قناة مهيسة جدااا

( قناة مهيسه جدا )

ما الذى يحدث فى عالم الغناء فى مصر و الوطن العربى ؟

إيه كل المطربين دول اللى عمالين يغنوا علينا

أنا بتحدى إى انسان لو يقدر يقوللى بالظبط عدد المطربين

اللى ظهروا على الساحة الغنائية فى السنوات الستة الأخيرة

خير اللهم اجعله خير

كنت انا و فاروق بنتكلم فى ذات يوم

_ حلوه ذات يوم دى _

و ال ايه تخيلنا ان احنا بقينا فى سنة 2020

وأن معانا جريدة فنية بتاريخ 12- 12-2020
و قعدنا نتخيل مع بعض

ايه الأخبار اللى ممكن تكون مكتوبه فيها

مش عارف النتيجة اللى طلعنا بيها دى

حلم ولا هلوسه ولا تخارييف

و لا أن احنا تنبأنا بالمستقبل المظلم اللى منتظر الأغنيه

و الآن نترككم مع أخبار غنائية لن تقرأوها الا مع قناة انج حلوان

( 1 )

مفاجأة العام الكبرى ... دويتو غنائى بين هانى شاكر و ميريام

فارس فى أغنية اسمها (حبيبة بابا )

( 2 )

أعلى مبيعات حتى الآن 27 مليون نسخه شريط للمطربه

الصاعده بسرعة الصاروخ... وهيا فعلا صاروخ أرض

جو .... المطربة نونيا صاحبة شريط "مستنياك فى الشقة "

ويقول مطلع هذه الأغنية

مستنياك فى الشقة ياعمرى اوعى تتأخر عليا

مفيش حد انا قاعده لوحدى تعالى بقى نتسلى شويا

ونأسف لعدم استطاعتنا نشر باقى كلمات الأغنية حياءا و

استحياءا من القارئ الكريم

( 3 )

أنجح كليب هذا العام للمطربة تيتى عن أغنيتها ( يا نهار أسود

جوزى رجع ) وجائزة خاصة لفكرة الكليب المبتكرة و التى

تدور أغلب أحداثها فى غرفة النوم

( 4 )

اعتزال عمرو دياب وهجرته الى أمريكا و اعتزال محمد منير و

هجرته الى ألمانيا و اعتزال هشام عباس و هجرته الى الهند أما

عامر منيب فقرر الهجرة الى الكاميرون

( 5 )

أصاله تصاب بانهيار عصبى لأن شريطها الأخير لم يبع سوى

3 نسخ _ وكان فيهم اتنين مضروبين _

( 6 )

تامر حسنى و حماقى و عدويه ولؤى و هيثم شاكر يؤكدون أن

الموجة الجديدة لن تستمر و أن الفن الأصيل سيبقى وأنهم

سينتجون لأنفسهم بعد تخلى شركات الانتاج عنهم

( 7 )

جائزة مليون جنيه من شركة تراث الفن للمواطن المصرى

الوحيد الذى ما زال يحتفظ بشريط كاسيت أصلى لايهاب

توفيق

( 8 )

شيرين و آمال ماهر و أنغام و فضل شاكر و نوال الزغبى

ومحمد محى وجنات يصابون بحالة اكتئاب حاد ويفكرون جديا

فى الاعتزال

( 9 )

الدولة تمنح شهادات تقدير لكل من روبى و هيفاء وهبى و نجلا

و بوسى سمير و مروى و ماريا لاصرارهم على مواصلة تقديم

فن راقى بعيدا عن السوقية و العرى و الابتذال

( 10 )

مصطفى قمر يتفرغ للتمثيل ويستعد لبطولة فيلم كارتون

بعنوان " هارى بوتر فى مرسى مطروح "

( 11 )

الاعلان عن رحلة الى متحف الفن الفرعونى لمشاهدة البقية

المتبقية من بقايا أعمال أجيال الرواد القدامى جدا من أمثال

على الحجار و محمد الحلو و كاظم الساهر و مدحت صالح و

ماجدة الرومى و لطيفة و سميرة سعيد

( 12 )

سعد الصغير فى تصريح خطير جدا << لن أرد على ريكو

واترك الجمهور يحكم بيننا>> وكان ريكو قد صرح بأنه الأحق

بلقب نجم الأغنية العربية

( 13 )

جاد شويرى من بعد عودته من إسرائيل يؤكد أن حفله الأخير

فى تل أبيب كان من أنجح حفلاته و أنه بصدد إصدار ألبوما

باللغة العبرية

( 14 )

مصطفى كامل يؤكد انتهائه من التحضير لألبومه الجديد الذى

سيصدر بعد أسبوعين بعنوان _ يوم القيامة _

( 15 )

القبض على مواطن مختل عقليا وهو فى حالة ذهول شديد

وبكاء مستمر ولا يوجد على لسانه سوى جملة << والله كان

فى مطرب اسمه عبد الحليم ومطربة اسمها أم كلثوم ..فينك يا

عندليب ...فينك يا كوكب الشرق >> يا عينى الراجل

بيخرف ... ولقد تم ايداعه مستشفى الأمراض النفسية المتطورة

و التى توجد فى شارع نانسى عجرم فى ميدان اليسا

و يعكف مجموعه من الاطباء و المؤرخين فى البحث عن هذا

العندليب .... ياترى دول يبقوا مين ؟؟؟؟!!!!!

طبعا عايزين تعرفوا انا وفاروق عملنا ايه بعد الكلام الجميل ده

اول حاجه عملناها روحنا لمينا كل شرايط عمرو دياب و

محمد منير و أصالة و سميرة سعيد و شيرين و كل واحد خباهم

تحت سريره

ماهو محدش ضامن ايه اللى ممكن يحصل بكره !!!!!!!!

تفتكروا يا جماعه الحاجات دى ممكن تحصل بجد ؟؟؟

ولو حصلت هيكون مين السبب ؟؟؟!!!!!!!!!!

و الى هنا تنتهى نشرتنا الاخبارية الأولى

كان معكم مراسلوكم من أراضى الواك واك المهيسه

هيرو

و انتظرونا كل يوم خميس فى حلقة من حلقات برنامجكم

المحبوب

صباحك تهييس

على قناه أخبار الاسكوترية

جميلة جداااااااااااااااااااااااااااااااااااااااااااااااااااااااااااااااااااا
بس ممكن ده يحصل بجد وللدرجة دى :lol:

لا طبعا ان شاء الله
الا اذا انا و انتي و باقي الناس قبلوا يسمعوا الكلام ده
صح ولا لاء

صح ياضياء معاك حق بس كل شيى جايز
ممكن مع التطور يحص اكتر من كدة

لا بقى ممكن يحصل فعلا زي ما بتقولي يا جوجو كل حاجه بمرور الزمن ممكن تتغير
وهسأل سؤال مين بصراحه بيسمع دايما وعلطول
اغاني ام كلثوم والعندليب؟؟؟؟؟؟؟؟؟؟؟؟؟؟؟؟
جاوبو بصراحه
انا عن نفسي بسمع اغاني معينه ليهم وقليله اوي

انا مش بحب ام كلثوم بصراحة
احب اسمع عبدالحليم
واظن ان ده ممكن يحصل فعلا
الواحد بقي يخبي الاغاني اللي بيحب يسمعها عشان الزمن اللي جاي

لا بصراحه مش متوقع ابدااااااااااا
علي فكره انا بحب ام كلثوم فعلا وبحب اسمع اغاني معينه ليها
لان في قصايد ليها معناه اكتر من روعه

انا بصراحة بحب صابر الرباعى و تامر عاشور وعمرو دياب وشيرين ومروان خورى

وبالنسبة لام كلثوم بحب لها اغنية واحدة بتاعة حب ايه
وطبعا فيه مطربين تانى بحب اسمع لهم اغانى معينة
زى اصالة واليسا
ومتهيقلى ان لو الزمن اتغير انا مش هغير المطربين اللى انا بحب اسمعهم

ان شاء الله الاصل موجود
و ع الاصل دووووووووووووووووووووووووور

انا عن نفسى بحب اووووووووووووووووووووووووووووووى اسمع اغاني عبد الحليم
وف ناس بردو بحب اسمعهم زى تامر عاشور وهانى شاكر بس ف الاخر برجع لعبد الحليم

لا طبعا ان شاء الله
الا اذا انا و انتي و باقي الناس قبلوا يسمعوا الكلام ده
صح ولا لاء
صح ديدو انا معاك فى الرأى لو احنا ما سمعناش الاغانى دى اكيد مش هيحصل كده
انا الحقيقة مش بحب ام كلثوم بس هى ليها اغانى كليمتها اكثر اكثر من رائعة لكن طبعا عبد الحليم ده تحفة واغانية تحفة وجميلة جداااااااااااااااا

» شاب سويفي جااااااااااااااامد جدااا
» انت مهم جدااا يا طالب الجامعة
» ولاعات غرييييبة جدااا
» نكت مصريه جديده جدااا..زاللي بيخاف مايدخلش
» مهم جدااا لكل مسلم..حسنات كامثال الجبال تصبح هباء منثورا!!