وانتي بتعملي شات مع الولاد

موضوع تم طرحه في المنتدى وخرجنا منه لمواضيع تانيه

الموضوع ده بعنوان الصداقه بين البنت والولدوكل واحد من الاعضاء دخل وشارك فيه وقال رأيه فيه

وكل الاراء اتفقت على انه مفيش صداقه بين البنت والولد وانا متفقه معاكم في الرأي ده فعلا يستحيل وجود صداقه بين البنت والولد لاننا كبشرلما بنميل لعمل صداقه بندور على القريبين الينا في الصفات والتفكير لذلك تلجأ البنت للبنت والولد للولد والدليل على كده تلجأالبنت لصداقة والدتها دون ابيها كما ان الاسلام امرنا بذلك

ومن خلال بعض ارآء الاعضاء فتحت مواضيع لا علاقه لها بالموضوع ده ولكن لها اهميه مثل موضوع الاختلاط ورأيي لوزاد الشئ عن حده تقل قيمته ويزيد الوقوع في الخطأ يعني الاختلاط يكون بحدود فرضها الاسلام علينا وعاداتنا وتقالدينا حدود يفرضها الانسان على نفسه ويكون سليم النيه لان الله اعلم به من نفسه واعلم بما يدور في خاطره فيجب ان يوقن بان الله موجود ورقيب على كل افعاله ولا اقول ان تكون في حدود المصلحة لانها تعني الانانيه فمثلا لو وجدت زميلتك في مكان ما او جارتك وفي اشد الحاجه الى المساعده

الن تسارع في مد المساعده اليها بحكم انك مسلم والاسلام امرنا بذلك

وفي راي يقول الاختلاط يفتح بابا للشيطان نعم انه يفتح منفذ له ولكن عندما نقف امام هذا الباب ونواجهه ونبطل خبث هذا الشيطان بالاستعانه بالله والصبر والصلاه فكل ما يحدث لنا في حياتنا هو بلاء من الله يختبرنا به فعلينا اجتياز هذا الاختبار وكلا منا حسب ايمانه ومقدرته ونيته فالسيده عائشه رضي الله عنها ولا اقارن انفسنا بها فهي ام المؤمنين انزل الله برائتها من السماء وذلك لان الله اعلم بنيتها

"وانتي بتعملي شات مع الولاد"كلمه قالها العضو asa وفجر بيها موضوع مهم جدااااااعشان كده خليته عنوان الموضوع

اعتبر المنتدى شات بين البنات والولاد صحيح في كتير من الاعضاء اتأذى من كلامه ده ونتج عنه انهم يسيبوا المنتدى

انا في رايي ان الفرق بين المنتدى والشات كبير اوي الشات بيكون فيه الاتصال مباشر صوت وصوره كمان الناس بتكون غير معروف ماهيتها وبيكون الكلام فيه فارغ وغير مفيد وبيلزمك كتير انك تكدب في كلامك وغير كده اخطاره لا حصر لها

اما المنتدى بيكون الكلام فيه مفيد وبحدود امام الاعضاء كلهم وبيكون اسمى صوره للاختلاط في حدود الدين والعادات

وده مجرد رأي وان كان للعضو asa رأي تاني يوضحه ويبينه للاعضاء مش يقول كلمه من غير ما يبين قصده ايه

الموضوع ده مفتوح لكل الاعضاء ولازم كل عضو يبين رأيه ويشارك لان الموضوع مهم ولو كان لحد اعتراض لازم يقول هو معترض ليه وايه اللي معترض عليه لان ده حوار مفتوح ولازم نوصل فيه لنتيجه ايجابيه

فعلا انتي عندك حق يا ذا كوين
وا نا حاولت اقولهم يبقو يدخلو يستفيدو منه بلاش يكتبو ردود
لكن معرفش شافوا الرساله دي ولا لا

عامة المنتدي بتاعكم و انتوا الي بتمثلوه

معاك حق يا ديدو وعشان احنا بنمثله
لازم نظهر في صوره احسن من كده
ولازم كل الاعضاء يشاركو في الموضوع ده لانه مهم جداااااااااااااا

هيشاركو كلهم باذن الله

السلام عليكم انا من راى انى مينفعشى يكون فى علاقه صداقه بين ولد وبنت
لكن للاسف انى الظروف جمعتنا فى مكان واحد وهو طبعا العمل او الجامعه
فلابد انا تكون العلاقه فى اطار العمل او الدراسه فقط
وقال الله تعالى ولا متخذات اخدان عشان كده مش ينفع الصداقه بين ولد وبنت
واسف على الاطاله

اتمنى يا جماعه اننا ما نهمل الموضوع الاخير ونقول رأيينا فيه كمان
لان اكيد ارائكم تهمنا

ان عن نفسى مش مع أى واحد او واحده بيعملوا شات مع بعض وأعتقد انه قد يكون حرام والله أعلم فأنا ما أقدرشى أفتى
بل أعتقد ان الشات ممكن يكون اضراره أكتر من الحديث وجها لوجه لأنهم فى شات ممكن يقولوا كلام ما كانوش هيقدروا يقولوه قدام بعض يعن من الآخر كده انا بعارض الشات بين الولد والبنت.

إنما بالنسبة للمشاركات فى المنتديات أعتقد انها مافبهاش مشكلة لأن الكلام اللى بيتكتب بيكون قدام كل الأعضاء وكمان بيكون فى مواضيع محددة وكمان المفروض ان الأعضاء بيكونوا حريصين فى كلامهم اللى بيكتبوه فى مشاركاتهم والحمد لله كل أعضاء منتدانا نحسبهم على خير على مستوى من الخلق والدين.

والله يا ذا كوين عندك حق فيه فرق بين الشات والمنتدى كبييييييييييييييييييييييير جدا وبعدين فيه حاجات كتيرة بتحكم العلاقة بين البنتوالولد هنا فى مصر فيه عادات وتقاليد وعلى حسب شخصية البنت او الولد وفيه مقولة بتقول افعل ما شئت كما تدين تدان ولانسان لازم يراعى ربنا برضو احفظ الله يحفظك.

اكيد في فرق بين الشات والرد علي مواضيع المنتدي
لان انا من رايي ان الشات غلط وقد يكون حرام بس مينفعش افتي في حاجه معرفهاش
بس ردنا علي مواضيع المندي يعني انا من رايي ان المواضيع مش فيها اي حاجه غلط
وبعدين مش لازم كلنا نكون موجودين في المنتدي في نفس الوقت كل واحد بيقول رايه وبيتعرض اه علينا بس مش زي الشات طبعا
وغير كدا مواضيع المنتدي محدده يعني لو في واحد شايف ان المواضيع مش كويسه المفروض يقول ده

انا كنت مختلف الراى ضد ديدو
بس مها سبقتنى
لان الشات حاجه والرد على الموضوعات حاجه تانيه خالص
الرد دا بتقول ايه رايك على الموضوع
وعلى الاقل بتشجع صاحب الموضوع على الاستمرار لانه لقى قبول من الاعضاء والموضوع عجبهم
بس انا حبيت اوضح النقطه دى

اولا احب اشكر ذاكوين على طرحها للموضوع ده لانه فعلا موضوع مهم جدااااااااااااااااا
ثانيا احب اوضح رايى لان بالطبع يوجد اختلاف بين الشات والمنتدى
اولا المنتدى عبارة عن شخص بيوضح موضوع او فكرة معينة وينتظر الاراء حتى يفيد ويستفيد
ثانيا الشات بين البنت والولد يعتبر حرام وهذا ليس رايى ولكن هذه فتوى لمفتى دبى قال فيها(ان الشات بين الولد والبنت يعتبر حرام حرام حرام لانها تعتبر خلوة غير شرعية)وانا سمعت هذه الفتوى فى برنامج على قناة الناس
اعتقد انه بذلك اتضح الفرق والله اعلم
واسفة على الاطالة

ردي المرادي قاصي اوي يابشمهندسين وانا من وجهه نظري ان ناس كتير متستحقهاش والباقي شويه منهم مدروشين وشويه وخدينها ببساطه وشويه تخبط تقلب معندهمش مشاكل (احنا بنفكر باسلوب الناس الاميين ...... هنفضل نفكر بالشكل ده حتي لو وصل منا دكتره في الجامعه ومهندسين بس لاسف هيبقوا فشلين في اي حاجه علشان حاطط في دماغه (سوري في اللفظ علاقه من جه تانيه)نفكر ازاي نطلع السما ونجيب منها نجمه ننور بيها مجتمعنا ونعلم ولدنا وبناتنا ان مافيش حاجه اسمها بنت وولد في حاجه اسمها جهد واجتهاد وعرق لازم يتبذل _ومنربيش ولدنا زي ع التفكير القديم ده ....... اختم كلمي كل سنه وانتم طيببين ورمضان كريم

كل سنه وانتم بخير ولله اقرب
يا جماعه مفيش حد يتأسف من الاطاله في الكلام
طول ماهو بيوضح رأيه ويبينه لينا يعني طولو زي ما انتوا عايزين المهم يوصل رايكم وفكركم
و لي تعقيب على كلام البشمهندس ادهم
"زي التفكير القديم ده"تقصد ايه ؟؟؟؟؟؟؟
ممكن توضيح
صحيح لازم نربي اولادنا على حاجه اسمها جد واجتهاد لازم يتبذل
لكن لازم نربي اولادنا على اسس دينيه ونعلمهم مبادئ اسلامنا
وعادتنا وتقاليدنا الصحيح منها بس
كل تعاملتنا لازم تكون بحدود عشان ميبقاش في فوضى
حتي السما لما بنطلعها بيكون ليها حدود اه حدود معرفتنا وعلمنا يعني مهما وصلنا هيكون اللي وصلناله محدود
لان الله اعلم بغيب السماوات والارض

يا جماعه كل الارآءمتفقه معاي على نفس الرأي لحد دلوقت
ما عدا بشمهندس ادهم موضحش رأيه
وعضو كمان مهم جدا مستيين رأيه هو اللي فتح الموضوع ده وهو asa
وشكرا على تفاعلكم مع الموضوع

انا شايفه ان فيه فرق كبير جداااااااا بين المنتدي والشات
المنتدي عباره عن مواضيع وردود لتوضيح الافكار وامام كل الاعضاء
لكن كلام البنت والولد علي الشات حرام زي ما قالت نسمه وكمان ممكن يكون ليه اضرار خطيره جدا وممكن يؤدي الي معاصي كتير

تعقيبا علي كلام ادهم
احنا لازم نعلم ولادنا ان مافيش فرق بين البنت والولد في الجد والاجتهاد والعمل لكن مش معني كده اننا ما نعلمهمش تعاليم ديننا وعادتنا وتقاليدنا الصح لاننا لو حتي وصلنا لاكبر مراكز العلم ونسينا تعاليم دينا اكيد ربنا مش هيكون راضي عننا وانا من رايي ان احنا ممكن نوصل لاكبر مراكز في العلم واحنا لسه بنفكر التفكير القديم

ان شاء الله ها يردو

ردا على راى أدهم
Eng Dai el amrابتدئ مما انتهت به
وهو ان احنا ممكن نوصل لاكبر مراكز في العلم واحنا لسه بنفكر التفكير القديم
وياريت توضح يا أدهم انت تقصد ايه بالتفكير القديم ده
nesma mohammedلأن كلامنا ده مش تفكير قديم ولا حاجات أحنا أخترعناها دى أراء علماء دين ذى ما ذكرت المهندسة
وأنا لا أذكر أبدا أنى سمعت أى شيخ أو عالم اباح العلاقة بين الولد والبنت كما نرها فى أغلب جامعاتنا أو فى حجرات الشات

واذكر نفسى أولا وإياكم إن الدين ليس وجهات نظر أشخاص يسير وفقا لشهواتهم وإنما قرآن وسنة وشريعة وعلماء
والله أعلى واعلم

أتمنى أنك تراجع نفسك يا باشمهندس وتوضح كلامك وتكون حريص فى كلامك

أنا شوفت الموضوع بس مختش بالي إنك جايبة سيرتي
و انتي قعدتي تقولي اني قولت ان الشات زي المنتدى
و انا مقولتش كده و ارجعي اتأكدي بنفسك
أنا كل اللي قولته وجهة نظر رديت على المهندسة اللي بتقول
ان مينفعش ان البنت تكلم الولد تحت اي ظروف
حتى و لو كان في الدراسة او العمل و بكدة الدنيا مش هتمشي
لكن انا مقولتش ان الشات زي المنتدى
فمينفعش تكتبي عني كده و تقولي ان أنا فجرت موضوع والكلام الكبير ده
و قلتي ان انا قولت كلمة - مقولتهاش أصلا - من غير موضح قصدي
و محسساني ان انا الوحيد الل قولت رأيي
و ان أنا سبب الأزمة

مستنيين البقية
بس لما ذا كوين ترجع و تشوف ردك
ممكن ؟؟؟؟؟؟

زيط فى الزيطه يا عم ضياء

ابو سالم صح الصح

انت واخد التوقيع ده من عبد الغنى يا عم ضياء
فين الملكية الفكرية؟؟؟؟؟؟؟؟؟؟؟؟؟

لا علي فكرة جاتلي في رساله الكلمة دي

يعنى يا أحمد انت سيبت الموضوع كله وبتتكلم على التوقيع

على فكرة لو ركزت هتلاقى الصورتين مختلفين مش نفس الصورة

وانسى الكلام ده بقى وركز فى الموضوع

أولا: مع احترامى لكل الاراء أنا شايف ان الصداقة بين الولد والبنت شئ طبيعى والطبيعة لا تفعل باطلا
ثانيا:أنا عايز أعرف ايه الفرق بين المنتدى والشات؟؟؟؟؟؟؟؟؟؟؟؟؟
وأصلا فى شات بيناقش مواضيع زى المنتديات وأحسن وعايزكو تقرأوا اللى كاتباه ذاكوين فى اخر سطر أظن انها قالت كلمة"حوار والشات حوار

اسف علشان طولت :roll:

انا اسفه جدا اذا كانت كلمة "فجر"اتسببتلك في اي مضايقه واعتبرني سحبتها
وشكرااا جدا ليك انك نبهتنا لموضوع مهم جدا كان محتاج مناقشه لتصحيح الفهم الخاطئ بان المنتدى شات واللي اتسبب في ان ناس تسيب المنتدى
وانا مش بقول انك سبب الازمه ولا حاجه انما الكلام اللي قولته وصل معناه للناس بالمعنى اللي انا ذكرته
وحبيت اوضح سوء الفهم اللي حصل والدليل على كده اني طلبت انك تشارك وتوضح قصدك
والحمد لله من خلال ردك واضح انك مكنتش تقصد اي حاجه
واتمنى من نفسي ومن كل الاعضاء اننا نكون حريصين في كل كلمه خلال ردودنا عشان منتسببش في احراج اي حد او نتسبب في معنى غير مقصود
وشكرااااا جدا ع ردك asa

» كل سنه وانتي طيبة ياسمسمه
» ده بقى شويه كلام الولاد بيقولوه للبنات (كلام فى الهجايس)
» الفرق بين الولاد والبنت
» الفرق بين موبايل البنات وموبايل الولاد
» اأكبـــــــــــــــــر دليــل ان البنـــــــات هم الي بيعاكســـــو الولاد