لعبه جديده:مواقف في حياة كل منا

انا جايبلكم لعبه جديده ومفيده وممتعه

في حياة كل انسان مواقف جميله وبعضها مضحك وبعضها حزين
لكن دايما يوقف عندها ويخزنها في خزنة ذكرياته وعمره ما ينساها لانه اكيد استفاد منها
في اللعبه دي كل واحد هيقول موقف حصله واستفاد منه وشايف انه لو قاله هيستفيد منه غيره
بس من غير من ندخل في الخصوصيات
والعضو اللي بعده لو هيضيف تعليق بسيط وبعدها يقول موقفه وهكذا
وانا هبدأ بالموقف بتاعي
زمان ايام الثانويه كانت بداية رحلتي مع الكفاح والنجاح والفشل
كانت عندي نظره لكل اللي حولي اللي بيفشلو بانهم اتخلقو كده وعمرهم ما ينجحو وانهم سبب الفشل ده
لكن لحد ما جه الوقت اللي انا عشت فيه لحظة الفشل
بكل معانيها وعشت اصعب الظروف ومكنتش اعرف ايه سببه رغم جهودي
وعرفت وقتها انه مفيش واحد ناجح الا اذا كان واجه الفشل وبعدها اتغيرت نظرتي للحياه في معاني كتير
واحمد ربنا كتير انه عطاني الدرس ده
بس هو ده الموقف اللي عمري ما انساه ابدا
اللي بعدي

زائر

الموضوع جميل جدا جدا وفكرته حلوة قوي

الموقف بتاعك ده كلنا مرينا بيه

وانا كمان مريت بيه بس الحمدلله قدرت احوله لصالحي واحوله لرغبه في النجاح بس الموضوع اخد مني شوية وقت بس عملته

موقفي انا بقى

المواقف كتيره قوي

بس ممكن افتكر دلوقتي موقف بجد كان جميل قوي وعرفت فيه قيمة ناس كتير

من سنتين بالضبط اخويا الصغير كان بيعمل عمليه وده انا باعتبره ابني مش اخويا
ناس وقفو جنبي قوي وما سبونيش وفضلو معايا وقت العمليه كله
وناس كنت متوقعه منهم انهم هيبقو جنبي ولا حتى فكرو يسألو وهم عارفين انا حالتي ازاي

وواحده صاحبتي بجد ربنا يكرمها كانت معايا في كل حاجه باعملها ولو باشتري حاجه للبيت تيجي معايا ومتحسسنيش بالذنب

وتعطل نفسها وتأخر نفسها عشان تذاكر معايا عشان مكنتش بأقدر اذاكر

بجد من الموقف ده عرفت قيمتي عند اصحابي وعرفت قيمة الاصحاب اللي بجد وربنا ميفرقناش عن بعض ابدا

انا بقول ان النهارده لازم يتقلب عليه المواجع

على العموم اكتر موقف اثر فيه اوي هو موقف حصل مع ناس اعرفهم

والناس دول كنت فاكر ما فيش زيهم لانهم عشرة عمممر ومره واحده اتبدل الحال

180 درجه

معلش سامحوني انا مش هقدر اقول الموقف بس لازم الواحد يدرس اللى ادامه كويس علشان ما نتصدمش في حد

زائر

بدون ما تذكر موقف
دي تقريبا بتحصل كل يوم لدرجة ان ساعات بحس اني هأفقد ثقتي في كل اللي اتعلمته وفي تعاملاتي مع الناس
بي بأرجع اقول ان انا بأتعامل مع ربنا وميهمنيش الناس
واللي عايز يبيع او يستغل او يخون ربنا اللي هيحاسبه
وللاسف ناس كتيييييييييييييييييييييييير قوي بتعرف تزيف الواقع وتزيف حقيقتها
فساعات مش هتقدر تحكم صح

احنا بنتعامل مع الناس بما يرضي ربنا والناس تعمل معانا اللي هي عايزاه ولا يشغلنا لاننا باصين للثواب وهم باصين للدنيا

زائر

مش فاكره موقف تاني دلوقت

انتي عمرك ما تتصوري الناس دول كانو ايه بالنسبه ليه

اسره كامله بالنسبه ليه يعتبر مسحتهم من حياتي بعد ما كانو اغلى ناس عندي

» مواقف في حياة المشاهير
» لعبه جديده بس يارب تعجبكم يلا انتوا لسه واقفين ادخلوا
» مواقف ..
» مواقف شبر ونص
» مواقف محرجة