إصابة ضابطين وتباع فى حادث سير بالفيوم

إصابة ضابطين وتباع فى حادث سير بالفيوم





الفيوم - أ ش أ
استمرارا لنزيف الأسفلت أصيب ضابطان وتباع بإصابات خطيرة في حادث مروع وقع بين سيارة ملاكى وأخرى نقل بطريق أسيوط غرب النيل بالفيوم.
تلقى مدير أمن الفيوم اللواء مرسي عياد إخطارا من الدكتور علاء العشيري مدير المستشفي العام يفيد بوصول النقيبين كريم محمد عطا الله (25 عاما) من قوة شرطة مركز سنورس، وإسلام نصر من قوة نقطة شرطة العجميين مصابين بكسور في الجمجمة وإصابات فى أنحاء متفرقة بالجسم نتيجة حادث تصادم بطريق أسيوط.
ودلت التحريات أن تصادما وقع بين سيارة نقل وأخرى ملاكي كان يستقلها الضابطان، مما أسفر عن إصابتهما وإصابة تباع السيارة النقل الذى يدعى سعداوي مصطفي حسين (30 عاما) من أسيوط.
وتم وتحويل الضابطين إلى مستشفى الشرطة بالعجوزة لخطورة حالتهما.




طبعh الخبر قديم بس من جعلني اشعر بالطمئنية الردود في الخبر هو تعديل الخبر توفي الضابط اسلام نصر
وكمان اعمارهم 22 مش زي ماهما كتبين 25
ربنا يرحم ابن عمي ويشفي كريم
واشهد الله اني لما اري من اسلام اي تكبر او انه اذي احد بسبب منصبه



يارب ارحمه

مصدر الخبر
http://www.egynews.net/wps/portal/news?params=102768

الله يرحمه انا قريب الخبر في الوفد وكانو قايلين ان كريم عنده 45 سنه
الله يرحم اسلام ويتخمده برحمته ان شاء الله مسواه الجنه لانه شهيد
وكريم ربنا معاه ويقومه بالسلامه هي حالته وصلت لحد فين دلوقتي محدش يعرف؟

اه شوفت بتاع الوفد ده كمان بس غلط
الاتنين دفعه واحده واتخرجوا يوليو 2009
السنه الي فاتت
وعمرهم 22 سنه

الله يرحمه
طيب كريم عامل ايه دلوقتي

لسه في الغيبوبه لحد دلوقتي
ولا تحسن بس الحاله مستقره

يارب يكرمه ويشفيه ياااااارب

يارب وكمان لو قام هتبقي مصيبه لو عرف ان صديقة عمره الي عمرهم ما سابوا بعض مش موجود دي مشكلة تانيه
ده كل اصحابهم في الدفعه بيقولوا لو كريم ربنا كرمه وقام وعرف ان اسلام توفي هيموت من الخبر دي مشكلة تانيه اهله واقعين فيها
ربنا يعدي الفتره دي علي خير

يارب يشفيه يااااااااارب ويصبره لما يقوووم
هو فعلا اسلام وحيد ابوه وامه؟

اه وتلات بناتهو اكبر شاب في العيله وانا بعده كمان بالنسبه للشباب

يارب يصبرهم ياااااااااااارب انا والله مضايقه جدا من الموضوع ده

لااستنوا الموضوع الي لسه هعمله

موضوع ايه

اعتبروها فضفضه اي حاجه بقي هسرد واقع وحاجات يمكن حد يسمعها

امتي بقي بعد سنه
تقول الحاجه وتقعد معلقنا سنين عليها

لا قريب معلش ماهو انا بردوا فاقد التركيز
انا الاسبوع ده ماكتبتش محاضره واحده
كنت قاعد بجسمي بس
الي معايا يعرف الكلام ده انا مش معايا محاضرات الاسبوع ومش عارف اذاكر لاني مش عارف اتاخد ايه انا اول مره اكون موجود في مكان مش عارف بيحصل فيه ايه حواليا
انا حسيت اني اتكسرت هي صعبه الكلمه بس ده احساس
بس الحمد لله علي اي حال

ربنا يصبرك شد حيلك وركز في دراستك لان الحزن مش هيجيب نتيجه
انا عارفه ان الفراق صعب
بس دي سنه الحياة هنعمل ايه

اه صح سنه الحياه يوم هنا ويوم مش موجود
يارب الصبر

اه فعلا هي دي الحادثه اللي بكلم عنها

ربنا يقويك يا اسامه ويلهم كل اهله الصبر والسلوان

ويشفي كريم

ويصبر كل الناس اللي تعرفهم

لأن انا اعرف واحد صاحبهم هم الاتنين ويعيني مدمر نفسيا

تلاقيه هيثم تقريبا ده تالت الجروب ده والله اعلم

ربنا يرحم اسلام ان شاء الله ويشفي كريموربنا يصبرك يا اسامة

ايوه هو هيثم

هيثم هو كمان شخص محترم جدااا وهادي

مادااا هناك ممكن اعرف منكم لو سمحتم خير ان شاء الله حسب الحادت مروع وصعب وربي ينجي من كانوا داخلهمااااااااااااا

ربنا يصبره هو كمان اصحابه الاتنين بيروحوا اداموا ومش قادر يعمل حاجه

بأذن الله خير ربنا ينجي كريم بس ويطلع علي خير ويفوق من الغيبوبه اللي هو فيها دي

اهم حاجه احنا بس نجتهد ف الدعاء ونحتسب اسلام عند ربنا شهيد