات كتير بفضلهم عن نفسي شخصيتي مش قويه قوي متسرع بحكم عقلي قبل قلبي على معظم قرارتي ماحبش حد ياخد عني فكره مش كويسه بتعامل مع الناس كلها بطريقه واحده
مش عارف ده كل اللي اقدر اقوله عن نفسي

اكتر شخصيه عجبتني
ولد اتنين عمرو مبروك وإسلام عادل عمرو لذكائه وأخلاصه في الحاجه اللي بيعملها لما بيعمل حاجه تعرف ان الحاجه دي هتطلع مظبوطه مابيخلطش الامور على بعضها الجد عنده جد والهزار هزار
أسلام جدع وبيحب الخير لغيره وبيساعد كل أصحابه

أما بنت فانا هاقول الاسم
فاطمه مازن : بجد شخصيه جميله جدا عمرها ما غلطت في حد وعمرها ماأتأخرت عن حد سوااء ولد او بنت لو حد سألها عن حد بتجاوب ولو حد طلب منها كشكول بتديه بتحب تساعد غيرها وعمرها ما غلطت في حد

cindrella كتب:

يلا ده اول سوال اساله
ايه احلامك اللى نفسك تحققها
وفيه حاجه اتمنيتها وما حصلتش
كفايه كده دلوقتى

نفسي اكون مبرمج شاطر جدا واكون من افضل المبرمجين على الاقل في مصر
نفسي ربنا يكرمني واتجوز الإنسانه اللي اختارتها

بصراحه كنت بتمني ادخل هندسه ألكترونيات بس بصراحه بعد ما دخلت هندسه وشوفت اصحابي ندمي على كده راح وانا مبسوط حاليا باللي انا فيه

Future Eng كتب:

امتى الشخص ما يسحقش ثقتك من وجهة نظرك؟؟؟؟؟؟

هل انت متسرع فى اتخاذ القرارات؟؟؟؟؟

هل انت متفاهم ام لا؟؟؟؟؟؟

مين اكتر شخصية بتشدك فى الدفعة بتاعتك؟؟؟؟؟


امتى الشخصية تشدك؟؟؟؟

الشخص ما يستحقش ثقتي لو خان الثقه دي يعني لو قلتله على سر وقاله لحد لو اتفقنا على حاجه وماعملهاش يعني من أفعاله معايا هيبان يستحق ولا لأ

بصراحه اه مش في قرارتي بس في كلامي كتير بقول كلام كتير وبعدين بندم عليه

اه بحب اسمع من اللي قدامي وافهم ولو اقنعني باقتنع بكلامه
ده لو تقصدي بمتفاهم كده

اكتر شخصيه بتشدني جاوبت عليها قبل كده

الشخصيه بتشدني لو كانت محترمه على أخلاق بتحب الخير لغيرها ذكيه

في اسئله تانيه يا فاطمه
انا مستعد

اولا شكرا عالمجاملة دى يا بسام ده بس من ذوقك وانا مش بعمل غير الواجب

وبالنسبة للاسئلة

هناك المزيد

مازعلتش ولا حاجه
بس انا عرفت انت قصدك ايه من كلامك
واطمن مش اللي جه في دماغك

أتأكدت يا ديدو

بعد إذنك يا فاطمه انتي وذا كوين ابعتوا أسئلتكم تاني لانها مش ظاهره عندي خالص
ولو حد عنده أسئله يا ريت يبعت عشان ارد عليها

اولا الف مبرووووووووك يا بسام على مشروع الخطوبة اللي جاي في الطريق ان شاء الله
وربنا يتمملكم بخيران شاءالله
وهنسئل الاسئلة تاني بس جاوب انت بس
اولا لو حصل موقف من شخص عزيز عليك واتضايقت منه
ياترى هتتصرف ازاي هتعاتبه وتسامحه
ولا هتخبي في قلبك وتردهوله بعدين
ولا هيكون مجرد موقف عدى عليك وخلاص
ثانيا هل قابلت حدفي حياتك غريب ومش عارف تفهمه لحد دلوقت
ثالثا لما تتعرض لموقف محرج ياترى بيكون تصرفك ايه
رابعا ايه رايك في الشخصيات الموجوده في المنتدى وبصراحة
ايه حكمتك في الحياة
هل بتحاول تزور حد تعرفه او تتصل عليه رغم تجاهله لك ونسيانك وانه مبيحولش يسال عليك ولا لأ
ختمت القرآن كام ختمة ولو مش عايز تقول بلاش
واخيرا
ليه بتحطالشيت في الجزيرة وتمشينا كل ده
ومتحطوش فى سفير رغم انها قريبه

thequeen كتب:

اولا الف مبرووووووووك يا بسام على مشروع الخطوبة اللي جاي في الطريق ان شاء الله
وربنا يتمملكم بخيران شاءالله
وهنسئل الاسئلة تاني بس جاوب انت بس
اولا لو حصل موقف من شخص عزيز عليك واتضايقت منه
ياترى هتتصرف ازاي هتعاتبه وتسامحه
ولا هتخبي في قلبك وتردهوله بعدين
ولا هيكون مجرد موقف عدى عليك وخلاص
ثانيا هل قابلت حدفي حياتك غريب ومش عارف تفهمه لحد دلوقت
ثالثا لما تتعرض لموقف محرج ياترى بيكون تصرفك ايه
رابعا ايه رايك في الشخصيات الموجوده في المنتدى وبصراحة
ايه حكمتك في الحياة
هل بتحاول تزور حد تعرفه او تتصل عليه رغم تجاهله لك ونسيانك وانه مبيحولش يسال عليك ولا لأ
ختمت القرآن كام ختمة ولو مش عايز تقول بلاش
واخيرا
ليه بتحطالشيت في الجزيرة وتمشينا كل ده
ومتحطوش فى سفير رغم انها قريبه

أولا الله يبارك فيك
ارد بقي على الأسئله
لو حد ضايقني وكان صاحبي لو الموقف مش صعب قوي بعديه ولا كأنه حصل وماقفش عليه علاقتنا اكتر من كده لكن لو الموقف جامد وزعله طبعا هاعتب عليه واعرف ليه عمل كده اما لو كان الواحد ده عادي زميلي مش صحبي لو حصل منه موقف يزعلني هقلل علاقتي بيه لحد ما يوضح هو عمل كده ليه

هو في بنت معانا في الدفعه حصل كذا موقف غريب منها معانا كاولاد وبرضه بعض البنات طريقتها غريبه مش فاهم شخصيتها بس بجد هي محترمه وفي حالها بس عليها مواقف تنقط

لو اتعرضت لموقف محرج عادي بعديه واخلي الناس تنبسط بتصرف عادي وبعتقد ان الموقف حصل قبل كده مع دكتور مجدي في اول سنه أولي

بصراحه في شخصيات أفكارها تشد وأرائها بتكون حلوه بس بصراحه انا زعلت جدا لما باشمهندسه مي خرجت من المنتدي لان كان ليها موضوعات جميله وأراءه جيده جدا وفي الاتجاه المقابل انا شايف ان في بعض الأعضاء مابيعرفوش يتناقشوا في بعض المواضيع وبتتحول القضيه لخناقه ونلاقي كلام مش سليم بينكتب
انا شايف ان المنتدي فيه كلا النوعين الجيد والغير جيد بس هما قلوا ةاللي موجود بدأ يغير أسلوبه في الحوار

مش فاهم يعني ايه حكمتي في الحياه
يعني لو الهدف يبقي عشان احقق نفسي في المجال اللي اخترته واتجوز الإنسانه اللي اختارتها واحجج ابويا وامي وعماتي التلاته دول اهدافي الحياه وبتمني ان ربنا يقدرني عليهم

بصراحه حته الزياره والسؤال دي اكبر مشكله فيا انا عامه مش اجتماعي في الحاجات دي تقريبا علاقتي محدوده خارج نطاق الكليه ضغط الكليه بيخليني مازورش حد من اصحابي او عيلتي حته في الأجازات بحي القعده في البيت ومابحبش الخروج كتير
لكن انا حاليا بحاول اغير من نفسي بدأت أزور عيلتي وبسأل على اصحابي سواء بالتليفون او على النت وربنا يسهل وتغير


لا عادي هجاوب انا لسه ماختمتش القرآن انا ماشي على نظام كل يوم جزء انا شايف اني مقصر بس انا عايز اكمل بعد رمضان مش يبقي في رمضان بس فمشيت على النظام اللي اقدر اكمل عليه بعد كده


اما بخصوص الشيتات فانا شايف ان طريقه المعامله والاهتمام في مكتبه الجزيره اكتر وانضف من سفير بحس بالاهمال وعدم الجديه في سفير عشان كده بحب اتعامل مع مكتبه الجزيره بس

ايه المواد اللي انت بتحبها في اتصالات غير البرمجه
شوف سؤال سهل جدا