sunlight على كرسي الاعتراف

معنا على كرسي الاعتراف لهذا الاسبوع
عضو رااااااااااااااااااااااااااااااااااااائع
في كل شئ
عضو هادئ
شاعر
ملتزم
عضو له مني ومن الجميع كل احترام وتقدير
معنا على كرسي الاعتراف لهذا الاسبوع ابتداءا من اليوم الاحد
العضو














sunlight
يلا يا بشمهندس معلش بقى جت فيك
يلا يا اعضاء المنتدى الكرام اثبتوا كرمكم للبشمهندس صن

انا هرحب بية بس ونشوف هنعمل اية بعدين



الف حمد لله ع السلامة وان شاء الله كرسى مولع

منورالكرسي يا باشمهندش رغم اني مش بشارك بس مش ينفع تبقي علي الكرسي ومش اسالك


عدد اصدقائك كام ؟

عقبه قابلتك ف حياتك وتجاوزتها بنجاح؟

ايه هي اسوأ عيوبك اللي نفسك تغيرها

لو كان معاك مليون جنيه ولازم تصرفهم ف 3 دقايق هتصرفهم في ايه؟

لو الفت كتاب هتسميه ايه؟

لو مكنتش دخلت هندسه كنت تحب تكون ايه؟

سؤال الاعضاء بقي

تعطي مين الألقاب دي من اعضاء منتدانا ؟؟
- العضو النشيط .
- أمير المنتدى .
- وردة المنتدى .
- العضو الغائب .
- الصوت المسموع .
- نحلة المنتدى .
- قلب المنتدى .
- العضو الموهوب .
- العضو الصديق .
- روح المنتدى .
- ابتسامة المنتدى .

لمن تهدي هذه الالقاب داخل المنتدي فقط

المتميـــــــــــز /ة


المبـــــــــــدع/ة


الراقـــــــــي/ة


طيب/ة القلـــــب


الشــــــاعر/ة


الحنـــــــــــون/ة


خفيــــــــف/ة الدم


الصــــــــادق/ة


الصــــــــريح/ة


المهضــــــوووومة




الذكي/ة



قوي/ة الشخصيـــــــة



المحتــــــــــــرم/ة
ايه الكلمات اللي بتقولها لنفسك وبتحفذك كتير؟


ايه المكان اللي عايز تسافر ليه؟

لو اخدت جائزة نوبل تحب تاخدها ف اي مجال


توجه الالقاب دي لمين من الاعضاء

مثقف
ذكي
طموح
عسل
ذوق
خفيف الدم
رخم
شقي
اناني
صادق
هادئ
متواضع
رائع
طفولي
غموض
هدوء
مرح
خشونه
حب
نشاط

_ما هي اصعب كلمة وجهت اليك وممن كانت
_ما هي الطريقة التي تعبر بها عن غضبك ؟؟؟


اجمل بلد زرتها ؟
ماهو لونك المفضل ؟
منهو مثلك الاعلى ؟ماهي حكمتك بالحياة ؟

ماالذي يحزنك؟
ماالذي يغيظك ؟
ماالذي يفرحك ؟
افضل شخصيه في رأيك؟


ايه هو الشىء اللى لحد دلوقتى بتندم عليه؟

كيف تفرح؟


ما معنى الاستقرار النفسى بالنسبه ليك؟

ايه هى هواياتك؟

مين بين الاعضاء لفت نظرك؟

هل تخاف الموت؟

لو قالوا لك نرجع للماضي فماذا ستأخذ معاك؟

بتذاكر كويس؟

لما بتحس بالظلم تروح لمين بعد ربنا؟وتعمل ايه؟

هل ممكن تعترض على تصرف لحد اكبر منك فى اسرتك؟

عمرك فى مره حبيت تغير حياتك بالكامل؟

ايه هدفك فى الحياة بعد كده؟

ما هى وجهة نظرك فى الرئيس القادم لمصر؟

هل تؤيد البرادعى؟

- موقف محرج حصلك في حياتك ؟؟؟


- احسن سنه كانت بالنسبه لك ايه و ليه ؟؟؟


- ايه الاهم الكرامه ولا الحب وليه ؟؟




-هل من الممكن ان تنزل دموعك أمام شخص ما ؟؟

-لو اخترت أحدا يمسح دموعك فمن يكون/تكون؟؟؟؟


-يقولون اللى بعيد عن العين بعيد عن القلب هل هذا القول صحيح؟؟


-ايهما عندك فى المقدمه قلبك أم عقلك؟؟؟


-يقولون ابتسم تبتسم لك الدنيا ما رأيك؟؟؟وهل من الممكن أن تبتسمك الدنيا حقا ؟؟


ايهما تختار ان تعيش مع شخص يحبك ام مع شخص انت تحبه؟؟؟


قولنا رايك ف الاعضاء دي بقي ميزات عيوب كل حاجه

سارة

محمد جمعه

بسام

اسامه

بلال

ديمو

ريم

عاشقه الجنه

دلوعه البنات

جوجو

نو بدي

اني عبدالله

سمسمه

احمد رضوان

-لمن توجه هذه الكلمات
كلمه حب:
كلمه اعتذار:
كلمه عتاب:
كلمه شكر:
-موقف جنوني عملته في حياتك؟

-موقف مريت بيه وتتمني ان يتكرر مره اخري؟

-كلمه سمعتها ودايما علي بالك ومتقدرش تنساها؟

[quote="سمسمه"]منورالكرسي يا باشمهندش رغم اني مش بشارك بس مش ينفع تبقي علي الكرسي ومش اسالك
[font=Arial Black][color=blue]
ده نورك يا انسة سمسمة وانا كمان بالرغم من قلة الزيارات للاعضاء لاسباب اظنها تتعلق بالامتحانات فربنا يعينهم الا اني كمان مش ينفع تسالوني ومش اجاوب
عدد اصدقائك كام ؟
7
عقبه قابلتك ف حياتك وتجاوزتها بنجاح؟
الحياة مليانة عقبات ولولا العقبات ما احسسنا بقيمة النجاح ولا بقيمة الحياة اساسا المهم الانسان ما يكونش سلبي ويتعامل بايجابية مع كل العقبات اللي تقابله
اذكر احد العقبات اني كنت متقدم للعمل في مكتب استشاري في بلد خليجي وكان مطلوب انك اتكوني اكسلنت في الانجلش وبتعرفي برامج هندسية كويس جدا والمهارات دي ما كانتش متوفرة عندي لاننا كنا متخرجين يا دوب على قد اللي درسناه حاجات قليلة اوي وزيي زي اي حد متخرج من الجامعة الانجليش بتاعه صعيدي ومش بيعرف يتكلم والحمد لله تغلبت على الموضوع ده في وقت قياسي ورحت واتعملت الانترفيو بالكامل قدام اتنين مش بيعرفو حرف عربي وربنا كرمني وتجاوزت الموضوع ده واشتغلت بالمرتب اللي انا طلبته
ايه هي اسوأ عيوبك اللي نفسك تغيرها
التردددددددددددددددد

لو كان معاك مليون جنيه ولازم تصرفهم ف 3 دقايق هتصرفهم في ايه؟
مش هلحق في 3 دقايق لو تديني يوم ممكن اقولك
لو الفت كتاب هتسميه ايه؟
هسميه كيف ننقذ بلادنا
لو مكنتش دخلت هندسه كنت تحب تكون ايه؟
كنت احب اكون طيار
سؤال الاعضاء بقي

تعطي مين الألقاب دي من اعضاء منتدانا ؟؟
برغم اني مش اعرف كل الاعضاء الا اني هكتب اللي اعرفه مع احترامي الشديد لكل الاعضاء
- العضو النشيط .
اعتقد سمسمة تشاركها فيه عاشقة الجنة
- أمير المنتدى .
بلال
- وردة المنتدى .
مهندسة سارة
- العضو الغائب .
بسام وجوجو
- الصوت المسموع .
اسامة يشاركه فيه اني عبد الله
- نحلة المنتدى .
سمسمة
- قلب المنتدى .
دلوعة البنات
- العضو الموهوب .
اني عبد الله
- العضو الصديق .
اسامة
- روح المنتدى .
سمسمة
- ابتسامة المنتدى .
جوجو واسامة
لمن تهدي هذه الالقاب داخل المنتدي فقط

المتميـــــــــــز /ة
اني عبد الله والمهندسة سارة

المبـــــــــــدع/ة
لؤلؤة المحيط وسمسمة

الراقـــــــــي/ة
بلال

طيب/ة القلـــــب
اسامة وريم

الشــــــاعر/ة
الطاهر

الحنـــــــــــون/ة
سارة

خفيــــــــف/ة الدم
سمسمة

الصــــــــادق/ة
اني عبد الله

الصــــــــريح/ة
ريم

المهضــــــوووومة
دلوعة البنات على اعتبار اللهجة بقى



الذكي/ة
ديدو وجوجو


قوي/ة الشخصيـــــــة
اعتقد الطاهر واسامة


المحتــــــــــــرم/ة
كل الاعضاء هنا ماشاء الله محترمين

ايه الكلمات اللي بتقولها لنفسك وبتحفذك كتير؟
مش لازم ايأس الرسول قال "المؤمن القوي خير، وأحب إلى الله من المؤمن الضعيف. وفي كلٍّ خير. احرص على ما ينفعك، واستعن بالله ولا تَعْجَز .. وإن أصابك شيء فلا تقل: لو أني فعلت كذا، كان كذا وكذا، ولكن قل: قدَّر الله، وما شاء فعل، فإن لَوْ تفتح عمل الشيطان"
ايه المكان اللي عايز تسافر ليه؟
جزر المالديف
لو اخدت جائزة نوبل تحب تاخدها ف اي مجال
حب مصر لو عملو مجال فيها للحب
اكتفي بهذا القدر اليوم ونكمل في يوم اخر
شكرا على اهتمامكم

السلام عليكم ورحمه الله وبركاته
منور الكرسي ياباشمهندس

يارب يكون كرسي مريح يابشمهندس

بجد شكرا ع ذوقك والكلام الي قلته ف حقي و يارب بجد اكون قده

هبدأ بكم سؤال تسخين تفتح نفسك بس

اولا سؤالي المفضل الفرق بين بشمهندس صن وهو طفل ثم ف اعدادي ثم ثانوي و فتره الجامعه و بعد كده الحياة العملية ايه اللي اتغير فيك؟

ثانيا اكبر درس اخدته في حياتك ايه؟

ثالثا الحياه العملية بتعرفك اصناف بشر مختلفه اكتر حد شفته اثر فيك وازاي؟؟

واكتر حد اتصدمت فية ولية؟؟

رابعا شايف نفسك ازاي بعد 5 سنين ان شاء الله ؟

خامسا واخيرا حاجه عايز تقولها لحد و ياترى مين؟؟

يارب مكنش تقلت عليك وفاصل و نواصل ان شاء الله

واعتذر عن التأخير عشان ظروف الدراسه تمهيدي ماجستير بقي ادعولي

السلام عليكم

اه ومتشكر جدا على الكلام اللي حضرتك قولته عليا
وعلشان الكلمتين دول فانا هطلع جدع مع حضرتك ومش هنزل اسئلة تاني
هههههههههههههههههههههههههههههه
شوفت الجدعنه بقى

السلام عليكم ورحمة الله
مرة تانية بشارك للرد على الاسئلة واسف على التاخير
ده نورك يا مهندسة سارة والحمد لله فعلا الكرسي مريح ومتشكر على اهتمامك وان شاء الله ارد على الاسئلة
انا ما قولتش حاجة يا باشمهندس بلال وكويس ان الكلام عجبك وبكدة مش هتحط اسئلة تاني وبعدين بقى انت لسة ما اتعرفتش عليا ازاي دي كل معلوماتي على الفيس بوك وعموما هجاوبك ان شاء الله بعد ما اخلص باقي الاسئلة

نبتدي من حيث انتهينا المرة اللي فاتت
اسئلة الانسة سمسمة ربنا يكرمها يا رب ويقدرني اخلص ورقة الاسئلة وبعدين هقدم تظلم على طول الاسئلة وعدم كفاية وقت الامتحان زي امتحانات هندسة دايما وابدا

توجه الالقاب دي لمين من الاعضاء

مش هقدر احكم بالصفات دي لانها محتاجة احتكاك مباشر مع الاشخاص اللي بتوجهيها ليهم

_ما هي الطريقة التي تعبر بها عن غضبك ؟؟؟
هههههه
برسم 111
على فكرة هوا لو حد قدر يعرف ازاي هيعبر عن غضبه يبقى عدى مرحلة الغضب بدليل انو ادرك انه غاضب لان في وقت الغضب الشخص مش بيبقى عارف شكله ايه ولا بيعمل ايه عشان كدة الرسول صلى الله عليه وسلم اوصانا بالبعد عن الغضب عندما قال لا تغضب

اجمل بلد زرتها ؟
دبي
ماهو لونك المفضل ؟
الاحمر
من هو مثلك الاعلى ؟ماهي حكمتك بالحياة ؟
سيد الاولين والاخرين محمد رسول الله صلى الله عليه وسلم
علمت ان رزقي لن ياخذه غيري فاطمأن قلبي

ماالذي يحزنك؟
لما اشوف فيا وفي اقراني من العرب المسلمين سلبيات مش المفروض تبقى موجودة فينا
ماالذي يغيظك ؟
لما حد مش فاهم او مش عارف ويجادل فيما لا يعلم
ماالذي يفرحك ؟
مواطن الفرح كتيرة بالنسبالي زي مثلا
لما اشوف حد مصري مسلم حقق نجاح والناس كلها شافته
لما احس اني انجزت حاجة معينة
لما اشوف الناس اللي بحبهم كويسين وفرحانين
وفي اول الشهر لما تيجي المرتبات ههههههههههه
افضل شخصيه في رأيك؟
ما دام على الاطلاق يبقى بلا شك الرسول محمد صلى الله عليه وسلم

ايه هو الشىء اللى لحد دلوقتى بتندم عليه؟
لما اتنازلت عن حد في يوم من الايام
كيف تفرح؟
المظهر بيبان على وشي اوي وحتى لو بتكلم في التليفون اللي بكلمه بيعرف بسرعة اني فرحان
اما بفرح ازاي فالحمد لله ربنا بيكرمني باني احمده لما افرح والمصريين في الفرح مش بيتوصو ومش محتاجين ترغيب


ما معنى الاستقرار النفسى بالنسبه ليك؟
الاستقرار النفسي بالنسبة ليا عبارة عن حاجات
1- اكون مش بعصي ربنا واكون بطيعه
2-اني اعرف ان الناس اللي بحبهم كلهم كويسين الحمد لله ومش فيه مشكلة واكلهمهم واسمع صوتهم
3- العافية
4- ما يكونش فيه مشاكل في شغلي واحس اني بنجز وبحقق اهدافي
5- ما اكونش زعلان مع حد او شادد مع حد
4- يكون الزمالك فايز على الاهلي 6-0 ههههههههه


ايه هى هواياتك؟
القراءة-الرسم-الشعر-السباحة-كرة القدم

مين بين الاعضاء لفت نظرك؟
اني عبد الله
هل تخاف الموت؟
؟؟؟؟؟؟؟؟
لو قالوا لك نرجع للماضي فماذا ستأخذ معاك؟
شوية مذكرات
بتذاكر كويس؟
مش بدرس انما بقرأ
لما بتحس بالظلم تروح لمين بعد ربنا؟وتعمل ايه؟
مش بروح لحد بعد ربنا لان ربنا كافي ولو اقدر اصد الظلم ده بصده
هل ممكن تعترض على تصرف لحد اكبر منك فى اسرتك؟
ايوة عادي بس اي حد غير الاب والام
عمرك فى مره حبيت تغير حياتك بالكامل؟
كل يوم بيجيلي الاحساس ده وبحاول وبرجع بتغييرات بسيطة انما الحمد لله من سار على الدرب وصل

ايه هدفك فى الحياة بعد كده؟
ليا اهداف شخصية زي ما كل واحد فيكم ليه اهدافه

ما هى وجهة نظرك فى الرئيس القادم لمصر؟
ان شاء الله خير
هل تؤيد البرادعى؟
كلنا قولنا مش بنايده قبل كدة متهيالي

- موقف محرج حصلك في حياتك ؟؟؟
ههههههههه
حصلت معايا اكتر من مرة وانا في مصر اني اركب مواصلات عامة وانزل وانسى ادفع الاجرة وسبحان الله مش بكتشف ده غير بعد ما انزل والراجل شكله بيتكسف يقولي

- احسن سنه كانت بالنسبه لك ايه و ليه ؟؟؟
سنة رابعة مدني كانت احسن سنة على الاطلاق كانت كويسة في كل حاجة والسنة الوحيدة خلال فترة الدراسة كلها اللي ما كنتش متنشن فيها وكانت عادي كنا بنضحك ونفرح من قلبنا من غير اي هموم ويمكن عشان ابتدت المسئولية في السنة اللي بعدها على طول وعشان كدة احب اقول لكل الطلبة في اي فرقة عيش اللحظة اللي انت فيها وسيب المستقبل لانه مش بتاعك دلوقتي ما تفوتش على نفسك المتعة الحالية باوهام مستقبلية


- ايه الاهم الكرامه ولا الحب وليه ؟؟
الكرامة لان لما بتروح الكرامة مش بيبقى فيه معنى لاني حاجة ولا حب ولا غيره

-هل من الممكن ان تنزل دموعك أمام شخص ما ؟؟
الله اعلم بس ساعتها هكون مش حابب ان دموعي تنزل قدام حد

-لو اخترت أحدا يمسح دموعك فمن يكون/تكون؟؟؟؟
انا

-يقولون اللى بعيد عن العين بعيد عن القلب هل هذا القول صحيح؟؟
في رايي غير صحيح بدليل اني في انسان ما شفتوش بقالي 7 سنين ودي عن تجربة شخصية ولسة بيجيلي في احلامي لغاية دلوقتي وما افتكرش اني نسيته

-ايهما عندك فى المقدمه قلبك أم عقلك؟؟؟
قلبي

-يقولون ابتسم تبتسم لك الدنيا ما رأيك؟؟؟وهل من الممكن أن تبتسمك الدنيا حقا ؟؟
طبعا لان في مقولة كمان بتقول تفاءلو بالخير تجدوه ودي حقيقة وعلماء النفس بيقولو كدة وكمان الحديث بتاع انا عند ظن عبدي بي

ايهما تختار ان تعيش مع شخص يحبك ام مع شخص انت تحبه؟؟؟
ما ينفعش اكون بحبه وهوا كمان بيحبني؟
خلاص متهيالي شخص يحبني

قولنا رايك ف الاعضاء دي بقي ميزات عيوب كل حاجه
طيب بناء على ايه؟؟؟ مش هقدر احدد مميزات وعيوب انما ممكن لو غيرنا السؤال باني اوجه لكل حد فيهم كلمة ينفع؟
خلاص ينفع ماشي
سارة شدي حيلك في الدراسات العليا وربنا يوفقك وما تنسيش طريق الالف ميل بيبتدي بخطوة

محمد جمعه ابتسم للحياة فالحياة مليئة بالامل

بسام انت غايب فيييييييييييين؟

اسامه حب نفسك شوية يا اسامة ده مش وحش وان شاء الله اللي جاي احسن وبلاش تزعل وتاخد على اعصابك

بلال عايزك تركز وتتفوق وربنا يوفقك

ديمو متفائلة ماشاء الله بس جريئة زيادة شوية خدي بالك احسن الحطان ليها ودان

ريم اسمك حلو جدا ايه اخبار احمد عز صحيح اظن بقى دلوقتي فرحانين عندكو جدا

عاشقه الجنه مواضيعك كويسة ومفيدة

دلوعه البنات مش عارف انتي فين من فترة

جوجو شكلك مش بتدخلي غير في وقت الدراسة خالص وبجد وجودك مؤثر وفعال

اني عبدالله الى الامام وربنا يرزقنا الثبات

سمسمه كان نفسي اقولك حاجة عشان الاسئلة دي كلها بس يلا المسامح كريم و دلوقتي هكلمك بوجه عام ماشاء الله عليكي متفتحة ومخك شغال بس يا ريت تحبي كليتك وتروحيها

احمد رضوان كل سنة وانت طيب مقدما

-لمن توجه هذه الكلمات
كلمه حب:لكل اللي بحبهم
كلمه اعتذار:لكل اللي اخطات في حقهم
كلمه عتاب:مش هعاتب حد
كلمه شكر:لكل اللي وقفو جمبي وساعدوني
-موقف جنوني عملته في حياتك؟
كنت سايق على 180 والحمد لله ربنا ستر ومش هعملها تاني ان شاء الله
-موقف مريت بيه وتتمني ان يتكرر مره اخري؟
هيا مواقف كتير الواحد بيتمنى لو تتكرر لما ببقى راجع بيتنا ويا رب يتكرر على طول
-كلمه سمعتها ودايما علي بالك ومتقدرش تنساها؟
مش فاكر ههههههههههههه

زمالك مين اللي يفوز علي الاهلي
ده كنت انتحررررررررررررررر
ال6/0 ال
في المشمش ان شاء الله
ال زمالك ال
نكته جديده دي لايمكككككككككككككككككككككككن
هو شيكا يجيله صليبي ان شاء الله والزمالك هيدمر

وشكرا ليك بجد ياصن علي رايك وان شاء الله هحاول اني احب الكليه هحاول مش اكيد

احمد رضوان كل سنة وانت طيب مقدما


وانت طيب
الف شكر يا صن

صننننننننننننننننننننن
سننننننننننننننه عشان ترد ع الاسئلللللللله
كل دددددددددددده وقت طويل

ازيك ياصن
طبعا انا منقطع من زمان كده بس حاجات كتير وحاجات كده ملغبطه ياعم صن
بس بردوا رغم ذلك هسالك معلش اتحملني بقي ياصن استني اسالتي
وشكرا ليك ع كل كلمه حلوه قولتها انا اكيد مش استحق ده
بس تسلم لذوقك ياهندسة

السلام عليكم ورحمة الله وبركاته
اسف على التاخير ولكن لانشغالي
هبتدي النهاردة في اسئلة مهندس بلال وربنا يعيني
+
----
-
اسمك المستعار ؟
sunlight

سبب اختيارك لهذاالاسم ؟
معنى اسمي بالانجلش

الهوايات ؟
السباحة-كرة القدم-القراءة-الشعر - الرسم
افضل شهـر بالسنه والسبب ؟
مافيش شهر معين

حلمك في الحياة؟
احقق كل اهدافي

أجمل سنوات مرت عليك؟
سنوات الجامعة

البرامج المفضلة؟
العاشرة مساء الطبعة الاولى

شخصيتك ( عصبي ، رومانسي ،)؟
رومانسي متعصب هههههههههههه

لو خيروك تكون مشرف أي قسم تختار ؟
مع اني لا اصلح ان اكون مشرفا الا ان قسم الشعر يستهويني

من هم الأعضاء اللي تود مصادقتهم ؟
كل الاعضاء

من هم الأعضاء اللي تتمنى مقابلتهم ؟
كلكم ايضا

من العضو اللي تحب يضيفك لقائمة الأصدقاء ؟
لا بقى الاجابة هنا مختلفة
كلكم برضو

رأيك بـ الصداقـه بيـن الجنسيـن؟
ليس هناك معنى لصداقة بين ولد وبنت

عضو عاجبتك صورته الشخصيه وتوقيعه ؟
الصورة عند سارة والتوقيع عند سمسمة


عضو واثق من نفسه ؟
اسامة

عضو داخل مزاجك ؟
اني عبد الله

عضو تتمنى تلتقي به ؟
كل الاعضاء


عضو نفسك تغير اسمه ؟
هههههه اسمك انت المستعار يا جوست

عضو نفسك تضربه بالالم ؟
انا
عضو نفسك تقول له ( برافو عليك ) ؟
الطاهر
صــف نفســـك بكلمتيـــن فقـــط ؟
عبد الله
مــاهــو الشــئ الذي ندمــت علــي عمـلــــه؟!؟
تضييع الوقت
كـلمـــة تمنيـــــت ان تسـتطيـــع سحـبهــــا؟!؟
كثير من كلمات نعم
آخـــر شخـــص تتـــذكــــره قبـــل أن تنـــــام؟!؟
مافيش
جــريمــة تتمنـــي لـــو تستطيـــع ارتكابهــــا؟!؟
جريمة ايه يا عم ربنا يستر
حمـامة زاجـــل حاملـــة رســالة لـك,,,من من تتمنـى ان تكــون؟!؟
من اي حد في مصر
شخـــص لطــالما حـــلمـــت بــــه؟!؟
مش فاهم من اي ناحية
دمـعـــه انـذرفــــت رغـمــاً عنـــك؟!؟
لما يدخل في عيني حاجة ههههههه
مـوقـــف صــدمــك ولــن تنســــاه؟!؟
لما اشوف الوجوه متغيرة عما كنت اظنها
شـخــص تتمنــي الإنتقــام منـــه؟!؟
اي حد يسئ للرسول صلى الله عليه وسلم او السيدة عائشة او الاسلام بصفة عامة
شــئ او عمــل لا تستطيــع مســامحته؟!؟
الخيانة والكذب
شــئ او شخــص غيــّر مجــري حياتـــك؟!؟
صديق لي
حلم لا تستطيـــع تحقيقه؟!؟
اني ارجع طفل

كلمة تود سماعها كل يوم؟!؟
بحبك

طالع رحله بريه من تاخذ معك ؟؟
مافيش حد
غرق المنتدى ومعك قارب تنقذ به ثلاله من هم ؟
هههههههه هفلت بنفسي يا عم احسن تغرقوني معاكم
بتحب المغامره ولا لا؟
جداااااااااااااااااا
شايف انك بتحقق اهدافك ولا لا؟
الحمد لله ربنا بيكرمني بتحقيقها
الحب بيخوفك ؟
لا خااااااالص
هل انت ممن لا يستطيعون التعبير عن رائيهم؟
بعض الوقت تحت ظروف معينة وهذه تعود لبعض المشاكل النفسية
ليه دخلت هندسه حب فيها ولا غلطت مكتب تنسيق؟
حب فيها طبعا
ليه دخلت المنتدى؟
كنت لوحدي في الشقة وصاحبي في اجازة ههههههههه
ايه رايك في المنتدى بصفه عامه؟
جميل جدا ما عدا الايام التي لا اجد فيها احد
ايه في المنتدى نفسك تغيره؟
لعبة حلوة ومسابقات نفسي تقل شوية لانها بتضيع وقت كبير دون فائدة
هل انت متقلب يعني يوم كدا ويوم كدا؟
انا كدة فعلا

طبعا يا بشمهندس هو الفكرة مكانتش اني اجازيك
على الاعتراض خالص والله انا بهرج
بس انا فعلا كنت مجهز الرد ده من يومين
ومستني لما ادخل انفذه
ارجو ان حضرتك متكونش زعلااااااااااااااااااااااان

صن اخيرا رد علي الاسئله يا حلاوة يا ولاد
النهارده هضيف اسئله جديده بقي ان شاء الله

يا دي المصيبة
هو مش هيرتاح منك ابدا
خلي بالك لو اتاخر في الرد هنزل
10 مواضيع وهيبقى بسببك
يا رب يدعي عليك واحنا داخلين على امتحانات

السلام عليكم ورحمة الله وبركاته
يا مهندس بلال انا يا دوب بقدر ارد على الاسئلة تقولي انزل مواضيع
حرام عليك وبعدين القانون ده تطبقوه على اللي بعدي ولا هيبقى باثر رجعي يعني
عموما اسف على التاخير وموضوع الاسم المستعار انا بهرج بس
يعني هوا اسم مخيف بس مش مشكلة
ومش هزعل منك خالص ولا من اي حد في المنتدى ان شاء الله
يا انسة سمسمة انا لسة مخلص اسئلتك بالعافية تقومي تحطي اسئلة تانية مش لما ارد على باقي الاسئلة الاول
هبتدي ارد على اسئلة المهندسة سارة النهاردة


اولا سؤالي المفضل الفرق بين بشمهندس صن وهو طفل ثم ف اعدادي ثم ثانوي و فتره الجامعه و بعد كده الحياة العملية ايه اللي اتغير فيك؟
بصي يا ستي صن وهوا طفل كان طفل وديع على الفطرة زي كل الاطفال بس كنت شقي شويتين واجتماعي شويات اكتر انا فاكر اني كنت بقدم الاذاعة المدرسية وكمان باخد فيها فقرة قراءة القرآن والقاء الشعر انا فاكر كمان اول حاجة القيتها كانت بدايتها نشر الصبح على الدنيا سناه لو حد يعرفها او فاكرها وساعات الاخبار كنت بخلي والدي يسهر يكتب احداث 24 ساعة على القناة التانية وانا اقولها الصبح وكنت بطلع اقول نشيد العلم واحيي العلم كمان وكنت جول المدرسة من ناحية الرياضة يعني وصن في اعدادي كان شقي جدا ولمض جدا جدا لدرجة ان المدرسات كانو بيشتكو لوالدتي وكنت شاطر وبجيب الفل مارك خصوصا في الرياضيات وكنت مغامر وجرئ لدرجة اني كنت رئيس اتحاد الطلبة وانا في تانية اعدادي وكتبت عدة شكوات في اكتر من مدرس وانضربت كتييييييييييير وكنت بشارك في التمثيل وبقيت ادخل في مسابقات في المحافظة في القاء الشعر واخدت جوايز ودي بحس انها كانت اهم مرحلة في حياتي على الاطلاق لاني جربت فيها كل حاجة حتى الحب وانا مستغرب انه الولد في سن صغير كدة يحس الاحاسيس دي وفاكر احاسيسي لغاية دلوقتي بس اكتر حاجة كانت تغلب علي في المرحلة دي الجرأة والنشاط والحيوية صحيح نسيت حاجة كنت شاطر جدا في الانجلش لدرجة ان في مرة المدرس بتاع الانجلش استضافني في الطابور وبقى يسالني على حاجات
نيجي على صن في الثانوي حسيت ان الجرأة ابتدت تقل شوية شوية والنشاط كمان يعني ما كنتش بشارك في نشاطات في المدرسة بس كنت مداوم على رياضة كرة القدم والكاراتيه وكان والدي بيزعل مني كتير على الموضوع ده معرفش ليه مع اني عمر درجاتي ما زعلته ولا عمره قاللي ذاكر ما اعرفش ليه ما كانش حابب اني العب
المهم بقى جت فترة الجامعة وكان والدي نفسه يدخلني صيدلة وانا عايز هندسة وكنت علمي شامل ولسة لغاية دلوقتي بيفكرني بالموضوع ده وساعات انا لما بحس بضغط الشغل والتراب والخرسانة والمواقع زي ما انتو عارفين اقول ما انا لو كنت سمعت كلام الحج ودخلت صيدلة كان زماني في التكييف دلوقتي بس مش ندمان فترة الجامعة كنت بحب الخروج قوي والمشي وابتديت اكتب شعر موزون واتعلمت بحور الشعر وقريت عنه و كنت بذاكر طبعا بس ايام الامتحانات وزي ما انتو عارفين هندسة طول السنة امتحانات كان هدفي اخلص هندسة وخلاص باي تقدير مش عارف ليه ما كانش عندي حافز لاني اجيب تقدير واكمل دراسات عليا مع ان الحلم ده ابتدى يراودني من كام سنة وفيه حاجة نسيتها ان النشاطات ابتدت تختفي مافضلش منها غير كرة القدم والرماية وخلصت هندسة واللي كانت اجمل سنواتها اخر سنة اما الحياة العملية بقى ابتديت اتغير بزاوية 180 درجة التزام ومجهود وكنت اول ما اتخرجت حابب اتعلم كل حاجة وزي ما اسامة قال قبل كدة المهندس المدني ده بيعتبر عندنا بيفهم فكان لازم اتعلم ما يسمونه كل حاجة كان لازم اواجه تحديات ما كنتش اعرفها وانا في الكلية لما اتخرجت كان الشغل مش كتير اضطريت اطلع برة الفيوم حتى القاهرة ما كانش فيها شغل كتير كلهم مش عايزين حديثي التخرج عايز اقول اني اشتغلت كام شهر في مجال غير مجالي لغاية ما لقيت فرصة كويسة كانت في شركة بتاخد شغل في جنوب سينا والاسماعيلية والمناطق دي والحمد لله كبرت فيها واتعلمت وبقو يدوني مشاريع لوحدي وبعدين سافرت الامارات 3 سنين الا شوية وبعدين السعودية اللي عايز اقوله ان الحياة محتاجة شوية صبر وكفاح
ثانيا اكبر درس اخدته في حياتك ايه؟
اني لما احلم ارتب احلامي وما اخافش لانها بتتحقق فعلا والحمد لله

ثالثا الحياه العملية بتعرفك اصناف بشر مختلفه اكتر حد شفته اثر فيك وازاي؟؟
مهندس كبير اسمه علاء عبد المنعم هوا اول واحد اتعلمت على ايديه يعني ايه شغل ويعني ايه دقة ونظام وكل ما له علاقة بعمل المهندس

واكتر حد اتصدمت فية ولية؟؟
هههههههههههه
كل المقاولين اللي بشتغل معاهم بتصدم فيهم بعدين

رابعا شايف نفسك ازاي بعد 5 سنين ان شاء الله ؟
مش بحب اجاوب على السؤال ده واعذريني يا هندسة

خامسا واخيرا حاجه عايز تقولها لحد و ياترى مين؟؟
لوالدي ووالدتي اقولهم شكرا وربنا يخليكم يا رب ويغفر لكم
يارب مكنش تقلت عليك وفاصل و نواصل ان شاء الله
لا مافيش حاجة انا استمتعت باسئلتك جدا ويا ريت كل الاسئلة زي اسئلتك
واعتذر عن التأخير عشان ظروف الدراسه تمهيدي ماجستير بقي ادعولي
ربنا يوفقك يا رب
السلام عليكم
وعليكم السلام ورحمة الله

اقتباس :

حرام عليك وبعدين القانون ده تطبقوه على اللي بعدي ولا هيبقى باثر رجعي يعني
عموما اسف على التاخير

اولا مفيش اسف ولا حاجة يا بشمهندس
الفكرة كلها اني خوفت ان اللعبه توقف او تتنسي
لو حضرتك مخلصتش اسئلتك بسرعة
واذا كان على القانون فهو هيبدأ من حضرتك وبعد كده
هيمشي على الكل
وربنا معاك بقى يا بشمهندس
حضرتك بس يوم الاحد بالليل تكون مخلص اسئلتك
وتنزل حد مكانك على الكرسي
وان شاء الله مفيش مجازاه ولا حاجه

اوصف نفسك فى سطر؟

شى شايفه فى نفسك وفخور بيه؟

عيوبك ومميزاتك؟

صفات لازم تكون موجوده فى صاحبك؟

الدنيا = ...؟

موقف صعب اتعرضت ليه ؟

شى عملته وفخور بيه؟




حاجه بتضايقك من المنتدى وحاجه بتفرحك منه؟

قانونك فى الحياة؟


مين اكتر حد بتحب تسمعله ...و العكس...؟

// عضو او مشرف

- اسلوبه يعجبك

بسيط

- نشيط

- يعجبك طرحه للمواضيع

- ترتاح له

- تعجبك ردوده

- هاديء

- متابع لك

- تتابع مواضيعه



- وااااضح


- حزين

- صعب التعاامل معاه

- متسااامح

- حسااااس

- قوي الشخصية

- رومانسي

- سهل التعااامل معاااه

- ثقااافته ممتاااازة

- تهديه باااقة ورد

- تهديه اغنية ,,ايه هي

- يعجبك توووقيعه

- قلبه طيب

- خمسة اعضاء مستحيل تنساهم



ايه هيا نقطة ضعفك..؟


شخص لاترفض له طلبا ..؟؟


ايه رايك فى شباب اليومين دول ؟؟؟


والبنات بردو ؟؟؟؟

دوله بتتمنى انك تسافر ليها؟

قولنا مواصفات بنت الحلال؟


هل في رأيك التوقيع والصورة الشخصيه تعبر عن الشخصيه
ايه الحاجه اللي حاسس انها ناقصاك
بتحكم على الناس صح ولا غلط

رأي الناس دي فيك ايه ورأيك انت فيهم ايه
والدك
والدتك
اخوك
اصحابك

ماالذي يلفت انتباهك بسرعه في الشخص لكي تعجب به ؟

_متى تجد نفسك كما تريد ..؟؟

اية اكتر لحظة نفسك تنسها فى حياتك؟

كلمنا عن حياتك اليومية؟

- كلمنا عن حياتك الشخصية؟

حاجه خايف انها تحصل؟؟


حاجه حلوة أوى مش ممكن تتخيل أنها تضيع منك وبتحارب عشان تفضل معاك ؟

امته بتحس بعدم الأمان...؟

مارايك فى الاعلام العربى والمصرى بصفه خاصه؟


-لو كانت حياتك قصه ماذا تريد ان تسميها؟


لو حبيت بنت وقررت ترتبط بيها رسمى هتسالها عن ماضيها وحياتها قبلك وهل سؤالك ده لمجرد المعرفه ولا هتتاثر بالكلام وممكن تغير رايك؟

ايه غلطة عمرك

تعمل ايه لو اتخدعت في صاحب ليك وخانك

ماذا تعنيلك الاشياء التاليه :
الحب
الصداقه
الرومانسيه
الطفوله
المراهقه
الخيانه
الغدر
العذاب
الانوثه
الحياة
المنزل
الموت
الكراهيه
الحقد
البخل
الجرح
المرأه
الطفل

ايه السبب من وجهة نظرك اللى يخلى الزواج يتحول لمباراه احد الاطراف عايز يكسبها

ايه اول انطياع الناس بتاخده عنك ولو حد واخد انطباع مش فيك مثلا بتحاول تغيره؟

ايه الحاجه اللى مش ممكن تسامح فيها ابدا؟

ماشى بمناسبة كده بقى ثقتك فى نفسك اد ايه؟؟؟

كفايه كده ومن غير ما تدعي داخلين ع امتحانات

لالالالالالالالالالالالالالالا معنديش
وبعدين مكنتش ناويه اجيب اسئله تانيه وشوفت قالو ايه ال ايه مش هيخلص مني وهيدعي عليا استفزني
روحت جايبه تااااااااااني
جااااااااوب بقي

يا سلام
هاتيها فيا انا بقى
ال استفزيتها ال
هو انتي بترحمي حد خالص
ولا انتي عايزة تجيبيها فيا عشان
صن يدعي عليا انا
متصدقهاش يا صن