| يااااااااااااااه فاكرين دي يا جماعه ؟!! | |
|
+4Sweet baby eng.gogo محمد محمود محمد مسعود reem 8 مشترك |
كاتب الموضوع | رسالة |
---|
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: يااااااااااااااه فاكرين دي يا جماعه ؟!! الأربعاء يناير 06, 2010 5:20 am | |
| حد يجماعه فاكر واحنا صغيريين لما كنا بناخد مصروف نص جنيه و كنا نروح المدرسه نجيب بيه ازازه حاجه ساقعه و كيس شيبسى
طب حد فاكر لبان على بابا لما كنا كلنا جايبين الالبوم و بنشترى اللبان و نقعد نجمع صور الحراميه الى دماغتها طالعه من الزير و نبدل الصور مع بعض عشان نكمل الالبوم وكان الواحد بيبقى نفسه يكسب اوى وكانت الجوايز طقم كوبيات شاى او كوره كفر او شطرنج او مكاوه
طب حد فاكر لما كنا بنرجع من المدرسه بسرعه عشان نلحق الفيلم الابيض و الاسود الى كان بيجى الساعه 1على القناه الاولى و نبقى قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل
طب حد فاكر يوم الجمعه لما كنا بنصحى من صباحيه ربنا قبل اى حد فى البيت ونفتح التليفزيون ونقعد نستنى برنامج سينما الاطفال ونبقى منشكحين موت واحنا قاعدين بنتفرج
طب حد فاكر لما كنا بنرجع من المدرسه و نبقى عايزين نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و ربع بتاع القناه الاولى ومكنش حد فينا بيتفرج على المسلسل بتاع الساعه 6 الى بيجى عالقناه التانيه
طب حد فاكر كابتن ماجد لما كان بيقعد يشوط الكوره فاربع خمس حلقات و احنا قاعدين منشكحين اوى ومستنين الى هيحصل ولا حد فاكر مازنجر وفاتن و ابو الغضب
طب حد فاكر قبل رمضان لما كنا نقعد نعمل زينه رمضان مش الجلاد و الدباسه لا لا لا ورق الكراريس الى كنا بنظبطوا بالمقص و نلزقه على الحبل بعجينه نشا وميه ويسلام على اول يوم رمضان لما نخرب الشارع بمب وحد فاكر الصواريخ مش الصفره لا لا لا الى كانت طويله و معموله من ورق كراريس برضه
طب حد فاكر ساعة الفطار فرمضان لما كنا نبقى قاعدين نفطر ومش مركزين مع حد عشان مشغلين القناة الاولى و مبسوطين اوى عشان هنتفرج على سلاحف النينجا وفرام و شنخر ومنخر وتخلص نئوم نقلب بسرعه على القناه التانيه ليييييييييه بئه ؟؟؟ عشان مسلسل البورنجر وريتا الشريره و كنا كلنا بنحب الواد الاحمر قوى
طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان
طب حد فاكر ليله العيد لما يوم الوقفه نخش نستحمى ونضرب الترنج الجديد بتاع الوقفه و نيجى بليل نطلع اللبس الجديد ونحطه جنبنا عالسرير ونبقى مستنيين الصبح يطلع بفارغ الصبر عشان نقوم نلبس اللبس الجديد و ناخد العيديه من قرايبنا وكل متاخد العيديه من حد تقعد كل شويه تطلع العيديه وتشوف المبلغ كله وصل كام
طب حد فاكر بستك بستك بستك نو شوكلاته جيرسى هناكلوا الجو ولا حد فاكر اللبان السحرى دوق دوق دوق الضنضورمه ا لا لا لا له طب حد فاكر بسكوت بمبو المدور الى عليه شكولاته ولا البوذو الى كان ببريزه وكنا بنشتريه عشان نكسب جواه بلونه ولا دراكولا وهيلا هوب ولا حد فاكر بسكوت الشمعدان و المسابقات بتاعته لما كنا نجيب الالبوم ونقعد نشترى ونجمع ونلزق ونبقى مهتميين بالموضوع اااخر حاجه وواثقين اننا هنكسب
طب حد فاكر الكازوز بتاع الحاجه الساقعه والمسابقات بتاعت العجله ومكنش حد بيلاقى الجدون و كان فى تكسب واحده حاجه ساقعه تانيه وكنا مقضينها كازوز وواثقين اننا لازم نكسب وكنا نخليهم فى البيت يجيبوا الجبنه النستو الى بتكسب مش فارقه سينا من سونيا المهم الى عامله مسابقه وجواها استيكرات وكانت الاكتر بتبقى طعمه
طب حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه نستو ولا جبنه بيضه ونفرح اووى لو لقينا معانا سندوتشات لانشون
طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه
طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و نسرح فى الشوارع نديها كوره وبلى و استغمايه وسبع طوبات وطير وعنكب شد واركب و ميلموناش من الشارع الا بليل
طب حد فاكر الناس الرخمه الى كنا كل ما نلعب كوره يطلع يقولك لو جت هنا هقطعلكوا الكوره ديه ولا اللعب عند بيتك يا بنى منك له بدل ما ارش ميه
طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيظبوظلنا بقيت اليوم
طب حد فاكر طبور المدرسه لما محدش فينا بيبقى واقف مركز ولا فاهم حاجه اساسا بس واقفين غصم واقتدار وخلاص و ساعة تحيه العلم لازم حد يستظرف فى النشيد ويقعد يقول زبادى زبادى او حماتى حماتى بدل بلادى بلادى
طب حد فاكر برامج تاكسى السهرة و بانوراما فرنسيه ومسلسل هرقليز وزينا الى كانوا بيجوا عالقناه التانيه الساعه9 و كنا بنعشقهم بالرغم من الهجايس الجامده الى فيهم وكنا منفوتش ولا حلقه
طب حد فاكر لما كنت تخلص السنه وتدى الكتب بتاعتك وسلاح التلميذ لابن الجران او حد من قرايبك الى اصغر منك بسنه
طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات
ياااااااااااااااااه كانت ايام جميله اوي والله يا جماعه ومسلسل سر الارض وعالم الحيوان ياه وحاجات كتير اوي جميله وعايزنا نرجع زي زمان قول للزمان ارجع يا زمان وعجبي
منقووووووول
| |
|
| |
محمد محمود محمد مسعود عضو ذهبي
[img][/img] كيف تعرفت علينا : بحث جووجل عدد الرسائل : 2880 العمر : 35 المزاج : مش ولا بد السنة : ثالثة القسم : مدني جامعتك : لا قسم مختلف : ----- احترام قوانين المنتدي : بلدي : نقاط : 7412 السٌّمعَة : 16 تاريخ التسجيل : 06/10/2008
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 6:10 am | |
| ههههههههههه تسلم الايادى فكرتينا بالذى مضى | |
|
| |
eng.gogo نائب المدير
[img][/img] كيف تعرفت علينا : بحث جووجل عدد الرسائل : 3983 العمر : 35 المزاج : حلو السنة : رابعة القسم : مدني محافظتك : بني سويف جامعتك : لا قسم مختلف : ----- نقاط : 9110 السٌّمعَة : 7 تاريخ التسجيل : 29/06/2008
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 10:05 am | |
| فعلا فكرتينل بالذى مضى فين ايام زمان الحلوة ماحدش كان شايل هم حاجة وكنا عايشين مش بنفكر ق حاجة خاااااااااااااااااااالص ومقضين حياتنا ع الاخر | |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 2:55 pm | |
| ماانا افتكرت معاكم وخاصه الجدون بتاع العجله دا كان جايبلي جنان نورتوا التوبيك ياجماعه | |
|
| |
Sweet baby عضو متواجد
[img][/img] كيف تعرفت علينا : بحث جووجل عدد الرسائل : 101 العمر : 38 المزاج : Fine السنة : متخرج القسم : ----- محافظتك : الفيوم خريج : نعم جامعتك : لا قسم مختلف : ----- بلدي : نقاط : 5593 السٌّمعَة : 4 تاريخ التسجيل : 25/06/2009
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 3:45 pm | |
| حلوووووووووو قووووووووووووي فكرتينا بالذي مضى تسلم ايدك
| |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 4:13 pm | |
| | |
|
| |
IEEE Chairman المدير العام
[img][/img] كيف تعرفت علينا : بحث جووجل عدد الرسائل : 7861 العمر : 35 المزاج : not very good السنة : رابعة القسم : اتصالات محافظتك : الفيوم جامعتك : الفيوم قسم مختلف : حابب هندسه كيميا احترام قوانين المنتدي : نقاط : 9944 السٌّمعَة : 21 تاريخ التسجيل : 21/05/2008
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 10:10 pm | |
| جميل جدا يا ريم تسلم ايدك فعلا كانت ايام جميلة كان بال الواحد رايق ومش مهموم ولا في في دماغه اي حاجه
| |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الأربعاء يناير 06, 2010 11:31 pm | |
| | |
|
| |
زائر زائر
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 6:26 am | |
| هههههههههههههههه جاااااااااامد ياريم والله بس انا لاقيت كلمه كده ف الموضوع غريبه وهي كلمه البريزة هو البريزة دلوقتي بقت متداوله ولا لا؟؟؟؟؟؟ انا بجد فعلا مش عارفه اقولك ليه بقي مبقتش عارفه من اسبوعين تقريبا كده بوضب في اوضتي وانا بوضبها لاقيت يابنتي بريزةف بقول لاختي الصغيره خديها هاتي اي حاجه بيها هعمل بيها ايه بت مقروضه مش طلعتةمن البيضه تروح راده عليا وتقولي روحي ياختي كده بريزة ايه محدش بقي بياخدها دلوقتي ورمتها ف وشي ومشيت هههههههههههههههههههههه زمااااااااااان بقي اما كنا نلاقي بريزة كان يبقي حلم بصراحه ويااااااااااااه بقي لما يكون حد راضي علينا ويدينا جنيه واحنا ماشيين بيبقي يوم عيد بنعزم المدرسه كلها
ايام وعدت فكرتينا ياريم |
|
| |
eng_dido المدير العام
[img][/img] عدد الرسائل : 5057 العمر : 34 المزاج : عادي كله تمام السنة : رابعة القسم : صناعية محافظتك : الفيوم جامعتك : لا قسم مختلف : ----- احترام قوانين المنتدي : بلدي : نقاط : 7450 السٌّمعَة : 14 تاريخ التسجيل : 18/05/2008
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 6:31 am | |
| انا فاكر حاجات كتير اوي من دي بس لما بقول لحد حاجة بيقولي انت قديم اوي
بس هو مش فاهم قصدي من الموضوع زي قصدك كدا
بالعكس الموضوع ده جميل جداااااااااااااااااااااااااا مش زي ما هو فاهم يعني
| |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 6:45 am | |
| ههههههههههههههه اتلغت ياسمسمه عندنا اخواتي لو لقوا بريزه بيدوهالي علشان السرفيس بتنفع فيه بس نورتي الموضوع ياقمر | |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 6:52 am | |
| - eng_dido كتب:
انا فاكر حاجات كتير اوي من دي بس لما بقول لحد حاجة بيقولي انت قديم اوي
بس هو مش فاهم قصدي من الموضوع زي قصدك كدا
بالعكس الموضوع ده جميل جداااااااااااااااااااااااااا مش زي ما هو فاهم يعني
طيب ابقي فهمه قصدك بقي وشكرا لمرورك | |
|
| |
eng hhhh عضو ذهبي
[img][/img] كيف تعرفت علينا : بحث جووجل عدد الرسائل : 4873 العمر : 33 المزاج : تمام السنة : ثانية القسم : اتصالات جامعتك : لا قسم مختلف : ----- نقاط : 9385 السٌّمعَة : 20 تاريخ التسجيل : 28/12/2008
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 2:29 pm | |
| ههههههههههههههههههههه بصراحة والله كلها كانت اوقات جميلة انا انبسطت جدا لما قريت الموضوع ده بجد
ومعظم الحاجات جات فى دماغى الاقيكى كاتبها وكانت بتحصل فعلا
مرسيه ليكى اوى ياريم | |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 5:40 pm | |
| نورتي التوبيك يااتش بمرورك انا اتبسطت اكتر بمرورك | |
|
| |
OsAmA GaMaL المدير العام
[img][/img] كيف تعرفت علينا : بحث جووجل عدد الرسائل : 8991 العمر : 34 المزاج : it`s very nice السنة : ثالثة القسم : مدني محافظتك : الفيوم خريج : لا جامعتك : الفيوم قسم مختلف : لا احترام قوانين المنتدي : بلدي : نقاط : 16776 السٌّمعَة : 30 تاريخ التسجيل : 18/10/2008
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 8:45 pm | |
| ياااااااااااااااااااااه بجد عندك حق فعلا بس كان زمان بقي | |
|
| |
reem المراقبة
[img][/img] كيف تعرفت علينا : بحث جووجل عدد الرسائل : 2303 العمر : 34 المزاج : الحمد لله السنة : رابعة القسم : ----- محافظتك : المنوفية خريج : لا جامعتك : نعم قسم مختلف : ----- بلدي : نقاط : 8058 السٌّمعَة : 9 تاريخ التسجيل : 01/07/2009
| موضوع: رد: يااااااااااااااه فاكرين دي يا جماعه ؟!! الخميس يناير 07, 2010 11:27 pm | |
| ليه بس يابشمهندس ودلوقتي بردو ايام حلوة وهاتكون ذكرياتها حلوة ان شاء الله لسه بدري علي الاحباط واننا نقول ايام زمان دي نورت التوبيك بمرورك | |
|
| |
| يااااااااااااااه فاكرين دي يا جماعه ؟!! | |
|