تخيلوا لو البنات هيا اللي تخطب الولاد ايه اللى هيحصل تعالو نشوف....

تخيل كده وانت قاعد في
الغرفه بتاعتك وعمال تقرا في كتاب رومانسي وخيالك سرحان مع فارسة احلامك
تيجي تاخدك وهيا راكبه على السيسي الابيض
وفجأة تلاقي والدتك دخلت عليك وكان اصلا قاعده مع الجيران
وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟
تقول والدتك : والله يا ابني ام محمد جارتنا عاوزه تخطبك لبنتها . وانت ما
شاء الله عليك كبرت واحلويت والكل عاوزك...... ايه رأيك يا ابني ؟
ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا

الرأي رأيك والشوره شورتك يا ماما لأ لأ لأ يا( مامي احسن )
ومامتك تقولك بقى : والله انا مش شايفه في البنت حاجه
ماشاء الله عليها محترمه و وظيفتها محترمه وراتبها محترم وعيلتها كمان
كويسه وبعدين من الشغل للبيت ومن البيت للشغل ولا بتدخن ولا بتخرج مع
البنات صاحباتها يعني من الاخر بنت كويسه اوي

انت بقى تقول لولدتك: بس يا مامي هيا عمرها ما شافتني خالص
والدتك تقول : هيا شافتك وانت نازل من اتوبيس المدرسه بتاعك
بس يا سيدي وسألت عليك وقالولها انك ولد كويس وابن ناس
ولا بتروح تسهر بره ولا بتروح مع اصحابك تسهر معاهم في الكوفي شوبات
وقالولها كمان انك مبتخرجش الا مع ابوك
المهم يا ابني هيا وامها جايين يوم الخميس علشان يشوفوك
انت تسأل وتقول : طيب يا مامي بابي رأيه ايه ؟؟
ترد والدتك وتقول : والدك ما يعرفش حاجه هو مشغول في المطبخ وتنظيف البيت.
انت تقول : خلاص يا مامي اللي انتي شايفاه
وتخرج والدتك من الغرفه

وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك بمنتهى الدلع

وتقول : اخيرا حست بيا وخطبتني -

وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك واللذي منه وتطلع زي القمر في الاخر

وتيجي للبيت وتلبس البنطلون اللي السوسته بتاعته( من ورا والقميص اللي كلة
كرانيش وتحط العطر الرقيق الناعم) كل ده وخطيبتك و امها قاعدين بره
وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني
وانت تقول لوالدك : يا بابي انا بتكسف مش هاقدر ادخل العصير
وابوك يقول وهو حاطط ايده على كتفك يالله يا ابني روح لعروستك هىءهىء
وانت تقول : يا بابي انت دايما تحرجني كده ...
وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم
وترد هيا عليك بعد ما تقف وتقولك وعليكم السلام وهيا عينها هتطلع عليك
وتقولها اتفضلي العصير وانت طبعا بتقدم نوعين عصير برتقال وفراوله
وهيا تسألك ايه احلى العصير الاصفر ولا الاحمر ؟
انت ترد تقولها الاتنين حلوين
وهيا ترد طبعا عشان انت اللي عملته بأيدك
وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي
وتلاقي اخوانك الولاد يسألوك شكلها ايه ؟
وانت تقوللهم : تهبل يا اخواني والله حلوه اوي ودمها خفيف

وفجأه تسمع والدك بيزغرط وبيقولك مبروك يا ابني
وتلاقي اختك العربجيه داخله من باب البيت وبتقول فيه ايه ؟
والدك يوقلها وطي صوتك فيه عروسه جوه خطبت اخوكي
وترد اختك وتقول : وهيا فين شافت اخويا عشان تخطبه ؟
المهم تقوم خناقه بينك وبين اختك اللي بتغير عليك الى ان تأتي والدتك وتضرب اخت بالقلم وساعتها اختك تغضب وتسيب البيت لأهلك
المهم
تمر الايام بقى وانت عمال بتجهز في عش الزوجيه بتاعك
وفي يوم تفوت عليك خطيبتك بالعربيه وتقولك انا عازماك على السينما
طبعا انت تستأذن من والدتك
لكن والدتك رفضت انك تخرج لوحدك مع خطيبتك \المهم
خرجت معاها تاني يوم عشا تتغدوا سوا في مطعم رومانس وجميل

وبعد الغدا وانتو بتتمشوا تحاول انها تمسك ايديك وانت مكسوف وشويا شويا
عاوزه تبوسك وانت تقولها لأ لأ عيب اخاف ان حد يشوفنا تبقى فضيحتي بجلاجل
المهم بقى
يوم الفرح وانت قاعد مع عروستك في الكوشه والمطرب يقولها لازم تبوسيه
وانت تتكسف اوي وتودي وشك في الناحيه التانيه
ويتم الزواج
هههههههههههههههههههههههههههههه
تخيلوا لو البنات هيا اللي تخطب الولاد ايه اللى هيحصل تعالو نشوف.... I389200_

تخيلوا لو البنات هيا اللي تخطب الولاد ايه اللى هيحصل تعالو نشوف.... I389200_

تخيلوا لو البنات هيا اللي تخطب الولاد ايه اللى هيحصل تعالو نشوف.... Image

ايه يا شباب رايكم فى الموضوع

هههههههههههههههه تسلم ايدك بس حتى البنات دلوقتى مبتكسفش اوى كده

زائر

يا نهار ابيض
ده لو ده حصل يبقى مفيش رجاله اصلا
ده راجل ده ولا ابوه فين الرجاله
ويروح يعمل هاي لايت وبيتكسف واخته اللي بتشتغل
الله
انها حقا عائلات محترمه

[quote="the sweet girl"]هههههههههههههههه تسلم ايدك بس حتى البنات دلوقتى مبتكسفش اوى كده[/quoe

شكرااا على مرورك

sara mostafa كتب:: يا نهار ابيض
ده لو ده حصل يبقى مفيش رجاله اصلا
ده راجل ده ولا ابوه فين الرجاله
ويروح يعمل هاي لايت وبيتكسف واخته اللي بتشتغل
الله
انها حقا عائلات محترمه

شكرا يا سارة

بجد لو حصل كدة يبقى الرجالة تلبس طرح

ههههههههههههه

هههههههههههههههههههههههههههههههههههه
جااااااااااااااااااااااااااامد جداااااااااااااااااااااااااااااااااااااااااااااا
بس انا عايزة اقول ان البنات مبتتكسفش كده الا بقى الميصين وانا مبحبش المياصة
هو اه بيبقى فى خجل بس مش انها تطلع تجرى وهههئ ومهههئ
بس ع العموم الموضوع رااااااااااااااااااااائع
ومعلومة فى الهند البنات هما اللى بيخطبو الولاد وبيدفعولهم مهر كمان
وهى اللى فايدها مضوع الطلاق بس فى النهاية بيفضل الراجل راجل
وهو اللى ليه الكلمة مش بيروح يعمل هاى لايت
الا بالحق هو ايه الهاى لايت ده ؟؟؟؟؟؟؟؟؟؟؟؟؟

لولى كتب:: هههههههههههههههههههههههههههههههههههه
جااااااااااااااااااااااااااامد جداااااااااااااااااااااااااااااااااااااااااااااا
بس انا عايزة اقول ان البنات مبتتكسفش كده الا بقى الميصين وانا مبحبش المياصة
هو اه بيبقى فى خجل بس مش انها تطلع تجرى وهههئ ومهههئ
بس ع العموم الموضوع رااااااااااااااااااااائع
ومعلومة فى الهند البنات هما اللى بيخطبو الولاد وبيدفعولهم مهر كمان
وهى اللى فايدها مضوع الطلاق بس فى النهاية بيفضل الراجل راجل
وهو اللى ليه الكلمة مش بيروح يعمل هاى لايت
الا بالحق هو ايه الهاى لايت ده ؟؟؟؟؟؟؟؟؟؟؟؟؟

شكرااااااا على مرورك

اه صحيح ايه الهاي لايت ده
علي فكرة باين علي لولي انها من هواة القراءة و المعلومات
و خصوصا انك برج العقرب
علي فكرة انا كدا عرفت عنك شوية كتير

زائر

الهاي لايت ده على حسب معلوماتي المتواضعه
اللي هو تلوين كام خصله كده في الشعر
مش عارفه صح ولا لا بس غالبا هي كده

انا هروح اعمل هاي لايت و جاي
اللي عاوزني يبقي يرن لي بقي
باي باي شلة
هههههههههههههههههه

علي فكرة كدا م الموضوع ده مفيش رجالة
انقرضووووووووووووووووووووووا
زي انتشرووووووووووووووووووا

والله ميه ميه الموضوع دا

علشان يشيلوا شويه عننا

شكراااا على مروركم

no comment

هههههههههههههههههه
حلو اووووووووووووووووى

لاتعليق ليه اتخيل بس

eng_dido كتب:: اه صحيح ايه الهاي لايت ده
علي فكرة باين علي لولي انها من هواة القراءة و المعلومات
و خصوصا انك برج العقرب
علي فكرة انا كدا عرفت عنك شوية كتير

ده صحيح مية ف المية
انا فعلا بحب القراءة جدااااااااااااااااااااااا و مش بشبع منها مهما كان نوع الكتاب اللى ادامى او حتى سمكه او موضوعه بقراه لحد الاخر وبستمتع بده اوووووووووى و المفروض ان الواحد يوميا يقره لمدة تلت ساعة على الاقل ده المفروض يعنى
وفكرة جمع المعلومات وانى اتعرف على حاجة جديدة بستهوينى جداااااااااااااااا
بس سؤال عرفت ازاااااااااااااااااااااااااااااااااى؟؟؟؟؟؟؟؟؟؟؟؟؟؟؟؟
المحقق كرومبو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لولى كتب:

eng_dido كتب:: اه صحيح ايه الهاي لايت ده
علي فكرة باين علي لولي انها من هواة القراءة و المعلومات
و خصوصا انك برج العقرب
علي فكرة انا كدا عرفت عنك شوية كتير

ده صحيح مية ف المية
انا فعلا بحب القراءة جدااااااااااااااااااااااا و مش بشبع منها مهما كان نوع الكتاب اللى ادامى او حتى سمكه او موضوعه بقراه لحد الاخر وبستمتع بده اوووووووووى و المفروض ان الواحد يوميا يقره لمدة تلت ساعة على الاقل ده المفروض يعنى
وفكرة جمع المعلومات وانى اتعرف على حاجة جديدة بستهوينى جداااااااااااااااا
بس سؤال عرفت ازاااااااااااااااااااااااااااااااااى؟؟؟؟؟؟؟؟؟؟؟؟؟؟؟؟
المحقق كرومبو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل برضه بتحبي تقري الكتب الدراسيه ، ولا قرائتك خارجيه فقط

لا مش المحقق كرومبو المحقق ديدو

المحقق كورومبو ده تلميذي يا سمسم
صح ولا ايه

هو انا عرفت من طريقة ردودك
باين فيها جدا الصفة دي و كمان دي موجودة في العقرب
فالاحتمال بيزيد بيزيادة الشرطين دول

طريقة الكلام بتبين خصوصا لو عندي خبرة بطريقة كلام معينة
و ممكن اعرف عنك حاجات كتيرررررررررر
خلي بالك بقي مش انتي كتومة

كمان انا ليا اتصالاتي بالوزراء و وكالات الانباء و الامن و الجواسيس و المخبرين
امال هعرف ده كله لوحدي

ياراجل ولا بلااااااااااش لان كده الفاتحه ع االرجااااااااااااااله

eng_dido كتب:: المحقق كورومبو ده تلميذي يا سمسم
صح ولا ايه

هو انا عرفت من طريقة ردودك
باين فيها جدا الصفة دي و كمان دي موجودة في العقرب
فالاحتمال بيزيد بيزيادة الشرطين دول

طريقة الكلام بتبين خصوصا لو عندي خبرة بطريقة كلام معينة
و ممكن اعرف عنك حاجات كتيرررررررررر
خلي بالك بقي مش انتي كتومة

كمان انا ليا اتصالاتي بالوزراء و وكالات الانباء و الامن و الجواسيس و المخبرين
امال هعرف ده كله لوحدي

على فكرة انا افتكرت انى ارد من موضوع المهندس طه
ماليش دعوة انا ليا حقوقى الفكرية
ههههههههههههههههههههه مش مشكله
بس ايه العبقريه دى المحقق كرومبو يبقى تلميذك ؟؟؟
وبعدين كده بدأت اخاف جواسيس ومخبرين ؟؟
انت زارع فى المنتدى جواسيس ومخبرين يا نهار ابيض
بس محدش يعرفنى فى المنتدى غير ديمو وداليا وسارة مصطفى هتعرفنى قريب
انا هخلى بالى من هنا ورايح وهمشى فى المنتدى اتلفت شمال ويمين ههههههههههههههههههههه
اما بالنسبة لحتة كتومة دى انا قصدى بيها انى مش بقول اللى جوايا لحد يعنى مش بقول مشاعرى واحساسى سواء كان ايجابى او سلبى فمحدش يعرف حاجة عن الاعاصير اللى بتدور جوايا وده مش عشان حاجة دى بس طبيعتى انى مبحبش اشكى لحد
بالنسبة لسؤال المهندس بسام عن الكتب الدراسية فانا فى مواد بحبها ومواد تانية لا وبعدين الكتب الدراسية بتطرح المعلومة بطريقة التلقين عشان تحفظهلنا ودى طريقة رخمة اوووووووى ومفتكرش فى حد بيحبها لكن الكتب العادية بتطرح المعلومة بطريقة ثقافية بحيث انك عمرك ما هتنسى المعلومة دى
لانك اكتسبتها مش حفظتها وفى فرق طبعااا

خلى بالك يالولى من ديدو هو زرع كامرات مراقبة فى القهوة عشان التفجرات الاخيرة
والانقلاب اللى حدث بسبب بعض الزباين والمعلمين