محمد جمعه في كرسي الاعتراف

في انتظار اسئلتكم

الموضوع معطل حتى الساعه 12 لحين قيام بسام بك من على الكرسي

زائر

مبروك يا محمد الكرسي
وكلنا هنفضى لك في العيد بقى
انتظرنا

جيلك يوم يامحمد

زائر

<div align="center">اسأله كده تسخن بيها لغاية ما نجهز لك الاسئله الاسم بالكامل السن الحاله الاجنماعيه فشيلة الدم عدد الاخوة والاخوات وترتيبك بينهم القسم فريقك المفضل اكلتك المفضله مشروبك المفضل ياللا استعد </div>

ده انا قلت حظي حلو اني جيت في يومين عيد يعني الناس هتبقى مشغوله

يلا خيييييييير

ربنا يستر

اسأله كده تسخن بيها لغاية ما نجهز لك الاسئله

ماشي يا ساره انا عارف انك مستنياني من زمان

الاسم بالكامل

محمد جمعه عبدالبصير محمد خليل ابراهيم

الحاله الاجتماعيه

اعزب

فصيلة الدم

ab+

عدد الاخوه والاخوات وترتيبك بينهم

3

كلهم ولاد

انا الصغير

القسم

كهربا

فريقك المفضل

أهلاوي بس بعشق الاسماعيلي

اكلتك المفضله

والله بحب اي حاجه

بس اكتر حاجه باكل فيها كتير

المحشي بجميع انواعه ماعدا البدنجان

مشروبك المفضل

شاي تقيل سكر مضبوط

يالا استعد

حاضر انا مستعد اهوو

يلا يا جماعه فين اسئلتكم؟؟؟؟

زائر

مستعجل ليه
دي بس شوية اسئله كده تتسلى بيهم لغاية ما افضى واجهز لك اسئله جامده

حصلك مقلب قبل كده ولو هو ايه ( احكي بالتفصيل )
عملت مقلب في حد قبل كده ( برضه بالتفصيل )
عشان انت اصغر اخواتك انت مدلع ولا مش واخد حقك
مفيش حد خالي من العيوب ايه العيوب اللي مضايقاك في نفسك وايه اللي نفسك تغيره
اوصف شخصيتك بكل وضوح
مين اصحابك المقربين
اختار خمسه من اصحابك واديهم لقب او وصف
اختار خمسه من المنتدى برضه واديهم لقب او وصف

كفايه كده عشان مش فاضيه لما ارجع هأجهز لك اسئله كتييييييييييير

حبيب قلبى يا محمد .....................

خد الاسئلة دى ولازم تجاوب عليها بكل صراحة..................

1- مين اكتر واحد بتحبه؟(واحد فقط)

2-ما هى الامنية التى تمنبتها ولم تتحقق؟؟

3- ما هى اكتر مرحلة فى حياتك حبيتها؟؟؟؟

4- هل تفضل ان يكون اصدقاؤك(شباب او بنات)؟؟؟واحد فقط ولماذا

5-هل كانت امنيتك كلية الهندسة وانت صغير؟؟

6- اراك دايما تفكر فى ماضى يحزنك؟؟ ياريت تحكى

7- كم مرة مريت بقصة حب؟

8-هل على علاقة الان؟؟؟

كفاية كدا دلوقتى يا محمد..............واحب اقولك ان انا بعشق الشرطة مش الاسماعيلى

eng_hamada11 كتب:: حبيب قلبى يا محمد .....................
والله وانا كمان بحبك يا حماده

خد الاسئلة دى ولازم تجاوب عليها بكل صراحة..................
حاضر بكل صراحه

1- مين اكتر واحد بتحبه؟(واحد فقط)
طالما واحد فقط يبقى اكيد ربنا طبعا

2-ما هى الامنية التى تمنيتها ولم تتحقق؟؟
لما كنت في المدرسه في الاسماعيليه
كان اللى بيطلع الاول بيروح رحله المجر
وبصراحه كنت اتمنى اني اطلع الاول علشان اروح المجر
بس ما حصلش نصيب

3- ما هى اكتر مرحلة فى حياتك حبيتها؟؟؟؟
خمس سنين عشتهم في الاسماعيليه (دراسه
)
4- هل تفضل ان يكون اصدقاؤك(شباب او بنات)؟؟؟واحد فقط ولماذا
شباب طبعا
الولاد بنكون اقرب لبعض ووقت ما بنحتاج بعض في اي وقت ومهما كانت الظروف بنلاقي بعض
اما البنات بتكون صعبه شويه وبيكون في حدود

5-هل كانت امنيتك كلية الهندسة وانت صغير؟؟
اه طبعا

6- اراك دايما تفكر فى ماضى يحزنك؟؟ ياريت تحكى
ههههههههههههههههه
انت عاوز تعرف ايه يا خلبوص انت
على العموم من ناحية الماضي فالماضي عندي الحمد لله ملئ بشوية احزان
على رأس الاحزان دي وفاة والدي وابن خالي(اعز صاحب ليه في حياتي) في اسبوع واحد ربنا يرحمهم ويغفر لهم ويجعل مثواهم الجنه ان شاء الله

وتاني الاحزان
لما سبت صحابي اللى كانو معايه في الاسماعيله وجيت هندسة الفيوم وكل واحد دخل هندسه في محافظه شكل انت مش متخيل صحابك عشت معاهم خمس سنين واكلين مع بعض شاربين مع بعض فلوسنا واحده بنقف مع بعض في اي حاجه تخطر على بالك في الدنيا وفي غمضة عين افترقنا
وهي دي سنة الحياه

7- كم مرة مريت بقصة حب؟
واحده انتهت
والتانيه جاري التحميل

8-هل على علاقة الان؟؟؟
جاري التحميل

كفاية كدا دلوقتى يا محمد....
براحتك انا بالي طويل

..........واحب اقولك ان انا بعشق الشرطة مش الاسماعيلى
ههههههههههههههههه
عادي خالص
بس انا بجد والله مش علشان الاسماعيلي قطع الزمالك احبه
لا طبعا الاسماعيلي ده يا بني عشرة خمس سنين بجد فريق لا يعلى عليه في مصر
وفيه شوية موهوبين واساسا الاسماعيليه بتشجع الكوره بطريقه فظيييييييعه بس بيكرهوا الاهلاويه كره العما

في انتظار المزيد يا حماده

ENG_TAHA RASHAD كتب:: جيلك يوم يامحمد

انت فين يعني يا طه مختفي ولا ايه ؟

الاسئلة
كانت لبسام بس حبيت اعرفها منك

ببدا بالاسئلة ........
ان شاء الله تكون خفيفة ع قلبكـ ............
س/ ماهي اجمل لحظات حياتك؟
س/ من من الناس يحتل المساحه الاكبر من قلبك ؟

س/ كم لك وانتي تستخدم الانترنت ؟
س/ هل قد شعرت بفرحه غامره والسعاده تملاء قلبك في لحظة ما ماكان السبب؟
س/ ماحب الاسماء لقلبك؟
س/ تقال كلمة اكرهك هل سبق وقلتها لاحد وانت مؤمن بكامل معناها؟
س/ متى اخترت اختيار وقلت في داخلك نعم هذا اختياري الابدي؟
س/ ماهو اجمل مكان زرته واجمل بلد زرته؟
س/ اذا طلب منك تغير اسمك فماهو الاسم الذي سوف تختاره؟
س / ما الشي اللي لو صار بتكون اسعد انسان بالدنيا ؟؟
س / من الاعضاء الاقرب لكـ , ومن هو العضو الذي تفتقدهـم دوما
س/مــن الاعضـاء الذي تـسعد عند تــواجـدهـ في مواضيعك ....؟؟
س/من العــضؤ في نــظرك أحسن مواضيـع...؟؟
س/ من العضـؤ أخلاق رائـعـه ...؟؟
س / كلمه مختصره لاعضاء المنتدى ولتكن نصيحه او عتاب ؟؟؟
س / المنتدى الي تحب ان تشارك فيهـ ؟؟ ( القسم ) ؟؟
عضو له فقدة.........
عضوو خفيف دمـ .....
عضووو حبوووب .....
عضووو شخصيهـ .....
عضووو مغرور ......
عضووو تقول له والله واحشتني مووووت .....

عضوووو تقول له اشتقنااااااااااالكـ .....
عضوووو تقول له الله لايحرمني منكـ .....
ماذا تعني لك ها الكلمااااااات ..؟؟
الراحهـ /
حبي /
النت /
العشقـ /
لونك المفضل ؟؟
مطربك المفضل ؟؟
اغنيتك المفضلة ؟؟
وقت فراغك كيف بتستغليه ؟؟

ما هو الاسم المفضل لك .؟
كم مره سافرت للخارج ؟
من هــــو قدوتـــك في حياتـــــك ؟؟

وآآآسف ع الاطالة ..... تحياااتي

معلش دول نكحبهم اسنانك وانتظرنـــــــــــــــــــــــــــــي
هوريك الشغل على اصوله يا محمد

ENG_TAHA RASHAD كتب:: الاسئلة
كانت لبسام بس حبيت اعرفها منك
حرام عليك ده كله

ببدا بالاسئلة ........
بسم الله

ان شاء الله تكون خفيفة ع قلبكـ ...........
لما نشووف

س/ ماهي اجمل لحظات حياتك؟
لما الاقي كل اللى حوليه مبسوطين وراضيين عني واولهم والدتي
ولما احقق حاجه كانت نفسي فيها

س/ من من الناس يحتل المساحه الاكبر من قلبك ؟
اكيد طبعا والدتي
وناس تانيه بس عديها

س/ كم لك وانت تستخدم الانترنت ؟
من وانا في 3 اعدادي تقدر تقول من 7 سنين

س/ هل قد شعرت بفرحه غامره والسعاده تملاء قلبك في لحظة ما ماكان السبب؟
في لحظات كتير بشعر بيها بالفرح بس اقربهم كان واحد زعلان مني
جه صارحني باللى هو زعلان منه دي تقدر تقول اقرب حاجه فرحتني

س/ ماحب الاسماء لقلبك؟
محمد
بسمله (بنت اخويه بقا)
واكيد طبعا في اسماء تانيه

س/ تقال كلمة اكرهك هل سبق وقلتها لاحد وانت مؤمن بكامل معناها؟
ما اعتقدش حتى لو واحد مخنوق منه اوي اخري اقوله ده انت خنيق
انما اكرهك لا

س/ متى اخترت اختيار وقلت في داخلك نعم هذا اختياري الابدي؟
لما دخلت مدرسة تكنولوجيا المعلومات بالاسماعيليه (من 7 سنين الاختيار ده)

س/ ماهو اجمل مكان زرته واجمل بلد زرته؟
اجمل مكان : مرسى مطروح عند عضمضم اللى انت كنت حاطط اليافطه بتعته
اجمل بلد : الاسماعيليه (عشرة خمس سنين)

س/ اذا طلب منك تغير اسمك فماهو الاسم الذي سوف تختاره؟
محمد برضه
س / ما الشي اللي لو صار بتكون اسعد انسان بالدنيا ؟؟
اتجوووووووووز
س / من الاعضاء الاقرب لكـ , ومن هو العضو الذي تفتقدهـم دوما
الاعضاء الاقرب :
طبعا اللى باعت الاسئله الطويييييييييله دي
وحماده
وبسام
وضياء
ومشرفتنا ساره طبعا
وعمرو مبروك
وعصام

الاعضاء المفتقدين :
الواد كولوبالي الزملكاوي

هفطر وارجعلك تاني يا طه
ليك يوم مفتري

يابنى خلص اكل مشمكفيك الكلية يبقى البيت والكلية ده افترى

محمد محمود محمد مسعود كتب:: بسم الله الرحمن الرحيم هبدا معاك الكام سؤال دول

بس ياريت يعجبوك وتجاوبنى عليهم بصراحة
انا كتبتهم لبسام بس لسه ما جاوبشى عليهم
لو انت بتحب واحدة بس ظروفك الاجتماعية متسمحشى حتى ولو هتفاتحها فى الموضوع

هتعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو فاتحتها: انت مترضاش على نفسك انك تكلمها من غير اهلها ما يعرفوا
طيب هتقول لاهلها ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو سكت ومتكلمتش ممكن تطير منك لانها محترمة؟؟؟؟؟؟؟؟؟؟؟؟؟؟
طيب لو انت واضع فى تصورك ان ظروفك ممكن تتحسن بعد التخرج وتشتغل
بس فى عقبة ان انت شايف ان والديك تعبوا وعايزين يسلموك الراية للاهتما م باخواتك جوازهم وتعليمهم
هل رايك سيتغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولو افترضنا ان الموضوع مشى من الطرفين من ناحيتك واهلك وناحيتها واهلها لان ظروفها قد تتشابه معك وبما انك خاطب منذ الصغر ما رأيك فى طول فترة الخطوبة؟؟؟؟؟؟؟؟؟؟؟؟؟
وما هى المدة التى تراها مناسبة لكل اتنين من وجهه نظرك؟؟؟؟؟؟؟؟؟؟؟؟؟؟
كفاية عليك كده ونبقى نتكلم فى الكلية
الاسئلة دى بردو هسألها لكل واحد هيقعد على الكرسى
فجهز نفسك يا بشمهندس محمد للاجابة

زائر

ماشي يا محمد جاوبت اسألة الناس كلها ومجاوبتش على اسألتي

حااااااااااااااااااااااااضر

انتظرني بس لما افضى

السلام عليكم ورحمة الله وبركاتة
اهلا بيك فى الكرسى ويارب نكون خفاف عليك وما نكنش دمنا تقيل
اولا انا هحتك فى كام موقف كده وانت قول هيكون رد فعلك اية

الموقف الاول لو اكتشف ان بنت من قريبك مصاحبة ولد والبنت دى قريبة ليك هتعمل اية؟؟؟
الموقف التانى لو شفت بنت من بنات دفعتك بتتخانق فى الشارع هتعمل اية؟؟؟
الموقف الثالث لو عرفت ان فى حد نصب على ولدتك وانت عارفة وعارف مكانة هتعمل اية؟؟؟؟
الموقف الرابع لو سمعت صوت غريب جدا فى بتكم وحسيت ان فى حد غريب فى الشقة وكان بليل الوقت متاخر هتنام ولا هتشوف فى ايه؟؟؟

دول طبعا فى البداية الجاى فى الطريق
يا ريت ما اكونش تقلت عليك

زائر

ودي الاسئله الجديده بتاعتي
بس ياريت بقى المره دي تجاوب عليها

احكي بالتفصيل الممل جدا عن
1- موقف كوميدي جصلك عالنت
2- خدعة عملتها في واحد صحبك وهو صدقها عالنت
3- خدعة عملتها في واحد صحبك وهو قفشك عالنت برده

ماهي مواصفات صديقك الحقيقي

من هو الأقرب إليك من اهلك فى البيت؟

لمن تهدى تلك الكلمات ::

وحشتنى

الله يبارك لى فيك

مقدرش انساك

روحى مرتاحة لك

احتارت معاك معاك غلبت انا

الله يسامحك

الا انت

مش عايز اتعذب تانى

سيب الحب لناسه خليك احسن ناسي

أنا احتج

اعتذار تريد ان تقدمه لمن؟

ماذا ستكتب لنا لتعبر عن حياتك التي عشتها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟

بماذا تقر وتعترف أمامنا الان ؟

متى اخر مره بكيت؟

اي الدول تتمنى ان تزورها ؟

اغمض عينيك دقيقه لو سمحت, ماذا خطر على بالك وانت مغمض العينين ؟

هل تؤيد الزواج العاطفي ام الزواج التقليدي ؟ ولماذا ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

حكمة تؤمن بها جدا؟؟

عاده تفعلها دائما تتمنى ان تتركها ؟

هل انت من لديهم رغبة حب التملك واذا تملك الشيء اصابه الملل منه ؟

انتظرنىىىىىىى حاجى تانى

دول بس علشان تستعد

sara mostafa كتب:: مستعجل ليه
مش مستعجل والله

دي بس شوية اسئله كده تتسلى بيهم لغاية ما افضى واجهز لك اسئله جامده
الله المستعان

حصلك مقلب قبل كده ولو هو ايه ( احكي بالتفصيل )
بجد عمال ادور اني افتكر مقلب مش فاكر بس اديني بفكر اهو
امممممم مافيش اي حاجه جايه في دماغي دلوقتي والله
ايوه
وانا صغير خالص كنت عند خالتي وكان ادام البيت عندهم بحر
المهم ابن خالتي قاللي بص يا محمد على اللى ماشي في الميه
وأول ما بصيت راح راميني في الميه وانا ما كنتش بعرف اعوم وقتها
بس الحمد لله نط ورايه جابني

عملت مقلب في حد قبل كده ( برضه بالتفصيل )
بجد مش فاكر حكاية المقالب دي قليل اوي لما تحصل معايه او اعملها في حد
لو افتكرت في اي وقت هبقى اكتبها

عشان انت اصغر اخواتك انت مدلع ولا مش واخد حقك
اه مدلع بس كان زمان الدلع ده دلوقتي بقا يعتبر انا المسئول عن البيت نوعا ما

مفيش حد خالي من العيوب ايه العيوب اللي مضايقاك في نفسك وايه اللي نفسك تغيره
نفسي الناس تفهمني من اول ما يعرفوني علشان دي بجد بحسها
في ناس كتير اوي بعد ما يعرفوني يقولولي احنا كنا كارهينك
بس طلعت حاجه تانيه خالص

ونفسي كمان ارجع ملتزم زي الاول لاني بجد دلوقتي مش راضي عن نفسي

نفسي يكون ليه طولة بال على المذاكره

اوصف شخصيتك بكل وضوح
طيب , لو حد يعز عليه زعل من اي حاجه حتى لو مش مني بكون مدايق
وبققى عاوز اعمل اي حاجه علشان اسعده وكنت زمان بدايق اوي لما ازعل من حد وكنت بحاول بأي طريقه اني اصالحه حتى لو هاجي على نفسي بس دلوقتي لو حسيت ان اللى ادامي كارهلي الخير او حتى مدايق مني بجد بيشوف معامله تانيه خالص ودي من ضمن الحاجات اللى رجعت بيها من الاسماعيله اني ما ابكيش على حد مش باقي عليه ,

بحب اتعرف على الناس جدا والحمد لله اجتماعي نوعا ما والحمد لله ليه شعبيه في كل مكان

مين اصحابك المقربين
كتيييييييييييييير جدا
1-معاذ , 2- محمود مصطفى , 3- ايهاب , 4- محمد علي , 5- مصطفى رمضان , 6- مصطفى عبدربه , 7- ياسر , 8- احمد لطفي , 9- احمد حمدي , 10-ابراهيم صالح ,
كفايه كده وعلى فكره دول من اقرب الناس بس من كزا شله يعني في الكليه وبره الكليه

اختار خمسه من اصحابك واديهم لقب او وصف
معاذ : sadbird
محمود مصطفى : المحترم
ايهاب : البوب
محمد علي: فلفل
مصطفى عبدربه: مبرمج الفيوم

اختار خمسه من المنتدى برضه واديهم لقب او وصف
بسام: الرومانسي
عمرو: دكتور المستقبل
ساره : مشرفتنا الرزينه جدا
حماده :العاطفي
طه: ابو دم خفيف
عصام: ابو عقل كبير
ضياء: الهادي

كفايه كده عشان مش فاضيه لما ارجع هأجهز لك اسئله كتييييييييييير
يا سلام على فكره انا دماغي اتعصرت
ربنا يستر من الباقي

'طيب سؤال مني بقى بس اتمنى انك تكون صادق

فاكر اخر مرة فين رحت.............ليه مردتشي

لو في مشكلة يا ريت اعرف مو احب اكون مسبب مشاكل اوكي

كمان

ENG_TAHA RASHAD كتب:: نكمل على باقي اسئلة طه علشان ما نقدرش نزعله

س/مــن الاعضـاء الذي تـسعد عند تــواجـدهـ في مواضيعك ....؟؟

بصراحه انا بكون سعيد لما الاقي الموضوع عجب الناس وانها استفادت منه

اما ناس معينه بكون سعيد لما الاقيهم في مواضيعي تقدر تقول كل المنتدى

س/من العــضؤ في نــظرك أحسن مواضيـع...؟؟

هي في حاليا عضو لسه جديد بس منزل شوية مواضيع جامده وهو البشمهندس ناصر

اما الناس التقيله في المواضيع فا هما كتير على سبيل المثال لا الحصر

سيادتك وحماده وبسام وساره

س/ من العضـؤ أخلاق رائـعـه ...؟؟

amrmabrouk

س / كلمه مختصره لاعضاء المنتدى ولتكن نصيحه او عتاب ؟؟؟

بالله عليكم لا تمطرونا بالمواضيع علشان نقدر نقرا كل موضوع ونديله حجمه

س / المنتدى الي تحب ان تشارك فيهـ ؟؟ ( القسم ) ؟؟

قسم الهندسه الكهربيه طبعا

ومن بعده الاغاز(الشطرنج)

عضو له فقدة.........

كولوبالي الزملكاوي العفش

عضوو خفيف دمـ .....

الزفت طه بتاع موضوع الصرصار

عضووو حبوووب .....

بسام

عضووو شخصيهـ .....

eng.essam

عضووو مغرور ......

ما اعتقدش ان في عضو مغرور

عضووو تقول له والله واحشتني مووووت ...

والله كلكم واحشني موووت

عضوووو تقول له اشتقنااااااااااالكـ .....

ضيااااااااااء

عضوووو تقول له الله لايحرمني منكـ .....

بسام

ماذا تعني لك ها الكلمااااااات ..؟؟
الراحهـ /اتمناها دوما

حبي /كلمه تعودت ان اقولها لاعز أصدقائي

النت / ادمان

العشقـ /من اركان حياتي

لونك المفضل ؟؟

الأحمر

مطربك المفضل ؟؟

محمد فؤاد

اغنيتك المفضلة ؟؟

حاليا اغنية عايز مني ايه (ساموزين

زمان ولا زالت اغنية القلب الطيب

مع اني قليل لما بسمع اغاني اساسا والله

وقت فراغك كيف بتستغله ؟؟
تقدر تقول يا اما على النت يا اما مع صحابي

هو الاسم المفضل لك .؟

محمد

كم مره سافرت للخارج ؟

سفر خارج البلاد ما فيش لكن سفر داخلي كتيييييير

الاسماعيليه طبعا

القاهره

الجيزه

الشرقيه

الغربيه

الاسكندريه

مرسى مطروح

الدقهليه(المنصوره

كفايه كده

من هــــو قدوتـــك في حياتـــــك ؟؟

قدوتي في الحياه هو شيخ قابلته في الاسماعيليه وهذا الشيخ اعتبره اعظم شخصيه قابلتها في حياتي واتمنى من الله عز وجل ان يكون بخير وعافيه وان يطيل في عمره وان يتذكرني بالدعاء

وآآآسف ع الاطالة ..... تحياااتي
ولا يهمك يا شقيق

كل سنه وانت طيب

معلش دول نكحبهم اسنانك وانتظرنـــــــــــــــــــــــــــــي
هوريك الشغل على اصوله يا محمد

ما بلاش هيجيلك يوم يا ظالم

محمد محمود محمد مسعود كتب:

محمد محمود محمد مسعود كتب:: بسم الله الرحمن الرحيم هبدا معاك الكام سؤال دول

بس ياريت يعجبوك وتجاوبنى عليهم بصراحة
انا كتبتهم لبسام بس لسه ما جاوبشى عليهم
يا جميل ولا يهمك
لو انت بتحب واحدة بس ظروفك الاجتماعية متسمحشى حتى ولو هتفاتحها فى الموضوع

هتعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما اتحطتش في موقف زي ده واتمنى ما اتحطش فيه بس اعتقد انها لو بتحبني وانا بحبها هعمل المستحيل علشان اثبت اني مش دون المستوى واكيد هكلمها بكل صراحه واعرفها ظروفي والله وقفت جنبي وشجعتني على اني ارفع من مستوايه يبقى خير اما لو لا قدر الله حسيت انها مش راضيه عن المستوى اللى انا فيه وبدات تتخى عني يبقى في اقرب محطه هركب قطار الوداع

لو فاتحتها: انت مترضاش على نفسك انك تكلمها من غير اهلها ما يعرفوا
طيب هتقول لاهلها ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هعمل اللى عليه وهروحلهم واشرحلهم ظروفي واكيد مش هروح الا وانا شغال او على اساس كويس من عوامل المعيشه زي الشقه مثلا ولهم الخيار في الرفض او القبول

لو سكت ومتكلمتش ممكن تطير منك لانها محترمة؟؟؟؟؟؟؟؟؟؟؟؟؟؟
ما انا هروح واتكلم اهوو

طيب لو انت واضع فى تصورك ان ظروفك ممكن تتحسن بعد التخرج وتشتغل
بس فى عقبة ان انت شايف ان والديك تعبوا وعايزين يسلموك الراية للاهتما م باخواتك جوازهم وتعليمهم
هل رايك سيتغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحمد لله انا الصغير يعني اخواتي هما اللى هيساعدوني

ولو افترضنا ان الموضوع مشى من الطرفين من ناحيتك واهلك وناحيتها واهلها لان ظروفها قد تتشابه معك وبما انك خاطب منذ الصغر ما رأيك فى طول فترة الخطوبة؟؟؟؟؟؟؟؟؟؟؟؟؟
لسه والله ما خطبتش ادعيلي اني اخطب قريب

وما هى المدة التى تراها مناسبة لكل اتنين من وجهه نظرك؟؟؟؟؟؟؟؟؟؟؟؟؟؟
والله المده ما بتفرقش
لاني اعرف واحد قريب ليه جدا جدا تقدر تقول من وهو في اولى هندسه كان مرتبط
ودلوقتي الحمد لله اتخرج واتجوز

كفاية عليك كده ونبقى نتكلم فى الكلية
كفايه ليه يا محمد
ده انت هتشوف مني الغاز شطرنج
ابقى قابلني لو حليتهم كلهم
ههههه
الاسئلة دى بردو هسألها لكل واحد هيقعد على الكرسى
ماشي يا عم اديني اتخدت على خوانه من غير ما اكون مجهز ونفسي وبعدين روح يا شيخ الله يسامحك ده انت عيشتني في جو اني فعلا حبيت واحده اعلى ني في المستوى ومش عارف اعمل
بس حلوه يا صاحبي
وليك يوم يا مفتري
فجهز نفسك يا بشمهندس محمد للاجابة

sara mostafa كتب:: ماشي يا محمد جاوبت اسألة الناس كلها ومجاوبتش على اسألتي

حااااااااااااااااااااااااضر

انتظرني بس لما افضى

انا اقدر يا بشمهندسه والله كل ما في الموضوع اني ما اخدتش بالي من الاسئله بتعتك على العموم اديني جاوبت عليها

بس خليكي رئيفه بينا شويه في الاسئله

demo كتب:: السلام عليكم ورحمة الله وبركاتة
وعليكم السلام ورحمة الله وبركاته

اهلا بيك فى الكرسى ويارب نكون خفاف عليك وما نكنش دمنا تقيل
اهلا بحضرتك في الموضوع
ما اعتقدش ان في حد دمه تقيل في المنتدى

اولا انا هحتك فى كام موقف كده وانت قول هيكون رد فعلك اية
الله المستعان

الموقف الاول لو اكتشف ان بنت من قريبك مصاحبة ولد والبنت دى قريبة ليك هتعمل اية؟؟؟
هكلمها في الاول بكل هداوه علشان اعرف ايه الموضوع ثانيا هتاخد كلمتين في اجنابها مع تحذير بتبليغ الاهل وطبعا معاملتي هتتغير معاها لحد ما تصلح اللى هي فيه ولو اتكرر تاني هيكون رد فعلي زي الزفت بلاش اقوله لاني في اوقات بفقد السيطره على نفسي ودي من ضمن الحاجات اللى تخليني افقد السيطره على نفسي

الموقف التانى لو شفت بنت من بنات دفعتك بتتخانق فى الشارع هتعمل اية؟؟؟
والله لو هي محترمه وتستحق هقف معاها برقبتي زي اختي بالضبط او حد قريبي
اما بقا لو لا سمح الله وكانت البنت دي مش كويسه ما اعتقدش اني هقف معاها خالص

الموقف الثالث لو عرفت ان فى حد نصب على ولدتك وانت عارفة وعارف مكانة هتعمل اية؟؟؟؟
شكلك كده عاوزاني ابين الجزء الوحش اللى فيه
بس في الحاله دي ممكن يتشطب اسمه من الدنيا

الموقف الرابع لو سمعت صوت غريب جدا فى بتكم وحسيت ان فى حد غريب فى الشقة وكان بليل الوقت متاخر هتنام ولا هتشوف فى ايه؟؟؟
لا طبعا مش هنام لازم اشوف في ايه وعلى فكره انا الحمد لله ما بخافش من اي حاجه مهما كانت

دول طبعا فى البداية الجاى فى الطريق
يا ريت ما اكونش تقلت عليك
لا خالص بس اسئلتك غرييبه جدا والمشكله ان كلها اسئله حساسه جدا

ونهاية الكلام ده كله ديما لما كنت بتسال زي الاسئله دي من ناس صحابي

ديما كنت بقولهم
دع القدر يفعل ما يشاء ودي بقا اجابه لكل الاسئله اللى فوووق

» colopaly على كرسي الاعتراف
» مين علي كرسي الاعتراف؟؟؟؟؟
» ASA على كرسي الاعتراف
» اتش اتش اتش على كرسي الاعتراف
» فور ام على كرسي الاعتراف