اضحك من قلبك

مرة مدرس بيسال طالب بيقولو اعربلى كلمة العربية واقفة فى الممنوع جاوب الطالب وقال العربية فاعل مرفوع بالونش
مره اتنين بخلة , رايحين يركبوا الاتوبيس .. فالأول قال للتانى تعالى نجرى جمب الأتوبيس ونوفر 50 قرش ,فالتانى قاله
لا احنا نجرى جمب التاكسى ونوفر 5 جنيه0
بخيل وعد ولاده لو نجحوا يفرجهم على واحد بياكل جيلاتي
بلدياتنا راكب طيارة هليكوبتر لقى الجو ساقعا قفل المروحة
عضو مجلس الشعب عمل استجواب لوزير المواصلات، ليه القطارات بتيجى كل يوم متأخر؟ الوزير وعد ان من بكره القطارات مواعيدها حاتتظبط! تانى يوم خد التليفزيون والصحافة على محطة السكة الحديد، الميه تكدب الغطاس! القطر اللى كان ميعاده عشرة وصل عشرة الا ربع! الصحفيين اتلموا على السواق يحيوه ويسألوه ازاى نجح فى عمل المعجزة دى، فرد: معجزة ايه؟ هو النهارده ايه بالصلاتو على النبى؟ الاربعاء. ده ياخواننا قطر يوم التلات
طب حاجه سوده طايره فى السما وبتقول نياو ايه هى؟؟؟ غراب بيستهبل
حاجه طايراه فى السما وبتقول نياو ايه هى؟؟؟ قطه بيضاء مضروبه بالشلوت
طب حاجه بنى طايراه فى السما وما بتقولش حاجه ايه هى؟؟؟ فرده الجزمه بتاعه الراجل الى ضرب القطه البيضاء