ما هى صحه ذلك

موضوع: ما هى صحه ذلك الخميس مارس 18, 2010 7:50 pm

تذكير بمساهمة فاتح الموضوع :

كما بالصورة ...

تم استبدال عمودين مدورين ...بعمود مستطبل ذو قطاع اكبر...

ما صحة ذلك ...انشائيا

ما هى صحه ذلك - صفحة 2 Photo0002r

السلام عليكم ورحمة الله
كلامك صح يا مهندس محمد تسلم بس انا ليا توضيح صغير
هل تم اخذ القرار ده قبل صب السقف ولا بعده
لو قبله طبعا هيبقى احسن واسهل وهتقدر تامن نفسك اكتر لاني شايف مسافة بين العمودين الدائريين هتحط فيها حديد اكسترا سفلي في الجزء بين العمودين
تاني حاجة هيبقى فيه مسافة تقدر تكسح فيها الحديد بنسبة ميل 1:6 زي الكود ما بيقول على ما اذكر
طبعا لازم العمود اللي فوق يكون قطاعه اكبر من قطر العمود اللي تحت في حالة لو كان تم صب السقف بالفعل بدون تكسيح الاشاير
الاشاير اللي مش هتلحق تجيب النسبة مش هيكون ليها لازمة
الفكرة بتاعت ديمو صح في حالة لو احنا مش عايزين غير الشكل بس مع تعديل بسيط على كلامها هوا فيه حاجة اسمها بياض على شبك ممدد ودي كتير يعرفها بييجي شبك سلك محمل الفتحات فيه لا تزيد عن 1سم x 1سم ويتم طرشتها وتسليخها وبعدين يتعمل طبقة بياض عليها وده لو عايزين مجرد بس اننا نغير الشكل
بالنسبة للتكلفة طبعا تغيير العمود لمستطيل اوفر لان اللياسة على شبك ممدد مكلفة
تقبلو مروري

مش شرط قبل صب السقف او لا بس انت مش تقدر تحكم اذا كان بعد العمود كبير ولا لا لانك هتجيب بعده من التصميم هتشوف العمودين اللى تحت شايلين قد ايه وتقدر تجيب ابعاد العمود الجديد ممكن يكون كبير او صغير على حسب البعد الصغير اللى انت فرضته وبالتالى تقدر تقلل المسافه علشان تقدر تكسح الحديد اللى طالع من العمودين علشان يدخلوا داخل العمود الجديد

اما الطرطشه دا موضوع تانى خالص زى ما قولت انت 1سم * 1سم ودا موضوع تانى خالص عن اللى بنتكلم فيه
دا بيوضع علشان الشروخ

يا باشمهندس يا ريت تقرا كلامي كويس
انا بقول ان في حالة اذا كان السقف مصبوب يبقى لازم يكون العمود عرضه اكبر من قطر العمود اللي تحت والا لما تيجي تكسح الاسياخ هتبقى ظاهرة برة العمود لان اوريدي هيا في مكان ابعد من اللي فوقيها يبقى لازم ولا لا بقى
الحاجة التانية مافيش علاقة بين العمودين اللي تحت شايلين اد ايه وبين اللي بنقولو ما دمنا بنفكر اننا ننقل نفس الحمل بامان للعمودين اللي تحت اللي هما اوريدي متصممين على اساس حمل المبنى كله لان احنا لو عملنا العمود اللي فوق قطاعه اكبر من او يساوي قطر العمود اللي تحت يبقى اكيد مساحة العمود واللي بيعتمد عليها التصميم واللي بنضيف الحديد على اساسها مسيفة لان مساحة المستطيل في الحالة دي هتبقى اكبر من مساحة الدايرة اللي ليها نفس القطر
الحاجة التالتة موضوع البياض على شبك ممدد ده حاجة والسلك الشبك بتاع الشروخ ده حاجة تانية خاااااااااالص
ده موضوع غير ده تماما

تمام كلامك فى الجزء الاول صحيح
الجزء التانى بصراحه مش فاهم ازاى مش فيه علاقه بين العمودين اللى تحت واللى فوق

مين بس اللي قال ان مافيش علاقة بين العمودين اللي فوق واللي اتحت امال احنا بنتكلم في ايه
انا بقول مافيش علاقة بين التصميم واللي احنا بنقوله في اننا ينفع نعمل الموضوع ده ولا لا وازاي
وزي ما قلت ما دامت مساحة العمود اللي فوق الكلية هتبقى اكبر من او تساوي اللي تحت يبقى مافيش داعي حتى ابص على التصميم او لو عايز تتعب نفسك شوية يا سيدي مش مشكلة روح هات الحمل اللي شايلينه العمودين مع بعض واجمعه وشيك على العمود الجديد هيشيل بقطاعه ده ولا لا
والحديد نسبة من القطاع

هههههههههههه
يا باشا كلامك صح

يا باشا ربنا يخليك واتمنى نتناقش في حاجات زي كدة فعلا كتير وبجد من اول ما دخلت المنتدى وده من قريب يعني مش زمان مش قابلت موضوع فيه فكر زي كدة
تسلم على الموضوع وعلى الاجابات اللي حطيتها
تقبل مروري

وانت كمان اتمنى ان فى حد يتفاعل هنا فى المنتدى وتقبل ايضا مرورى

ايوه كده يارجاله هو ده الكلام الصح
الي انا عايزه من زمااااااااااااااااان
مستنيين خبراتكم للجهله الي زينا
ههههههههههههههه
منورين

مفيش حد جاهل كلنا كده فى الاول

الحمد لله طمنتي علي نفسي
بجد شكرا ليك جداااا

ههههههههههههههه ايه انت مش واثق من نفسك ولا ايه

ومنين هنجيب الثقة دى
واحنا ع راى اسامه
جاهله

كلنا كده وما زلت كده

اممممممممممممممممممم
ياريت نوصل لربع كده بتاع حضرتك

ربنا يخليك كله بياجى بالشغل

بس لما يااااااااااااااااااااحى الشغل ونشم ريحته الاول

ان شاء الله قريب

اللهم استجب