الله يخرب بيتك يا حبيبتي

مره واحد كان ماشي علي الطريق بسرعة ومعاه مراته و فجأه شاف في المرايه شرطي عمال يشاور له عشان يوقف العربيه

وجه الشرطي وقاله: أنت سايق فوق 180 كيلو في الساعه والطريق سرعته 80 كيلو في الساعه علشان كده هاعملك مخالفه

الراجل... معلش انا كنت فوق 80 بشويه مش كتير

الزوجه : ...... لا انت كنت ماشي علي 180 كيلو

الزوج: .... نظرة حقد وغل لمراته

الشرطي: .... وكمان مخالفه علشان الكشاف الخلفي مكسور

الراجل: .... مكسور ازاي انا ما اعرفش انه مكسور

الزوجه : .... ايوه انت عارف ان الكشاف مكسور من كم اسبوع

الزوج: ..... نظرة حقد وغل لمراته

الشرطي: .... ومخالفه كمان لانك مش رابط حزام الامان

الراجل: ....... ده انا لسه فاكك الحزام دلوقتي لما وقفت

الزوجه : .... لا لا لا ده انت عمرك ما ربطت الحزام

الزوج في غيظ صرخ : .... انتي مابتعرفيش تسكتي ابدا

الشرطي قال لمراته : .... هو دايما بيزعقلك كده

الزوجه : .... لا بس لما بيكون سكران

الشرطي : .... سكران ؟ !!

الراجل: .... لا ما تصدقهاش

الزوجه: ... صدقني احنا لسه لاقيين قزازة خمره في العربية لما سرقناها

الشرطي: .... يعني العربية مسروقه ..؟ !!!

الراجل: ... سيبك منها الله يهديك وانتي اسكتي ولا عليا الطلاق اطلقك دلوقتي
الشرطي : .... هو دايما كده يهددك بالطلاق .. ؟؟؟

الزوجة: .... مش لما يتجوزني الأول وبعدين يحلف بالطلاق

هههههههههههههههههه
فظيعة
انا و مكانه كنت قتلتها

جميلة يا ريم
تسلم ايدك
بس بعتقد ان الموضوع مكرر

ميرسي لمرورك جوجو
وشكرا يابشمهندس
انا مش عارفه بقي مكرر ولا لا

واسالوا اهل المنتدي ان كنتم لا تعلمون

طيب يااهل المنتدي
لو مكرر احذفه

تسلم ايدك بس هو مكرر فعلا
وتقريبا كنت انا الي منزله والله اعلم

شكرا لمرورك يابشمهندس