باسم منور علي الكرسي هههههههههههههه

ايمانا منا بالديموقراطية الرشيدة التي سادت في المنتدي
منذ ان توالينا الحكم وذلك العهد الرشيد من الرخاء الذي شهدتموه منذ دخلونا الي المنتدي قررنا نحن
تبعا للسلطة التي بايدينا
والتي لم نستغلها جيدا
بالاتي
اولا ان يجلس الاخ بسام هنا في هذا التوبيك علي كرسي الاعتراف كي يبوح لنا عما بداخله
اهلا بيك ياريس واستني بقي الي جاي

زائر

اهلا بالبشمهندس بسام

منورنا يا هندسه

ماشي يا اسامه
مستعد
وده كله عشان ظبطتك في كذا موضوع
ماشي يا عم المدير

كل كرسى وانت طااااميب يابسااااااااااااااااااااا

هههههههههههههه
انتوا بتهزروا بقي كل الي يدخل يسلم فين الاسئلة بدل ما نعاقب الي دخل ده كله

ما النهارده مافيش اسئله
انا الاسئله
هههههههههههه

ليه ياخويا ابدا انا شكل لازم تكون البداية من عندي
اسمك
وسنك
وعنوانك
ورقم بطاقتك
وحالتك الاجتماعية
وحالتك العاطفية ههههههههههه
واكلتك المفضلة
وشرابك المفضل وناديك الي بتشجعة
ودول تسخين لغاية ما ارجع ياهندسة

راجي عفو ربه كتب:: ليه ياخويا ابدا انا شكل لازم تكون البداية من عندي
اسمك
بسام ( مش باسم ) عبدالتواب شعبان
وسنك
21 سنه
وعنوانك
تلات - مركز الفيوم -الفيوم
ورقم بطاقتك
28902202300714
وحالتك الاجتماعية
اعزب ( ماعندكش عروسه )
وحالتك العاطفية هههههههههه
مالكش دعوي
واكلتك المفضلة
المحشي
وشرابك المفضل
المانجه
وناديك الي بتشجعة
الأهلي
ودول تسخين لغاية ما ارجع ياهندسة

ياويلكم الكرسي
منور يابشمهندس
رجعاااااااالك بالاسئله بعد الفطار

منتظر

بس مش هو في فرق توقيت بينا وبينكم
عشر ايام
!!!!!!!!!!

اخيرا لقيت حد هيسالك يلا ياريم شدي حيلك

ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

ايوه هي دي الاسئلة
وراك ياريم
ههههههههههههههههه

reem كتب:: ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟
مش علي من ، علي ايه ، ابكي علي الوقت اللي ضيعته في عدم طاعه الله

من ستختار ليمسح دموعك ؟

انا اللي هامسح دموعي

لو خيروك بين حبيبك وبين اعز صديق فمن تختار ؟
حياه مليئه بتغيرات كثيره

ماينفعش الاختيار ده ، لاني مش اقدر اتخلي عن حبيبتي او عن اعز اصدقائي ، ولو حصل الاختيار يا هختار الاتنين يا مش هاختار خالص

.ماهو تقييمك لهذا المنتدى بصراحه ؟
حاليا بقي مش كويس مافيش حد بيدخل كتير زمان كان احلي بكتير

من يسكن قلبك؟

ربنا

.هل تعتقد ان حظك سيئ؟

لا

.هل هزمك حزنك في يوما من الايام؟

مرتين مره كنت في تالته اعدادي ومره الترم اللي فات

.((مستحيل انساك)) لمن تقولها ؟
للمدرسه بتاعتي : ميس فاطمه بجد شخصيه عمري ما هانساها ولا هنسي فضلها علي

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

علي الوقت اللي عدي من حياتي ومش استفدت بيه

.(( انت كل شيء بحياتي )) لمن تقولها ؟

لأهلي

متى اخر مره بكيت؟

يوم سفر اخويا

اي الدول تتمنى ان تزورها ؟

أسبنايا

هل انت راضي عن نفسك ؟

مش للدرجه الكافيه

.هل تؤيد الزواج العاطفي ام الزواج التقليدي ؟ ولماذا ؟

العاطفي ، لأن بكده نسبه التفاهم هتكون اكبر وهايقدروا يسامحوا بعض ويعدوا لبعض حاجات كتير من مشاكل الدنيا

.هل تعترف بشيء اسمه الصداقه بين الرجل والمرأة ؟

لو في حدود ومش تتعدي حاجز الاحترام اه مافيش مشاكل

.هل انت مدمن تفكير؟

ااااااااااااااااه

.من هو اكثر شخص تفكر فيه؟

انا

.اذا تم تعيينك ملكا لجميع البلاد العربيه فما اول قرار ستتخذه ؟

عوده البلاد الي الحكم بالشريعه الاسلاميه

.هل تكره شخص بشده في حياتك ؟
لا

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

وجود معيدين ودكاتره ممكن يساعدوا الطلبه علميا لان لمنتدي اسمه منتدي هندسه الفيوم

.هل ملابس الشخص امامك تؤثر فيك لتأخذ عنه انطباع ؟؟

اه ، خاصه البنت ، بس لو بتصرفاته او بتصرفاتها خلتني اشوف حاجه غير كده بغير وجهه نظري

.ماالذي يلفت انتباهك بسرعه في الشخص لكي تعجب به ؟

العقل

اذا احببت شخصا في الوقت الخطأ وفي المكان الخطأ فماذا تفعل ؟؟

هاستني لحد ما ياجي الوقت الصح والمكان الصح واعترف ليه بده

.حكمة تؤمن بها جدا؟؟

حب لاخيك ما تحب لنفسك

.عاده تفعلها دائما تتمنى ان تتركها ؟

اني صريح زياده عن اللزوم

ماهو اجمل اسم لولد واجمل اسم لبنت من وجهة نظرك؟

من وجهه نظري اجمل اسم ولد محمد اجمل اسم بنت فاطمه

.ماذا تفعل اول شيء اذا ربحت مليون ؟

هاطلع والدتي وعماتي يحجوا والحج لو عاوز يحج تاني برضه مافيش مشاكل

.هل انت من لديهم رغبة حب التملك واذا تملك الشيء اصابه الملل منه ؟
لا

.اعتذار تريد ان تقدمه لمن؟
لاي شخص غلط فيه في يوم بقصد او من غير قصد

لو بتتضايق من حاجه بتحكي لمين؟

اخر مره اتضايقت من شخص كانت امته؟ وليه؟

ايه الامنيه اللي بتتمناها؟

ايه اصعب موقف مريت بيه؟

ايه موقفك من الحب؟ وهل تؤمن بوجوده؟ وجربته ولالا؟

ف اي قرار بتاخده بتحكم قلبك ولا عقلك؟

ليك اصدقاء من طفولتك ولالا؟

انت شايف نفسك ازاي؟

انت واقعي ولا خيالي؟

ايه رايك ف موضوع الابراج ؟بتؤمن بيها ولالا؟

انت مخطط لحياتك ولا حسب الظروف والتسهيلات؟

امته ممكن تتخلي عن حبيبك؟

بتقدر تحكم ع الاشخاص كويس ولا ممكن تتخدع فيهم؟

طفولتك كانت عامله ازاي؟

ترتيبك ايه ف الاسره؟

بتتعامل مع الناس علي حسب شخصيتك انت ولا شخصيتهم؟

ممكن حد يتحكم ف قراراتك ؟؟

ايه الصفه اللي مميزة عندك وبتحبها؟

امته تقول كفايه كدا؟

كفايه دول وهارجعلك تاني
منور يابشمهندس

ريم مااشاء الله نزله طحن

reem كتب:: لو بتتضايق من حاجه بتحكي لمين؟

لنفسي

اخر مره اتضايقت من شخص كانت امته؟ وليه؟

قريب من 3 ايام تقريبا ، كان عندنا ميتنج مع الدكتور وبعد ما رحت ، باقي الناس كنسلوا الميتنج ومافيش حد قالي ، ولا حتي اللي كان واخد الميعاد ، بس انا اضايقت هما خمس دقايق بعد كده خلاص

ايه الامنيه اللي بتتمناها؟
بتمني اني اخلص السنه الجايه بتقدير كويس ومش ادخل الجيش واشتغل في مكان محترم
ايه اصعب موقف مريت بيه؟

موت جدتي ، والدي كان في القاهره وكلمني ع التليفون وانا اللي قلت له اللي حصل

ايه موقفك من الحب؟ وهل تؤمن بوجوده؟ وجربته ولالا؟
موقف حلو وابن ناس ، اه بؤمن بوجوده ، اه جربته

ف اي قرار بتاخده بتحكم قلبك ولا عقلك؟
عقلي
ليك اصدقاء من طفولتك ولالا؟

اه ليا كتير

انت شايف نفسك ازاي؟
شايف نفسي طيب و بحب اخدم غيري وصريح الي حد كبير

انت واقعي ولا خيالي؟

اوقات واوقات علي حسب المود وعلي حسب الموقف

ايه رايك ف موضوع الابراج ؟بتؤمن بيها ولالا؟

كلام فاضي ، لا مش بؤمن بيه

انت مخطط لحياتك ولا حسب الظروف والتسهيلات؟

لا مخطط ليها الي حد ما علي الاقل ال3 سنين الجايه

امته ممكن تتخلي عن حبيبك؟

لما هي تتخلي عني

بتقدر تحكم ع الاشخاص كويس ولا ممكن تتخدع فيهم؟

لا ممكن اتخدع فيهم ، بس مش بسهوله غالبا بعرق احكم بس مش علي طول

طفولتك كانت عامله ازاي؟

كنت منطوي جدا من المدرسه للبيت ومش بخرج باقي اليوم

ترتيبك ايه ف الاسره؟
الرابع قبل الأخير

بتتعامل مع الناس علي حسب شخصيتك انت ولا شخصيتهم؟

لا شخصيتي انا

ممكن حد يتحكم ف قراراتك ؟؟

اه لو حد بثق فيه ومقتنع ان رأيه ديما صح

ايه الصفه اللي مميزة عندك وبتحبها؟

اني بقدر اسامح

امته تقول كفايه كدا؟

لما احس ان حاول عاوزي يستغباني

كفايه دول وهارجعلك تاني
منور يابشمهندس

ده نورك يا باشا

-باقة ورد لمن تهديها ...؟؟

باقة شوك لمن تهديها ...؟؟

شخص لاترفض له طلبا ..؟؟

مـــــن يطـــــربك ...؟؟

ماهي التجربه التي تتمنى تكرارها ...؟؟

ماهو اكثر شئ تخشاه...؟؟

مالذي يشعرك بأكثر قدر من الحرج...؟

نزار شاعر المرأه.... وانت شاعر من ...؟؟

حمامة زاجل استقرت على نافذتك تحمل رسالة من مجهول فممن تتمنى ان تكون...؟

- جريمه تتمنى ارتكابها...؟؟

- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

_ لو قالك المصباح السحري اختار امنيتين هتختار ؟

ماهي هواياتك ؟

كم ساعة تجلس على النت ؟

متى اخر مرة انضربت ؟ ومن مين ؟ وليه ؟

ذا كتشفت ان صداقتك مع انسان مزيف تعمل ايه ؟

في كم منتدى انت مسجل ؟

هل تثق باحد من اصدقائك ؟

يومك عامل ازاي؟

ايه اخبار رمضان معاك؟

فيه شخص وعدك بشئ واخلف وعده معاك؟ ولو حصل هتعمل ايه؟

مواصفات فتاه احلامك؟

ماهو مكانك المفضل؟

هل مررت بتجربه حب من طرف واحد؟

كلمـــة تمنيـــــت ان تسـتطيـــع سحـبهــــا؟!؟

آخـر شخـــص تتـــذكــــره قبـــل أن تنـــــام؟!؟

دمـعـــه انـذرفــــت رغـمــاً عنـــك؟!؟

مـوقـــف صــدمــك ولــن تنســــاه؟!؟

شــئ او شخــص غيــّر مجــري حياتـــك؟!؟

كلمة تود سماعها كل يوم؟!؟

القمر-الشمس-النجوم...........ايهم تفضل والسبب؟!
ولنا عوده

reem كتب:: -باقة ورد لمن تهديها ...؟؟
ههديها لكولوبالي بمناسبه الخطوبه ( كله يقول له مبروك يا جماعه )

باقة شوك لمن تهديها ...؟؟
مش ينفع يبقي شوك ويبقي يهدي ، هديها

شخص لاترفض له طلبا ..؟؟

والدتي

مـــــن يطـــــربك ...؟؟
شـــــــــــــــــــــريــــــــــــــــــــــــــــــن
ماهي التجربه التي تتمنى تكرارها ...؟؟

to be volunteer in EED(Egyptian Engineering Day ) again

ماهو اكثر شئ تخشاه...؟؟
الفشل
مالذي يشعرك بأكثر قدر من الحرج...؟

لو حد طلب مني حاجه ومش عملتها له

نزار شاعر المرأه.... وانت شاعر من ...؟؟

شاعر مافش حاجه ، مش عارف بس انا مش بعرف اكتب شعر اصلا ، ده لو انا فهمت قصدك من السؤال

حمامة زاجل استقرت على نافذتك تحمل رسالة من مجهول فممن تتمنى ان تكون...؟

اخويا المسافر

- جريمه تتمنى ارتكابها...؟؟

اقتل كل صهيوني حقير

- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
هرسم ولد قاعد يفكر ، هاكتب يا تري ايه مستقبلي

_ لو قالك المصباح السحري اختار امنيتين هتختار ؟

اني حافظ القرآن كله ، واني اكون رئيس قسم البرمجه في اوراكل

ماهي هواياتك ؟
الكمبيوتر والقراءه وكره القدم

كم ساعة تجلس على النت ؟
مش عارف بس دلوقتي كتير انا قادع ديما بس عشان التدريب انا تدريبي كله علي النت

متى اخر مرة انضربت ؟ ومن مين ؟ وليه ؟

انا اخر مره فاكر اني اضربت فيها كنت في تالته اعدادي ، من المدرسه بتاعتي ، عشان سبت الحصه بتاعته ورحت حضرت حصه تانيه

ذا كتشفت ان صداقتك مع انسان مزيف تعمل ايه ؟

هاقطع صداقتي يبه ، بس هافضل اكلمه بس مش هايكون صديق

في كم منتدى انت مسجل ؟

كتير جدا ، بس اكتف مش غير في المنتدي ده

هل تثق باحد من اصدقائك ؟

اه كلهم ، لو مش بثق فيه مش ينفع يبقي صديق

يومك عامل ازاي؟
كل خير بصحي الساعه 8 بروح التدريب لحد المغرب بروح افطر واتفرج علي برنامج بين الجنه والنار للشيخ عبدالله كامل بعد كده الوقت اللي بين البرنامج وصلاه العشا يا بذاكر فيه يا اما بتفرج لعي مسلسل شيخ العرب همام او سكر لحد صلاه العشا بصلي العشا والقيام بعد كده برجع اذاكر لحد ما انام بصحي اتسحر واصلي وانام لحد ما يبدا اليوم من جديد

ايه اخبار رمضان معاك؟
تمام الحمد لله بنصلي ونصوم ونقرا قران ونشتغل ، بس الجوع وحش

فيه شخص وعدك بشئ واخلف وعده معاك؟ ولو حصل هتعمل ايه؟

بتحصل اوقات بس بتبقي حاجات عاديه ، يعني مثلا انه جي ومش ياجي كده يعني فبعديها

مواصفات فتاه احلامك؟

متدينه مثقفه علي قدر من الجمال

ماهو مكانك المفضل؟

البيت

هل مررت بتجربه حب من طرف واحد؟

ما اعتقدش

كلمـــة تمنيـــــت ان تسـتطيـــع سحـبهــــا؟!؟

اي كلمه قولتها وزعلت حد مني بتمني اني مش قلتها

آخـر شخـــص تتـــذكــــره قبـــل أن تنـــــام؟!؟

انا

دمـعـــه انـذرفــــت رغـمــاً عنـــك؟!؟

كان يوم في الكلية
مـوقـــف صــدمــك ولــن تنســــاه؟!؟

واحد صاحبي غلط في وتعامل معايا علي اني حد مش كويس بس بشكل غير مباشر
شــئ او شخــص غيــّر مجــري حياتـــك؟!؟

المدرسه بتاعتي ميس فاطمه
كلمة تود سماعها كل يوم؟!؟

الحمد لله

القمر-الشمس-النجوم...........ايهم تفضل والسبب؟!

النجوم ، بحب منظرها في السما وبحب اقعد اتامل فيها ولنا عوده

ههههههههههههههههه

انا بدخل القي جديد مش برضي اسال
ربنا يخلي ريم للشعب
يلا ياعم ابقي قعد حد مكانك عشان ريم مش هترحمك ههههههههههههههههه

فين باقي الاجابات يابشمهندس

زائر

السلام عليكم

ازيك يا بشمهندس عامل ايه؟؟

كل سنه وانت طيب

انا بس هسأل سؤال واحد مش هطول عليك ممكن تحكيلنا انت ازاي مخطط لحياتك ف ال3 سنين اللي جايين بأذن الله ؟؟

ظلمت حد قبل كدا؟

قلت من هواياتك القرءه بتقرا اي نوع من الكتب ؟

ايه المواد الدراسيه اللي كنت بتحبها ايام المدرسه ؟وفي الجامعه؟

شخصيتك اتغيرت عن خمس سنين فاتوا ولا زي ماهي؟
لو اتغيرت للافضل ولا للاسوأ وايه هو التغيير؟

لو اخدت قرار ممكن ترجع فيه ؟

ايه لونك المفضل؟

بتحب اللبس كاجوال ولا كلاسيك؟

مين مثلك الاعلي؟

اكتر حاجه ممكن تغيظك ايه؟

اكتر حاجه ممكن تفرحك؟

لو طالع رحله وهتاخد معاك شخصين فقط يكونوا مين؟ ولو واحد يكون مين؟

ايه الجريده المفضله ليك؟

افضل مذيع من وجهه نظرك؟

افضل كتاب قريته؟

نوع موبايلك ايه؟

وحاطط نغمه موبايلك ايه؟ وبتغيرها ولا لا؟

اكتر حاجه بتحبها ف كليتك ايه؟

واكتر حاجه بتكرهها في الكليه؟

حالتك النفسيه بتاثر ف دراستك ولالا؟؟

هارجع تاني ياهندسه يارب مش تكون اتخنقت مني

باك
اخر فقره من الاسئله

ازاي اتعرفت علي المنتدي؟

وعرفت حد من المنتدي وبعدين شفته ف الحقيقه؟؟

فتره في حياتك نفسك تنساها؟

مين اقرب انسان ليك (مخبأ اسرارك)؟؟

فتره من حياتك تحب تحكيلنا عنها؟؟

موقف شعرت انك سلبي فيه؟؟

موقف شعرت انك ايجابي فيه؟

صفه مش فيك ونفسك تكتسبها؟؟

عمل بتعمله ونفسك تستمر فيه دايما؟؟

بتصرف فلوسك في ايه؟؟

لو هتغير اسمك تحب يكون اسمك ايه؟

لو معاك مايك وهتتكلم ف التليفزيون وكل الناس هتشوفك هتتكلم ف ايه؟؟

ايه البرامج الاكثر استخداما علي جهازك؟

الناس علي المنتدي وانت تعرفهم شخصيا بتحس ليهم شخصيه تانيه غير المنتدي ولا نفس الشخصيه؟

بتهتم برأي الناس فيك ولالا؟

لما تكون متضايق بتعمل ايه؟؟

مين اكتر حد جرحك؟ وعمل ايه؟ وقدرت تسامح ولالا؟

سر واعتراف اول مره تقوله لينا في المنتدي؟

اختار 5 اشياء ليها اولويات ف حياتك ومتقدرش تستغنى عنها وقولهالنا بالترتيب ؟

ايه رايك ف الاعضاء دول
ريم
سمسمه
اسامه
جولدن انجنير
ديمو
جوجو
ضياء
لؤلؤة المحيط
بسام

كان فيه سؤال نفسك تتساله ومش اتسالت فيه؟

اخر سؤال بقي
مين هيبقي علي الكرسي بعدك؟؟

ونورت يايشمهندس

صباح الجمال ياريس والله
مش عارف اشكر ريم ازاي
هههههههههههههههههههههههه
المهم خد دول

ايش رايك في الاحوال حاليا سواء هنا داخليا او ع المستوي العربي؟
ايه رايك في دور مصر وموقفها سواء مع الدول العربية او الاجنبيه وكمان في قضية غزه الاخيرة ومعبر رفح؟
هل مازلت مصر تحتفظ بمكانتها كما كانت حتي بين الدول العربية ام صورتها اهتزت مع التوضيح ايه الاسباب؟
ايه رايك في الرئيس الحالي والسلطه الحاليه تتمني وجودها ولا الرحيل؟
احلامك لرئيسك القادم نفسك يعمل ايه ومواصفاته ايه؟
ايش رايك في المحافظ الحالي فرق عن الي قبله ولا زية زي غيره مش فارق كلها واحد؟
ايه رايك في رئيس الجامعة الحالي وعميد الكلية الحالي؟
ايهم افضل العميد الحالي وام الاسبق ولماذا؟
اية رائيك في الجامعه بصفه عامه وايه الي ناقص عن الجامعات الاخري ؟
ايه رايك في هندسة الفيوم وهل اصبحت تساوي باقي كليات الهندسة اما باقي لها الكثير؟
اية رايك في جماعة الاخوان المسلمين؟
اية رايك في مجلس الشعب الحالي هل حقق طلباتك كابن دايرته ولا كبر دماغه وكان بيدور علي مصلحته بس؟

» رحبوا معي بنجم الفضائيات احمد عز منور ياكبير
» انا على الكرسي