خصائص جديدة في المنتدي

تم اضافة بعض الخصائص الجديدة في المنتدي لسهولة التعامل مع الردود و لزيادة النشاط الي حد ما
و ده للاعضاء اللي عندهم 20 مساهمة او اكتر


1. اذا مثلا حبيت تاخد اكتر من اقتباس في رد واحد ها تعمل ايه ؟؟؟؟؟؟
فيه زرار جديد اسمه اقتباس متعدد
عند كل رد تحب تاخد له اقتباس تدوس عليه مرة واحدة بس
و لونه بيتغير و لو دوست عليه مرتين تلغي الاقتباس اللي عملته اول مرة
و بعدين ما تكتبش حاجة في صندوق الرد بالاسفل
لا انت تروح و تقوله اضف رد جديد ها تلاقي الاقتباسات اللي انت علمت عليها كلها موجودة و ترد براحتك علي اكتر من اقتباس

2. الخاصية التانية ها تلاقي جنب كل مساهمة و بالظبط تحت اقتباس متعدد حاجتين
علامة زائد و علامة ناقص
طبعا زائد يعني ها تدي العضو ده نقطة زيادة
و ناقص العكس تنقصه و ده بيكون زي رأيك في المساهمة دي و ده كمان لو عاوز تزود له عدد النقاط عنده
و دي اسمها اصلا تقييم سلبي و تقييم ايجابي و ده للمساهمة طبعا
و فيه زرار اسمه زر الشكر و ده لواضع الموضوع فقط
و بيزود كل واحد يدوس علي زرار الشكر في مساهمته 3 نقاط
و بتبان لما الرد يختلف لونه بلون معين هحدده بعدين

3. ده غير كمان
ان كل يوم بيمر عليك كــــ عضو بتاخد عليه نقطة
و فيه حاجة اسمها الحائط الشخصي زي الفيسبوك كدا
كل ما واحد يكتب لك تعليق فيها تاخد نقطتين

كمان كل ما يزيد عدد الاصدقاء في قائمة الاصدقاء عندك ليك 4 نقط لكل صديق جديد
و فيه لائحة اسمها لائحة او قائمة المنبوذين و دي عكسها طبعا
بس مفيش عليها نقاط


4. و كل مساهمة تكتبها تاخد عليها نقطة
و كل موضوع جديد 3 نقط

و سيتم موافاتكم بكل جديد

و نتمني دائما راحتكم و سعادتكم

علي فكرة ركزوا معايا

اللي بيزود النقط انك تحط مساهمة جديدة او موضوع
او انك تحصل علي صديق جديد او كل ما عضو بكتب لك تعليق ده غير انك ممكن تكتبه لنفسك
و طبعا كل يوم بيعدي بتاخد نقطة زيادة

انما زر الشكر و علامات الناقص و الزائد دي بتغير في السمعة مش في النقط