وانا نازله الشارع

وانا نازله الشارع

بفكر وانا نازله الشارع ...ازاى هتبص الناس ليا

وانا نازله الشارع

ياترى فكرت فى نظره رب العباد ليا

وانا نازله الشارع

بدور على موبايلى وعلى الخاتم وعلى البرفن والميكب

ياترى وانا نازله الشارع بدور على مصحفى

وانا نازله الشارع بقول ياترى ياهل ترى هكون احلى البنات فى الشارع

وانا فى الشارع ولاد هنا وولاد هنا وشباب بتبص وشباب بتغازل

وكل ده وانا نازله الشارع

وبعد ما انزل الشارع .......واعدى من الشارع

ياسلام لو بكلمه حلوة حد قالها عمرك فكرتى قالها ليه

يا ترى للبسك المثير ولا لخجلك وانتى بتعدى الشارع

لبسه بنطلون وبضى ولا لبسه اللبس اللى بيخنق

اصل الدنيا تلاهى وبقينا نفضل اللى ينفع نعدى بيه بسهوله الشارع

ممرات كتيره فى الشارع

ليه عمرك ما فكرتى انك وانتى بتعدى الشارع

زى ما فيه معجبين بيكى فى الشارع فى ناس مستحقره المخلوقه ذات نفسها وبردك فى نفس الشارع

وكل ده وانتى فى ممرات وفى نفس الشارع

ماااااااااااااااااشين كلنا فى الشارع

اللى ماشى جنب الحيط بعيد عن عربيات الشارع

واللى ماشى بيحاول يتفادى عربيات الشارع وهو فى نص الشارع
واللى ماشيه فى طرف الشارع


ياااااااااااااااااااااااااااااترى عرفتى ايه هو الشارع ؟


انا اقولك ... فاكره لما نزلتى بالبنطلون الضيق والبضى والحجاب والميكب والبرفن انتى كنتى فى طرف الشارع
اتلهيتى بمتاع الدنيا فكرتى لبسك وشكلك هو ه مصدر تميزك
لكن عمرك ما حسبتيها صح ان نظره الاعجاب دى وراها استحقار ليكى وبيكى

فاكره انتى لما نزلتى بجيبه وبلوزة مشضيقه اوى وعليها الحجاب انتى كنتى فى وسط الشارع وبتتفادى عربيات الشارع وفاكره ان سر تميزك ما انتى مش حطه ميكب غير خفيف ومش باين والبرفن حرام ما انتى عامله اللى عليكى

(وهو انا هقطع نفسى ولا ايه )


وانتى اللى كنتى ماشيه جنب الحيطه فى الشارع
فاكره لما لبستى لبس واسع فضفاض كل اللى بص ليكى وقالك كلمه حلوة وكل اللى اعجب بيكى اعجب بيكى لجمال اخلاقك ولو بص ليكى فنظرته ليكى نظره احترام
ما انتى مكنتيش حطه ميكب ولا كنتى متزينه وزينتك كانت اخلاقك


__________________________________________________________

لحظه !!!!
وقفه مع النفس

ما انا مسلمه وانا سفيره لدينى فى اى مكان ليه تخلى نفسك عرضه لعيون الشباب

ليه بتنزلى من بيتك وانتى مستنيه نظره اعجاب من عباد وانتى موصلتيش لرضا الخالق بيكى

ليه دايما الناس مصدر ثقتك ولو الناس ماعجبوش بيكى مبيقاش في تميز

ليه ربنا مش قدامك فى تصرفاتك وفى اخلاقك وكلامك ولبسك وشكلك

حبى نفسك فى حب الله هتلاقى كل الناس معجبين بيكى كل ما ربنا هيحبك هتحبى الحياه

لانك هتحسى ان رب العباد اكتر واحد راضى عنك لان ده هيبقى احساسك

__________________________________________________________________

حاجات كتير غايبه عنك ومش فى تفكيرك !!!
خدى بالـــــــــــــــــــــــــــــــــك

وانتى طالعه من بلكونتك دى انتى فى بيتك بلكونتك دى خارج بيتك التزمى بيها باللبس الاسلامى والبسى الحجاب ياعلم مين هيبص عليكى

وانتى ماشيه فى الشارع استقيمى فى مشيتك (هيقولوا عليكى زى الراجل وعامله زى العسكرى )ده بس من قدامك ومن وراكى دى متربيه واهلها ربوها كويس ودعوات تنزل تمطر عليكى

وانتى فى اى مواصله اامنى شر طريقك وخلى مصحفك الصغير فى شنطتك اقراى ايات رب العباد ولو فى ضرر ليكى هيحميكى

بلاش ميكب والكلام ده لمين الميكب وبتتزنى لمين اللى بيعاكسك الوقتى ومعجب بيكى هتيجى بنت معديه الشارع بعدك وبردك هيعجبوا بيها

ليه ترخصى نفسك وانتى غاليه اووووووووووووى

انتى جوهره ...حافظى على نفسك من نظره رجل وشاب
وكلمه من امرأه فى حقك

وتريقه من الناس عليكى فى مقابل اعجابهم بالشكل

انتى اللى معاكى كل المفاتيح :
مفتاح الاثاره
مفتاح الاعجاب
مفتاح الاحترام

يا تـــــــــــــــرى احنا وصلنا لانهى درجه بعد الانفتاح

ديننا بيتحارب واحنا السبب بنميل مع كل اتجاه فى عالم الموضه

ليه نمشى ورا اتجاهات احنا فى غنى عنها
انتى الام والزوجه ليه تخلى زوجك يسمع من فلان وفلان بعد الزواج منه انك كنتى وكنتى وكنتى ........؟

بدل ما تخليه يسمع انك كنتى وكنتى وكنتى .........؟
ويفتخر بيكى وسط الناس وعيلك يفتخروا بيكى

انتى الام اللى بتربى اجيال
اجيــــــــــــــــــــــــال من شباب وبنات المسلمين

اجعلى من نفسك قدوه لبنات المسلمين