اوامر اوتوكاد جديده

الأمر : dtexted
الشرح: اكيد جربت اتوكاد 2000 وكنت بتكتب الكتابة داخل مستطيل بتعرف تعدل فيه حرف معين بسهولة ولما بقيت تستخدم اتوكاد 2006 و 2007 و 2008 بقت الكتابة صعبة في تعديلها لان المستطيل القديم لم يعد يظهر - الامر ده هايظهره لك - اتبع الآتي - اكتب الامر ثم enter وغير القيمة اللي بين القوسين من 2 الى 1 وبعدها روح عدل اي text وشوف الفرق.

الأمر : scaletext
عاوز تكبر او تصغر كل الكتابة اللي في الرسمة في وقت واحد من سنتر كل كلمة لارتفاع معين او بنسبة معينة وكل كلمة تفضل في مكانها ما تتحركشي اكتب الامر ثم انتر ثم اختار كل الكتابة اللي انت عاوزها روح بكل بساطة واعمل اختيار للمنطقة كلها وهو مش هايختار غير الكتابة بس ثم حرف c اي من مركز كل كلمة ثم حدد ارتفاع الخط اللي انت عاوزه او اكتب حرف s لتحدد نسبة مثلا 0.5 وشوف الفرق.

الأمر : DDA

هل حدث معك مرة انك جيت تحرك رسمة معينة او اخذت منها نسخ لملف آخر ولقيت كل الابعاد اللي انت عاملها اتحركت من مكانها ونزلت في مكان بعيد عن الرسمة استخدم هذا الامر واختار الرسمة كلها اللي فيها الابعاد ثم انتر وبعدها حرك الرسمة او انسخها لملف تاني هاتلاقي الابعاد ثابتة تماما في مكانها الصحيح ووداعا للقلق.