شريك حياتك

ياعم انت احنا خلصنا بتاع السياسه اما تفتح نقاش جديد هسد عليك منين انا بقي
فهمني
يابويا عليك

هو لازم الواحد يكون عندة قواعد يبنى عليها بس لازم يراجع الحاجات دى كل فترة لانة بيكبر ويتعلم

ويعنى نا من رايى انة تكون عندة علشان لما ييجى وقتها يكون جاهز مش يقعد يفكر هيعمل اية

وشروط الاختيار يعنى محدش كامل بس زى ما قال حبيبى صلى الله علية وسلم

فاظفر بذات الدين تربت يداك

وبعد كدا تيجى باقى الصفات

الموضوع جامد جدا تسلم ايدك عليه يا بشمهندس
انا شايف اننا وصلنا لمرحله عمرية لازم نكون قدرنا نحدد
هدفنا ايه وبنفكر ازاي ولما ييجي وقت الخطوبة هفكر بناء على ايه
وانا رايي زي ما قال رضوان عن النبي صلى الله عليه وسلم
فاظفر بذات الدين
واي حاجة تانية ممكن تتعوض الا دي
وطبعا كل واحد لازم يكون محدد شروط ثابته للانسانه اللي هيختارها

انا متفق معاك تماما يا حسام
وكويس انك اتكلمت على المستوى التعليمي
لاني نسيت اتكلم عنه في ردي
فالمستوى التعليمي للاتنين لازم يكون متقارب
لانه مش مجرد شهادة ده بيساعد على تكوين عقول الاتنين
ولو كان فيه فرق علمي وثقافي كبير
ممكن يكون التفاهم صعب شوية بينهم

اكيد مش بتلقي الي في دماغك اصلا زي ما انت عاوزه بظبط
بس انا عن نفسي اولا ثم اولا ثم اولا التدين
ثانيا تكون عاقله علي مستوي علمي كويس ومش شرط المستوي العلمي تكون شهاده يعني من الشهادات العليا لا
ياما كتير معاهم شهادات ومش عارفين حاجه
وانا مش بفكر في الجمال كمقياس اساسي عندي بس اكيد تكون مقبوله
دول اهم شروط عندي في اي حد افكر ارتبط بيه

بصراحه انا مش حابب طريقه الارتباط بواحده معرفهاش يعني حوار الخاطبه ده ومش عارف ايه
وتروح لوحده عمرك ماعرفت عنها حاجه
اما بالنسبه للجمال اه انا متاكد واسال اي حد من الي قريبين مني هيقولك اني ديما دي كلمتي
انا عمري مادورت علي الشكل
ايه رايك لو خدت واحده جميله جدا ملكه جمال العالم شخصيتها فاضيه تافه يعني معندهاش جوهر جواها بجد هتتعب معاها
انما لو اخدت واحده جواها شخصيه ومعدن مقبوله مش جميله اوووي انا عن نفسي اعيش مع التانيه سعيد جدااااااا من الاولي
المشكلة في الجوهر مش الشكل ولا المظهر


وبعدين ياهندسة لولا الاختلاف في الاذواق لبارت السلع ولا ايه
جايز الي مش جميله من وجه نظرك جميله من وجه نظر واحد تاني وهكذا

توبيك حلو اوي

هدخل في الموضوع علي طول

اولا يكون انسان علي خلق ودين عارف واجباته كزوج واب ويكون محترم

ثانيا يكون من عيله كويس ومش قصدي بعيله كويسه انه يكون ابن رئيس وزرا يعني لا عيله محترمه وناس كويسين

ثالثا يتحمل المسؤليه ويكون راجل جدع بجد يشيل مسؤليه بيته ويعرف يحترم مراته ويقدرها ويشاركها اهتمامتها

رابعا ميكونش بيدخن

خامسا ميكونش عصبي لدرجه انه يخنقني وميكونش هادي لدرجه البرود لا يكون عنده درايه بالامور وبالمواقف ويعرف يحلها ازاي


سادسا يكون غيور ويخاف عليا حتي من نفسه ويحافظ علي بيته واسرته

سابعا يكون دمه خفيف كده مش كئيب

ثامنا يكون عايزني زوجه لشخصي انا مش لاي سبب تاني يبقي عايزني انا اللي اكون زوجه ليه ومش حد تاني

تاسعا مثقف وفاهم الحياه ماشيه ازاي

عاشرا شكله يكون مقبول

الحادي عشر يكون عنده احساس شويه ويفهمني ويعرف يتعامل معايا كويس

الثاني عشر يكون بار بوالديه وبيصل رحمه ويعيني انا كمان علي ده

ملحوظه الترتيب مش علي حسب الاولاويه لا اللي بيجي في دماغي بكتبه ورا بعضه

سمسمه
هنفصلك واحد بقي ياعثل
شروط زي الفل

بالنسبالي بقي عاوزه حد يكون متدين اولا
وتاني حاجه بقي بيكملني
يعني عيوبنا مش واحده

لا ياريم انا مش عايزه واحد تفصيل بس بتمني ان الاقي الصفات دي وافتكر انها حاجات بسيطه يعني

وبالنسبه يا صن لمستواه التعليمي اي حاجه المهم انه يكون مثقف وعلي درجه علميه اما اكبر مني اما زي انما اقل هتبقي الحياه ما بينا صعبه شويه ومش هيبقي فيه مجال للتفاهم
بس المهم انه يكون مثقف وفاهم الحياه كويس

ماشي ياسمسمه
يارب تلاقي اللي تتمنيه يارب

هههههههههههههههههه ما افتكرش

مش قلتي اعتقد حاجات سهله
يبقي هتلاقي ان شاء الله

منا اعتقد انها سهله
بس لا اعتقد اني هلاقيها
ربنا يستررررررررررررررررررررررررررر