تعليق ممدوح فرج

الدخله:-

الموسيقة شغاله وراجل داخل وبيقول: اهلا بحضراتكم فى الاستوديو التحليلى
بتعنا النهاردة ونشوف ال index بتعنا النهاردة
"وهو ميعرفش يعنى ايه index "

طبعا بعد ال index هنسخن مع حضراتكم بماتش" لشاك بالمبو" و"شون وانج يانج"

شاك بالمبو الراجل دة مصارع قديم قوى .وبيلاعب مصارع انا بتنبأله بمستقبل عظيم

وابتدى الماتش وشايفين "بالمبو" بيضرب "يانج" وهبا حدفوا ع الكورنر وبيديلو برجلو

وشايفين "يانج"طالع عشان ينط . وهبا تافويته .ياراجل "بالمبو"لسه صاحى

"بالمبو" عايز يعمل ايه ؟ دة نزل بيه ddt "وهى slam اصلا"

وبيعد .. واحد اتنين مينفعش ماينفعش

قام "يانج"وحدف "بالبمو" ع الكورنر . هوبا خطفة وخطفة كمان .... سريع اوى "يانج"

وطلع ع الكورنر و شكلو هينط عليه من الدور التالت " امال طالع يشم هوا فوق"

وهبا ناطه جميلة واحد اتنين ثلاثة كسب "يانج"

لا دة لسه فكها فى العدة التانية

"وفى باله:لازم اقول ايه حاجة عشان مابينش انى ....."

الحكم دة بطئ كان زمان "يانج " كسبان

قام" شاك بالمبو" ورفع "يانج" لفوق ايه هيرمية ولا ايه "امال مطلعه فوق عشان يفسحة"

هبا قلب المسكة والحكم بيعد واحد اتنين تلاتة ... هيهيهيهيهيه كسب "يانج" الماتش

----------------------------------------------------------------------------------------------------

شفنا مع حضراتكم ازاى "يانج" قلب المسكة وكسب

ماتش مش وحش

ناخد تليفون:- محمد من القاهرة

دوحا: ازيك يا استاذ محمد ؟

محمد: "يطلع عيل صغير" ازيك يا كابتن ممدوح انا بحبك اوى والله

دوحا: وانا كمان يامحمد . تحب تتفرج على مين؟

محمد: انا عايز اشوف ماتش ميستريو

دوحا: يا محمد هجبلك ماتش ليه "وطبعا بينفض ولا بيجيب حاجة"

محمد: ممكن اخويا يكلمك؟؟

دوحا: طيب مع السلامة يا حبيبي " ويعمل باى باى بأيدة ويعدل النضارة بعديها"

---------------------------------------------------------------------------------------------------
فقرررررررررررررررة اعلانية ونررررجع لبعض تانى

والموسيقة تشتغل تانى وتلاقيه حاطط صورته وسط ترابل اتش وسينا وباتيستا
قال يعنى واخد حزام "wwe world heavy wight champion"

وبعد الفاصل:- اهلا بحضراتكم مرررررة تانية

هنشوف دلوقتى ماتش بين " اوماجا" و" باتيستا"

لا فى تليفون الاول معانا سها من الجيزة

دوحا: اهلا يا سها

سها: اهلا ياكابتن ممدوح . انت متعرفش ولادى بيحبوك ازاى

دوحا: وانا بحبهم والله "قال يعنى شافهم قبل كدة"
عايزة تشوفى ماتش لاى حد

سها: ايوة ياكابتن انا عايزة ماتش ل "سينا" و "خليل" (((Khali)))

دوحا: حاضر هاجبليك ماتش لخليل.. باى باى يا سها

نشوف بقا ماتش "اوماجا " بولدوزر مع افضل جسم فى الاتحاد دلوقتى "باتيستا"

"اوماجا" دة من عيلة "راكيشي" هما من جزيرة "ساموا" تلاقيهم كلهم تخان خصوصا من .....

الوحيد اللى ضرب فى العيله دى هو "الروك" بس ضرب للاحسن جسم وشياكةوبيشد الجمهور
بس هو دلوقتى ساب المصارعة ومهتم بالتمثيل " معلومة جديدة اول مرة اعرفها"

نشوف مع بعض الماتش:-

هبا ضربوا فى بعض دى بقيت خناقة . شايفين" اوماجا" بيخبط فى "باتيستا" وحدفوا على الكورنر
بيضرب "اوماجا" بأيدة دى مش ايد دى شومة .. ولسه بيخبط فيه

هبا "باتيستا" قاله تعالى انت .. وبيضرب "باتيستا" شولد فيست وشولدر فيست تانى

وشايفين "باتيستا" راجع لورا عايز يعمل ايه . هيجرى عليه ولا ايه!! و"اوماجا" حاطلو رجله
لسه المصارع بيبقى صاحى . فمينفعش اللى باتيستا بيعمله دة

"اوماجا" حدف" باتيستا" ع الكورنر عايز يعمل ايه وهبا عمله همبرجر .. وماسكه من رقابته

و "باتيستا" مسك ايده وبيقوله انت هتعمل ايه ياراجل و "باتيستا" هوبا دة شالو باور سلام
.شال الميزان دة كله .قوى "باتيستا"

هبا واحد اتنين مينفعش مينفعش "والماتش طبعا خلص وباتيستا كسب وهو فى الباى باى"

دة كسب . "باتيستا" كسب الماتش

الموسيقى العقيمة تشتغل

الحركة اللى "باتيستا" عملها دى اسمها "باور سلام" باشيل المصارع وبنزل بيه بيحس بكهربا

-------------------------------------------------------------------------------------------------المباراة التالته معانا النهاردة هيا "big daddy v" ضد "kane"

ناخد الاول تليفون :- معانا اسلام من القليوبية

دوحا: ازيك يا استاذ اسلام

اسلام: ازيك يا كابتن ممدوح . والله انا بحبك اوى وكل اهل القليوبية بيحبوك

دوحا: سلامى اليك ولكل اهل القليوبية
عايز تشوف ماتش لحد

اسلام: ايوة ياكابتن انا عايز ماتش "تيتو سانتانا" ضد "جاك ذا سنيك روبر"

دوحا: دة ماتش قديم . حاضر هجبهولك فى ال "اوول سانداى"
مع السلامة يا اسلام

"تيتو سانتانا" دة انا لعبت معاه شخصيا هنا فى مصر فى استاد كلية الشرطة
كنا تاج تيم "انا وهو ضد حمص ابن عمى وسيد كلاوى اخوه"

نشوف مع بعض الماتش بتاع "bdv" و "kane"

"bdv" الراجل دة رشيق جدا .شايفين العضلات عامله ازاى . واقف اهوة مستنى "kane"

وهبا الحلبه بتولع مين دة "اكيد كين ايه الزكاء دة" . دة كين دة بيقوله انا هاحرقك

ابتدى الماتش ودخل كين . بيخط فى "bdv" وبيديلوا "upper cut" مفتوحة . حدفوا ع الكورنر
بيضرب برجله فى الميزان ده كله . قوى اوى "kane"

بيصد "bdv" وبدل الماسكه . بقى دلوقتى "كين" على الكورنر... و "bdv" بيقول للمشاهدين "هسسس"
هوبا بيبص لايده مستغرب اوى . واداله مانشت صعب اوى. دة بينفض سجادة

المانشت دة بيطلع كل اللى فى الصدر .. لسه بيخبط "bdv" وبيدي لكين "headboat"
وراجع لورا وهبا عمل بريسسا عليه فى الكورنر . الحركة دى ملهاش اسم فى المصارعة
"همبورجر". كين دلوقتى مش لاقى نفسه

و"bdv" بيحدف كين على الحبل . وكين اداله برجله . صاحى الراجل دة. قوة تحمل رهيبة
وكين بيديلوا "upper cut" هو واندرتيكر هما اللى بيعملوها

وكين شال "bdv" وبيتمشى بيه شوية وهبا "شوك سلام" وكين بيلعبله ايدة

هبا "الكماشة" قفلت على "bdv" ومش هتفتح تانى وشالو سلام بأيد واحدة . شوف قوة كين
بيشيل الميزان دة كلو سلام بأيد واحد

بيعد واحد اتنين تلاته وكسب الماتش كين . شيفينوا فرحان اهوة كسب بمجهود عالى

ومين اللى داخل دة ؟ دة "mark henry" بيضرب كين . متغاظ منه . وادالوا "head boat"
وشالوة ورماه برة الرينج .

"الكاميرا بتقرب من وش هنرى" وشايفين وش الراجل ده وشه جميل
هيهيهيهيهيهيهيهيهيه

خلص الماتش. بقول لحضراتكم "هنرى" دة كان داخل فى مسابقة اقوى رجل فى العالم
كان بيشيل حديد وعربيات وانتقل للعب المصارعة حاليا



فقرررررررررررررررررة اعلانية ونرجع لبعض تانى

والموسيقة تشتغل

بعد الفاصل تشتغل الموسيقة ويقول:-

اهلا بحضراتكم مرررررررررة تانية

دلوقتى هناخد تليفون :- محمود من بنى سويف

دوحا: ازيك يامحمود

محمود: ...............................

دوحا: انت روحت فين يا محمود

محمود: الو............

دوحا: ايوة يا محمود اتكلم . قول
"تلاقية مأجرة ووبيقوله قول اللى انت حافظة"

محمود: ايوة يا كابتن ممدوح . ازيك ياكابتن

دوحا: انا الحمد لله زى الوحش قدامك اهوة . عايز تشوف حاجة لحد

محمود: انا عايز اشوف ماتش لبنوا

دوحا: حاضر هجبلك ماتش لبنوا . مع السلامة

اهوا بنوا دة كان مصارع عشرة على عشرة وكويس ان محمود فتح الموضوع

وبقول لكل شبابنا اللى بيخدو "الديسترويد"و "اس ار" وكل الحاجات دى

شايفين بنوا و جاريرو و بام بام بيجلو كلهم ماتوا من الحاجات . بيبقى المصارع عايز
يعمل عضلات .ويبقى جسمه شياكة

بس الادوية دى بتضعف عضلة القلب . بتسد الشرايين وبعدين الواحد يروح فى الباى باى

نشوف بقى ماتش جميل:-

mr.kenneeeeeeeeeeedy و عجوز الحلبة ric flair

نروح نشوف مع بعض اية اللى هيطلع من الماتش

وقول ما "مستر كينيدى" يدخل يقول : مسترررررررررررر كينيدى

وبعدين لما "فلير" يخش يقول: wooooooooo ويصوت فى الاستوديو

عجوز الحلبة "ريك فلير" الراجل دة بيقول انه عايز يموت على الحلبة
مش هيبطل مصارعة ابدا "اصلوا لسه كانوا قاعدين على القهوة امبارح"

وابتدى الماتش .شايفين ريك فلير بيستفذ"كينيدى" وبيعمل ماشيتة اللى معروف بيها
وبيقوله "wooooooo" الكلمة دى بتهيج الجمهور

تلاقى الجمهور كاتبين "w" وخمسين "O" . مسيطر "كينيدى" على الماتش من البداية

و"فلير"قلب الماسكة وبيديله مانشت ايه . موسيقة جميله. "فلير" دة احسن واحد يضرب
بأيدة مانشيت "امال هيضرب مانشيت برجلو"

ومانشت تانى.و"فلير" مسك "كينيدى" من رقابتة. و "كينيدى" بيفك الماسكة وبيحدفوا على الحبل

واداله "elbow" و "كينيدى" نازل يجيب حاجة من تحت الحلبة .

هيهيهيهيهيه طلعله "هورنس وجل" القزم الصغير . وفلير نزله بيديلو منشتات

طلعوا فوق . فلير مسيطر دلوقتى وماسك رجل "كينيدى" هيعمل ايه . الفنش بتاعه ولا ايه

اهوة عمل "المشبك" مش ممكن الحركة دى . اهوة "كينيدى" مش قادر يستحمل
وسلم خلص الماتش وكسب اسطورة المصارعة "فلير"