الواد وستو .. والخمسين جنيه ؟!! ( حاجة شلل يعنى ) هههههههه .

واحد صاحبنا ربنا كرمه زى ما كرم كل شباب اليومين دول وأشترى تليفون محمول يتشخرم بيه طبعآ ..
وكعادة كل شهر أتزنق فى قرشين
( قرشين يعنى فلوس بالمصري ومساري باللبنانى وبرادس بالصعيدي ههههههههه )
صاحبنا إتزنق في قرشين وعايز يشحن رصيد التليفون بتاعه ..
أبوه حالف على امه بالطلاق إنه ما هايديلوه مليم أحمر واحد يشحن بيه ولا حتى يحوله رصيد بخمسة وسبعين قرش يرن بيهم
لأنه كل شهر يشحن وعلى حساب أبوه كمان ويضيع رصيده على الـ ........... ههههههههه
وطبعآ أنتوا عارفين الشباب بيخلصوا رصيدهم على مين ..
هما فيه غيرهم اللى مخلصين على فلوسنا قبل الجوازو بعد الجواز !! هههههههههههه .
وأم صاحبنا ما بيدها حيله هاتديله يشحن من مصروف البيت يعنى ؟!
لأ طبعآ .. يولع التليفون وصاحب التليفون كمان!!!!
صاحبنا مالقاش قدامه غير ( ستو) { جدته يعنى } قرر يعمل عمليه إنتحاريه ويكلمها..
شرب شريط برشام مهدئ للأعصاب وإتشاهد علي روحه وراااااااااااااااااااااااااااااااااااااااح
لأ لأ لأ مش مات راح عشان يكلم ستو..
وكان هذا الحوار

هو : إزيك يا ستى .
هى : بنتى .. إيه بنتى دى يا قليل الأدب .
هو : يا ستى بقولك إززززززززززيك يا ستتتتتتتتتتتتى .
هى : أنت بتزعق ليه يا واد أنت أنا بافتكر بتقول بنتى .
هو : بتفتكرى إيه !! هو أنتى يا ستي حتى بتفتكرى إسمك .
هى : جسمك .. ماله جسمى يا قليل الأدب .
هو : يا ستى إرحمينا شويه بقي وشيلى الزلط اللى فى ودانك .
هى : قدامك !؟ هو إيه اللى قدامى يا واد أنت .
هو : يووووووووووووه يادى النيله .
هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .
هو : لا حول ولا قوة إلا بالله هو حد جاب سيرة البليله يا ناس .
هى : القلقاس !؟ أه بأحب القلقاس أهو كله نعمة ربنا .
هو : يا ستى ابوس ايديكي أرحميني أنا لا جيبت سيرة قلقاس ولا أناناس .
هى : لأ لأ لأ عيب يا بنى ..عيب لما تجيب فى سيرة الناس .
هو : يا ستى هو أنا جيبت في سيرة حد .
هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .
هو : لا يا ستى النهارده الخميس .
هى : البوليس!! وعايز منك أيه البوليس إنت عملت إيه يا منيل على عينك؟
هو : يييييه بقولك إيه يا ستى نفضى ودانك وطرطقيهم كده وإسمعينى .
هى : رضعينى !! أرضعك إيه ياواد أما إنك قليل الأدب صحيح .
هو : يا ستى أنا إتفطمت من زمان الحمد لله بس عايز منك قرشين كده سلف .
هى : علف !! إنت بتربى بهايم يا واد ؟؟
هو : يا ستى بقولك سلف !! سلفينى خمسين جنيه عايز أشحن التليفون .
هى : كومبيليزون !! كومبيليزون إيه يا للى مش متربى .
هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .
هى : أشتم !! وكمان عايز تشتم يا قليل الأدب .
هو : بقى كده يا ستى طب ماشى خدي عندك بقا !! بقولك إيه يا ستى .
هى : وظيفتى .. وظيفة إيه يا بنى أنا طالعه علي المعاش من زمان .
هو : رمان إنتى عايزه يا ستى تاكلى رمان .
هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .
هو : أه العبور !! أه ده كان سنة تلاته وسبعين .
هى : سامعين ؟؟ سامعين إيه خير الله إما إجعله خير هو فيه حاجه .
هو : بتقولي ايه يا ستى ..عايزة قهوة سادة .
هى : عياده ..عايز تودينى العيادة ليه يا بنى هو أنا عيانه .
هو : صقعانه .. صقعانه ليه بس يا ستى دا حتى الجو النهاردة حر .
هى : كفالله الشر !! شر إيه يا بنى اللى بتقول عليه ده .
هو : بقولك إحنا على البرررررررر .
هى : أه يابنى منا عارفه الخروف ليه فرو .. وبيبقي كمان تخين .
هو : أه إبنك حسين !!..ماله إبنك حسين .
هى : العجل سمين !! أه هانجيب إن شاء الله في العيد عجل ندبحه ولازم يكون سمين .
هو : إيه يا ستي بتقولي ايه .. أسفين .. طب أسفين ليه !!
هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
هو : ياااااااااااااااااااااااه أخيرآ يا ستى الحمد لله .. هاتى بقى .
هى : أجيب إيه ؟
هو : هاتى الخمسين جنيه !!
هى : تحسين بيه .. تحسين بيه مين يا واد .
هو : يالاهووووووووووووووووووووووووى .

**************************
المأسوف علي شبابه دلوقتى في
مستشفى المتاهة للأمراض النفسيه والعصبيه والعقلية كمان
غرفه رقم 11 بالدور الثالث
تليفون محمول رقم
( عفوآ هذا الرقم غير موجود بالخدمه برجاء التأكد من الرقم المطلوب )

هههههههههههههههههههههههههههههههه
لا حلوه الحكايه دي
جميله جدااااااا
هو الي يستاهل ملقيش غير ستو
وفي الاخر

( عفوآ هذا الرقم غير موجود بالخدمه برجاء التأكد من الرقم المطلوب )

العفو شكراااااااا ياهونى على مرورك
هو إلى اضرب فى دماغه وملقيش إلا سته

هههههههههههههههههههههههههه

انا لو مكانه كنت انتحرت من زمااااااااااااااااااااااااااااااااااااااان

تسلم اديك يا ولا

شكراااااااااا يامحمد على مرورك

جامده يا واد يا طه
تسلم ايدك

ههههههههههههههههههههههههه

جااااااااااااااااااااامده اوى ستو شكلها كانت عارفة انه عايز فلوس

ممكن يا ياسو

ههههههههههههههههه
حلوة جدا
بس يا بشمهندس بعد اذن حضرتك
يا حول الله يا رب
مينفعش نقولها
الصح نقول لاحول ولا قوة الا بالله
ياريت لو تقدر تعدلها

شكراااااااااا على مروركم بسام وياسو ونيو
وتم التعديل

تحفه تسلم ايدك

بس هو فعلا اللى يستاهل

العفو شكراااااااااا يامهندسة على مرورك

زائر

ههههههههههههههههههههههههه
حلوة جداااااااااااااااااااااااااااااااا
تسلم ايدك
ربنا يصبره انه استحمل كل ده

» الفرق ما بين الواد الفافى والواد البيئة.
» موسوعة (( أكبر حاجة , فى كل حاجة )) .............!!!
» الواد قلبة بيوجعة
» سبعمية تلاتين ليلة وليلة .. الواد عنتر والبت عبلة !!
» اشتغالة بمليون جنيه