سمسمة على كرسي الاعتراف

اهلا يا سمسمة
اهلا بيك ياخويا
طبعا انا اللي جبتك هنا ولازم اعمل واجب الضيافة
حسبي الله ونعم الوكيل
وبما اننا هنا ضيافتنا هي الاسئلة لا يا سمسمة
وانا كريم جدا فطبعا جيبتلك اسئلة حلوة كده تعجبك ان شاء الله
وبما اني برضه مش مفتري فانا كل اللي عملته اني جيبتلك الاسئلة اللي سالتيهاني عشان اعرف اجابتك انت ايه
قابلي بقى يا مديرة
قابلت ياخويا
ماذا ستكتب لنا لتعبر عن حياتك التي عشتها الى الان في كلمات قليله ؟
حياتي اللي عيشتها كانت عاديه جدا يتخللها بعض الهموم بس الحمدلله انا دلوقتي مستقره نفسيا جدا

. اذا اردت ان تبكي الان , فعلى من تبكي؟
علي اللي بيحصل معايا

من ستختار ليمسح دموعك ؟
انا اانا اولي حد بنفسي

لو خيروك بين حبيبك وبين اعز صديق فمن تختار ؟
علي حسب مين فيهم اولي

.ماهو تقييمك لهذا المنتدى بصراحه ؟
جميل جدا
من يسكن قلبك؟
ماما حبيبة قلبي

.هل تعتقد ان حظك سيئ؟
اووووووووووووووووي اووووووووي وبحب المثل اللي بيقول قليل البخت يلاقي العضم ف الكرشه ملحوظه : انا مبحبش لحمه الراس ابدا هههههه

.هل هزمك حزنك في يوما من الايام؟
كتير اوي

.((مستحيل انساك)) لمن تقولها ؟
لخالو

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
علي كليه صيدله طبعا يعني لو كنت اهتميت كنت دخلتها بس خلاص كلمه ياريت مالهاش معني

.(( انت كل شيء بحياتي )) لمن تقولها ؟
لماماااااا

متى اخر مره بكيت؟
من يومين تقريبا
اي الدول تتمنى ان تزورها ؟
السعوديه اولا وبعديها فرنسا عشان بحبها اوي وبعدين اسبانيا عشان اشوف فابريجاس ههه


هل انت راضي عن نفسك ؟
لا طبعا
.هل تؤيد الزواج العاطفي ام الزواج التقليدي ؟ ولماذا ؟

الزواج العاطفي اكيد لانه بيسهل الحياه اوي وبيخليها تمشي كويس انما التقليدي ده يبقي هنقش ع الواحده وده مش معناه انه بيفشل لا بس انا بفضل العاطفي

.هل تعترف بشيء اسمه الصداقه بين الرجل والمرأة ؟
زماله واخوه ومساعده لبعضهم واعرف نماذج من الناس مابينهم اخوه واحترام

.هل انت مدمن تفكير؟
اوي نفسي ابنج دماغي عشان ارتاح شويه

.من هو اكثر شخص تفكر فيه؟
مشكله عند حد معين ونفسي احلها ومش عارفه ازاي

.اذا تم تعيينك ملكا لجميع البلاد العربيه فما اول قرار ستتخذه ؟
اعتقلك

.هل تكره شخص بشده في حياتك ؟
لا

.ما هو اقتراحك الذي تتمنى ان يحدث في هذا المنتدى ولم يحدث الى الان ؟
نغير اسم المنتدي

.هل ملابس الشخص امامك تؤثر فيك لتأخذ عنه انطباع ؟؟
احيانا وخصوصا البنت طريقة لبسها بتبين هي ايه وكمان ماشيتها وطريقة كلامها والولد كذلك بحب الولد اللي يبقي راجل مش عيل تافهه

.ماالذي يلفت انتباهك بسرعه في الشخص لكي تعجب به ؟
اخلاقه وروحه الحلوه وخفة الدم

اذا احببت شخصا في الوقت الخطأ وفي المكان الخطأ فماذا تفعل ؟؟
هسيب الامور لربنا لو ليا نصيب فيه هيبقي ليا غصب عن عين اي حد

.حكمة تؤمن بها جدا؟؟
افعل ما شئت فكما تدين تدان

.عاده تفعلها دائما تتمنى ان تتركها ؟
التفكير والنت

ماهو اجمل اسم لولد واجمل اسم لبنت من وجهة نظرك؟
بحب اوي ف الاولاد عبد الرحمن ومعاذ وسيف الله ومصطفي والبنات بحب مي وريم

.ماذا تفعل اول شيء اذا ربحت مليون ؟
هبني مسجد

.هل انت من لديهم رغبة حب التملك واذا تملك الشيء اصابه الملل منه ؟
لا خالص والله

.اعتذار تريد ان تقدمه لمن؟
لماماااااااا

حاجه نفسك تعملها ومش عارف؟
اسافر محافظه جنبنا

حاجه عملتها وكنت فخور اوى بيها؟
مافيش حاجه وده مش معناه اني معملتش اي حاجه كويسه بس مش بحط في بالي بس ممكن نقول اني بحب اقف جنب اصحابي علي اد ما اقدر

حافظ كام جزء من القران؟
مش كتير
ايه رايك فى جامعه الفيوم؟
كويسه الي حد ما بس ناقصها كتير عشان تبقي زيها زي اي جامعه تانيه

ايه رايك فى كليه الهندسه ؟
كويسه كفايه انها فيها اغلب اصحابي

ايه رايك فى الناقاب والمنتقبات؟
كويسين جدا وبحترم اوي اللي لابسه نقاب ونفسي اانا كمان البسه وبتمني انه ربنا يكرمني بزوج ويوافق اني البسه بس فيه منتقبات دلوقتي بقو عنوان سئ للنقاب ربنا يهديهم

ايه رايك فى بلدنا؟
قولت فوق

ايه رايك فى جماعه الاخوان المسلمين؟
انا ضددهم في حاجات كتير

تعطي مين الألقاب دي من اعضاء منتدانا ؟؟
- العضو النشيط . محدش الاغلبيه بقو نايمين شويه الايام دي

- أمير المنتدى . صن لايت

- وردة المنتدى .حبيبة قلبي ريم

- العضو الغائب . كتير اوي زي ساره ولولي وبسام وكولوبالي واي اس اي وريم بس راجعه قريب بعون الله واتش وسويت وهني اعضاء كتيره اوي

- الصوت المسموع . طبعا باشمهندس محمد جمعه

- نحلة المنتدى . دلوعه البنات

- قلب المنتدى .جوجو

- العضو الموهوب . صن لايت

- العضو الصديق . انا هتكلم ع اعتبار الموجود دلوقتي ف المنتدي بس فيه ناس تانيه برضه حبايبي هما طبعا اللي موجود منهم دلوقتي ريم وجوجو

- روح المنتدى . ريم وجوجو وانت

- ابتسامة المنتدى . للاسف انت


لو تحب تهدي وردة : - بيضاء . - حمراء - صفراء . تهديها لمين
بيضاء لاصحابي
حمراء لماما
صفراء لاخواتي

مين العضو اللي :
- توقيعه روعة .
صن لايت انا بحب الصورة دي جداااا
- نفسك تغير اسمه .
نوبدي ويقول اسمه الحقيقي بقي
- تفرح بوجوده .
كلكم والله
- تقوله : ( صح لسانك )
ولا اي حد


ايه اكتر حلم وصلتله بخيالك حتى لو مش ممكن تحققه...؟
اني ادخل الكليه اللي انا عايزاها


مين الحد اللى اول ما بتكون زعلان او فرحان بتكلمه؟
مافيش حد معين بس انا بتكلم مع اصحابي

ايه اكتر حاجه مجنونه عملتهاا؟
كل تصرفاتي عبيطه ف البيت بكسر الكوبايات مثلا زي الاطفال وبخبيها عشان ماما هههههههههههه
ايه اكبر مصيبه عملتهاا وتحكى طبعا؟
مش فاكره والله
اايه نظام الرحلات معاك؟
اخر رحله طلعتها كنت في تانيه اعدادي ومن بعدها نفسي وقفت من الرحلات وجيت ف الجامعه قولت اروح رحله ماما ماوافقتش خايفه عليا
ازاى بتقدر تحكم ع البنت والولد ؟وممكن تنخدع بسهوله فى الحكم؟
انا دايما بنخدع الحمدلله


وخد بقي اغلس سؤال في الدنيا محدش بيحبه

اوصف الاعضاء دول وقدملهم نصايح ونقض يعني عيوب وميزات ونقض ونصايح طول عمر السؤال اوصف بس انا بقي حليتهولك اكتر يالا ماهو انا المنتدي هيعمر من غيري

بسام
طيب جدا ربنا يكرمه يارب ويوفقه ويرزقه ببنت الحلال لانه انسان يستاهل كل خير وخدوم جدا



محمد جمعه
محدش يقدر يتكلم نص كلمه عليه طبعا حد مستغني عن عمره ولا ايه ربنا يكرمه برضه هو كمان ويوفقه انسان كويس وشخصيه جامده

جوجو
بوء علي الفاضي عامله فيها سبع رجاله في بعض وهي والله اغلب من الغلب طيبه جدا وغلبانه اوي واانا بحبها جدا وف الفتره الاخيره بدأنا نقرب من بعض جامد

عاشقة الجنه
كويسه بس ياريت ياريت ياريت تحاول تفهمني صح لانها حاسه اني ضايق منها

دلوعه البنات
دلوعه المنتدي فعلا ربنا يكرمها في دراستها وفي حياتها عموما يارب

جولدن
اختلفنا انا وهي في فتره من الفترات بس ده مينعش انها انسانه كويسه ومحترمه اوي واللي كان ما بينا كان سوء تفاهم وراح لحاله

ديمو
حبيبة قلبي دي بقي مهما قولت مش هوصف روح حلوة وخفه دم وجدعنه وطيبه مافيش بعد كده

فور ام
ربنا يرجعه لينا بالسلامه ويشارك من تاني معانا لانه بصراحه بيدي جو حلو اوي ف المنتدي انسان طيب وروحه حلوة اوي

سمسمه
ع نياتها اوي

انا حابه اني اوصف حد تاني بعد اذنكم طبعا
ريـــــــــــم
دي بقي حبيبة قلبي بجد انا بحبها اوووووووووووووي اووووووي اوووووووووووي اووووووي اقرب حد لقلبي وبجد وقفت معايا وقفات لو اختي مش هتعمل معايا كده وبجد الفتره اللي كان معايا فيها انا كنت مدمره نفسيا فعلا ربنا يخليها ليايااااارب ويتعرف اللي عايزة تعرفه هههههههههههههههه

خلي بالك دي اسئلة اخد التار بس
مش بقولك حسبي الله ونعم الوكيل مش مصدق
لسة اسئلتي ماجاتش