colopaly على كرسي الاعتراف

ان شاء الله كولوبالي هيستقبل أسئلتكم في الموضوع ده

و عايزين نشوف همتكم معاه

و يا ريت الناس كلها تشد حيلها معاه عالآخر

و تسألوه كل الأسئلة الغلسة و الغتيتة

مش عايزه يقوم من هنا سليم

يا سلام
جالك الموت يا تارك الصلاة
احنا هنتوصى بيك جاااااااامد
وانتظرنى

يا رب الحق اقطعك يا كولوبالي
لاني مسافر بكرة غالبا ان كان فيه نصيب

زائر

السلام عليكم وحمة الله وبركاته
منور الكرسي يا أحمد
هبدأ بأول سبع اسئله

الفرق بين أحمد ثانوي عام وأحمد اعدادي هندسه وأحمد دلوقت؟
الغيره تمثل ايه بالنسبه لاحمد؟
وايه موقعها من الاعراب عنده( بتغير من حد يعني )؟
اوصف لنا خمسه من اصحابك بكلمة واحده؟
اوصف عشره من المنتدى برضه بكلمه واحده؟
ايه اكتر غلطه عملتها وندمت عليها؟
ايه المرحله اللي نفسك ترجع تاني في حياتك؟

بداية الطاحونة

هل انت عايش قصة حب دلوقتي ؟؟؟؟؟؟
جاااااااااااااااااوب بصراحة

يا تري نفسك تعمل ايه الايام دي ؟؟؟؟؟؟ هدفك يعني
ع الاقل السنة دي

ايه في شخصية البنت اللي ممكن يخطف عقلك ؟؟؟
و ايه ممكن يغيرك برضو من شخصية البنت ؟؟؟؟؟؟
يعني يخليك حد تاني مش كليا و ان كان في تصرفات معينة ؟؟؟؟؟؟

هل بتسمع كلام مامتك من اول مرة ؟؟؟؟؟؟؟
يا تري لو هتختار بين مامتك و باباك يبقي مين ؟؟؟؟
او يعني الاولوية عندك

مين اغلي صديق في حياتك و تفديه بعمرك او يعني تضحي عشانه اوي اوي ؟؟؟؟؟؟؟
يا تري لو كان موجود الحد ده و عرفت انه بيحب نفس البنت اللي بتحبها بس هو ميعرفش انك بتحبها ؟؟؟
هتتصرف ازاي
و لو كان ده اخوك

ها التصرف هياخد شكل تاني ؟؟؟؟؟؟؟؟

يللا استقبل الطاحونة و قول دوخيني يا ليمونة
بحبك يا كولوبااااااااااااااااااااالي اوعي تنسي

sara mostafa كتب:: السلام عليكم وحمة الله وبركاته
منور الكرسي يا أحمد
هبدأ بأول سبع اسئله

الفرق بين أحمد ثانوي عام وأحمد اعدادي هندسه وأحمد دلوقت؟
هو الفرق مش كبير أوى يعنى هيكون بس فرق فى التعاملات وخبرة زيادة شوية على أدى كسبتها من الحياة الجامعية
بالتفصيل
أحمد ثانوى : كان عارف هو عايز أيه وده لغاية دلوقت بس كان مجتهد شوية عن دلوقت
مش كل تصرفاته بيتحاسب عليها علشان صغير
أحمد إعدادى هندسة : داخل الكلية متطلع لحياة جديدة بعيدة خالص عن المراهقة ولكن تغيير إسلوب حياة والحمد لله كسبت كتير
أو بمعنى أصح كسبت أكتر من اللى خسرته بمراحل
أحمد دلوقت : لسه بتعلم بس حاسس إنى رجعت للإجتهاد بتاع ثانوى بس عادى يعنى مش همى الدرجات خالص بس نفسى أكون فاهم ومستعد أتحمل مسئولية وبفكر دلوقت بطريقة أنضج من الاول من وجهة نظرى يعنى
الغيره تمثل ايه بالنسبه لاحمد؟
وايه موقعها من الاعراب عنده( بتغير من حد يعني )؟
أنا عايز أفرق من حاجة إنى أغير من حد وده مش عندى لإنى واثق فى نفسى جداً وعارف مقدار نفسى
ومش بحب أحط نفسى فى مقارنة مع حد علشان كل واحد عنده اللى يميزه
الغيرة على حد وده ممكن تكون عندى يعنى ممكن أغير على اللى بحبهم
يعنى الغيرة عندى موقعها من الاعراب فعل واقع على الحبيب مرفوع من البعيد
اوصف لنا خمسه من اصحابك بكلمة واحده؟
أحمد سالم : ردود لذيذة
هيثم : الطيب
عبد الله هانى : الخبيث
بسام : التلقائى زيادة عن اللزوم
عاصم : رمزى
اوصف عشره من المنتدى برضه بكلمه واحده؟
ASA : الرخم
سارة مصطفى : الكبيرة
أنا مش موافق أنجتل
لولى : الحمئية
بسام : الفضولى
محمد مسعود : عثل عثل عثل :roll:
إتش : الزملكاوية
ديمو : الفعالة
ضياء : الكومندا
طه : المصوراتى
محمد شحات : المهندس

ايه اكتر غلطه عملتها وندمت عليها؟
والله ما فاكر
ايه المرحله اللي نفسك ترجع تاني في حياتك؟
المرحلة الاعدادية

eng_dido كتب:: بداية الطاحونة

هل انت عايش قصة حب دلوقتي ؟؟؟؟؟؟
جاااااااااااااااااوب بصراحة
بصرااحة شديدة اه اه اه اه اه اه اه اه اه اه
إرتحت كده

يا تري نفسك تعمل ايه الايام دي ؟؟؟؟؟؟ هدفك يعني
ع الاقل السنة دي
نفسى أطور من نفسى وأدرب فى الاجازة وأخد كورسات وأشتغل
وأكيد أنجح
اللى عنده شغل يقولى

ايه في شخصية البنت اللي ممكن يخطف عقلك ؟؟؟
اللى يخطف عقلى الذكاء فى التعامل
و ايه ممكن يغيرك برضو من شخصية البنت ؟؟؟؟؟؟
والله ما فاهم
يعني يخليك حد تاني مش كليا و ان كان في تصرفات معينة ؟؟؟؟؟؟
وحياة طنط ظاظا ما فاهم
هل بتسمع كلام مامتك من اول مرة ؟؟؟؟؟؟؟
أكيد أكيد أكيد لأ
يا تري لو هتختار بين مامتك و باباك يبقي مين ؟؟؟؟
او يعني الاولوية عندك
ياد ده اسئلة تغيظ نقى أسألتك هختارهم هما الاتنين
وأولوية أمى علشان تعمل الاكل
مين اغلي صديق في حياتك و تفديه بعمرك او يعني تضحي عشانه اوي اوي ؟؟؟؟؟؟؟
للأسف الشديد أحمد سالم وهيثم
وفى صديقة برضو غالية عليا جداً
يا تري لو كان موجود الحد ده و عرفت انه بيحب نفس البنت اللي بتحبها بس هو ميعرفش انك بتحبها ؟؟؟
هتتصرف ازاي
و لو كان ده اخوك

ها التصرف هياخد شكل تاني ؟؟؟؟؟؟؟؟
الكلام ده مش حاصل بالفعل يبقى ملوش لزمة إننا نتكلم فيه
والحمد لله مليش إخوات صبيان
بس ممكن إخواتى البنات هما اللى يحبوا البنت اللى بحبها
وساعاتها يحبوها براحتهم مش هغير منهم

يللا استقبل الطاحونة و قول دوخيني يا ليمونة
بحبك يا كولوبااااااااااااااااااااالي اوعي تنسي

- ايه أكتر مكان بتحبه فالكلية ؟؟؟؟؟؟؟؟؟؟

- لو في أي بنت أحرجتك لأي سبب قدام الناس و مسحت بكرامتك البلاط هترد عليها و لا هتعمل فيها جينتل و تاخد الكلمتين و تمشي ؟؟؟؟؟؟؟؟؟

- تتوقع انك هتكمل سكة الفشل اللي انت ماشي فيها دي ولا هتبطل تذاكر و ترجع زي الأول ؟؟؟؟؟؟؟؟

- اه صحيح انت ليه بقيت تذاكر كتييييييييييييييير أوي كده ؟؟؟؟؟؟؟
هل علشان تحسن من مجموعك
ولا علشان حبيت المذاكرة
ولا اجابة أخرى
فسر سبب اختيارك
و متنساش فسر دي علشان نقصت 4 درجات بسببها في تانية ثانوي

- حاسس انك بعد ما تتخرج هتحن و تتمنى ترجع الكلية تاني ولا لأ ؟؟؟؟؟؟؟؟؟؟؟

ايه أكتر حاجة بتضايق منها فالكلية ؟؟؟؟؟؟؟؟؟-

- لو مسكت رئيس نادي الزمالك دلوقت أنا عارف انه فريق تعبان و واقع
بس برضو هتعمل ايه علشان تصلحه ؟؟؟؟؟؟؟؟

زائر

colopaly كتب:

sara mostafa كتب:: اوصف عشره من المنتدى برضه بكلمه واحده؟

سارة مصطفى : الكبيرة
أنا مش موافق أنجتل

لالالالالالا متخافش مش هتنجتل
اولا لو كبيره سنا فدي حاجه مش بتكسف منها ومش بخبي سني خالص لو حد سألني ع عكس اصحابي مش بيرضو يعترفو بالحقيقه المره
ولو برضه كبيره عقلا فدي برضه حاجه تسعدني ووسام اتشرف بيه

ASA كتب:: - ايه أكتر مكان بتحبه فالكلية ؟؟؟؟؟؟؟؟؟؟
البرجولة اللى قدام باب كهربة
- لو في أي بنت أحرجتك لأي سبب قدام الناس و مسحت بكرامتك البلاط هترد عليها و لا هتعمل فيها جينتل و تاخد الكلمتين و تمشي ؟؟؟؟؟؟؟؟؟
هعمل جنتل بس مش هاخد الكلمتيين وأمشى هرد ببرود
- تتوقع انك هتكمل سكة الفشل اللي انت ماشي فيها دي ولا هتبطل تذاكر و ترجع زي الأول ؟؟؟؟؟؟؟؟
لأ يا مان هكمل سكة الفشل والانحراف
بس ممكن أرجع أربع أيام فى الاسبوع زى الاول
- اه صحيح انت ليه بقيت تذاكر كتييييييييييييييير أوي كده ؟؟؟؟؟؟؟
هل علشان تحسن من مجموعك
ولا علشان حبيت المذاكرة
ولا اجابة أخرى
فسر سبب اختيارك
و متنساش فسر دي علشان نقصت 4 درجات بسببها في تانية ثانوي
هختار رقم 3
ولا إجابة أخرى
وسبب إختيارى إن الاختياريين الاول والتانى غلط
ممكن نقول علشان أنا اللى جبت ده كله لنفسى
بس أنا فرحاااااااااان كده
للمزيد من المعلومات أنظر إجابات أسئلة ضياء السؤال الاول
- حاسس انك بعد ما تتخرج هتحن و تتمنى ترجع الكلية تاني ولا لأ ؟؟؟؟؟؟؟؟؟؟؟
يا عم طلعنى منها إنهارده وأنا أوعدك إنى مرجعش تانى
ايه أكتر حاجة بتضايق منها فالكلية ؟؟؟؟؟؟؟؟؟-
السلبية واللا مبالاة والرخامة والمذاكرة الكتير اللى الناس مش فالحة إلا فيها
وإن الكلية فيها أهلوية كتييييييييير
يييييييييييييييييييييييييييع
- لو مسكت رئيس نادي الزمالك دلوقت أنا عارف انه فريق تعبان و واقع
بس برضو هتعمل ايه علشان تصلحه ؟؟؟؟؟؟؟؟
هجيب اللى بيفهم فى الكورة وأخليهم يبنوا فريق صح
مش لازم للسنة ده ولا السنة الجاية بس يكون فى فريق كويس
واللى مش عايز يلعب ياخد بالجزمة ويمشى

يا أبو سالى أنا معايا ملفاتك

خلى بالك من نفسك

اللي عندك طلعه و أنا مبتهدتش و مبخافش من حاجة

و على فكرة انت مش هتضيف جديد للزمالك علشان عملت زي كل رئيس بيجي و بيقول الكلمتين دول أحسنلك قدم استقالتك من دلوقت

colopaly كتب:

eng_dido كتب:: و ايه ممكن يغيرك برضو من شخصية البنت ؟؟؟؟؟؟
والله ما فاهم
قصدي مين البنت او ايه فيها اللي ممكن يغيرك خالص
او يغير جواك و يأثر
لانه مش اي بنت هتأثر فيك
صح ولا ايه؟؟

يعني يخليك حد تاني مش كليا و ان كان في تصرفات معينة ؟؟؟؟؟؟
وحياة طنط ظاظا ما فاهم
فهمتني ؟؟

يا تري لو هتختار بين مامتك و باباك يبقي مين ؟؟؟؟
او يعني الاولوية عندك
ياد ده اسئلة تغيظ نقى أسألتك هختارهم هما الاتنين
وأولوية أمى علشان تعمل الاكل

مش قصدي حاجة و الله ما تزعلش

ها التصرف هياخد شكل تاني ؟؟؟؟؟؟؟؟
الكلام ده مش حاصل بالفعل يبقى ملوش لزمة إننا نتكلم فيه
والحمد لله مليش إخوات صبيان
بس ممكن إخواتى البنات هما اللى يحبوا البنت اللى بحبها
وساعاتها يحبوها براحتهم مش هغير منهم

علي فكرة يا كولوبالي انا مش بسأل عشان حاجة معينة في دماغي خاااااااااااااالص
انا بس بسأل اللي بيجي علي بالي و مفيش حاجة معينة عاوز اعرفها اوي يعني
المهم بس ما تزعلش ده انا بحبك

زائر

الجزء الثاني من الاسئله

راضي عن نفسك بنسبة كام؟
هل ممكن تعمل حاجه انت مش راضي عنها عشان خاطر حد بتحبه؟
امتى قلت لنفسك فوق بقا وليه؟
امتى تقول لنفسك كفايه كده؟
تعمل ايه لو اكتشفت انك مخدوووووووع في حد قريب منك وحصلت ولا لا؟
هل من السهل عليك انك تعتذر لحد غلطت في حقه ولا لا؟
يعني ايه ام بالنسبه ليك وشايف أحمد الأب ازاي؟

السلام عليكم
اهلا بيك يا اخ كولوبالى
منور الكرسى والله
انا جاية اسلم واشوف ايه الاخبار
ومتخافش الاسئلة كتييييييييييييييير
بس الشاطر اللى يجاوب
وانتظرنى

:lol: :lol: :lol: :lol: :lol: :lol:

sara mostafa كتب:: الجزء الثاني من الاسئله

راضي عن نفسك بنسبة كام؟
50 % نفسى أعمل حاجات كتير لسه
هل ممكن تعمل حاجه انت مش راضي عنها عشان خاطر حد بتحبه؟
ممكن بس برضو مش أى حاجة
امتى قلت لنفسك فوق بقا وليه؟
لما بزعل زيادة عن اللزوم بقول لنفسى كده
امتى تقول لنفسك كفايه كده؟
لو حسيت إنى بمشى فى الطريق بالعكس يعنى برجع لورا أكتر من إنى أطلع أدام
تعمل ايه لو اكتشفت انك مخدوووووووع في حد قريب منك وحصلت ولا لا؟
لغاية دلوقت محصلتش علشان كل شخص بيكون ليه حد معين معايا حسب شخصيته
وبكون متوقع منه مستوى معين من الاخطاء
علشان كده بتعامل مع الناس على الاساس ده
هل من السهل عليك انك تعتذر لحد غلطت في حقه ولا لا؟
بكل سهولة طالما أنا غلطان أعتذر مرة وإتنين وعشرة
يعني ايه ام بالنسبه ليك وشايف أحمد الأب ازاي؟
أم بالنسبة ليا حد غالى عليا نفسى أسعدها وأرد ليها جزء صغير من اللى عملتعه ويبتعمله معايا
ممكن بكون بشد معاها شوية لكن بجد بحبها أوى
الام هى الظهر اللى بتتسند عليه طول ما هى عايشة
وبعد الشر لو حصل حاجة بتحس إن ظهرك إنكسر
أحمد الاب حاسس إنه هيكون أب ديمقراطى ديكتاتورى
هحب ولادى وأخليهم يحبونى بس فى نفس الوقت لازم يخافوا منى
هخليهم يتكلموا بصراحة وهعلمهم إزاى يتكلموا ويقبلوا كلام اللى قدامهم
وبرضه هحاول أكون مرح معاهم ومع أمهم

لولى كتب:: السلام عليكم
اهلا بيك يا اخ كولوبالى
منور الكرسى والله
انا جاية اسلم واشوف ايه الاخبار
ومتخافش الاسئلة كتييييييييييييييير
بس الشاطر اللى يجاوب
وانتظرنى

:lol: :lol: :lol: :lol: :lol: :lol:

أنا حاسس إن ده تريقة

نفس الكلام اللى كتبته ساعة ما كنتى على الكرسى

بس معلش أصلاً دماغى مكنتش رايقة خالص

ولغاية دلوقت والله بس ربنا يسهل

احساسك فى محله
:lol: :lol: :lol: :lol:

ابدأ اسئلتى باه

1- هل البنت اللى انت بتحبها دى بتحبك ؟؟؟

2- وعرفت ازاى ؟؟؟؟

3- ايه اكتر حاجة بتفرحك ؟؟؟

4- ايه اكتر حاجة بتزعلك ؟؟؟

5- ايه اكتر حاجة ممكن تستفزك ؟؟

6- مين اللى بتديله سرك ؟؟؟

7- يا ترى لو البنت اللى انت بتحبها دى قالتلك انها جالها عريس واهلها ضاغطين عليها وانك لازم تتقدملها وانت صعب انك تتقدم للجواز لان ظروفك مش سامحة
هتعمل ايه ؟؟؟؟؟؟؟؟
( فلم عربى )

8- هل فى حد ضايقك وظلمك لحد ما كرهته ؟؟؟؟

9- مين اكتر حد اتخنقت من اسئلته ؟؟؟ ( ماعدا انا ) :lol: :lol:

كفاية كده دلوقتى

لولى كتب:: احساسك فى محله
:lol: :lol: :lol: :lol:

ابدأ اسئلتى باه

1- هل البنت اللى انت بتحبها دى بتحبك ؟؟؟
الحمد لله
2- وعرفت ازاى ؟؟؟؟
عرفت من عنيها ومن تصرفاتها
3- ايه اكتر حاجة بتفرحك ؟؟؟
إن اللى بحبها تكون فرحانة وإن أهلى يكونوا مبسوطيين
4- ايه اكتر حاجة بتزعلك ؟؟؟
إن أعمل حاجة أندم عليها بعد كده
5- ايه اكتر حاجة ممكن تستفزك ؟؟
الغباء والتكرار
6- مين اللى بتديله سرك ؟؟؟
حبيبتى وبعض الاصدقاء
7- يا ترى لو البنت اللى انت بتحبها دى قالتلك انها جالها عريس واهلها ضاغطين عليها وانك لازم تتقدملها وانت صعب انك تتقدم للجواز لان ظروفك مش سامحة
هتعمل ايه ؟؟؟؟؟؟؟؟
( فلم عربى )
إن شاء الله ده مش هيحصل
ولو عايزيين نكمل الفلم العربى هروحلها بحصان أبيض وأخطفها من بيتها
8- هل فى حد ضايقك وظلمك لحد ما كرهته ؟؟؟؟
الحمد لله لأ
9- مين اكتر حد اتخنقت من اسئلته ؟؟؟ ( ماعدا انا ) :lol: :lol:
لسه ده إحنا بنسخن لسه الموضوع بدخلش فى الجد
كفاية كده دلوقتى

شكراً على الاسئلة

colopaly كتب:

sara mostafa كتب:: محمد مسعود : عثل عثل عثل :roll:

شكرا ليك يا ثكر ثكر ثكر
ههههههههههه

كولوبالي انت زعلان مني ؟؟؟؟

لو زعلان ها تخبط دماغك في الحيط
ولا ها تضربني
ولا مش هتعمل حاجة ولا مش ها تزعل اصلا
؟؟؟؟؟؟؟؟؟؟؟

طيب لو زعلان يعني
اصالحك ازاي ؟
اعزمك علي شاي و تعزمني علي غدا ؟؟؟؟؟؟؟
ولا نعمل ايه ؟؟؟؟

يا تري نفسك تطلع رحلة في الكلية مع مين ؟؟؟؟؟
و ايه رأيك لو نطلع مع بعض شلة كدا تحب تحط مين في الشلة ؟؟؟؟؟؟
و فين المكان ؟؟؟؟

ظبط لي برنامج رحلة ليوم واحد
و يللا نطلع و نحاول نجيبها بموافقة في الكلية؟؟؟؟؟؟؟
ولا الترم ده مشغولين يا عم مين ادكم

عمرك عاكست بنت و فين و ازاي ؟؟؟؟؟؟؟؟
يعني قلت لها ايه مثلا

عاوز اشوفك بكرة في الكلية قبل ما امشي ؟؟؟؟؟؟؟؟؟
ها ينفع
اوعي تقولي بقي شات

يا رب يا كولوبالي اشوفك يوم فرحك
ساعتها هشوف الرقص علي اصوله
هههههههههههههههههه

و نخلي عاصم ياخدنا بالهامر لحد عندك و رقص من اول الشارع لحد القاعة لحد ما نوصلك القفص (بيت الزوجية) ولا ايه

eng_dido كتب:: كولوبالي انت زعلان مني ؟؟؟؟
لأ
لو زعلان ها تخبط دماغك في الحيط
ولا ها تضربني
ولا مش هتعمل حاجة ولا مش ها تزعل اصلا
؟؟؟؟؟؟؟؟؟؟؟
أنا أقدر أعمل حاجة
طيب لو زعلان يعني
اصالحك ازاي ؟
اعزمك علي شاي و تعزمني علي غدا ؟؟؟؟؟؟؟
ولا نعمل ايه ؟؟؟؟
طيب ما أنا أعزمك على شاى وتعزمنى إنت على غدا
يا تري نفسك تطلع رحلة في الكلية مع مين ؟؟؟؟؟
مع أصحابى والناس اللى أعرفهم كلهم
و ايه رأيك لو نطلع مع بعض شلة كدا تحب تحط مين في الشلة ؟؟؟؟؟؟
أحط أحمد سالم وهيثم ومصطفى عبدالله
و فين المكان ؟؟؟؟
يا ريت أزهر بارك ورحلة نيلية
ظبط لي برنامج رحلة ليوم واحد
و يللا نطلع و نحاول نجيبها بموافقة في الكلية؟؟؟؟؟؟؟
ولا الترم ده مشغولين يا عم مين ادكم
يا عم إحنا باور يعنى مش بنعمل حاجة فى الكلية إلا إننا نلعب
عمرك عاكست بنت و فين و ازاي ؟؟؟؟؟؟؟؟
يعني قلت لها ايه مثلا
أيون عاكست عادى فيها مشكلة يعنى
بس مش بنية المعاكسة لو الافيه حكم يعنى

عاوز اشوفك بكرة في الكلية قبل ما امشي ؟؟؟؟؟؟؟؟؟
ها ينفع
اوعي تقولي بقي شات
يا عم إنت تنور كافيتريا باور
المدرج بتاعنا قلبناه كافيتيريا تعال ونورنا

لو نفسك تعمل دور في الافلام دي تختار انه دور

اللي بالي بالك
ظرف طارئ
الايدي الناعمة
اسف ع الازعاج
الجزيرة
لوكاندة السعادة لو فاكر الفلم ده

مين م الممثلين نفسك كنت تعمل اكبر قدر من ادواره يعني كان نفسك تبقي مكانه ؟؟؟؟؟؟
قدينم و جديد

eng_dido كتب:: لو نفسك تعمل دور في الافلام دي تختار انه دور

اللي بالي بالك
ظرف طارئ
الايدي الناعمة
اسف ع الازعاج
الجزيرة
لوكاندة السعادة لو فاكر الفلم ده

مين م الممثلين نفسك كنت تعمل اكبر قدر من ادواره يعني كان نفسك تبقي مكانه ؟؟؟؟؟؟
قدينم و جديد

لو من الافلام ده كان نفسى أعمل ظرف طارق
بس الفلم اللى كان نفسى أمثله بجد مافيا أو الرصاصة لا تزال فى جيبى
والقديم الرجل التانى
وأكتر ممثل نفسى أعمل أدواره جديد أحمد السقا
قديم أحمد مظهر ورشدى أباظة

بصراحة يا احمد
شكلك مش شكل ممثل
ولا اقولك
كل من هب ودب اشتغل فى التمثيل
يا بنى اتكل على الله واشتغل رقاصة
ههههههههههههههههههههه
اوعى تزعل يا ابو حميد
انا بهزر معاك
ولو مش عاجبك الكلام ورينى هتعمل ايه
ههههههههههه