ahmed radwan علي كرسي الاعتـــــــــــراف

تذكير بمساهمة فاتح الموضوع :

منور يابش مهندس الكرسي انت طبعا كنت كريم معايا وانا ع الكرسي
وانا هبقي اكرم منك وهتشوف هههههههههه

منور الكرسي مرة تانيه
وعايزين بقي نشوف اسألت الاعضاء
وانا من ضمنهم طبعااااااااااااااااااااااااااااااا

ونبدأ ونقول عرفنا بنفسك
اسمك
سنك
عنوانك
عدد اخواتك
ترتيبك بينهم
بتحب ايه بتكره ايه ف الاكل والشرب يعني
طموحاتك اهدافك في الحياه
كلمنا ع نفسك عشان نعرفك كويس

وطبعا دي البدايه يادوب

ياخراشي ودي تيجي برضه ال يمشي ال وده ينفع
ادي مجموعه من الاسئله الجديده اي خدمه
ولا يهمك هرد برضوا
اما بتتضايق من حاجه بتحكي لمين؟
لحد من اصحابى وممكن لاختى
اخر مره اتضايقت من شخص كانت امته؟ وليه؟
من اسبوع كان عمال يرخم وانا شغال
ايه الامنيه اللي بتتمناها؟
اكون نافع للناس ولنفسى طبعا
ايه اصعب موقف مريت بيه؟
لا دول كتير
ايه موقفك من الحب؟ وهل تؤمن بوجوده؟ وجربته ولالا؟
مع الحب بس مش اللى بشوفوا ف الجامعة اكييييييييييييد ف كل ثانية من حياتى
ف اي قرار بتاخده بتحكم قلبك ولا عقلك؟
الاتنين
ليك اصدقاء من طفولتك ولالا؟
ليا اكيييييد بس كل واحد ف كليتة ومكانة
انت شايف نفسك ازاي؟
محتاج تغيييير
انت واقعي ولا خيالي؟
واقعى الى حد كبير
ايه رايك ف موضوع الابراج ؟بتؤمن بيها ولالا؟
قلش لا اكيد بس للامانة ممكن اقرا زى ما اقرا اى حاجة حب استطلاع بس
انت مخطط لحياتك ولا حسب الظروف والتسهيلات؟
لا بخطط بس خطوط عريضة والباقى بالتساهيل
امته ممكن تتخلي عن حبيبك؟
لو حسيت انة قدامة فرصة احسن منى او انى مش هقدر اسعدة
بتقدر تحكم ع الاشخاص كويس ولا ممكن تتخدع فيهم؟
بتخدع كتيييييييييير
طفولتك كانت عامله ازاي؟
عادية
ترتيبك ايه ف الاسره؟
الرابع
بتتعامل مع الناس علي حسب شخصيتك انت ولا شخصيتهم؟
على حسب شخصيتى
ممكن حد يتحكم ف قراراتك ؟؟
لالالالالالالالالالالالالالالالالا
ايه الصفه اللي مميزة عندك وبتحبها؟
مش بحب الكدب ومش بشيل من حد
امته تقول كفايه كدا؟
لما ادى كتير اوى وملاقيش ف المقابل

ماهي التجربه التي تتمنى تكرارها ...؟؟
محمد ناجى جدو ف انجولا ههههههههه
اطلع رحلة مع اصحابى
ماهو اكثر شئ تخشاه...؟؟
اجرح حد بحبوا
مالذي يشعرك بأكثر قدر من الحرج...؟
حد يمدحنى مبحبش دة
نزار شاعر المرأه.... وانت شاعر من ...؟؟
اى شىء يثيرنى
حمامة زاجل استقرت على نافذتك تحمل رسالة من مجهول فممن تتمنى ان تكون...؟
من من من ؟؟؟؟؟؟؟؟؟
- جريمه تتمنى ارتكابها...؟؟
اقتلك ههههههههه
- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
هسيب الجدار نظيف طبعا لازم افسد يعنى
_ لو قالك المصباح السحري اختار امنيتين هتختار ؟
استريح منك ههههههه
اخلص من ؟؟؟؟؟؟؟؟
ماهي هواياتك ؟
القراءة الجرى النت والموسيقى
كم ساعة تجلس على النت ؟
مش عارف بس كتييييييير
متى اخر مرة انضربت ؟ ومن مين ؟ وليه ؟
من زماااااااااان من مدرس اكيد غلطت بس مش فاكر
ذا كتشفت ان صداقتك مع انسان مزيف تعمل ايه ؟
هكمل بس هاخد حذرى
في كم منتدى انت مسجل ؟
كتييييييييييير بس مش بحضر غير هنا
هل تثق باحد من اصدقائك ؟
اهااااااااا
يومك عامل ازاي؟
الكلية للمدينة والنوم
مواصفات فتاه احلامك؟
تكون بنوتة قمر ولذيذة ومؤدبة قبل كل دة ومتدينة قبل الكل
ماهو مكانك المفضل؟
قدام مبنى كهربا
هل مررت بتجربه حب من طرف واحد؟
لالالالالالالالالالالا

كلمـــة تمنيـــــت ان تسـتطيـــع سحـبهــــا؟!؟
مش فاكر

آخـر شخـــص تتـــذكــــره قبـــل أن تنـــــام؟!؟
مش بركز
دمـعـــه انـذرفــــت رغـمــاً عنـــك؟!؟
عندما تذكرت جدتى رحمة الله عليها

مـوقـــف صــدمــك ولــن تنســــاه؟!؟
انجرحت من واحد صاحبى
شــئ او شخــص غيــّر مجــري حياتـــك؟!؟
الموقف اللى فوق على طول
كلمة تود سماعها كل يوم؟!؟
امى بتقولى صباح الخير وتدعيلى

القمر-الشمس-النجوم...........ايهم تفضل والسبب؟!

القمر عادى بس بحس ان نورة هادى

اي خدمه واكيد بعون الله راجعه تاني




ارجعى ولا بخاف احنا جامدين برضوا ها

الحاجات دي بتاع المهندسين الكبار الي زينا واخد بالك ياد يانصه
ههههههههههههههههههههههه
يلا جاوب بقي لحد ما افوقلك اوووي هانت ياكبير الفخايده هانت
والان حان وقت الاسئلة السياسية كالعاده شوفت بقي
انا غالبان ازاي عايزك
تقول رايك بصراحه
ابيض يا اسود بلاش الرمادي
ياعم الدبلوماسي ماااااااااشي
ايش رايك في الاحوال حاليا سواء هنا داخليا او ع المستوي العربي؟
ايه رايك في دور مصر وموقفها سواء مع الدول العربية او الاجنبيه وكمان في قضية غزه الاخيرة ومعبر رفح؟
هل مازلت مصر تحتفظ بمكانتها كما كانت حتي بين الدول العربية ام صورتها اهتزت مع التوضيح ايه الاسباب؟
ايه رايك في الرئيس الحالي والسلطه الحاليه تتمني وجودها ولا الرحيل؟
احلامك لرئيسك القادم نفسك يعمل ايه ومواصفاته ايه؟
ايش رايك في المحافظ الحالي فرق عن الي قبله ولا زية زي غيره مش فارق كلها واحد؟
ايه رايك في رئيس الجامعة الحالي وعميد الكلية الحالي؟
ايهم افضل العميد الحالي وام الاسبق ولماذا؟
اية رائيك في الجامعه بصفه عامه وايه الي ناقص عن الجامعات الاخري ؟
ايه رايك في هندسة الفيوم وهل اصبحت تساوي باقي كليات الهندسة اما باقي لها الكثير؟
اية رايك في جماعة الاخوان المسلمين؟
اية رايك في مجلس الشعب الحالي هل حقق طلباتك كابن دايرته ولا كبر دماغه وكان بيدور علي مصلحته بس؟

كفاية دول شد حيلك بقي ياريس وياريت نجاوب بصراحة من غير دبلوماسية
ههههههههههههههههههههههه

حلاوتك يا رضوان وانت متظبط
انا صحيح بتكلم عن خبرة بس نصحتك وقولتلك
خد حقك قبل ما ييجي عليك الدور

يلا جاوب بقي لحد ما افوقلك اوووي هانت ياكبير الفخايده هانت
والان حان وقت الاسئلة السياسية كالعاده شوفت بقي
انا غالبان ازاي عايزك
تقول رايك بصراحه
ابيض يا اسود بلاش الرمادي
ياعم الدبلوماسي ماااااااااشي
يا عم انت عايز تبيتنى فييييين بالظبط ربنا يستر انا برد بصراحة اوى
ايش رايك في الاحوال حاليا سواء هنا داخليا او ع المستوي العربي؟
زفتتتتت على كل الاحوال بس حاسس فية نور بدا يظهر وان شاء الله اللى جاى احسن
ايه رايك في دور مصر وموقفها سواء مع الدول العربية او الاجنبيه وكمان في قضية غزه الاخيرة ومعبر رفح؟
مصر ميييييييييييييييييييين انا عراف انى سمعت الاسم دة قبل كدا
مافيش مصر بقى يا اس وكفاية نفسى اشوف البيت
هل مازلت مصر تحتفظ بمكانتها كما كانت حتي بين الدول العربية ام صورتها اهتزت مع التوضيح ايه الاسباب؟
نفس الاجابة اللى فوق
كلنا عارفين الاسباب واللى مش عارف يبقى اعمى ومش بيشوف
ايه رايك في الرئيس الحالي والسلطه الحاليه تتمني وجودها ولا الرحيل؟
رايى بقى واضح اووووووووووى ولا اية ؟

احلامك لرئيسك القادم نفسك يعمل ايه ومواصفاته ايه؟
نفسى ف حكومة تعمل للشعب مش لجيوبها
ايش رايك في المحافظ الحالي فرق عن الي قبله ولا زية زي غيره مش فارق كلها واحد؟
عندنا ف بنى سويف المحافظ اللى فات كان احسن كتيير بس هنا اظن جلجل ظبط الدنيا
ايه رايك في رئيس الجامعة الحالي وعميد الكلية الحالي؟
مش عارف بس المصاريف غلت وما فيش جديد
العميد الجالى يارب يطلع كويس ويكمل بدا كويس
ايهم افضل العميد الحالي وام الاسبق ولماذا؟
مقدرش احكم بس الاسبق محدش يقدر يتكلم علية
اية رائيك في الجامعه بصفه عامه وايه الي ناقص عن الجامعات الاخري ؟
الدكاترة هما اللى ناقصين عايزين اسماء كبيرة او حتى صغيرة بس يكون دكتور لكل مادة مش دكتور كوكتيل
ايه رايك في هندسة الفيوم وهل اصبحت تساوي باقي كليات الهندسة اما باقي لها الكثير؟
نفس الكلام اللى فات احنا بعييد اوى احنا مش لاقيين دكاترة يدرسوا مواد هنروح للناس التانية فين
اية رايك في جماعة الاخوان المسلمين؟
نو كمنت
اية رايك في مجلس الشعب الحالي هل حقق طلباتك كابن دايرته ولا كبر دماغه وكان بيدور علي مصلحته بس؟

لا هو كان بيشتم ف الحكومة سعد عبود اكيد سمعت عنة
كفاية دول شد حيلك بقي ياريس وياريت نجاوب بصراحة من غير دبلوماسية
ههههههههههههههههههههههه

ماشى يا سيدى ادينى جاوبت بس هحملك النتايج

حلاوتك يا رضوان وانت متظبط
انا صحيح بتكلم عن خبرة بس نصحتك وقولتلك
خد حقك قبل ما ييجي عليك الدور


ماشى ياكبيييير انا عرفت خلاص بس يلا هتعدى

[b]شوف يا رضوان يا حبيبي
انا مكونتش عايز اسالك
كفايه اللي الناس دي عملته
بس مش قادر امسك نفسي
فدول شوية كده قليلين
يعني محبيتش اكتر انا عارف الظروف
قابل بقى يا صحبي الشوية البساط خالص دول
ماشى ياريس بس بجد اسئلتك دى قرفتنى لانى تانى مرة اجاوبها كدا النت فصل المرة اللى فاتت
اسمك المستعار ؟
السندباد
سبب اختيارك لهذاالاسم ؟
بسافر كتير
الهوايات ؟
مكرر
افضل شهـر بالسنه والسبب ؟
ستة بدية الاجازة
حلمك في الحياة؟
اشوف الاقصى حر ومصر بلد كويس
أجمل سنوات مرت عليك؟
الكلية
البرامج المفضلة؟
الطبعة الاولى
شخصيتك ( عصبي ، رومانسي ، ....... )؟
عصبى ورومانسى على حسب الظروف
اجمل بلد زرتها ؟
القرية الذكية اجمل مكان روحتوا


ماهو لونك المفضل ؟
الاحمر
من هو مثلك الاعلى ؟
الرسول والصحابة وبعدين اى حد ناجح بتعلم منة
ماهي حكمتك بالحياة ؟
لن ترضى جميع الناس
ماالذي يحزنك ؟
مكرر
ماالذي يغيظك ؟
حد يقاطعنى وانا شغال
ماالذي يفرحك ؟
انى انجح واشوف الناس اللى بحبهم
افضل شخصيه في رأيك ؟
المتواضع العتدل
فنانك ومطربك المفضله؟
احمد حلمى عمرو دياب منير حماقى
لو خيروك تكون مشرف أي قسم تختار ؟
اى قسم خفيف
من هم الأعضاء اللي تود مصادقتهم ؟
كل الناس
من هم الأعضاء اللي تتمنى تشوفهم؟
كل الناس
من العضو اللي تحب يضيفك لقائمة الأصدقاء ؟
بلال
رأيك بـ الصداقـه بيـن الجنسيـن؟
(ولا متخذات اخدان)
عضو عاجبتك صورته الشخصيه وتوقيعه ؟
مش مركز
عضو نشيط... ؟
ععاششقة الجنة
عضو مفقود... ؟
كل الغايبين
عضو واثق من نفسه؟
سمسة
عضو داخل مزاجك؟
بلال
عضو تتمنى تلقتي به؟
كل الناس
عضو مثقف؟
جولدن
عضو نفسك تغير اسمه ؟
الاسماء الغريبة
عضو نفسك تكفخه هههه ؟
معرفش الكلمة دى
عضو نفسك تقول له ( برافو عليك ) ؟
انى عبد الله
عضو تبي تهديه بيت شعر ايش هو بيت الشعر ؟
وما نيل المطالب بالتمنى ولكن تاخذ الدنيا غلابا
ماهو رأيك بالحب ؟
اجمل احساس ف الكون
صــف نفســـك بكلمتيـــن فقـــط
محتاج تعديلات
مــاهــو الشــئ الذي ندمــت علــي عمـلــــه؟!؟
ما فيش مبحبش اندم ععلى حاجة عملتها
كـلمـــة تمنيـــــت ان تسـتطيـــع سحـبهــــا؟!؟
مش عارف
آخـــر شخـــص تتـــذكــــره قبـــل أن تنـــــام؟!؟
هو انا هنام ولا افكر
جــريمــة تتمنـــي لـــو تستطيـــع ارتكابهــــا؟
حرق اليهود
حمـامة زاجـــل حاملـــة رســالة لـك,,,من من تتمنـى ان تكــون؟!؟
من ؟؟؟؟؟؟؟؟؟
شخـــص لطــالما حـــلمـــت بــــه؟!؟
حد الله يسهلوا
دمـعـــه انـذرفــــت رغـمــاً عنـــك؟!؟
لما تذكرت جدتى رحمة الله عليها
مـوقـــف صــدمــك ولــن تنســــاه؟!؟
كتييييير
شـخــص تتمنــي الإنتقــام منـــه؟!؟
كل ظالم
شــئ او عمــل لا تستطيــع مســامحته؟!؟
الظلم
شــئ او شخــص غيــّر مجــري حياتـــك؟!؟
مكررررررر
حلم لا تستطيـــع تحقيقه؟!؟
ما فيش ان شاء الله
كلمة تود سماعها كل يوم؟!
صح النوم من امى ودعاءها ليا
طالع رحله بريه من تاخذ معك ؟؟
اصحابى
غرق المنتدى ومعك قارب مايشيل الا ثلاثه من تاخذ معك ؟
هاخد اقرب ناس ليا

شكرا ليك ممكن اسال

اكيد اسالي براحتك

قشطه يارضوان منور يابني كرسي الاعتراف وانتظر ماهو قادم مش هحط جديد الا ما اعرف مازالت في بيتكم ام لا

حاضر *********شو تحب اكتر شئ يكون موجود **********ومن اكتر شئ جرحك في هده الدنيا**********وماهو اكتر شئ فرحك *****ومين اكتر انسان زلمك ويعني ظلمك **********وكدلك ماهي الصفات التي تحبها ان تكتسبهاااااااااااا**********وكدلك اهم سؤال شو تقول لمن ظلمك او وقف معك في وقت الشدة***********وراح افكر واسالك

وربي يعينكككككككككككككككك اخ احمد

حاضر *********شو تحب اكتر شئ يكون موجود **********
الرحمة
ومن اكتر شئ جرحك في هده الدنيا**********
لا فية حاجات كتيرة مش لازم اقولها
وماهو اكتر شئ فرحك *****
يعنى ممكن اقول نتيجة الثانوية العامة كانت اكتر حاجة
ومين اكتر انسان زلمك ويعني ظلمك **********
مبحبش افتكر حاجة وحشة
وكدلك ماهي الصفات التي تحبها ان تكتسبهاااااااااااا**********
الهدوء الرحمة التسامح الصدق الوفاء الصبــــــــــــــر
وكدلك اهم سؤال شو تقول لمن ظلمك او وقف معك في وقت الشدة***********
شكرا جزيلا للاتنين
وراح افكر واسالك
تسالى براحتك وان شاء الله هرد

وربي يعينكككككككككككككككك اخ احمد



شكرا جزيلا ويبارك فيكى

قشطه يارضوان منور يابني كرسي الاعتراف وانتظر ماهو قادم مش هحط جديد الا ما اعرف مازالت في بيتكم ام لا



لا يا اس انا فى المدينة اعتبرنى ف البيت بس متقلش العيار

ماشي ياكبير بطمن بس عليك انت فين
خلي بالك انت جنب الحرس يامااااااااااااااان
ههههههههههههههه

ماشى ياكبير المهم انت متقلش عليا لحسن اسخن وكدا يبقى هنام ف حتة برد اوى علشان هعدى الشمس

هو سؤال واحد وهرجع تاني بمجموعه اسئله
لما انت ف المدينه ازاي دااااااااااااااخل نت وبتدخل بالليل متاخر ؟

هو سؤال واحد وهرجع تاني بمجموعه اسئله
لما انت ف المدينه ازاي دااااااااااااااخل نت وبتدخل بالليل متاخر ؟




هو انتى لازم تتحشرى فى كل حاجة
مش عارف اية دا بس
بس هرد عليكى برضوا انا بهزر على فكرة



المدينة فيها وير لس وانا شغال من على الاب

عرفتى متجيش تسالى جة منين الوير لس لولع ف المنتدى واخلص

لا مش هسال
بس الحمدلله كده انا ارتحت عشان كان نفسي اسال من امبارح ونسيت
بس هو سؤال اخير
هو الويرلس جه المدينه ازاي
ههههههههههههههههههههههههههههههه

معلش يا احمد اصل الناس دي
اعداء التقدم
ومش بييجوا الجامعة
مايعرفوش ان معظم الجامعة متغطي وايرلس

لا مش هسال
بس الحمدلله كده انا ارتحت عشان كان نفسي اسال من امبارح ونسيت
بس هو سؤال اخير
هو الويرلس جه المدينه ازاي
ههههههههههههههههههههههههههههههه




مش هسال وتسال اخر الكلام دا مرض


وبعدين بتهزرى براحتك اضحكى اضحكى ليكى يوم

معلش يا احمد اصل الناس دي
اعداء التقدم
ومش بييجوا الجامعة
مايعرفوش ان معظم الجامعة متغطي وايرلس




زى بعضوا يمكن متعرفش مكان الكلية الجديد وانها تقريبا اجمل كلية ف الجامعة

يلا هى بتسال بس مرض بعيد عنك

ربنا يشفى

لا وربنا عارفاه وعارفه انكم مضايقين عشان احنا اجمل كليه
بس برضه مش هروح
اي خدمه
وبعدين ربنا يشفي ومرض
ماااااااااااااشي
زودها بس زودها عشان ازود انا كمان ف الاسئله

لا وربنا عارفاه وعارفه انكم مضايقين عشان احنا اجمل كليه
بس برضه مش هروح
اي خدمه

اجمل كلية بس احنا هندسة برضوا

وبعدين ربنا يشفي ومرض
ماااااااااااااشي
زودها بس زودها عشان ازود انا كمان ف الاسئله

براحتك مش بخاف

اجمل كليه
احنا اللي رسمناكم
وانا عايز اعرف مش قاعده مكنا دكتور هشام عارف ما رسمك ليه انتي

ربي يعينك اخ احمد وشكرا للرد