غزل ثقافى او ثقافه غزليه

الخطيب : حبيبتي .. انتي النهاردة حلوة اوي بجد زي القمر.
الخطيبة : قمر انت بتقول قمر .. انت اتجننت انت متعرفش ان القمر دة كله
نتؤات و مرتفعات .. و ان نصفه مظلم .. و ان كمان جاذبيته سدس جاذبية الارض
.. يعني انت قصدك تقول اني وحشة و ضلمة و معنديش جاذبية..

الخطيب : حبيبتي نفسي احقق ليكي كل احلامك .. نفسي اجبلك نجمة من السما..
الخطيبة : نجمة .. انت بتقول نجمة .. انت ايه عاوز تخلص مني .. انت مش عارف ان النجوم دي نار و لهب و غاز الهيدروجين و الهيليوم و اندرجة حرارتها عالية جدا لو قربت من الارض ممكن تصهرها .. انت للدرجة دي بتكرهني و عاوز تخلص مني .. ليه؟

الخطيب : حبيبتي : انا خلاص مبقتش اقدر استغني عنك .. انتي خلاص بقيتي بالنسبالي زي الميه و الهوا ..
الخطيبة : انت بتقول ايه؟ انت مش مدرك خطورة اللي بتقوله؟ انت مش عارف ان
الميه و الهوا بقوا خلاص ملوثين و بيتسببوا في الامراض .. قصدك يعني ان
انا بجبلك المرض .. و انت بقى شايفني السحابة السودا ولا تلوث النيل ..

الخطيب: حبيبتي عيونك جميلة اوي بحب اشوف نفسي فيهم ..
الخطيبة : قصدك ان انا عيونى زي شاشة الكمبيوتر اللي بتطلع اشعاع .. يعني ايه قصدك اني مضرة بصحتك ..

الخطيب : حبيبتي انتي لا زي القمر و لا ميه و لا هوا و لا عاوزة اجيبلك حاجة و لا يهمني اشوف نفسي في عنيكي ..
الخطيبة : ايوة كدة اخيرا فهمتني ..
الخطيب : ايوة طبعا يا حبيبتي .. انا حقوم امشي ..
الخطيبة : اوكي يا حبيبي
الخطيب: اة بالمناسبة نسيت اديكي حاجة مهمة ..
الخطيبة: ايه هيا
الخطيب : دبلتك اهي .. اشوف وشك علي خير و لا اقولك بلاش اشوفه خالص ..

دي عايزه تخلص منه وعماله تتلككلو
ومش بتحبه لانها لو بتحبه مش هترد عليه كده
جميل جداااااااااااااااااااا

زائر

هههههههههههههههههههه
والله كتر خيره انه استحملها كل ده

دي إنسانه عقد.ده كويس إنه استحملها كل ده

honey princess كتب:: دي عايزه تخلص منه وعماله تتلككلو
ومش بتحبه لانها لو بتحبه مش هترد عليه كده
جميل جداااااااااااااااااااا

sara mostafa كتب:: هههههههههههههههههههه
والله كتر خيره انه استحملها كل ده

أسمهان كتب:: دي إنسانه عقد.ده كويس إنه استحملها كل ده

علشان تعرفوا احنا قد ايه طيبين وبنستحمل
صبرنا يا رب

يا سلام
هى البت رخمة حبتين تلاته وغتته

بس عادى البنات الطف الكائنات برضك

eng hhhh كتب:: بس عادى البنات الطف الكائنات برضك

اكييييييييييييد يا اتش ماحدش قال حاجه
انتي عاوزه تجيبي لينا مشاكل مع الحكومه ولا ايه

شكرااااااااااااا على ردودكم

» ثقافه الردود