كافيين

لاني اتحكم عليا بحكم اقل ما يقال عنه انه ظالم من الاخت سمسمة بكتابة 20 موضوع في المنتدى ومع ذلك فسوف اقبل بالكتابة بس لانها اخت محترمة ونحسبها على خير ولا نزكي على الله احدا وهذا هو موضوعي الاول
هي خاطرة جاءتني في لحظة من اللحظات كافيين
الكافين على حد علمي هو المادة المنبهة الموجودة في المشروبات المنبهة مثل القهوة والشاي والتي نتناولها صباحا لتمنحنا النشاط والتركيز في بداية يوم جديد
كيف تبدا يومك
هل ترهق والدتك في ايقاظك صباحا قائلا دعيني خمس دقائق فقط ثم خمس اخريات ثم 10 ثم نصف ساعة الى ان تمل منك فتتركك حتى تفوتك المحاضرة الاولى او ان تتاخر عن عملك
قوم يا حبيبي الساعة ستة ونص
يلا بقى قوم يا حبيبي الساعة بقت 7 الا ربع
يا بني قوم بقى الساعة عدت 7
يابني تعبتني معاك قوم بقى الساعة بقت 7 ونص
يوووووووووووه انا هلاقيها منك ولا من ابوك
!!!!!
!!!!!!!!
!!!!!!!!!!!!!!!!!!!!!!!!
لغاية ما تحس فعلا انك اتاخرت وتكون اساسا زهقت من النوم
طيب وليه كل ده
ما الحل موجود
بس قبل الحل عايز نفكر مع بعض ايه السبب في كدة هل ده كسل ولا اكتئاب ولا خوف من اليوم الجديد ولا حزنا على اليوم الماضي حيث انا دائما ما نحب الماضي
متهيالي ان كل ده كلام فاضي انت تقدر تبرمج نفسك
ازاي
اتبع البرنامج ده قريته قبل كدة في احد المنتديات
الموضوع كله هوا اننا عايزين نستيقظ في ساعة محددة يبقى لازم نبرمج نفسنا على اننا نستيقظ في الساعة دي دون التفكير في الصباح هل انا نمت كويس ولا انا محتاج شوية نوم كمان عشان ابقى مركز وتلاقي حد تاني ييجي على باله مشاكل اليوم اللي هيقابلها ومدى المعاناة وما اعرفش ايه وكلام كبير قوي
لا لا
اطرد اي تفكير ييجي على بالك الصبح وافتكر بس انك عايز تستيقظ في الوقت ده يعني الساعة 5 يبقى هيا الساعة 5 او على حسب انت عايز تصحى ايمتة
هتقابلك مشكلة وهيا انك فعلا الليلة اللي فاتت ما نمتش كويس لانك سهرت وجالك ارق ومش عرفت تنام بدري
الحل الامثل للارق
ما تجهدش نفسك ابدا في انك تنام يعني ما تروحش تنام غير لما تبقى عايز تنام فعلا يعني قاوم النعاس لغاية ما جسمك يفرز الهرمونات اللي تسلب وعيك وتلاقي نفسك عايز تنام فعلا واعمل اختبار بسيط لنفسك وهوا انك امسك كتاب واقعد اقرا شوية لغاية ما تنام ده طبعا اول ما تحس انك فعلا عايز تنام
هتلاقي نفسك تاني يوم شوية مجهد عادي جدا مش مشكلة هتلاقي نفسك بالليل عايز تنام بدري شوية عن اليوم اللي قبله وهكذا اسبوع واحد وهتلاقي نفسك ظبطت الساعة البيولوجية في جسمك وبقيت راجل ناجح بينام في ميعاد ويستيقظ في ميعاد
المهم في الموضوع انك لما تيجي تستيقظ لازم تستيقظ ويبقى موضوع غير قابل للنقاش
ودي هيا جرعة الكافيين اللي جبتهالكو النهاردة

ارجو تكونو استفدتم من الموضوع
فاضل 19
ههههههههههه
ربنا معايا ان شاء الله