بتحب مين اكتر مراتك ولا شغلك ؟؟؟

بتحب مين أكت

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟
مراتك...........ولا..شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،

وأنا بالنيابة عنى أعترف بأن هذا صحيح..........صحيح......صحيح ليه.....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا..........الشغل بيصرف عليا.......بس أنا اللي بصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هييجى بنتيجة..........

ثالثا........ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد..........مش ممكن ترضيها !!! وإذا رضيت........ عندك
حماتك عمرها ما ها ترضى أبد !!!!!!!

خامسا.......في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........

سادسا........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو...... .يا حاج.......... ولما تعجز........وتسلم النمر...تقولك............ .يا بركه...........

سابعا.......الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت......لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.

ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........

تاسعا..........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها..........ظلم

عاشرا........في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين

في النهاية....بتحب مين أكتر...مراتك ولا شغلك..

الإجابة..أكيد مراتي طبعا !!!!!!

أنا واثقة طبعا أن الرجالة الفيومين الأهم عندهم الشغل ومراته ده أخر حاجة ممكن تيجئ على باله

يا نهار ابيض على الفيوميه
سماح الرجاله كلهم بيهتمو بشغلهم اكتر من زوجتهم علشان الشغل هو الى هيصرف على زوجتهم وبعدين مراته هيطلقها ويجيب غيرها لكن دلوقتى حد لاقى شغل

الرجاله الفيومين بني ادمين

عايشين زي ما كل الناس عايشين

عمرهم ما يخونوا وبالحلوه والمره راضيين

ليه نحكم على ناس واحنا بالحكم مش عادلين

اعتقد ان ما فيش راجل بيحب الشغل عن مراته والا يبقى راجل مجنون او مالوش لازمه سواء بقا كان فيومي او حتى من الهند

زائر

ه انتي متعرفيش تحطي موضوع من غير ما تذيليه بان الفيومين ميعرفوش يعملوه
لعلمك بقا الفيومين دول احسن ناس ممكن تقابليهم على مستوى الجمهوريه
وكمان بقا لو انتي مش عايزه تعترفي او تفتخري بانك من الفيوم
عشان عشتي في القاهره فالفيوم مش هتزيد لو انتي قلتي انك فيوميه ولا هتقل لو قلتي انك فيوميه
ومش كل ما نعمل حاجه والناس تنتقدنا نقول بنهرج
كل حاجه ليها حدود

على فكرة أنا لما بقول أن فى حاجة الفيومين مالهمش فيها
أنا مش بيبقى قصدى أنهم مالهمش فى حاجة ولا أنا مش حإبه الفيوم لانى عايشة فى القاهرة
لاخالص انا فعلا مش قصدى كده
1-أنا بقولها من باب الهزار
2-أنا بيبقى قصدى واحد بس مش الفيومين كلهم
واسفة لو حد زعل منى

لالا بس سيبكم باه من الزعل ده
محمد جمعه باه بيكتب شعر خلاص
الله عليك بجد كمل باه وان شاء الله على التخرج كده تكون شاعر بجد وشاعر جامد كمان