دموع القمر وكرسي الأعتراف

منورة الكرسي يا دموع
ربنا يعينك
وانتظري اسئلتي يا قمر

اهلا يا دموع ان شاء الله تنبسطى ع الكرسى واستنى اسالتى بقى
انا بسلم بس

ماااااااااااااشي يا جماعة اللي بيسلم بس ربنا يخليه والله بس يا ريت مايقولش غير السلام وانا هعتبره سال وانا جاوبت كمان

على طول من غير سلام نبدأ بالاسئله المعتاده //// من اولها كده مفيش سلام شكلك ناوي نية سودة

الاسم بالكامل/ دموع القمر
محل السكن / اي حتةفي الفيوم
الكليه// علوم ان شاء الله
القسم//بيو
السنه//رايحة تالتة
عندك كام سنه//19
فصيلة الدم // o
اكلتك المفضله//الكشري
مشروبك المفضل// المانجو بس ممنوع علشان الدايت
عرفتي المنتدي منين // يعني انا عارفاه من زمان وانا بقلب في النت بس مش كنت عارفة اشترك والحمدلله اشتركت

ونلتقي بعد الفاصل //اووووك منتظراك
استعدي/// ماشي ربنا يستر في حبل المشنقة اللي متعلقة فيه ده

ههههههههههههههههههههههههههه
لا حبل مشنقه ولا حاجه استعدي يا ستي للاسئله

ايه مفهومك عن الخيانه
لو لقيتي واحده صاحبك بتحب واحد وهو مش بيحبها وانتي عارفه وعارفه كمان انه بيحب واحده تانيه خاااااااااااالص هتصرفي ازاي
دخلتي الكليه دي ليه
طموحك ايه
كلمينا عن نفسك شويه
غلطه نفس تمسحيها من حياتك
حد سعيده انك عرفتيه او تعرفيه وحد نفسك حتى متسمعيش اسمه
استنيني هرجع لك تاني ان شاء الله

انا جيت بقى اسالك حبة اساله كده تسخين

بصى ياستى
مين الحد اللى اول ما بتكونى زعلانه او فرحانه بتكلميه؟
ايه اكتر حاجه مجنونه عملتيها؟
ايه اكبر مصيبه عملتيها وتحكى طبعا؟
اايه نظام الرحلات معاكى؟
ازاى بتقدرى تحكمى ع البنت والولد ؟وممكن تنخدعى بسهوله فى الحكم؟
ادى بقى هدايا لكل اعضاء المنتدى على اد ما تفتكرى؟
ايه هواياتك؟وبتحبىالقرايه ؟
عدد اخواتك واسماءهم؟
اكلاتك المفضله؟ومشروبك؟
ايه فيلمك امفضل؟
ممكن تحسى نك وحيده مع ان الناس حواليكى؟
احكيلنا بقى المقالب اللى عملتيها فى الناس؟
اوصفى بقى
سارة

بسام

asa
كولوبالى

ديمو

لولى

سويت

هنى

اسامه

ميدو ايجيبت

طه

حماده

محمد جمعه

جولدن

ياسو

فجر جديد

المهندسه

انتى

واخيرا اتش

عمرك اضايقتى من المنتدى قبل كده؟
ممكن تتنازلى عن حاجه عشان حد؟ ولاى مدى؟
بتفكرى قبل ما تتختارى اصحابك ولا هى بتيجى كده؟
ليكى اصحاب من ابتدائى؟
ايه اخبار الشحن معاكى؟
انتى بقى بتصرفى كتير ولا ن النوع الموفر ؟
وبتصرفى فلوسك على ايه؟
بس كده

ماشي يا سويت شكلك شمتانة فية بس ما علين//ايه مفهومك عن الخيانه//اكتر حاجة بكرها في هي حياتي هي الخيانة
لو لقيتي واحده صاحبك بتحب واحد وهو مش بيحبها وانتي عارفه وعارفه كمان انه بيحب واحده تانيه خاااااااااااالص هتصرفي ازاي/// هحاول افهما براحة انه هو مش مهتم بيها اوي او مش مركز معاها يعني واقولها تن اللي يتمنوها كتير والدنيا مش واقفة عند دهالمهم في الاخر احاول اقنعها واقف جانبها بس من غير ما اصرح ليها انه يعرف واحدة تانية علشان مش اجرح شعورها
دخلتي الكليه دي ليه// والله يا بنتي انا جبت في ثانوي 96 في السنة الحلوة 2007 والتنسيق كان رافع اوي انا بقي كنت حاطة في دماغي طب بشري وبعدين جالي التنسيق علوم وحبيت الكلية جدا حسيت انها تستاهل المذاكرة واني بعد كده هلاقي مجالات للشغل كل ما انجزت في المذاكرة هلاقي مجالات احسن والحمدلله ليا ترتيب علي الدفعة وربنا يسهل
طموحك ايه//// اكمل لحد الاخر في التعليم اصل كليتنا مش ليها حد معين ممكن الواحد يكمل لحد ما هو عايز انا اتمني كده وافتح معمل تحاليل او اشتغل في شركة ادوية وانتي عارفة بقي مرتب وعربية بس عهدة طبعا يعني انا احلامي كتيرة اوي ونفسي احققها
كلمينا عن نفسك شويه// يعني انا طيبة جدا هادية اوي ورومانسية جداااا بحب كل حاجة حلوة اكتر حاجة ممكن تغظني الخيانة والغدر وعدم التقدير
غلطه نفس تمسحيها من حياتك/// هي غلطة واحدة نفسي انساها تماما وبحاول هي جرح قديم بحاول انساه
حد سعيده انك عرفتيه او تعرفيه وحد نفسك حتى متسمعيش اسمه//حد سعيد اني اعرفه المنتدي كله بكل اعضاؤه وحد مش عايزة اسمع اسمه اول انسان عرفته في حياتي
استنيني هرجع لك تاني ان شاء الله/// مستنياكي يا اختي مش هتحرك من هنا هلزق علي الكرسي
ا

+
----
-انا جيت بقى اسالك حبة اساله كده تسخين// كل ده تسخين بس لما اشوفك

بصى ياستى// بصيت
مين الحد اللى اول ما بتكونى زعلانه او فرحانه بتكلميه؟ نفسي انا اول حد لما بزعل بتكلم معاها وثانيا اختي
ايه اكتر حاجه مجنونه عملتيها؟ دخولي علوم هطلع منها علي القصر العيني
ايه اكبر مصيبه عملتيها وتحكى طبعا؟اكبر مصيبه! هما كتير بس اكترهم كنت واقفة في معمل الكلية ومعايا الادوات وكان في كونيكل بتاع واحدة صاحبتي علي النار وكان فيه حمض ساليفوريك مركز وكنت عايزة اشيله ونسيت خالص انه سخن وطبعا وقع مني واتكب علي جيبتها بس ومرة تانيةكنت بعمل مكرونة مسلوقة ونسيتها علي النار رجعت لقيتها حتة واحدة واليوم ده عدي كده بعد علقة سخنة
اايه نظام الرحلات معاكى؟ بموت في الرحلات والسفر بس مش بروح مع الكلية كتير لكن كنت بروح مع المدرسة وروحت السنة دي مع الكلية معسكر العريش
ازاى بتقدرى تحكمى ع البنت والولد ؟وممكن تنخدعى بسهوله فى الحكم؟ بحكم علي البنت من كلامي معاها ووجهة نظرها وكلامها بقدر اعرف انها طيبة او العكس رقيقة وهادية ومدي الاحترام وكده يعني اما الولد فيكون من لبسه من سلوكه اللي بيبان احيانا يعني بس كده
ادى بقى هدايا لكل اعضاء المنتدى على اد ما تفتكرى؟هدايا///ادي لسارة قلب احمر مكتوب عليه بحبك جدا وادي لبسام لاب توب علي اساس ان هو اتصالات وادي لاتش سلسلة حلوة اوي وفيها حرفي وحرفها وادي لحلا علبة شيكولاته وادي للمهندسةاجمل وردهوهنسميها ورده حبنا وهدي لسويت مصاصة وشوية حلوي علي اساس ان هي سويت وناكل مع بعض وادي للبشمهندس محمد جمعة برقية مكتوب فيها الف حمدلله علي السلامة وهدي لضياء وجبة اكلفيها كام فرخة ومحشي وعصاير ويارب يتخن وهدي لاسامة كتاب للنقد علشان نقده بيعجبني كتيروفجر هديها علبة الوان شكلها بتحب الرسم وادي لولي صنية كنافة شكلها بتحب الكنافة وادي لديمو كراسة رسم علشان ترسم مع فجر شكلها بردو بتحب الرسم وبدي لكل الاعضاء اغلي الهدايا انا بتاسف لو نسيت حد بس انا بهدي الكل
ايه هواياتك؟وبتحبىالقرايه ؟هواياتي السفر والنت والتليفزيون// وبحب القراءة جدا وخاصة القصص الرومانسية
عدد اخواتك واسماءهم؟عددهم 3 غيري وهقولك بعدين بقي
اكلاتك المفضله؟ومشروبك؟الكشري والماكرونة بالبشمل ومشروبي المانجو وممنوع علشان الدايت هموت عليه!
ايه فيلمك امفضل؟ حبيبي دائما وانت عمري
ممكن تحسى نك وحيده مع ان الناس حواليكى؟اه كتير بحس الاحساس ده
احكيلنا بقى المقالب اللى عملتيها فى الناس؟يعني مش بعمل مقالب اوي بس مرة اخدت رقم صاحبتي وهي مش عارفة رقمي وقعدت اراسلها كتير من غير ما تعرفني ولما عرفت بهدلتني وبردو مكان عندناتعبان بلاستيك والعيلة كلها كانت قاعدة مع بعضها روحت جاية ورميته كل اللي كان قاعد جري ومرة بردو كنت بشرح الضفدعة وماما بتخاف منها موت روحت جاية جانبها وهي مش شايفاني وقولتلها ايه رائك صرخت وطلعت تجري ورايا هههههههههه بس مش كتير اوي
اوصفى بقى
سارة// اوكسجين المنتدي

بسام// بسمة المنتدي و دمه خفيف

asa //وردة المنتدي
كولوبالى ///ذات ثقافة جيدة

ديمو // زي العسل ودمها خفيف

لولى/// مواضيعها رائعة

سويت /// صاحبتي وهادية وانسانة طيبة جدااا

هنى/// ملح المنتدي والاكل من غير ملح مش ليه طعم

اسامه /// ناقد جيد ومحترم جدااااااا

ميدو ايجيبت//// مواضيعه جميلة وفكره راقي

طه//// شخصية هايلة في التعامل ومحترم جداا ومواضيعه جميلة

حماده/// عميق الفكر ومثقف

محمد جمعه// اولا بقوله حمد لله علي السلام ولو انها متاخرة وثانيا شخصية جميلة اوي وطيب ومواضيعه هايلة

جولدن /زي العسل بس بخاف من نقدها وبحترمه جدا

ياسو// اجتماعية وردودها جميلة

فجر جديد//دمها خفيف ومواضيعها بتعجبني جدا وشكلها بتحب الرسم

المهندسه// حبيبة قلبي واصحاب وبقولها وحشتيني جدا

انتى// انا بقى هادية وبحب الهزارجدا وشقية ساعات واجتماعية جدا

واخيرا اتش/// حبيبة قلبي جدا بموت فيها واعرفها من زمان اوي واتمني الصداقة تدوم علي طول ودمها زي الشربات

عمرك اضايقتى من المنتدى قبل كده؟لا عمري ما اضايقت الاعضاء كلهم شخصيات كويسة بلا اي استثناء
ممكن تتنازلى عن حاجه عشان حد؟ ولاى مدى؟ اه ممكن اتنازل عن اغلي حاجة ولمدي الحياة ويكون في سبيل التضحية
بتفكرى قبل ما تتختارى اصحابك ولا هى بتيجى كده؟في الغالب بفكر بس انا بما اني اجتماعية فبتعرف علي ناس كتير لكن اصحابي اوي لازم افكر الاول قبل ما اختار
ليكى اصحاب من ابتدائى؟اه ليا ومعايا في الكلية
ايه اخبار الشحن معاكى؟ شحن ايه مش فاهمة السؤال ده يا اتش لو علي الرصيد بشحن كل شهر اصلي مش برغي كتير
انتى بقى بتصرفى كتير ولا ن النوع الموفر ؟يعني تقريبا بوفر بس لما يكون نفسي في حاجة مش بتردد بجيبها علي طول
وبتصرفى فلوسك على ايه؟علي اللبس والشيبسي والبيبسي بموت فيه ويعني اكسسوارات بحبها اوي وبحب اعملها واشتريهاوحاجات بقي كتير
بس كده/// اخيرا لا يا شيخة ما تقولي كمان انا بقالي ساعة بجاوب

اولا انتي مش جاوبتي على الاسلة القديمة
يعني انا كنت اقصد اسمك بالكامل مش دموع القمر
والعنوان بالتحديد
بس ولا يهمك
تتعوض /// سوري انا اسفة

نبدأ /// اووك
1 . مين اقرب حد ليك ؟نفسي اقرب حد ليا لما اكون مخنوقة افضل اتكلم مع نفسي اريح وبعدين اصدقائي
2 . ايه اللي ممكن حد يعمله يزعلك ؟اللي يكدب عليا ويمثل وبعد كده يطلع شخص تاني
3 . ايه اللي ممكن حد يعمله يفرحك ؟ انه يخلي كل اللي حواليا مبسوط
4 . دموع القمر ؟ ليه اخترتي الاسم ده ؟يعني ممكن يكون اسم رومانسي وفي نفس الوقت حزين وحاسة انه بيمثل شخصيتي ومنطبق عليا
5 . ايه رأيك في دكاتره علوم وخصوصا د / محمحد الربيعي لو تعرفيه ؟ الدكاترة كلهم كويسين جدا وانا بحبهم جدا ودكتور محمد الربيعي شخصية ممتازة وفوق الوصف وبحترمه وبقدره جدا
6 . بصراحه لو جم دلوقتي وقالوا ليكي عندك اختيار تدخلي طب او تفضلي في علوم ؟ هيكون ايه اختيارك وليه ؟ والله والله افضل في علوم انا كنت عايزة طب في الاول بس دلوقتي خلاص انا مبسوطة جدا ومن اوائل الدفعة والاقسام عندنا ممتازة وفرص شغانا كتير والله جدا بس اللي يكمل ويتفوق في الدراسة هل لو دخلت طب كنت هطلع من الاوائل وممكن ابقي معيدة انا عن نفسي مش ضامنة الموضوع ده وكمان هقعد 7 سنين طيب ما انا ممكن اذاكر 2 بعد الكلية وافتح معمل تحاليل كويس او اشتغل في شركة ادوية بمرتب عالي جدا وكده كده هبقي دكتورة فعن نفسي هفضل علوم جدا لاني بحبها
7 . اهلاوية ولا زمالكاوية ؟ يعني اهلاوية بس ماليش في الكورة اوي

كفاية سبعه عشان خاطر حبيبي كولوبالي//// انتوا بتتفقوا عليا ولا ايه ربنا يستر

+
----
-ازيك يا قمر// ازيك يا حبيبتي فييينك من زمان
ابدا معاكى بس خفيف لانى طيبه// طبعا ما انا عارفة

1-انتى اهلاويه ولا؟؟؟؟؟؟؟؟؟؟؟؟؟؟؟؟ اوعى تكونى ولا// مش ولا انا اهلاوية
2-ايه اكتر حاجه بتكريها فى الجامعه عامع وفى الكليه خاصه؟ في الجامعة مفيش وفي الكلية الواقفة في المعمل بتشل والله كل يوم 3 ساعات
3-كم عددكم فى الدفعه؟كنا في سنة اولي 120 بس الحمد لله كتير عاد السنة ونصهم حول من الكلية فبقينا 75
4-ايه علاقتك بالدكاتره والمعيدين عندك؟ وايه رايك فى الدكتور الربيعى خصوصا ودرسلك ولا لا؟الدكاترة كويسين اوي والمعيدين كلهم طيبين وبيساعدونا والله والدكتور محمد كويس جدا ودرسلي مرتين وبصراحة شرحه ممتاز
5-ايه رايك فى الدكتور عبد النبى وابنه بالمره؟الدكتور عبد النبي والدكتور عمرو ابنه كويسين جدا وانا عن نفسي من عشلق الكيمياء وخاصة الاورجانيك بحب الكيمياء جدا وعلشان كده دخلت بيو كيمستري كيمياء حيوي
6-ايه اكتر حاجه بتحبيها فى المنتدى واكتر حاجه بتكرهيها؟بحب المنتدي كله وخاصة الترابط اللي بين الاعضاء ومفيش حاجة بكرها
7-مين اكتر شخص فى المنتدى حاسه انه يشبه شخصيتك؟ وليه؟سماح اسماعيل بحث ان شخصيها مقاربة ليا جدا وانا عرفتها من المنتدي لكن هي مش عارفاني لسة
8-مين اول شخص اتعرفتى عليه فى المنتدى؟سارة
9-ايه اكتر قسم فى المنتدى بترددى عليه كتير؟المواضيع العامة والالعاب والمسابقات
10-ايه مواصفات فتى احلامك وهل يفرقك معاكى مستوى تعليمه ولا مش فارقه؟ فتي احلامي لازم اول حاجة يكون شهادة عالية ويكون ناجح جدا في التعليم يعني انا طول عمري بذاكر بهتم بالدراسة واتمني يكون حد زي يهتم بردو بدراسته ومستقبله وده والله مش غرور بس دي فعلا امنيتي وكمان اتمني يكون شخص كويس يقدر معني الحب ويكون هادي ورومانسي وطبعا شكله يعني يكون وسيم الي حد ما

كفايه عليك دول دلوقتى // اوووووووك هستناكي
ع فكره انا نفسى اكلمك ع الميل جداااااا
بس مش بدخل كتير واوقات ما انا بدخل بتكونى انتى مش موجوده// وانا والله منتظراكي كتير بس مش لاقياكي

هل انتي خبيرة بالحياة و لا خبرتك لسة قليلة ؟؟؟؟؟؟؟ لا انا خبيرة الي حد ما في الحياة
يعني قولي لي درس في الحياة علمتك الدنيا ايه مثلا ؟؟؟الدنيا علمتني اني مش اتسرع في اي حاجة واني احاول اختار صح علشان بعد كده مش اندم الدنيا علمتني ان مش الناس كلها نيتها صافية وطيبين زي ما انا كنت فاهمة علمتني احاول اعرف اللي قدامي كويس اوي وافهمه صح وبعد كده احكم عليه يعني الدنيا طلعتني غلطانه في حاجة واحدة بس اني طيبة اوي وبتعامل بحسن نية وده غلط في الزمن ده
و شوفي فيه كام درس اتعلمتيه او يعني اثر فيكي كدا /// هو درس واحد بس عمري ما هنساه هيفضل قدامي علشان مستحيل هيتكرر تاني


طيب لو مواصفات فتي احلامك اتحققت كلها بس ناقصها حاجة واحدة بس
هل توافقي ولا ترفضي عشان تكمل
يعني نفرض انه كويس في كل حاجة و محقق كل مواصفاتك عدا انه مش وسيم مثلا و شكله كمان مش عاجبك او مش اللي في بالك يعني

توافقي ؟؟؟؟؟؟؟؟انا قلت الشكل اخر حاجة علشان ده انا مش بفكر في الشكل خالص انا اهم حاجة عندي الجوهر الاخلاص الثقة والتقدير بغض النظر عن الشكل المهم انه شخص كويس محترم ناجح بيبص للمستقبل يعرف يقدر الانسانة اللي قدامه كويس يحبها طبعا ويخاف عليها عمره ما يفكر في جرحها وخيانتها ده اللي بفكر فيه لكن افرض مثلا كان وسيم لكن عاملي فيها فلانتينو انا مش بحب النوع ده خالص زي ما قولت المهم الجوهر والشخصية نفسها
و لو لا ليه ؟؟؟

يا تري شايفة نفسك فين او ازاي بعد 10 سنين ؟؟؟؟؟ شايفة اني عايزة احقق احلامي كلها هفتح معمل تحاليل في وسط البلد وهيبقي بمبلغ مخفض للناس الغلبانة او مش عايزة فلوس منهم خالص والله وده فعلا بجد انا مش يهمني الفلوس المهم النجاح وهستغل في شركة ادوية وهاخد سنتين في كلية صيدلة كلينيك لسة فاتحة جديد يعني هدرس مواد طب مع صيدلة وهفتح صيدلية واكيد هتجوز فتي الاحلام اللي وصفته ولو مفيش مواصفاتي انا مستعدة استني لما الاقيها حتي لو اكتر من 10 سنين وهشوف المستقبل جميل ان شاء الله طالما انا مصممة علي النجاح

ايه رأيك فيا من وجه تعاملك معايا او يعني اللي تعرفيه عني ؟؟؟اعرف انك كويس جدا محترم اوي تعاملك مع الكل بطريقة جميلة واكيد انا جربت وفي المعسكر كنت شخصية كويسة جدا بتمثل الجامعة في الندوات وده مش رائي بس ده راي الكل يعني مثقف طيب وتتمني المساعدة للكل وكمان برج الاسد ههههههه دي معلومة زيادة

يا رب اكون خفيف/// اكيد

معلش سؤال اخير /// يا عم اسال ولا يهمك ده انا هتظبط هنا

يا تري ها تعملي ايه في رمضان السنة دي// يعني اكيد هصوم واختم القران ان شاء الله وهجيب لبس العيد
يعني هل فيه نشاط معين ولا ها تتعلمي في المطبخ مثلا
؟؟هههههههههه لا مش هتعلم انا بعرف اعمل كده شوية حاجات معينة يعني والباقي هتعلمه بعدين ربنا يسهل واتعلم ادعيلي
لو في سؤال تاني انا متكتفة في الكرسي اللي نفسه في حاجة يقولها

عودنا

1 . ايه رأيك في دفعتك ولاد وبنات ؟
2 . ايه رأيك في أجوال البلد دلوقتي ؟
3 . ايه رأيك في اوباما ؟
4 . ايه رأيك فيا ؟
5 . ايه رأيك في التعليم في مصر ؟
6 . ايه رأيك في موضوع انهم يلغوا العمره والحج عشان انفلونزا الخنازير ؟
7 . ايه رأيك لو تيجي تضربيني ؟

ونكتفي بالرقم الشهير 7

+
----
-عودنا // حمد لله علي السلامة

1 . ايه رأيك في دفعتك ولاد وبنات ؟ كلهم كويسين بس معانا بنات بدح من ورايا والولاد الحمد لله بيعيدوا
2 . ايه رأيك في أجوال البلد دلوقتي ؟ يعني اهي ماشية
3 . ايه رأيك في اوباما ؟ شكله طيب
4 . ايه رأيك فيا ؟ هههه شليفة انك دمك خفيف ومحترم جدا ومثقف وعندك خبرة في الحياة وليك نظرة معينة في المواضيع اللي بتكتبها وكمان ردودك جميلة وطبعا طيب وبتحب تساعد لو في امكانك يعني من الاخر شخصية ممتازة في التعامل
5 . ايه رأيك في التعليم في مصر ؟ يعني بيتعب شوية
6 . ايه رأيك في موضوع انهم يلغوا العمره والحج عشان انفلونزا الخنازير ؟ يعني مش عارفة بس عموما ده خوفا علي الصحة وانتشار الفيرس وده تقريبا كلام منطقي وصح
7 . ايه رأيك لو تيجي تضربيني ؟هههههههه لا مش للدرجة دي خلي الحكاية دي بعدين

ونكتفي بالرقم الشهير 7 // ما تحاول تغير الرقم ده علشان انا زهقت منه

اهدوا يا جماعة انتوا جايين تتخنقوا علي الكرسي وانا كمان مكتفة عليه يعني مفيش حد عاملي حساب خالص انتوا بعدتوا عن الهدف الرئيسي للمهمة فيييييييييييين الاسئلة؟؟؟؟؟؟؟؟؟؟؟؟؟ انا بردو بهدي النفوووووووووووس