هل نحن نعشق الحزن ام الحزن يعشقنا ؟

فهل يا ترى هل نحن نعشق الحزن ام الحزن يعشقنا؟؟؟؟
والله مانا عارفه بس اعتقد ان لاده ولاده
موضوع جميل جدا يا سارة ربنا يخليكى لينا وللمنتدى يارب
مرسى كتير ليكى

بصى هى نصيب يا سارة يعنى ممكن الواحد نفسه يعيش سعيد لكن الدنيا مش مدياله فرصه يفرح
والعكس ممكن حد يبقى معندوش اى مشكلة لكن بيتلكك على اى حاجة

بس راى مهما الانسان حزن يحاول يخلق لنفسه حاجة تفرحه

شكرا يا سارة على الموضوع الجاااااااااااااامد

هناك أشياء كثيرة تروي غابات الحزن في داخلنا

وتزرع الألم في أعماقنا تشعرنا بالأسى الشديد الذي يشل تفكيرنا

sara mostafa كتب:

بجد شكرا على مروركم
وردودكم الجميله دي
انا بقا شايفه ان فعلا الظروف واوقات اختياراتنا برضه هي اللي بتحكم علينا
مش احنا اللي بنختار لان اكيد محدش نفسه يبقا حزين ابدا
وانهارده سمعت كلمه في فيلم زكي شان عجبتني جدا
حسن حسني بيقول لاحمد حلمي
متخليش حزنك يويديك في طريق متعرفش ترجع منه تاني
اهم حاجه اننا منستسلمش للحزن ونتمسك باي شعاع ولو بسيط يخرجنا منه

كلام جامد جدااااااااااااااااا
وعندك حق يا ساره
وانا الحمد لله مش بستسلم للحزن ابدا
ومرسى مرة تانيه على الموضوع

انا بقا رايى مختلف عنكم لانى احنا اللى بنعمل الظروف
والجو والحياه اللى احنا عايشينها مش هى اللى بتعملنا وال
مكنشى حد خالص قدر يصعد بمستواه لكن بالنسبه للماضى واننا نفتكره
اولا مفتكرشى انى فى حد منا معداشى على ماضى صعب ومليان بالاسوه والحزن
بس اهم حاجه اننا ننسى الماضى بكل متعلقاته ولو افتكرنا نفتكر الحجات الحلوه واللى
بتدى لينا دفعه لقدام ده غير انى الماضى ده خلاص شى انتهى ولو افتكرناه
مش هيرجع اى شى طب لما مش هيرجع نفتكره ليه ونتعب اعصابنا بيه
وكمان احنا نحاول بقدر المستطاع نخلى نفسنا سعداء لانى السعاده الحقيقيه فينا مش بتجيلنا
ولو انتظرناها طول عمرنا مش هتيجى ابدا لكن زى ما قلت السعاده فينا وفى انجازاتنا ونبحث عن السعاده بداخلنا ومعتقدشى انى احنا بنعشق الحزن ولا العكس لكن دايما الانسان بتجيله اوقات صعبه عليه بيطلع فيها اى كلام بيكون مدايقه ده رايى المتواضع
واسف على الاطاله