شويه نكت

موضوع: شويه نكت الثلاثاء يناير 26, 2010 8:47 pm

جماعه بيلعبوا على الطريق السريع واللي تخبطه عربيه مرتين يطلع بره .
ـــــــــــــــــــــــــــــــ
استضافوا واحد في برنامج الكاميرا في الملعب سألوه بتشجع مين قالهم المقاولين العرب

قالوله بتحب مين في المقاولين العرب قالهم الجماعة بتوع المحارة .
ـــــــــــــــــــــــــــــــ
واحد حب ينتحر من الدور العاشر

رمى نفسه من الخامس مرتين .
ـــــــــــــــــــــــــــــــ
واحد فتح محل جواهرجي عمل أول يوم ببلاش .
ـــــــــــــــــــــــــــــــ
واحد وقع في حفرة

حدفوله حبل طلع مشنوق .
ـــــــــــــــــــــــــــــــ
3 بيلعبوا على القهوة

واحد قال كش ملك

والتاني قال دبش

والثالث راح واخد الكوتشينة وماشى .
ـــــــــــــــــــــــــــــــ
2 بيلعبوا شطرنج الأتنين خسروا .
ـــــــــــــــــــــــــــــــ
الأمريكان والروس بيترسموا على بعض

الأمريكان يقولوا احنا أول ناس طلعنا القمر

والروس يقولوا لا أحنا أول ناس طلعنا القمر واحد كان واقف اتضايق أوى

قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.
ـــــــــــــــــــــــــــــــ
واحده بتقول لجوزها عمرك ماقلتلى كلمه تحسسني إن أنا مرآتك ؟؟

قالها إنتي طالق .
ـــــــــــــــــــــــــــــــ
واحد عايز يروح حفله تنكريه .... بعت أخوه .
ـــــــــــــــــــــــــــــــ
جماعه سمعوا عن اختراع أسمه السيفون حبوا يعرفوا هو إيه بعتو واحد منهم
أمريكا ... لما رجع قالهم أما السيفون ده حتة اختراع يا رجاله

تدوس على السيفون ويا تلحق تشرب يا متلحقش .
ـــــــــــــــــــــــــــــــ
واحد مفتاح عربيته ضاع ميكانيكي جه فتحهاله بطفاشه

تاني يوم عمل نسخه من الطفاشه .
ـــــــــــــــــــــــــــــــ
واحد راح لدكتور قاله يا دكتور كل أما أحط أيدي على عيني مشوفش

الدكتور خرمله أيده .
ـــــــــــــــــــــــــــــــ
واحد عمل عمليه نجحت عملها تانى.
ـــــــــــــــــــــــــــــــ
10 بيتعلموا ربط الكرافتة

6 ماتوا و 4 في حاله حرجه.
ـــــــــــــــــــــــــــــــ
واحد أتجوز جه أبو العروسه قاله لو لقيتها بنت بنوت إضرب طلقتين ....

لو ملقتهاش بنت بنوت إقتلها وإغسل عارنا

أول يوم ضرب طلقتين ... تانى يوم قتلها .
ـــــــــــــــــــــــــــــــ
واحد حب واحده

إتجوز أختها علشان يضمن يشوفها كل يوم .
ـــــــــــــــــــــــــــــــ
واحد خرج من الجيش ومعاهوش أي صنعه

فتح كشك شرطه عسكرية .
ـــــــــــــــــــــــــــــــ
واحد إشترك في من سيربح المليون جورج قرداحى سأله إسمك إيه

طلب الاتصال بصديق .
ـــــــــــــــــــــــــــــــ
2 بيلعبوا شطرنج ... الملك مات مشلول .
ـــــــــــــــــــــــــــــــ
بيسألوا واحد بيقولوله المصري بنى الأهرامات والياباني بنى إيه

قالهم بنا سونيك .
ـــــــــــــــــــــــــــــــ
واحد إشترى كمبيوتر شال الفارة وحط جاموسه .
ـــــــــــــــــــــــــــــــ
مجموعة ماتوا غرقانين في غواصة بعد التحقيق في الحادث

اكتشفوا أن واحد فيهم سمع خبط بره فتح يشوف مين .
ـــــــــــــــــــــــــــــــ
واحد وقع من الدور العاشر جالة صداع .
ـــــــــــــــــــــــــــــــ
ضبطوا 2 بيشموا أسمنت أبيض.
ـــــــــــــــــــــــــــــــ
واحد أشترى تاكسي كل لما حد يقوله تاكسي يقوله أيوه تاكسي .
ـــــــــــــــــــــــــــــــ
واحد عاوز يزور فلوس جاب ورقه بعشرين جنيه وزورها
بالضبط بس غلط وكتب بدل الـ 20 (18) وراح يفكها في القاهرة راح لأول واحد
قاله عايز أفك الورقة دي الراجل قاله الله يخرب بيتك زورتها إزاى

خد الورقة ومشى وإستغرب أوى إن الراجل عرف دي مزورة منين وقال أنا هرجع
البلد أفكها من ابن عمى ... راح لابن عمه قاله و النبي فك لي الورقة دى

قاله والله مفيش جنيهات تاخد ورقتين بتسعه .
ـــــــــــــــــــــــــــــــ
واحد إشترى موبايل ركبله جهاز إظهار رقم الطالب .
ـــــــــــــــــــــــــــــــ

واحد أشترى عربيه هيدروماتك قطع رجله الشمال .

ـــــــــــــــــــــــــــــــ

واحد إتفرج على إعلان مارلبورو تانى يوم راح إشترى حصان .
ـــــــــــــــــــــــــــــــ

واحد جاى ينزل من باب العربية لقي الدنيا بتمطر راح نازل من الباب التاني .
ـــــــــــــــــــــــــــــــ
واحد دايخ في كل محلات الموبايل ومش لاقى طلبه وراح شركة نوكيا برضه مش لاقى طلبه؟! عشان عايز موبايل بقرص .
ـــــــــــــــــــــــــــــــ
واحد دق في صدر أبنه مسمار عشان يعلقله البزازه .
ـــــــــــــــــــــــــــــــ
واحد بيسأل صاحبه بيقوله إيه رأيك في تجارة المخدرات قاله تجارة عين شمس أحسن .
ـــــــــــــــــــــــــــــــ
واحد إشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن .... قال يلعن أبو السرعة .
ـــــــــــــــــــــــــــــــ

واحد بيعمل كشف نظر طلع نظره 6/6

فبيقول لصاحبه : أنا كنت ممكن أجيب أكتر من كده بس الدكتور اللي لخبطني .

ـــــــــــــــــــــــــــــــ
2 راكبين موتوسيكل موتوا بعض عشان كانوا بيتخانقو علي مين يقعد جنب الشباك .
ـــــــــــــــــــــــــــــــ

2 اتنين بيلعبوا شطرنج فواحد بيقول للثاني أنا قتلتلك الحصان

الثاني قاله طب ثانيه واحدة ... لما رجع قاله وأنا سممتلك كل بهايمك .
ـــــــــــــــــــــــــــــــ
واحد قتل أبوه عشان يحلف برحمته .
ـــــــــــــــــــــــــــــــ
واحد ماشي ورا واحده بيعاكسها فبتقوله أمشى عشان بابا جاي ورايا

قالها قوليله أن أنا أخوكي .
ـــــــــــــــــــــــــــــــ
واحد نزل في محطة الرمل رجله غرزت .
ـــــــــــــــــــــــــــــــ
3 بيسرقوا بنك واحد بيسرق وواحد بيراقب وواحد بيبلغ البوليس .
ـــــــــــــــــــــــــــــــ
واحد دخل صيدلية بيقول للدكتور عندك فيتامينات حديد الدكتور قاله أيوه عندي
قاله أديني سيخين .
ـــــــــــــــــــــــــــــــ
مدرس حشاش كان بيعلم التلاميذ في الفصل ج ضمه جوزه - ح فتحه حشيش -
ب فتحه بانجو .

ـــــــــــــــــــــــــــــــ

فار محشش قاعد يقول كل القطط تحت جزمتى ... بيبص وراه لقي قط أسود كبير أوى

راح قايل : إلا ابو سمره .
ـــــــــــــــــــــــــــــــ
2مساطيل ماشيين يتخانقو على مين اللي يمشى في النص .
ــــــــــــــــــــــــــــــ

مسطول بيقول لصاحبه إمبارح شفت فيل أحمر طاير فوق عمارتنا

صاحبه قاله ياكذاب هو فيه فيل أحمر .
ـــــــــــــــــــــــــــــــ
مسطول راح محطة بنزين لقي شلة بنات واقفه حب يترسم قاله إملالي بـ 500 جنيه بنزين .
ـــــــــــــــــــــــــــــــ
2 مساطيل دخلوا متحف لقوا هيكل عظمي مكتوب عليه 1600 ق .م
فواحد بيسأل الثاني إيه 1600 ق.م دي ؟ قاله تلاقيها رقم العربية اللي خبطته .

ـــــــــــــــــــــــــــــــ
مسطول ماشى لقي زحمة جامدة أوي فبيسأل فيه إيه قالوله دول بتوع الأرصاد
بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول
بيبص كده لقي الهلال راح قايلهم أهه الهلال أهه أنبسطوا منه أوى وأدوله 10
جنيه فرح أوي
راح باصص الناحية التانيه وقايلهم فيه هلال تانى أهه .
ـــــــــــــــــــــــــــــــ

مسطول بيقول لصاحبه تعالي نروح فلسطين نضرب لنا حجرين ونرجع علطول .

ـــــــــــــــــــــــــــــــ

مسطول بيقول لصاحبه تصدق إن بوش جاي مصر بكره

قاله علي الطلاق الأهلي يغلبه 4.

ـــــــــــــــــــــــــــــــ

مسطول ركب العربية بتاعته ملقاش الدركسيون ولا التابلوه ولا الفتيس راح
عمل بلاغ في القسم إن العربية اتسرقت بعد شويه اتصل بالقسم قالهم الغوا
البلاغ أصل أنا كنت راكب ورا .

موضوع: رد: شويه نكت الثلاثاء يناير 26, 2010 9:27 pm

حلوين اووووووووووووووووووووووووووى

موضوع: رد: شويه نكت الأربعاء يناير 27, 2010 2:03 am

نورتي يا جوجو
قولت انزل شويه عشان الامتحانات بقي

موضوع: رد: شويه نكت الجمعة يناير 29, 2010 7:13 am

واحد بيسأل صاحبه بيقوله إيه رأيك في تجار
ة المخدرات قاله تجارة عين شمس أحسن .

واحد حب واحده

إتجوز أختها علشان يضمن يشوفها كل يوم

شويه نكت Icon_lol

موضوع: رد: شويه نكت الجمعة يناير 29, 2010 8:19 am

نورتي يافجر فينك من زمان

» شويه نكت
» شويه نكت خفيف كده على اد ما قسم !!
» يالا شويه كده نكت بس صغيرين
» انا جبتلكو شويه رسايل رخمه اوى
» دول يجماعه شويه صور انتريور كانت موجوده عندى