اولي حلقات ساعـــة صفــــــا وضيف الحلقه اليومsun light

اهلا بيكم معانا في اولي حلقات برنامج ساعه صفا
ويسعدني ويشرفني اني استضيف في اول حلقه للبرنامج العضو المميز sun light هنساله في كل حاجه وعن اي حاجه
في البدايه احب اشكرك انك وافقت اني استضيفك
وهنبدأ باولي اسئلتنا النهارده ونخليها اسئله في البدايه شخصيه
احب اتعرف بيك
اسمك وسنك وعنوانك
واحب اعرف كمان عدد اخواتك وترتيبك بينهم
ومين اقرب حد ليك من اخواتك

تمام
حابه اعرف بتقضي يومك ازاي
وهل كمان معاملتك جوا البيت تختلف عن معاملتك بره البيت

وكمان عايزة اعرف
هل ايام دراستك كنت ناجح فيها وكنت بتحب اللي بتدرسه ولا لا ؟

بتحب شغلك ومقتنع بيه ولا بتشتغل لمجرد الشغل مش اكتر
وايه هي طموحاتك فيما بعد وهل قدرت تحقق جزء من اهدافك

طيب لو مش حابب مجال شغلك ده ايه الحاجه اللي كنت حابب تكون شغال فيها

وفيه سؤال كمان هل قرارتك هل بتكون نابعه من جواك ومن تفكيرك انت ولا جزء منها بيكون
تحت ضغط الاخرين او تأثيرهم

وبالنسبه لشغلك ولحياتك عموما شايف حياتك ومسقبلك الجي ازاي

وهل في حاجات نفسك تغيرها سواء في حياتك عموما او في شخصيتك

حاسس انك انجزت في حياتك وناجح فيها ولو لا ايه الي ناقصك عشان تحس انك قدرت تنجز فيها

احب بس اقول في الاول ياريت سرعه في الاجابه عشان الوقت
الاسئله كتير اوي

في البدايه هنتناقش في اجاباتك
الاول انا بقصد يومك عموما رمضان او غير رمضان

وفيه نقطه حابه اعلق عليها او اسال فيها
المفروض ان الانسان مسؤل عن اختياراته وعن قرارته هو اللي بيتحمل نتايجها مش اي حد تاني
حتي لو حد تثر علينا فيها لما نتيجه القرار ده بتبان احنا اللي بنتحمل عواقبها مش اي حد تاني
تفتكر ده عيب فيك وتغيره ولا انت مقتنع بيه ومش عايز تغيره؟

والحاجه التانيه انت بتقول انه من احلامك انك عايز تشتغل في بلدك ايه اللي مانعك انك تشتغل في بلدك
لو كل الشباب اللي بيسيبو البلد دول قعدو فيها وحاولي يعملو اي حاجه فيها هينجحو انما اغلب الشباب بقو يسافروا ويطورا في البلاد التانيه تفتكر ده عيب من البلد ولا بقي عيب من الشباب؟

وايه هو الهدف الوحيد اللي عايز تحققه ولو فعلا حققته هتقول انا خلاص كده مش عايز حاجه تانيه؟ انا عارف ان طموح الانسان واحلامه مش بتنتهي بس برضه في احلام كتيره لما بنحققها بنحس اننا مش عايزين حاجه تانيه واكتفينا من الدنيا ؟ ايه هو الحلم ده ؟


كل واحد فينا اكيد ليه نقطه ضعف بتأثر عليه في انفعالاته او قراراته اايه هي نقطه ضعفك في حياتك وهل شايفها عيب ولا ميزة فيه نقطه ضعف بتكون ميزة في بعض الاحيان؟

وتعالي نخرج شويه بره الاسئله الشخصيه دي وندخل في الاسئله العامه



هل شايف ان حال الشباب دلوقتي كويس ومن وجهة نظرك ممكن يعملو ايه عشان حالهم
ده ينصلح ده لو شايف انه مش كويس



باعتبارك شاب ايه هي الخطوات اللي ممكن تعملها في بلدك عشان تحاول تطور فيها
وايه اللي ناقصنا عشان نبقي زينا زي اي دوله



الاحياء الشعوائيه في مصر كترت اوي الفتره الاخيره تتفكر ده سببه ايه
وايه اللي ممكن الدوله تعمله لاصحاب المساكن العشوائيه

(البنت زي الولد)

المقوله دي بقت تتكرر كتير اوي الايام دي
مع ان البنت مش زي الولد ولا عندها قدرة تحمل للشغل زي الولد
ومع المطالبه بالمسواة شايف من وجهة نظرك لو فيه فعلا مساواه
البنات ممكن تعمل ايه عشان ترتقي بحال البلد
بعد ما بقو وزراء واللي دخل القضاء بقو يمسكو مناصب هامه ف البلد
تفتكر هما قدها
وايه اللي ممكن يعملو زيهم زي الشباب عشان يرتقو بحال البلد

النضافه في مصر والشوارع
ايه اللي ممكن يتعمل علشان الشوارع تكون اكثر نضافه من كده

طيب نسيلنا من الاسئله العامه وندخل شويه في الاسئله الدينيه والسياسيه معااا
الدين بقي مرتبط بالسياسه ومرتبط طبعا بكل حاجه في حياتنا
بس خلينا نتكلم دلوقتي ونحكي عن الدين والسياسه

هل انت بتتعارض مع نقطه ان الدين بيرتبط بالسياسه ولو متفق متفق ليه وايه هي ارائك في الموضوع ده
ايه رائك في قانون الطوارئ وهل الحكومه استخدمته استخدام يرضي ربنا ويرضي ضميرهم

ايه رايك في سياسه الحكومه دلوقتي ؟كل الناس شايفه انها بتتعارض مع كل حاجه مش مع الدين وبس
بتتعارض مع سلوكيتنا وبتتعارض مع قيمنا واخلاقنا كبلد مسلمه

تفتكر مين اللي ممكن يمسك رئاسه البلد ؟ ده طبعا تخمينك وانت نفسك مين يمسك البلد دي والاحق انه يمسكها وشايف انه البلد هتطور علي ايديه

هل حال الشباب دلوقتي وكذلك البنات كويس ؟؟؟؟
الغايه تبرر الوسيله؟ الجمله دي بقينا نسمعها كتير اوي في كل مجالات حياتنا مش شرط مننا احنا لكن من ناس اخرين
لو بنت بتشتغل في شركات خاصه بتلاقيها طالعه من البيت شكلها ميرضيش ربنا ابدا ولو نصحتها تقولك انا بشتغل في شركه خاصه لازم يكون مظهري كويس ال ايه علشان ده اللي ماشي في البلد ومعلش بقي ماهي الغايه بتبرر الوسيله

لو لاقيت شاب بيتصرف تصرفات ضدد الاخلاق والقانون والمبادئ ولو سالته يقولك الغايه تبرر الوسيله

هل انت مع الجمله دي ؟ وهل انت احيانا بتضطر ليها ؟

ايه رايك في رئيس الوزراء
حادثه خالد سعيد ؟تفتكر مين الظالم ومين المظلوم فيها؟

رايك ايه في سياسه مصر الداخليه
ورايك في وزير الداخليه

سياسيه مصر الخارجيه شايفها ناجحه ولا فاشله؟

زي الشباب او البنات دلوقتي لبسهم وطريقه الكلام هل شايف ان دي طريقة لبس وكلام شعب عربي مسلم ؟

وليه وصلنا للحال ده؟
في الفتره الاخيره احنا كلنا شايفين ان مع كثرة الشيوخ واللي بيدعو لدين الله فيه بعض الشباب حاله الي حد ما انصلح ؟ وفيه شباب تاني مع كثرة الاراء والاقاويل اتشتت ومبقاش عارف ياخد برأي مين
اقصد بالشباب اولاد او بنات؟ رايك ايه في الموضوع ده

ومين احسن الشيوخ عموما اللي بيطمئن قلبك لما بتسمعله؟

مع كثرة الشيوخ دول هل شايف ان كلهم فاهمين فعلا في الدين ولا شايف بقي اي حد يحفظ كلمتين يقول علي نفسه داعيه؟؟

هل انت بتتعارض مع نقطه ان الدين بيرتبط بالسياسه ولو متفق متفق ليه وايه هي ارائك في الموضوع ده
ايه رائك في قانون الطوارئ وهل الحكومه استخدمته استخدام يرضي ربنا ويرضي ضميرهم

انا بتفق جد بان الدين بيرتبط بالسياسة وده مش اليومين دول ده المفروض الى الابد
اول حاجة الناس متخيلة ان تطبيق الدين يعني اقطع ايد السارق وقصاص وجلد ورجم
يعني ده اول حاجة بتتبادر للذهن طيب مين اللي فهمنا كدة ومين اللي غرس فينا كدة
منهم لله اللي شوهو صورة الدين
عموما عايز اقول ان الدين هوا سياسة الدولة الناجحة وبقصد طبعا دين الاسلام لانه الشريعة اللي ربنا اختارها للعصر بتاعنا ولو انها ما تنفعش تطبق ما كانش ربنا جابهالنا
وبعديت انت بتترعب ليه لما بنقول الدين وييجي على بالك قطع اليد هو انت حرامي؟؟؟؟؟؟
الموضوع ان مش بين يوم وليلة هقطع ايد السارق او اجلد او اطبق كذا وكذا
الموضوع انو بناء دولة قائمة على الدين فيها كل الظروف كويسة للدرجة اللي تخلي الشخص
لا يسرق
لا يقتل
لا يزني
لا يشرب الخمر
يعني هيبقى مش محتاج عنده حد الكفاية يبقى هيسرق ليه
يوم ما يحصل كدة نبتدي بقى نعمل سور للدولة السعيدة دي من اي حد عايز يمس حق حد تاني
السور ده هيا الحدود ويا ريت الموضوع يتفهم صح مش زي الاعلام ما بيقول
موضوع قانون الطوارئ اتعمل لاسباب الشعب كله عارفها وحسبنا الله ونعم الوكيل
انا خايف عليكم بس لاني برة مصر
هههههههههههه
ايه رايك في سياسه الحكومه دلوقتي ؟كل الناس شايفه انها بتتعارض مع كل حاجه مش مع الدين وبس
بتتعارض مع سلوكيتنا وبتتعارض مع قيمنا واخلاقنا كبلد مسلمه
شكلك هتودينا في داهية
ههههه
عموما طبعا ربنا يصلح الحال وييجي حد يكون هوا اللي هيلتف حوله الناس ويشتغلو صح
السياسة بتتعارض مع الدين مافيهاش كلام وبتتعارض كمان مع ادميتنا انا اللي شوفته في الامارات بصراحة من تعامل يخليكي تحسي انك بني ادمة وليكي حقوقك دولة بتحترم ادميتك مش تهينها وتخليكي غريبة في بلدك
تخميني ان اللي هيمسك البلد جمال مبارك ربنا يديلو الصحة
يعني انا اتمنيت في وقت من الاوقات زمان ان عمرو موسى
لكن دلوقتي مش شايف حتى البرادعي انه هيعمل جديد من بعد موضوع النووي في العراق وانو ما عملش حاجة يبقى هيعمل عندنا
انا عايز حد فكره زي فكر احمد زويل بس يكون متدين يكون زي اردوغان كدة
يبقى يا رب ييجي حد كويس

هل حال الشباب دلوقتي وكذلك البنات كويس ؟؟؟؟

المشكلة اننا وصلنا لدرجة اننا مابقيناش بنفكر غير في ازاي نعيييييش بس زي الناس وخلاص
والفكر ده ولد يأس ومن ثم استهتار عند الشباب
ادخلي كدة على الشات والمنتديات مش هتلاقي غير كلام فاضي في كلام فاضي
بسيط قوي اللي بتحسي انو بيفكر صح
ربنا يخليلنا مهند ونور

وهستاذنك اكمل اجابات بعد شوية عشان فاضل ساعة اللي تلت على الفجر وراجع تاني ان شاء الله

طيب ماشي وعلي ما تيجي اكون كتبت شويه اسئله

انت معاك حق في ان بعض الشباب بقي مستهتر وخصوووووووصاااااا اللي بيكونو في المنتديات بقي اغلبهم تافهه مبيدخلوش غير عشان التعارف بين بالبنات والاولاد بس ده نابع لانهم من جواهم فاضيين جواهم وعقلهم فاضي مافيش اللي يشغله بيسلي وقته وخلاص
وكذلك الشات انا مغامرتش ودخلت الحقيقه شات قبل كده بس من كتر اللي بسمعه بقيت احس ان اللي بيدخلو شات دول شباب فقد الامل في كل حاجه بقي
بس تفتكر الشباب ده وصل لكده ازاي
وليه وصل لكم التفاهه دي والاستهتار؟
وزي ما بتقول ربنا يخلي نور ومهند هل شايف ان ده الحاجه الرئيسيه لضياع عقلهم وعدم التفكير في حياتهم بطريقه علميه صحيحه؟
وهل فعلا الفيديو كليبات والاغاني الهابطه والمسلسلات التركيه بقت سبب رئيسي للحال ده؟

ولو اه طيب ازاي ماهو كل واحد فيه عقله وفيه شباب مش صغير بيعمل كده ماهو ده فيه عقله ولازم يفكر صح
تفتكر ايه اللي اثر علي دماغ الشباب كده مش كلهم يعني هل ( الاغاني والفيديوهات _ ولا قلة الوعي الديني والمعرفه الكامله بالحياه اللي عايشينها_الاستهتار _ولا قله الوعي والتربيه الصحيحه في الاسره من وهما صغيرين_ او كل ما سبق هههههه)

تعالي نخرج شويه من الجو ده ونرجعله تاني

ندخل شويه في الاسئله العاطفيه

ايه مفهومك عن الحب ؟ وهل صادفته ومريت بيه

وهل لو مريت بيه كانت تجربه ناجحه ولا لاقدر الله فاشله؟

ايه هي مواصفات فتتاه الاحلاه اللي نفسك تلاقيها في انسانه؟
هل انت شايف ان جواز الصالونات بينفع



حابب لما ترتبط ترتبط عن حب ولا مجرد انها تكون بنت عجبت اهلك وقالولك دي
بنت كويسه

ايه رايك في صداقه الولد والبنت وهل فعلا الصداقه غالبا بتقلب لحب

ايه رايك في تعارف ولد وبنت من علي النت او الشات ويقلب لصداقه وبعدين لحب ؟ مقتنع بالكلام ده؟

وشايف انه هل كافي ان واحد يعرف بنت من ع شات ويحبها وكمان تبقي ام لاولاده تفتكر ده كلام بيضحك بيه الشباب علي البنات ولا ممكن يحصل في يوم من الايام؟

هل ممكن تتنازل عن حاجات انت مؤمن بيها ومقتنع بيها لو مريت بتجربة حب عشان التجربه دي تنجح؟

الارتباط دلوقتي بقي حاجه صعبه اوي بقت صعبه جدا انك تحكم علي ولد او تحكم علي بنت مبقاش حد عارف حاجه؟
ازاي تقدر تحكم علي بنت انها كويسه وازاي برضه البنت تحكم علي ولد انه كويس؟

لو حبيت انسانه وحبيت تتقدم لها بس اهلها طلبو طلبات غاليه زي ما بنشوف الايام دي والطلبات دي مش امكانياتك هل هتسيبها؟ ولا هتعمل المستحيل عشان ترتبط بيها في حين ان اهلها مش هيتنازلو عن الطلبات دي؟

نكمل لما تجاوب علي دول

السلام عليكم ورحمة الله
نستانف الحوار
الغايه تبرر الوسيله؟ الجمله دي بقينا نسمعها كتير اوي في كل مجالات حياتنا مش شرط مننا احنا لكن من ناس اخرين
لو بنت بتشتغل في شركات خاصه بتلاقيها طالعه من البيت شكلها ميرضيش ربنا ابدا ولو نصحتها تقولك انا بشتغل في شركه خاصه لازم يكون مظهري كويس ال ايه علشان ده اللي ماشي في البلد ومعلش بقي ماهي الغايه بتبرر الوسيله
لو لاقيت شاب بيتصرف تصرفات ضدد الاخلاق والقانون والمبادئ ولو سالته يقولك الغايه تبرر الوسيله

هل انت مع الجمله دي ؟ وهل انت احيانا بتضطر ليها ؟

الحمد لله ربنا كفل لينا الرزق وقال (وفي السماء رزقكم وما توعدون فورب السماء والارض انه لحق مثلما انكم تنطقون) صدق الله العظيم
الغاية تبرر الوسيلة في حاجات تانية خالص غير كدة يبقى انا مش مع اني اغضب ربنا في سبيل اني اتحصل على مكسب مادي


ايه رايك في رئيس الوزراء

ماشاء الله طويل ممكن يلعب سلة

حادثه خالد سعيد ؟تفتكر مين الظالم ومين المظلوم فيها؟

سوري مش هجاوب

رايك ايه في سياسه مصر الداخليه
ورايك في وزير الداخليه

سياسة مصر الداخلية في رايي ناجحة جددددددا بدليل ان الناس كلها عايشة بحريتها وكل الناس بتقول رايها
لا ما تظلميش الناس

سياسيه مصر الخارجيه شايفها ناجحه ولا فاشله؟

كانت ناجحة في فترة من الفترات انما دلوقتي مصر مابقاش ليها

زي الشباب او البنات دلوقتي لبسهم وطريقه الكلام هل شايف ان دي طريقة لبس وكلام شعب عربي مسلم ؟
انا مش عايز اعمم انما فيه ناس كتير في مصر كويسة وبتمارس الاسلام ماشاء الله كويس عارفة المصريين الاسلام جواهم بجد وان شاء الله ربنا هيكرم ونطبق الاسلام كلنا وربنا يوفق المشايخ في القنوات الدينية يا رب
بعض الامثلة السيئة ربنا يهديهم هما اللي بيدو انطباع مش كويس عن الوضع العام انما بجد لو عملتي احصائية هتلاقيه النسبة الاكبر للمحجبات وللشباب المتدين

في الفتره الاخيره احنا كلنا شايفين ان مع كثرة الشيوخ واللي بيدعو لدين الله فيه بعض الشباب حاله الي حد ما انصلح ؟ وفيه شباب تاني مع كثرة الاراء والاقاويل اتشتت ومبقاش عارف ياخد برأي مين
اقصد بالشباب اولاد او بنات؟ رايك ايه في الموضوع ده

ومين احسن الشيوخ عموما اللي بيطمئن قلبك لما بتسمعله؟

مع كثرة الشيوخ دول هل شايف ان كلهم فاهمين فعلا في الدين ولا شايف بقي اي حد يحفظ كلمتين يقول علي نفسه داعيه؟؟

الحمد لله ان فيه شباب انصلح حالهم واللي اتشتتو مش عارف ليه ربنا يهدينا كلنا عموما الوسطية والاعتدال هيا اهم حاجة في الموضوع عشان استمر برغم من اني مش شايف حاجة تخلينا نتشتت ماشاء الله لاعندنا مشايخ شيعة ولا دروز ولا فرق ربنا ينجينا منها

ربنا يكرمهم كلهم بس فعلا بحس بارتياح لما اقعد قدام الشيخ محمد حسان ربنا يا رب يكرمه ويوفقو

بصي الموضوع ان ممكن يكون فيه حد دخل الاعلام من طريق الدين عشان لقى نفسه كدة بس هل هوا مقتنع او متعلم كفاية الله اعلم بس مش نقدر نحكم على حد

ورايك في وزير الداخليه

سياسة مصر الداخلية في رايي ناجحة جددددددا بدليل ان الناس كلها عايشة بحريتها وكل الناس بتقول رايها
لا ما تظلميش الناس

نوووووووووووووووووووووووووووكمنت خاااااااااااااااااااااااااااالص نوووووووووووووووووووووووووكمنت
لا مش تنفع مليوووووووووووووووون نوكمنننننننننننت
شكلك مش من مصر اصلا

انتى مش فاهمة ياسمسمة هوه شكله اخد السؤال ع الامارات
ماتاخديش ف بالك
ماخدش باله

نيجي بقى لاسئلة المشاركة اللي بعدها
بس تفتكر الشباب ده وصل لكده ازاي
وليه وصل لكم التفاهه دي والاستهتار؟

ما انتي قلتي فرااااااغ ومافيش احساس باهمية الوقت واهمية اللي بيعملوه او هيعملوه

وزي ما بتقول ربنا يخلي نور ومهند هل شايف ان ده الحاجه الرئيسيه لضياع عقلهم وعدم التفكير في حياتهم بطريقه علميه صحيحه؟
وهل فعلا الفيديو كليبات والاغاني الهابطه والمسلسلات التركيه بقت سبب رئيسي للحال ده؟

ده اكيد وعلى فكرة الوسيلة دي اتذكرت في القران في الصد عن سبيل الله ايام ما كان الكفار بيعملو كل ما في وسعهم لاضلال الناس فعشان عارفين ان الانسان لو مركز وبيفكر هيختار صح فكان عدد المسلمين هيكتر والناس كلها هتدخل في الاسلام عشان هوا دين العقل والمنطق
قال الله تعالى
وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا
هُزُوًا أُولَئِكَ لَهُمْ عَذَابٌ مُهِينٌ
صدق الله العظيم

ولو اه طيب ازاي ماهو كل واحد فيه عقله وفيه شباب مش صغير بيعمل كده ماهو ده فيه عقله ولازم يفكر صح
تفتكر ايه اللي اثر علي دماغ الشباب كده مش كلهم يعني هل ( الاغاني والفيديوهات _ ولا قلة الوعي الديني والمعرفه الكامله بالحياه اللي عايشينها_الاستهتار _ولا قله الوعي والتربيه الصحيحه في الاسره من وهما صغيرين_ او كل ما سبق هههههه)

ماشاء الله عليكي
كل ما سبق
هههههههههه
نخلي الاسئلة العاطفية في المشاركة اللي بعدها

اممممممممم
فهمتك ياهندسة

انت كل الاجابات اللي مش عايز حد يشوفها كاتبها بالاصفر وانا عنيا اتعمت من اللون ده
يالا مش مشكله كمل ياهندسه
مش فاهمه انا ايه ساعه صفا دي 15 ساعه صفا
هههههههه

عموما خلينا نكمل باقي الاجابات
تعالي نخرج شويه من الجو ده ونرجعله تاني

ندخل شويه في الاسئله العاطفيه

ايه مفهومك عن الحب ؟ وهل صادفته ومريت بيه

الحب حاجة جميلة جدا وممكن يتحكم في مستقبل انسان لانه بجد بيدي للانسان دفعة ممكن يخليه يهد جبال وده فعلا جربته وفي ناس كتير قوي جربته ممكن بالحب الواحد يوصل للنجوم

وهل لو مريت بيه كانت تجربه ناجحه ولا لاقدر الله فاشله؟
مريت بيه وكانت فاشلة لانه كان بدري شوية

ايه هي مواصفات فتتاه الاحلام اللي نفسك تلاقيها في انسانه؟

يعني تكون انسانة كويسة طيبة بنت ناس محترمة معتدلة التدين ذكية دماغها حلوة زي منى الشاذلي كدة مجددة مصرية طبعا
والشكل وده المشكلة انه بقى خلاص كل بنت او ولد بيفكر فيه قبل الصفات اللي قلتها في الاول ههههه
مش هقول


هل انت شايف ان جواز الصالونات بينفع

بينفع اللي ما عندوش وسيلة غيره وعايز يتجوز وخلاص

حابب لما ترتبط ترتبط عن حب ولا مجرد انها تكون بنت عجبت اهلك وقالولك دي
بنت كويسه
مش لازم عن حب بس تكون عجبتني مش عجبت اهلي وده اللي تاعبهم جدا معايا

ايه رايك في صداقه الولد والبنت وهل فعلا الصداقه غالبا بتقلب لحب

مافيش حاجة اسمها علاقة صداقة بين ولد وبنت ممكن زمالة انما الصداقة دي مش مشروعة عندنا

ايه رايك في تعارف ولد وبنت من علي النت او الشات ويقلب لصداقه وبعدين لحب ؟ مقتنع بالكلام ده؟
اذا شافو انهم مناسبين لبعض ايه المانع دي حاجة كويسة جدا بس يكون فيه جدية طبعا مش كلام
هيا المشكلة الوحيدة في نظرة الناس للنت دلوقتي على انو حاجة مش كويسة يعني بجد انا لو حصل معايا مش ممكن هقول ان ده عن طريق النت ابدا

وشايف انه هل كافي ان واحد يعرف بنت من ع شات ويحبها وكمان تبقي ام لاولاده تفتكر ده كلام بيضحك بيه الشباب علي البنات ولا ممكن يحصل في يوم من الايام؟
على فكرة فيه مواقع زواج على النت واسمع ان ناس اتجوزت عن طريق كدة انا نفسي كنت هرتبط بالطريقة دي بس عشان ما فيش فرصة قدامي غيرها
هل ممكن تتنازل عن حاجات انت مؤمن بيها ومقتنع بيها لو مريت بتجربة حب عشان التجربه دي تنجح؟
لا طبعا
الارتباط دلوقتي بقي حاجه صعبه اوي بقت صعبه جدا انك تحكم علي ولد او تحكم علي بنت مبقاش حد عارف حاجه؟
عندك حق اللي بنسمعه كتير اوي بس الواحد بيطمن نفسه بموضوع انه اكيد هيتجوز اللي من نصيبه بعد ما ياخد بالاسباب طبعا ويسال عنه او عنها ودي الطريقة اللي عارفينها وفي فترة الخطوبة بتظهر باقي الحاجات
ازاي تقدر تحكم علي بنت انها كويسه وازاي برضه البنت تحكم علي ولد انه كويس؟
مالناش غير بالظاهر قدامنا

لو حبيت انسانه وحبيت تتقدم لها بس اهلها طلبو طلبات غاليه زي ما بنشوف الايام دي والطلبات دي مش امكانياتك هل هتسيبها؟ ولا هتعمل المستحيل عشان ترتبط بيها في حين ان اهلها مش هيتنازلو عن الطلبات دي؟
لو حبيتها بجد
هعمل المستحيل هكسر الدنيا
نكمل لما تجاوب علي دول

انا فعلا كنت سعيده جدا بالحلقه الجميله دي معاك
اجاباتك ماشاء الله جميله جدا
لو ليك اي تحفظ او تعليق ع الاسئله او حاجه مش عجبتك ياريت تقولها عادي

ايه ده يعني انفع مذيعه
طيب شهاده اعتز بيها جدا
وربنا يكرم ويوفق الجميع ياارب

انا عارفه تصدق صح بقول لنفسي كده
فيهم لسان منا فيا لسان فيهم عقل فيا عقل
هشوف الموضوع ده
هههههههههههههه
بس لو قولت لماما وبابا وطردوني هتبقي مشكله

هههههههههههه
هترجعى لشااااااااااااااارع تانى يابت
يلا تعيشى مع اطفال الشوارع واعملى حلقات معاهم

ارجع للشارع علي اساس اني كنت منه
تصدقي شكلك هتتعقلي في اقرب عمود نور في اكبر شارع عام