ازاى تبقى رومانسى؟؟؟؟

تكون شريكة حياتك مسافره كده او رايحه مشوار بعيد شويه تقولها وانت بتسبل بعينك كده
حبيبتى انا قلقان عليكى من المشوار ده وعلشان كده انا جيبتلك بودى جارد يحرسك
وتبتسم ابتسامه حلوه كده وتطلعلها دبدوب صغير كده من ابو 15 او 20 جنيه



2_فى اى مناسبه عاطفيه كده عيد الحب مثلا اشترى كام ورده حمرا بس تكون حقيقيه يعنى 10 او 20 كده وهات واحده بلاستيك وحطها فى النص وكارت صغير من المكتبه اللى على اول شارعكو واكتب
هافضل احبك لحد اخر ورده ما تدبل




3_طبعا اكتر الطرق لاسعاد حبيبتك لو بتشتغل ابعتلها فى مقر شغلها باقة ورد كده جميله وكلمتين حلوين برضه فى كارت اكيد طبعا فى الشغل بقى زمايلها هيقولوا شوفتوا الحب يا ولاد
وتعليقات حلوه كده هتخليها تحبك اكتر



4_لو حبيبتك عندها قط صغير كده بتحبه وكل ما تيجى تقولها كلمتين حب تقولك اسكت ده القط بتاعى عمل كذا النهارده يبقى انت فى عيد ميلادها وانت جايبلها هديه هات للقط الغلبان ده هديه كمان



5_طبعا معظم البنات مش بيعرفو يطبخوا.....
يعنى احتمال كبير مراتك تكون زى الفل فى الطبيخ وتقضوها تيك اواى
المهم فى مره وانت بتطلب بيتزا مثلا اطلب منهم يقطعوها على شكل قلب



6_يعنى لو مراتك تعبت فى البيت كده دور برد خفيف بس همه بيحبو يتدلعو علينا
خدلك انت اجازه من الشغل وخليك جنبها واعملها شوربه (لو بتعرف) وشغلها
فيلم رومانسى كده وطبعا متنساش شويه عصير ليمون او برتقال



7_ فى حركه عجبانى بقى
طبعا فى ويوم اجازه كده هاتلك شويه بالونات من اللى بيطيروا لوحدهم دول (فيهم غاز الهيليوم) واربطهم فى شنطة العربيه من جوه طبعا واطلع انت ومراتك رحله رومانسيه كد يعنى شوفلك مكان رومانسى هادى كده وانزلو من العربيه واعمل نفسك مشغول فى اى حاجه واديلها مفتاح الشنطه بتاع العربيه قولها هاتى اى حاجه بقى الجاكيت بتاعك ولا اى حاجه طبعا هيه اول ما هتفتح البالونات هتطلع على طول وياسلام لو كنت رابط كارت كبير شويه كده مكتوب عليه بحبك ولا اى حاجه حلوه منك كده




8_عارف ياسلام عليك لو فى يوم كده صحيت انت بدرى وحضرت الفطار وجبتهولها فى السرير
ياسلام عليك تبقى فنان.
منقول

و الله موضوع جميل اوي
و كل دي حجات جميلة جدا و مفيش احلي من الرومانسية

و المفروض كل واحدد يتفنن في رومانسيته و يبقي رومانسي فعلا
و مش التمانية دول كل الرومانسية انت ممكن تعمل اكتر بكتير علي حسب اللي ادامك

اكيد في حاجات اكتر من كده يا ديدو بس اهي افكار عشان لما تتزنق

الموضوع حلو يا ديمو

لا لا يا ديمو انا مش هسكت علي الموضوع ده وانتي عارفه انا اقدر اعمل ايه


رمضان كريم يا ديمو مهو احنا قولنا بلاش المو اضيع اللي ملهاش لازمه دي

مرسية ديدو مرسية عمرو مرسية داليا
الرومانسية عمرها ماكانت ولا هتكون شئ مالوش لازم وبعدين انا قلت شريكة حياتك يعنى مراتك مش حد غريب يعنى يا دودى وبعدين الطيب احسن ورمضان كريم يا معلمة

قولها والنبى واضح ان داليا عدوة الرومانسية

انا مش مضايقه من الموضوع بس انا كمان بقول لديمو ان في مواضيع اهم ممكن تتكلم فيها

ده احنا في رمضان او لما نزل الموضوع كنا قربنا علي الشهر الكريم وده فيه مواضيع كتير مهمه

ولو حتي في غير رمضان في برده مواضيع مهمه كتبر

بالنسبه للبشمهندس ضياء انا لما قولت رايي مقلتش في كلامي ان الموضوع مضايقني انا قولت لديموان مش هسكت وده من خلال

معرفتي الوثيقه بيها

وده رايي وبالنسبه لديمو انا لما قولت الرد ده يا ريسه مكنتش اقصد انتي قولتي شريكه حياته ولا لا انا رديت علي الموضوع كله علي بعصه بعيد عن اي لمحات اخري وعلي العموم يا ريسه ده رايي

يا ديمو ده كده مش عدوه الرمانسيه بس في ما يوجد في الحياه ما هو اهم خليكي عمليه اكتر الاهم فالمهم

وياريت ما كنش طوبت

رمضان كريم

شكرا علي رد حضرتك يا بشمهندس

دودى معرفتك الوثيقة هههههههههههههههههههههههه دى على راسى يا معلمة وعلى العموم انتى تامرى بس والمواضيع بعد كده كلها هتبقى فى التمام ورأيك انا هحترمو واكيد الافكار بتختلف والاختلاف فى الرأى لا يفسد للود قضيه
رمضان كريم
سلاحف يا احلى دودى

والله الوهحد مبقاش عارف يقولك ايه علي العموم يا ريسه شكرا علي الرد ده واكيد لازم العلاقه الوثيقه دي تبقي علي راسك مهو انتي عارفه ايه هي العلاقه دي ولا ايه

واكيد يا ريسه اختلاف الراي لا يفسد للود قضيه

زعلي العموم سسسسسسسسسسسسسسسسلام يا ريسه