Demo على كرسى الاعتراف

الاسم
ديمو

السن
18 سنه و6 شهور


الفرقه
الثانيه

فصيلة الدم
مش عارفة

عدد اخواتك وترتيبك بينهم
6 وانا رقم 5

اكلتك المفضله
البطاطس المقليه بالهاينز

مشرةبك المفضل
البيبسى


منوره الكرسي يا قمر
بنووووووووووووووورك

اسئل انا بقي شويه

1. مين اقرب الانس ليك ؟ وليه
2. ليه كنتي بتسألي ياسو اسئله كتير قوي ؟
3. انتي كليه ايه ؟ وليه اخترتيها ؟ وايه احساسك بيها ؟
4. لو حبيتي تغيري كليتك تحبي تروحي كليه ايه ؟ وليه
5. لو اتحطيتي في موقف غريب عليكي ومش مصدقاه وكان صعب قوي بتقدري تتصرفي ولا لأ ؟
6. تتمني تبقي حد غيرك ولا لأ ؟
7. مين الشخصيه اللي عمرك ما هتنسيها ؟
8. حصلت ليك قبل كده مواقف محرجه ؟ ايه وبالتفصيل الممل
9. حصل موقف قبل كده ليك وكنتي تتمني الأرض تنشق وتبلعك ولا أنك تتحطي فيه ؟
10 . حصل موقف قبل كده وقلتي كلام وتتمني الزمن يرجع علشان تغيري كلامك ؟ لو اه ايه هو لو ينفع
11. حصل موقف قبل كده لحد من صحابك كنتي تحبي تبقي مكانها ؟ ايه برضه لو ينفع
12. حصلت ليك قبل كده تغييرات جزريه في حياتك ؟
13. تفتكري مسن اكتر شخص بيحبك ؟ من وجهه نظرك
14. كرهتي حد قبل كده ؟ لو آه ممكن ليه ؟
15. ايه الحاجه اللي ممكن صديقه ليكي تعملها تخسريها بعدها ؟
16. لو قلنا ديمو تقدر توصف نفسها إزاي م من وجهه نظرك ، من وجهه نظر لولي بالذات ، من وجهه نظر باقي أخواتك ، من وجهه نظر بابا وماما ، من وجهه نظر أصحابك ؟
17. بتحبي المذاكره ؟
18. مين اكتر شخصيه شدتك في المنتدي ؟ يسمح باختيار كذا إجابه
19. ياريتني ما عرفتك ؟ تقولي الجمله دي لمين ؟
20. لو بقيتي دكتوره في الكليه بتاعتك ليوم واحد هتعملي ايه ؟ ارغي براحتك احنا فاضيين

كفايه كده
شويه أسئله قليلين
الكتير لسه جي
اي خدمه يا ياسو
برد لك جميل يدمو

يا جماعة خدوا رحتكم
ديمو قدها
وشكرا يا بسام بس هساعدك برضه واسأل كام سؤال كده
عشان مش فايقه ولسه صاحية
يلا نبتدى


كنتى قلتى قبل كده فى موضوع للمحجبات كانت سمسمه حطاه ان لفت الطرحه ملفته اوى للنظر
ومش ينفع تخرج البنت كده اوكى

تفتكرى الصورة اللى انتى كنتى حطاها يوم عيد الحب مش ملفته اووى للنظر

ولا انتى متناقضه ولا ديه حاجة وديه حاجة نحب نعرف وجهة نظرك ؟؟؟؟؟؟؟؟؟؟؟؟

ولو كانت صورة عادية يعنى ممكن ديمو تحب تقف فى الموقف ده مع الشخص اللى بتحبه ؟؟؟؟؟؟؟؟

اه ممكن يا ديمو تقوللنا ايه مفهوم الحب من وجهة نظرها ؟؟؟؟؟؟؟

يا ترى ديمو بتفضل الجواز التقليدى ولا انها تكون عارفته وبتحبه ؟؟؟؟؟؟؟؟؟

ممكن الشلة بتاعتك فى الكليه تضم ولاد ؟؟؟؟؟؟ لو اه او لا تقوللنا ليه ؟؟؟؟؟؟؟؟؟

ممكن نعرف مواصفات فارس احلامك يعنى شكله وشخصيته ؟؟؟؟؟؟؟؟؟؟

يا ترى ممكن ترفضى حد يتقدملك عشان مديا مش كويس ؟؟؟؟؟؟؟؟؟

لو الشخص اللى اتقدملك كان متقدم لاكتر من واحده اقل منك ورفضوه ممكن توافقى عليه ؟؟؟؟؟؟

طيب لو اللى اتقدملها كانت صحبتك نفس رأيك برضه ؟؟؟؟؟؟؟؟؟


اى بنت بتحلم بيوم الخطوبه والفرح والكلام ده فستان خطوبتك هيكون لونه ايه ؟؟؟ الفرح تحبى تعمليه فين ؟؟؟؟

يا ترى فى شخصيه قبلتيها او حتى ممثل تتمنى يكون هو ده شريك حياتك؟؟؟؟؟؟؟؟؟

مين احلى انتى ولا لولى فى الشكل وخفة الدم ده من وجهة نظر اهلك واصحابك لانكم فى كلية واحدة ؟؟؟؟؟؟؟؟

لما بتتفرجى على التليفزيون ايه الافلام اللى بتحبى تشوفيها رومانتك ولا اكشن ولا دراما ؟؟؟؟؟؟؟؟

بتحبى تتفرجى على قناة ايه ؟؟؟؟؟؟؟؟

ايه اكتر افلام بتحبيها المصرية ولا الهندية ولا الاجنبى ؟؟؟؟؟ وليه ؟؟؟؟؟؟؟؟؟

اكتر اغانى بتحبيها ومطربك المفضل ؟؟؟؟؟؟؟؟؟

نوع موبايلك ايه يا جميل ؟؟؟؟؟ وياترى من الناس اللى بيحبوا يغيروا الموبايلات ولا مش من اهتماماتك؟؟؟؟؟؟؟؟

ايه اغرب موقف اتحكالك ومش كنتى عايزة حتى تسمعيه ؟؟؟؟؟؟؟؟؟


مافيش انسان كامل وكلنا فينا عيوب
قوللنا بقى ايه هى عيوب ديمو ؟؟؟؟؟؟؟؟؟؟؟؟؟؟


لو بقيتى ممثلة ليوم واحد تحبى تمثلى مع مين من الممثلين ؟؟؟؟؟؟؟؟؟؟

وانتى صغيرة كنتى تحبى تدخلى كليه ايه ولا كنتى بتحلمى تكونى ايه؟؟؟؟؟؟؟؟؟؟

مين مثلك الاعلى ؟؟؟؟؟؟؟؟؟

ايه المشكلة اللى بتقابلك كل يوم ؟؟ متكررة يعنى

يا ترى ديمو من هواة الترتيب وكل حاجة فى مكانها الصحيح ولا مجنونة وبتحب التغيير
حتى فى نظام اوضتك ؟؟؟؟؟؟

اتحطيت فى موقف صعب اوى قبل كده وكنتى بتدعى ربنا ليل ونهار انك تعرفى تخرجى منه ؟؟؟؟؟؟ لو اه ايه هو الموقف ده ؟؟؟؟؟؟ او انا طيبه اه او لا وبس

بتحسى فى البيت مين بيحبك اكتر ماما ولا بابا؟؟؟؟؟ وانتى بتحبى مين اكتر ؟؟؟؟؟؟؟

هل كل اصحابك قريبين منك ولا ممكن تكون واحدة بس اللى بتقوللها كل اسرارك ؟؟؟؟؟؟؟

ايه الحاجة اللى ناقصة ديمو ؟؟؟؟؟؟

ممكن تحبى واحد عشان شكله حلو وشيك اوى فى لبسه ؟؟؟؟؟؟؟؟؟

كفاية كده لما افوق هكملك

سلام يا قمر
:P :P :P :P

هبدأ بكام سؤال واكيد طبعا سهلين جدا
اوووووووكى

عمرك حسيتي انك متناقضه وممكن تقولي حاجه وتعملي عكسها؟؟؟؟؟؟؟؟
حسيت الاحساس ده قبل كده بصراحه

عمرك اعجبتي بحد وكان نفسك تروحي تقوليله ولو محصلش لسه لغاية دلوقت بس حصلت مستقبلا هتعمليها؟؟؟؟؟
بصى انا طول عمرى شايفة ان الخجل = بنت
فكرة ان بنت تكلم ولد يعنى مش هقولك حرام ولا عيب بس بجد مش عارفة عى بتقدر تتكلم ازاى معاه صعبه اوووووووووووووووى
وبالتالى عمرى ما عملتها ولا هعملها
ولا كان نفسى اقول حتى المفروض هو يحس
اعجاب=حب=جواز
انا مقتنعة اووووووووى بدى


ايه اكتر حاجه تجرحك؟؟؟؟؟
لو حسيت ان فى ولد بيبصلى ببقى محرجه جداااااااااا وعايزة اولع فيه
وبكره اليوم الى خرجت فيه

عمرك عاكستي حد ؟؟؟؟؟؟؟؟
الاطفال اكييييييييييد بعكسهم على طول


ايه اللي يخلي اي بنت تنزل من نظرك وبرضه اي ولد؟؟؟؟؟؟؟؟؟
البنت لما القيها مش محترمة او بمعنى اصح لبسها وطريقة كلامها مش انسانة مسلمة
الولد لما يكون قليل الادب يعنى ممكن يكون بيكلم بنات ويكون مؤدب ومحترم بس فى نوع كده بيبقى بجد مستفز جدا ببقى عايزة اغلط فيه اصلا سواء فى لبسة او طريقة كلامه

امتى ديمو تقول كفاااااااااااايه تعبت؟؟؟؟؟؟؟؟
قبل الامتحان عل طول بقولها علشان ببقى بذاكر متواصل


حبيتي قبل كده ؟؟؟؟؟(مش قصدي بابا وماما واخواتك واصحابك)؟؟؟
لا الحمد لله


لو اتقدم لك شخص لسه بيبدأ حياته وتقريبا امكانياته محدوده هتوافقي عليه ؟؟؟؟؟؟؟
بصى لو حد كويس وكل مشكلته الفلوس هبص على مستقبله لو كان كويس اوكى هقبل جدااااا وهعتبرها شئ كويس كمان
لكن لو كان مستقبله بردو ضعيف يبقى لا
علشان حرام عليا افرض على اولادى مستوى انا ممكن استحمله لكن هما ليه
وكمان انا مقتنعة اوى يا سارة باه الولد ما يخدش بنت افضل منه


ايه طوحك؟؟؟؟؟؟؟؟؟
اكون اسرة محترمة متدينة
ويكون عندى اولاد وبنات الناس كلهم بتحسدنى عليهم



جاوبي بصراحه لان لولوي اكيد هتفتن عليكي
كفايه كده هجيلك تاني
استنيني
مشتنياكى

demo كتب:

17. بتحبي المذاكره ؟
بحب فى ثانوى كنت بحب الكمياء

جميل جدا هما دول الناس اللي بيفهموا احييك جدا طالما بتحبي الكيميا

والرياضة والاحياء جداااااااااااااا
وماكنتش بذاكر غيرهم بس بطرقتى
بمعنى انى ماكنتش بحب احفظ خالص واكتشفت فى الاخر ان الثانوية العامة حفظ قبل فهم بس بردو مشيت بدماغى فى تالتة ثانوى بردو وطبعا كانت النهايه كليه اداب قد الدنيا

[/quote]

اه يا ديمو انتى على الكرسى
يلا هسالك اسئلة خفيفة والله


لونك المفضل؟
اكترلون مش بتحبيه؟
بتحبى الجذمة اللى برباط ولا العادية؟
ازاى بتحكمى على الناس؟
طريقة البس بتفرق معاكى ولا الكلام؟
اكتر صفة ممكن تشدك فى حد؟
اكتر صفة ممكن تضايقك فى حد؟
امتى تدى لحد الامان؟
عمرك حسيتى انك مكروه؟
ايه اكتر حاجة تسعدك؟ اكتر حاجة تحزنك؟
عمر حد ازاى عن قصد وانت عارفه؟لو فيه ايه هوه الموقف ده؟
عمرك ندمتى على حاجة عملتيها؟
عمرك اذيتى حد ؟
اخر كتاب قراتيه؟
اكتر مكان بتستريحى فيه؟
اكتر مكان مش بتحبيه؟

بس هى دى الاسئلة اللى جات على بالى دلوقتى
شوفتى سهلة والله

لو اى سؤال مكرر متجاوبيهوش

لولى كتب:

demo كتب:

eng:yaso كتب:

مين احلى انتى ولا لولى فى الشكل وخفة الدم ده من وجهة نظر اهلك واصحابك لانكم فى كلية واحدة ؟؟؟؟؟؟؟؟
لولى

اولا يا ياسو السؤال ده مينفعش بكافة المقاييس واحسبيها
ده سؤال مش منطقى لان لو هى حتى اللى احلى واخف فى الدم فهى مش هتقولك كده
انا مش موافقة ع السؤال ومش موافقة ع الاجابة
ومش بحب اتحط انا واختى فى موضع المقارنة لانها استايل وانا استايل تانى خاااااااالص ومينفعش المقارنة ما بينا
وقصدى باستايل هو طريقتنا فى التفكير ونظرتنا المختلفة تماما للحياة ومش مواصفات فى الشكل او الطباع
ديمو بتجاملنى يا جماعة لا اكثر ولا اقل
انما غير كده فهى احلى اخت فى الدنيا واخف دم انا شفته
ولكل الاعضاء اسألوا براحتكم(اوووووووووووى) بس بلاش تحطونى انا واختى فى موضع المقارنة
ده رجااااااااااااااااااااااااااااء
(اتوصوا ع الاااااااااااااااخر)
اسفة اذا كنت تقلت عليكم وطبعااااااااااا مش هسألك يا ديمو لانى ازعم انى اعرف عنك كل حاجة والحاجات اللى معرفهاش ف اعضاء المنتدى هيقوموا بالواجب
ههههههههههههههههههههههههههههههههههه
ربنا معاااااااااااااااكى يا ديمو

بصو يا جماعة
لولى اسدال وقرايه وكلاسك والشغل ده
وناجيم وكاجول والجو ده
احنا فعلا مختلفين جداااااااااااااااااااا فى الشكل والمواصفات
بس بردو بنجتمع فى الاخر اننا مبادئنا واحده
بس لو قلنا الجمال انا شايفة انها احلى كتير

مرسى يا قمر بس ده مش تواضع على اد ماهو الحقيقة وعادى يعنى لما تكون احلى انا الاكبر بردو وبفرد السيطرة
هههههههههههههههههههههه

بصى يا ستى السؤال عمر حد اذاكى وانت عرفتى ان عمل كده بقصد؟
شوية اسئلة بالمرة
ايه اكتر حاجة بتحبيها فى شكلك؟
ايه اكتر حاجة مش بتحبيها فى شكلك؟
لو انتى مخطوية عن اقتناع وعرفتى ان فى حد بيحبك بجد وعاوز يتقدم هتعملى ايه؟
اكتر حاجة مجنوووونة عملتيها؟
اكبر مقلب اتعمل فيكى؟
عندك اصحاب من ابتدائى؟
ممكن تتجوزى وانتى بتدرسى؟
نفسك تعملى شهر العسل فييييييين؟


لو حاجة اتكررت متجاوبيش
حبة صغننين اهم

مرسى يا سارة
ولا بصراحة انا مافيش حد مسحلى مواضيع قبل كده خالص
بس كلن فى كام موضوع كده اتمسحو

اسئلك شويه اسئله بقي قبل ما تقومي
وليكي الحق انك مش تردي على سؤالين بس
دي قواعد اللعبه


ان شاء الله لما تتجوزي
1. مين اللي هايبيقي معاك في العربيه : طبعا غير العريس والسواق ؟
2. تحبي تسكني فن لما تتجوزي
3. بتتمني تخلفي كام ؟ وايه اسماهم ؟
4. لو لا قدر الله الشخص اللي اخترتيه طلع مش بيخلف ؟ هتعملي ايه
5. لو اهلك مش وافقو على الإنسان اللي اخترتيه لأسباب انتي شايفه انها مش موجوده ؟ تعملي ايه ؟
كفايه كده في الاتجاه ده
6. لو دكتور من عندكم قال ليكي يا ديمو قومي وجهي كلمه لزمايلك ؟ هتقولي ايه ؟
7.لو اي شخص حاول يحرجك سواء ولد او بنت ؟ هيكون تصرفك إزاي
8. بتروحي الجيم ليه ؟ رياضه بس ولا في حاجه تاني
9. جيتي تخرجي مع اصحابك بالليل مامتك مش وافقت ؟ هتعملي ايه ؟
10 . ايه الحاجه اللي نفسك تعمليها وعشان ( مامتك ، اصحابك ، انك بنت ) مش قدرتي تعمليها ؟ موقف لكل حاجه من التلاته ؟

اخيرا
بتمني ان الاسئله مش تكون صعبه
وتكون قليله

اسئلك شويه اسئله بقي قبل ما تقومي
وليكي الحق انك مش تردي على سؤالين بس
دي قواعد اللعبه
اوكى

ان شاء الله لما تتجوزي
1. مين اللي هايبيقي معاك في العربيه : طبعا غير العريس والسواق ؟
اكيد لولى

2. تحبي تسكني فن لما تتجوزي
بص الفيوم نفسها بس مش اى قرية لية باه؟؟؟ علشان انا صعب جداااااااا اتعذب فى مواصلات اكتر من كده وعلشان كام سبب كمان
وبردو مش اى محافظة
ويفضل باه لو انى اسكن فى المسله يا سلااااااااام

3. بتتمني تخلفي كام ؟ وايه اسماهم ؟
مش بتمنى انى اجيب اطفال خاااااااااالص
بس لو بقى عندى ممكن نقول 4 واسمائهم الاولاد
البنات ريتا و ريتاج
الولاد على حسب اسم باباهم بس انا بحب اسم احمد وعمرو

4. لو لا قدر الله الشخص اللي اخترتيه طلع مش بيخلف ؟ هتعملي ايه
يا سلاااااااااام ايه الهنا ده اوكى جدااااااااا انا اخترته وحبيته وخلاص
الاطفال مش حاجة مهمة بالنسبالى

5. لو اهلك مش وافقو على الإنسان اللي اخترتيه لأسباب انتي شايفه انها مش موجوده ؟ تعملي ايه ؟
لا بص الجواز ده اهم حاجة فيه اهلى ثم اهلى ثم اهلى
لو رفضو ده معناه انى انا كمان مش موفقه
ولو وفقو وبعد كده رجعو فى كلمهم يبقى خلاص بردو
من الاخر عمرى ما هفكر احاربهم
كفايه كده في الاتجاه ده
ماشى
6. لو دكتور من عندكم قال ليكي يا ديمو قومي وجهي كلمه لزمايلك ؟ هتقولي ايه ؟
هقولهم انى دخلت القسم ده وانا كرها كل حاجة فيه وبجد دلوقتى بقيت مستحملاه بس علشان انتو فيه ومعايا

7.لو اي شخص حاول يحرجك سواء ولد او بنت ؟ هيكون تصرفك إزاي
لو ولد هزعقلو
لو بنت هقلب الموضوع هزار وهحتويها جدا ومش بعيد نبقى اصحاب كمان

8. بتروحي الجيم ليه ؟ رياضه بس ولا في حاجه تاني
رياضة وتضيع وقت الصيف ده وبعدين انا بحبه جداااااااااااااا
كل الى هناك بيسألونى نفس السؤال ده على فكرة

9. جيتي تخرجي مع اصحابك بالليل مامتك مش وافقت ؟ هتعملي ايه ؟
ده العادى وبتحصل كتير جدااااا
بتصل بيهم وبقولهم وبترمى فى الاودة قدام الكمبيوتر

10 . ايه الحاجه اللي نفسك تعمليها وعشان ( مامتك ، اصحابك ، انك بنت ) مش قدرتي تعمليها ؟ موقف لكل حاجه من التلاته ؟
مامتى علشانها ما رحتش كليه خارج الفيوم
اصحابى علشانهم بتهزق كتير هنا فى البيت
انى بنت ما عملتش حاجة كانت جد نفسى اجربها
كنت هشتغل سواق تاكسى ودى باه قصة كبيرة

اخيرا
بتمني ان الاسئله مش تكون صعبه
وتكون قليله