ما هو الشي الذي غير حياتك ؟؟

زائر

ما هو الشي الذي غير حياتك ؟؟

يعيش الإنسان فترة من الزمن في ركود تام أو روتين قاتل ولكن فجأة تظهر في حياته أمر أو شيء

يقلب حياته 180 درجة .

يغير حياته ويجعل لحياته معنى وهدف ويقلب موازينه ويجعله يعيش ويستمتع بكل لحظة في حياته

وكأنها آخر لحظة في حياته يعيشها بكل حب وبهجة وسعادة ومرح ..

و الآن ما هو الشي الذي غير حياتك ؟

هل هو كتاب قرأته :

دورة حضرتها :

معلم علمك :

هل هي خطبة سمعتها :

هل هي محاضرة :

أو برنامج تلفزيوني شاهدته :

أو شخص قابلته

أو وفاة عزيز :

أو فقدان محب :

أو بلاء إنسان :

أو زواج :

أو حصولك على الشهادات العُـليا :

هل هو انتقاد من شخص كان له بالغ الأثر في نفسك ..أم نصيحة صديق محب ..أم أنك أحببت شخصا..

( ما الذي غير حالك وجعل لحياتك معنى ) ؟؟ ..

أم مازالت حياتك كما هي راكدة؟!!

يعني مش راكدة اوي
بس اكتر حاجة فعلا حسيت انها غيرت كتير و اكيد اكيد اتعلمت منها كتير هي الشغل
و حياتي فيه فعلا مش الشغل و بس

بصى اكيد فى كل كتاب بقرأه بزداد عمق فى التفكير وبكتسب معلومات وخبرات الاخرين وبتعرف على انماط واشكال جديدة ومتعددة
ويمكن كتب انيس منصور من اكتر الكتب اللى بتشدلها جداااااااااا وبحب كتاباته
ومنكرش انها غيرت حياتى بس مش 180 درجة لانى لسة هشوف فى حياتى كتير
وحاجة كمان
المنتدى هنا غير من نمط حياتى بجد واستفدت منه على المستوى الفكرى والشخصى بانى عرفت ناس محترمة وكويسة اووووووووووووى وبحبهم بجد
وانتى اولهم يا قمر
بجد بشكرك على الموضوع الهااااااااااايل ده

انا اللى غير حياتى
180 درجة
مدرس
كان بيدرسلى فى اعدادى
بسبب كلمة واحدة

ايه الكلمة دي يا طه
ده بس من دواعي الفضول

انا كمان عايزه اعرف
يمكن تغير حياتى انا كمان

هقولك
ياضياء قلى اعلم انك (هتموت) فى اى لحظة

ياعنى انت مش ضامن انك هتعيش لتانى
يوم
فحاول انك تعمل حاجة الناس تعرفك بيها

بجد موضوع هايل
تسلم ايديكى يا سارة
اكيد كل انسان حصله حاجة غيرت فى مجرى حياتة يعنى بالنسبة ليا كان وفاة جدتى وبعد وفاتها حاولت احقق الحاجات اللى كانت بتتمناها ليا وحسيت ان شخصيتى اتغيرت كتير للاحسن الحمد لله
وربنا يرحمها ويرحم كل اموات المسلمين

زائر

شكرا ليكم كلكم على مروركم
وربنا يقدرك يا طه وتعمل حاجه تعلم مع الناس ويفتكروك بالخير دايما
وربنا يرحم جدتك يا رودي وتكوني عند حسن ظن كل اللي حواليكي
انا بقا اللي بيغير فيا
اكيد الحلقات اللي بسمعها سواء تنميه بشريه او للدعاه اللي بحبهم
وناس كتير بجد سابو بصمه في حياتي وكانو قدوه ليا
وموت شيماء صاحبتي ربنا يرحمها

ربنا يرحمها ويغفرلها
انا الي غير حياتي وخلاني ابص للحياه بشكل تاني
هي قسوه شخص (كان اقرب الناس ليا)
تسلم ايدك يساره

عن نفسي
كان في تغيرين في حياتي
اول واحد مدرسه عندي في اعدادي طريقه معاملتها معايا
باني مش طالب عندها لأ كانت بتعاملني كأني ابنها دي شجعتني عل ىالمذاكره واني ابقي حاجه
وفعلا تقريبا اللي انا فيه دلوقتي بفضلها بعد ربنا
تاني تغيير بجد
لما دخلت الجامعه
شخصيتي اختلفت جدا بقيت انسان اجتماعي منفتح بهزر مع اي حد واتكلم مع اي حد
سواء كنت اعرفه ولا لأ
قل كده كنت انطوائي جدا علاقتي محدوده للغايه 5 اصحاب بس
بس بعد ما دخلت الكليه اتغيرت 180 درجه فعليا

زائر

شكرا على مروركم
بسام وهني
بس عايزه اقولك حاجه يا بسام
مع اي حد متعرفوش ولاول مره بتتعامل معاه لازم تسيب انطباع كويس
لان في مقولة بتقول الانطباع الاول يدوم هو اه ممكن يتغير بس لو الشخصيه دي اتعاملت معاك كتير
فالتهريج الكتير ممكن يكون مش مقبول عند الشخصيه دي ويتاخد عنك انطباع خاطئ
انك مثلا مش رزين او حاجه شبه كده وده ممكن يكون مش صح
فحاول دايما في اول انطباع ليك عند حد تسيب حاجه مميزه بحيث انك لو مشفتش الناس دي تاني تبقى ذكرى لاتنسى وحلوة
وبالمناسبه بقا
هي مش شيماء ربنا يرحمها بس
كان في قبلها واحده صاحبتنا اتوفت في حادثه قبل المناقشه بتاعة المشروع باسبوعين يوم 11-6
بس مكنتش قريبه مني زي شيماء ربنا يرحمهم
ويغفر لهم يارب هم وكل موتى المسلمين

sara mostafa كتب:: بس عايزه اقولك حاجه يا بسام
مع اي حد متعرفوش ولاول مره بتتعامل معاه لازم تسيب انطباع كويس
لان في مقولة بتقول الانطباع الاول يدوم هو اه ممكن يتغير بس لو الشخصيه دي اتعاملت معاك كتير
فالتهريج الكتير ممكن يكون مش مقبول عند الشخصيه دي ويتاخد عنك انطباع خاطئ
انك مثلا مش رزين او حاجه شبه كده وده ممكن يكون مش صح
فحاول دايما في اول انطباع ليك عند حد تسيب حاجه مميزه بحيث انك لو مشفتش الناس دي تاني تبقى ذكرى لاتنسى وحلوة

شكرا للنصيحه يا ساره
وان شاء الله هحاول اعمل بيها
رأيك اكيد لازم يتاخد بيه

انا بقا فى حجات كتير غيرت فيا بس مش قوى يعنى اى موقف بيحصل معايا بياثر فيا
لكن اكتر شى اثر جدا فيا هو قرايتى عن التنميه البشريه وكتب الدكتور ابراهيم الفقى
اكتر حاجه بس هى مقلبتش حياتى اوى لكن طورت منها حجات كتير اوى
كمان المنتدى هنا كان ليه اثر كبير اوى فى تغير حجات كتير
وعلى كل حال ربنا ينفعنا بما علمنا وان يعلمنا ما جهلنا

زائر

اللهم امين
وشكرا على مرورك يا محمود
وشكرا يا بسام على رأيك