eng.mhmdgoma على كرسي الاعتراف في موسمه الجديد

New girl كتب:

لو قالو لك هنرجعك لمدة ساعة لايام اطفوله هتعمل ايه في الساعه دي؟


هلعب استغمايه زي اللى كنا بنلعبها زمااااااااان



هل تؤمن بالحب من أول نظره ولماذا؟


نعم اؤمن به
لانه موجود



هل انت شخصية متناقضه؟ ولماذا؟


والله ممكن تقولي متقلب نوعا ما بس مش متناقض
يعني كلنا يوم نبقى فرحانين ويوم زعلانين
ويوم قريبين من ربنا ويوم بعاد شويه كده يعني
بني ادم طبيعي الحمد لله

لماذا ؟
لانه من المحال دوام الحال


مين الحد اللي اتعرفت عليه على النت او من المنتدى وأثر فيك؟

ساره مصطفى




هل تؤمن بالصداقه عبر النت؟


طبعا في حاله واحده فقط اذا ارتبطت بالواقع بعد ذلك
يعني انا ليه ناس صحابي كتير جدا وحبايبي اتعرفت عليهم ع الشات ودلوقتي بقينا صحاب وبنكلم بعض على طول وبنقابل بعض بس ده ما يمنعش ان الواحد لازم يكون حذر في المعامله في البدايه




ممكن تكلم بنات على الشات؟

زمان اه
دلوقتي لا





امتى يصيبك اليأس؟


لما اموت



من من الناس يحتل اكبر مساحه في قلبك؟

اكيد طبعا والدتي
ثم حد معين


هل انت صريح ؟ ولاي درجه؟ وهل ندمت على صراحتك يوما؟

المشكله اني صريح لابعد الحدود

اه
من حوالي 4 سنين تقريبا خسرتني صحاب غاليين عليه جدا ومش ممكن انساهم




ماذا يعني لك اللون
الاسود

لون معبر عن الحزن

الاحمر

لون الرومانسيه

الرمادي

نهاية النار ويمثل الهدوء


ماذا يعني لك الفراق؟

انه يتكتب عليه اني ما اشوفش ناس غاليين عندي


هل شخصيتك داخل المنتدى هي شخصيتك خارجه؟

الى حد كبيرمتقاربه
بس اكيد طبعا مع صحابي تفرق شويه

بيت شعر تحبه؟

ولدت امك يا بن ادم باكيا
والناس حولك يضحكون سرورا
فاحرص على يوم تكون اذا بكوا
في يوم موتك ضاحكا مسرورا


اخر رساله جات لك على موبايلك؟

لسه واصله النهارده من ساعتين كده

"قلبي مع الارسال وعيني على الجوال مدري انا على البال ولا تغيرت الاحوال"
المرسل : عبقرينو صاحبي0

ايه اللي استفدته من المنتدى؟

اكيد اكتسبت معرفة الناس الكويسه دي اول حاجه
وتاني حاجه في مواضيع كويسه الواحد بيستفيد منها
تالت حاجه ان اوقات الواحد بيكون مخنوق بيقعد ع المنتدى بيفك شويه


حدد موقعك بالنسبه للاتي

الذكاء

والله ذكائي الى حد ما مقبول مش غبي يعني الحمد لله
متهيالي دي الناس اللى تقولها مش انا

الموضه

مش بحب امشي مع الموضه اد ما احب الحاجه اللى البسها ما يكونش حد لابسها غيري او ممكن انا وواحد صاحبي بس

الحياة الاجتماعية

اعزب
ههههههههههه
مستقره الحمد لله

السياسة

بعيد عنها بقالي فتره



كيف تعبر عن حياتك في كلمة؟

كفاح وفراق

ايه الحاجه اللي كنت بتخاف منها اونت صغير وياترى لسه بتخاف منها ولا لا؟

كنت بخاف من البحر جدا وكنت بخاف ادخل في الغريق كان اخري ابلبط ع اول الشط
بس دلوقتي بقا من الحاجات اللى بعشقها جدا ومن الحاجات اللى بحب اعملها اني اكون ابعد واحد في الشط كله


مين اول حد بيخطر ببالك اذا كنت مضايق

هو في غيره


ياترى انت واثق من اللي بتحبها لاي درجة ؟ وايه اللي لفت انتباهك ليها؟

فور شور لابعد الحدود
طيبتها


ولو اللي بتحبها طلبت منك طلب وانت مش مقتنع بيه هتنفذه ولا لا؟


والله ذكرت قبل كده وقلت ان لو اي حد عزيز عليه طلب مني حاجه مش مقتنع بيها بس مش حرام مش هقدر اقوله لا وده لاي حد عزيز عليه فما بالك بقا


ولو هي عملت حاجه مش عاجباك وغلط خالص هيكون تصرفك ازاي؟

لا داعي :evil:



وعندي استفسار على اجوبتك اللي فاتت

ليه في سؤال في ايدك 3 وردات لم تذكر والدتك رغم انها المفروض اهم حد وكمان انت بعد كده قلت انها اغلى حد عندك ونفسك ترضيها

لا الورد ولا الكلام ده كله يساوي حاجه ادام الفعل

ايه يا جماعه فين اسئلتكم ولا ما فيش غير نيو اللى هتسال ؟

انا قلتلك هظبطك
ياعنى اصبر شوية عليا
يااااجميل

محمد جمعة اهلين وسهلين

ومرحبتين

حالك عامل ايه



اسئلتى بس يارب متكنش محرجة..(جاوب بنعم او لا مع بيان السبب داخل الاقواس)........


1_هل انت عايش قصة حب حااليا( )
2 -هل انت بتحب الناس الهايفين اللى مثلا مثلا بيحاولوا يجزبوا الناس بهيافتهم()
3-هل انت محمد جمعة على طول ولا ايه شخصية بتختلف من مكان لا خر()
4_محمد حسيت ان فيه واحد صاحبك بيراقبك طول عايز يقتنصلك اى خطأ()
5_هل انت شخص غيور()
6_ هل انا انسان وحش()




اسئلة رخمة بقى

ليه بتحب تا كل بطاطس ومتحبش الطعمية؟

انت بتركب سرفيس كام؟

ليه مش عايز تعزمنى على الغدا

هههههه؟

بتحب اللون الاسود ولا الرمادى؟






ماذا يعنى لك الاتى






البكاء


السعادة


الى من توجه تلك الكلمات من المنتدى مع السبب












1_الكلية
2_هندسة
3_الاجازة
4_الحزن
5_
6_


1_اشطة يابا
2_عينى عليك/ى باردة
3_متعش فى الدور( ياعسلية)
4_مش هسيبهالك
5_الله يسامحك ياعسلية ههههههه (هوعارف ليه انا بقول عسلية)
6_والله انت باشا
اكمل بعدين هروح اتغدى واجى اكمل

ENG_TAHA RASHAD كتب:

انا قلتلك هظبطك
ياعنى اصبر شوية عليا
يااااجميل

شكلي كده انا اللى جبته لنفسي

ياواد فيه اسئلة مش عارف انت جايبها منين
وفيه اسئلة مجاوبتش عنها

يلا جاوب احسسسسسسسسسسسن...........

ENG_TAHA RASHAD كتب:

محمد جمعة اهلين وسهل


اسئلتى بس يارب متكنش محرجة..(جاوب بنعم او لا مع بيان السبب داخل الاقواس)........


1_هل انت عايش قصة حب حااليا

ممكن

2 -هل انت بتحب الناس الهايفين اللى مثلا مثلا بيحاولوا يجزبوا الناس بهيافتهم()


لا طبعا


3-هل انت محمد جمعة على طول ولا ايه شخصية بتختلف من مكان لا خر()


لا بتحول
هههه
بص يا حاج في شله من صحابي مش بيحبوا الهزار دول اكيد مش ههزر معاهم جامد
وفي شله تانيه بتحب الهزار اكيد دول هيكون تصرفاتي معاهم بهزار الى حد ما اما الشله الاولانيه هتكون تصرفاتي معاهم جد بس


4_محمد حسيت ان فيه واحد صاحبك بيراقبك طول عايز يقتنصلك اى خطأ()


اه بس ما اسميهوش صاحبي لان صاحبي عمره ما هيراقبني لاقتناص خطأ انما صاحبي لو شافني بعمل حاجه غلط وجه كلمني يبقى ده حبيبي وصاحبي وكفاءه زيك كده


5_هل انت شخص غيور()

جدا انت ما تعرفش يا بني ولا ايه

6_ هل انا انسان وحش()

طبعا يا بني انت بني زي العسل ربنا يكرمك ديما


اسئلة رخمة بقى

ليه بتحب تا كل بطاطس ومتحبش الطعمية؟

ههههههههههه
طب دي اقولك عليها ايه مع اني اكلت الاتنين بس انت ما كنتش مركز
وع العموم برضه يا بني الحمد لله ما فيش حاجه مش باكلها
"الغربه بقا"



انت بتركب سرفيس كام؟


11

ليه مش عايز تعزمنى على الغدا

هههههه؟


يا سلام اما انك ولد طفس صحيح
بس اللى يرجع في كلامه يبقى عيل بقا والمنتدى كله شاهد اهو يا عم
ان شاء الله تعمل حسابك انت والواد حماده تكونوا عندي بعد بكره باذن الله


بتحب اللون الاسود ولا الرمادى؟


بتغش من اسئلة الناس
بس الاتنين عندي من نفس المرتبه
لكن اليومين دول انا ركنت الرمادي شويه



ماذا يعنى لك الاتى






البكاء

التعبير عن حزن او سعاده شديده

السعادة

ان تشعر برضى الله عليك

الى من توجه تلك الكلمات من المنتدى مع السبب





1_الكلية
2_هندسة
3_الاجازة
4_الحزن
5_
6_



1_اشطة يابا

كولوبالي

2_عينى عليك/ى باردة

حماده

3_متعش فى الدور( ياعسلية)

انت يا عم بقا

4_مش هسيبهالك

عصام

5_الله يسامحك ياعسلية ههههههه (هوعارف ليه انا بقول عسلية)

برضه انت بقا :lol!:

6_والله انت باشا

دي بقا بتاعة حماده


اكمل بعدين هروح اتغدى واجى اكمل

في انتظارك يا جميل

اولا شكرا على كلامك عنى وربنا يجازينا جميعا كل خير

ثانيا بما انى اول مره اشارك فى اللعبه دى
مش هتقل عليك

1-هل بتحس نفسك احسن من غيرك؟ وليه؟
2-هل انت راضى عن نفسك؟
3- ايه اكتر حاجه بتكرها فى المنتدى؟
4- تفتكر ان المجامله بين الاعضاء مبالغ فيها شويه؟ وليه؟
5-مين اكتر شخص تحب تتعرف عليه شخصيا فى المنتدى؟
6-ايه هى مواصفات فتاه احلامك؟
7-ايه اكبر كدبه كدبتها وندمت علها؟
8-هل انت ملتزم مع ربنا تماما؟
9-ايه رايك فى بنات اليومين دول وخصوصا بنات دفعتك؟
10-ايه رد فعلك لو حد قالك انت
متكبر
كداب
مش محترم
عصبى
متشدد فى معاملتك
عدوانى

اتمنى ان مش يكون فى اسالتى زعل
ولو كان فى زعل رجاءا السماح

شكرااااااااااااااااااااااااااااااااا

ASA كتب:

أنا جاي بس أسلم علشان متفتكرش إني بنفضلك

بس أنا فعلا زي مانت قولت طلعت كسول أوي

و مكسل أفكر في اسئلة بس الناس قايمة معاك بالواجب و زيادة

ربنا يصبرك يابني و يعين كيبوردك

حبيب قلبي

شكلك كده زعلت يا ريس

بس انت عارف اني بهزر والله وبصراحه بقا

ونفسي في اسئلتك الحلوه يا ريس

هل يوجد موضوع شدك واثر فيك لدرجة انك بترجعله اكتر من مره ؟

هو مش موضوع معين
بس في مواضيع بحب من حير لاخر ابص عليها


الى أي مدى انت حر......وما هي قيودك.....؟

في البيت الحمد لله واثقين فيه وسايبين براحتي ع الااااااااااااخر
بس ممكن كل كام يوم اسمعلي كلمتين في اجنابي كده علشان التاخير

هل تري انك مظلوم في دنياك.......؟

لا الحمد لله ع كل حال

هل تؤمن بالحظ.....اذا كنت.... فهل تري انك سيئ الحظ.....؟

اؤمن بالقدر بس انما الحظ لا
والحمد لله قدر الله خير في كل الاحوال


ما مدى الاتفاق والاختلاف بين عقلك وقلبك......ومين اللى بيأثر على قراراتك اكتر....؟

من الجانب العاطفي بس اقدر اقول اني قلبي بيسيطر ع عقلي بس مش ع طول وتاثير القلب يتفوق بدرجه بسيطه عن العقل
بس في بقية نواحي الحياه العقل متسيد الامور


هل ترى أن حياة الانسان فيلم تنتهى احداثه بموته........؟

والله عجبني مسمى رحله احسن من كلمة فيلم علشان الفيلم الواحد بيكتفي بمشاهدته بس

ايه معلوماتك في الكمبيوتر والنت.......؟

معلوماتي في الكمبيوتر ممكن تكون واسعه شويه على اعتبار اني خمس سنين بدرس كمبيوتر من الالف للياء

الصيانه
شفت واشتغلت على البورد اللى كانت من العصر الحجري لحد البورد الحديثه وصيانتها من مجاميعه
البرامج
بما اننا برضه في مدرسه كان كل همها الكمبيوتر فا كنا بنتفنن في اننا نجيب احسن البرامج من حيث برامج صيانة الهاردوير او اي برنامج في الدنيا ودرست برضه برامج حمايه ودوس ويونكس ده غير الاوفيس والويندوز سيرفر
البرمجه
درست في الاسماعيليه سي والحمد لله كنت كويس فيها والسي يعتبر هو الاساس لكل لغات البرمجه
الشبكات
دي بقا تخصصي واللى للأسف مش هكمل فيه
والشبكات دي مجال كبيييييييير جدا
بس السهل ان اي حد يعرف يعمل شبكه لكن مش من السهل ان اي حد يعرف يعمل اقوى حمايه للشبكه

ايه اللى خلاك تقول على نفسك انك كنت صايع نت ؟

لاني كنت انا وواحد زميلي الله يمسيه بالخير اسرع اتنين في الشات
وكان اسهل حاجه عندي اوقع موقع او اي حاجه وطبعا ما كانش في اميل بيستعصى
من الاخر كنت هاكر مان
بس بجد عمري ما استخدمت الكلام ده في حاجه غلط او عمري ما سرقت اميل حد بس كنت بعملها مع صحابي ادوخهم ع اميلاتهم وبعدين اديهالهم تاني لكن الحمد لله يعتبر نسيت الكلام ده خااااااااالص وحتى البرامج اللى كنت بستخدمها في الكلام ده مسحتها من زمان بس الظريف في الموضوع ان كان كل صحابي مستحلفين انهم ياخدو ميلي فا عملت باسورد ما ينفعش اي برنامج هاك يشوفه
او بمعنى اصح عملت شفره في الباسورد وجيت بعد كده علشان افتح الميل مارضيش يفتح خالص وصحابي فرحوا وفيه منهم اللى قاللي انه سرق ميلي لكن بعد كده اكتشتف ان الشفره دي اصبحت في الاخر حرف عربي في الباسورد وطبعا لا الياهوو ميل ولا الياهوو ماسنجر الجديد بيقبلوا حروف عربي وبكده الميل شبه اتدمر لاني ببساطه شديده لا هعرف اغير الباسورد ولا هعرف افتحه من ياهوو ماسنجر جديد ولا هعرف افتح الياهوو ميل بس ده كان الميل القديم واللى نادرا لما بفتحه دلوقتي

معلش طولت عليكم بس السؤالين اللى فاتوا دول فكروني بذكريات جميله

ايه اكتر حاجه بتحبها في كل من :
الاكلات

ممكن المكرونه بالبشاميل

المشروبات

كان زمان شاي تقيل سكر مضبوط بس دلوقتي ممكن فيروز

المطاعم

في الاسماعيليه كان في محل بيتزا كنا ديما نروحه ع البحر بس مش فاكر اسمه خالص
في المنيب مطعم رسلان بتاع كشري كنت لازم اعدي عليه وانا راجع من الاسماعيليه
وفي الفيوم يا اما فلفل
يا اما عم احمد بتاع الفول والطعميه

وسائل المواصلات

بحب الميكروباص ويا سلام بقا لو السواق راجل دماغ وبيحب يقفل العداد واحنا ع الطريق

انواع السيارات

BMW

المصايف

مرسى مطروح

الفصول

الشتاء

الالوان

الازرق السماوي

الملابس

الكاجوال

ولو اكتر ناس بحبهم
فا طبعا صحابي بتوع اطسا هما دول يكونوا ليهم النصيب الاكبر في الولاء والانتماء

المنتدى

انه بيجمع الناس


اصحابك

انهم فعلا رجاله رجاله في اي موقف

انواع القلوب

القلب الحساس

انهارده اخر يوم لحضتك على الكرسي
هتختار مين بعدك
عرفت المنتدى ازاي؟ مين اقرب اعضاء ليك هنا؟
اوصف نفسك في ثلاثا كلمات
ايه احسن مفاجأه حصلت لك
هل انت متسرع في اطلاق الاحكام على الناس
ايه اصعب قرارا اخدته في حياتك؟
متى يسقط الرجل من نظرك
ومتى تسقط المرأه من نظرك
رسالة عتاب لمن تبعثها
رسالة حب من قلبك لمن تبعثها
رتب هذه الكلمات على حسب اهميتها بالنسبه لك
المال - الحب - المستقبل المهني- العائله الصديق
هتعمل ايه لو لقيت فار عندك في البيت
هل انت واثق من نفسك

معلش يا بشمهندس لو هتقل عليك بس دول اخر اسئلة ليا ان شاء الله

باين من اجابات حضرتك وشخصية حضرتك انك شخصية ملتزمه الى حد كبير
ياترى بقى الانسانه اللي حضرتك مرتبط بيها علاقتك بيها بتراعي فيها ربنا يعني مش بتقف معاها وتتكلم معاها والكلام ده ومستني الخطوبه والمضي في الارتباط الرسمي طالما عرفت مشاعرها

يعني ايه هندسه في فكر حضرتك؟ ويعني ايه حياة؟
اوصف اصحابك في كلمة؟
ايه شخصية البنت اللي تعجبك وشخصية الولد اللي تعجبك؟
حضرتك مذكرتش اذا كان ليك اخوات بنات ولا لا؟؟؟ ياترى لو مش ليك اخوات بنات كنت تفضل ان يكون ليك ولا كده احسن ؟ وليه

لو فس اسئلة هتضايق حضرتك مش تجاوبها

السلام عليكم ورحمه الله وبركاته

انا عندي شويه اسئله قليله ده بس علشان انا طيبه
1-ايه رايك فى عمل المرأه
2-ايه اكتر صفه بتحبها فى الشخص اللى بتتعامل معاه
3-ايه اكتر صفه ممكن تكرهك فى الشخص اللى بتتعامل معاه
4-مين اكتر انسان ممكن يكون عارف عنك كل اسرارك
5-مشكله هتعوق حياتك وانت للاسف مش لاقى ليها حل وفى امل انت عاوز توصله واستحاله توصل وتتحقق الامل ده والمشكله دى موجوده
اتصرف يا مان؟؟؟
يا رب مكنش تقلت عليك
السلام عليكم ورحمه الله وبركاته