اتش اتش اتش على كرسي الاعتراف

وهو ده وقتو يلا الله معاها

اسئلك شويه اسئله يا اتش

ليه مش عاوزه تغيري اسمك ؟
علشان خلاص انا اتعرفت بيه وحباه حاسه انه مختلف بس

لو أعجبتي بولد ( بقول لو ) ممكن تلتي نظره للموضوع ده ؟
استحااااااااااااالة المفروض هوه يحس من نفسه

انتي قلتي انك بتحكي اسرارك لاتنين صحابك ؟ هل في أسار مش قلتيها ليهم قبل كده ؟
اه حاجة واحدة

مين اكتر شخص بتحسي انه قريب من شخصيتك ؟
بيفهمنى يعنى معظم اصحابى لكن فى ناس منهم بيفهمونى كذا واحدة منهم

اتجرحتي قبل كده ؟ قصه حب بس فشلت لاسباب معينه ؟
لا

لو جالك عريس مناسب جدا يعني مواصفات فتي الأخلام متحققه فيه بس له شرط واحد انه يتجوزك مثلا دلوقتي او السنه الجايه ؟ توافقي ولا لأ ؟ وليه ؟
بص كل حاجة ليها وقتها ما ينفعش انا حابه انى ابقى مهندسه كويسه لكن ده ممكن يشغلنى
هحاول اتفاهم معاااه واقنعه ان شاء الله


هندسه !!!!!!!!! كانت بتمثل ليك ايه قبل ما تدخليها ؟ وبعد ما دخلتيها ؟
بص قبل ما ادخلها كان هدف بالنسبة ليا
دلوقتى بجد مستمتعة فيها جدا لانى بحب كليتى جداااااا

شايفه مستقبلك عامل ايه ؟
انا كنت بتكلم مع اصحابى من قريب فى الموضوع ده بص انا متفائلة جدا حاسة ان انا ممكن اعمل حاجة

بتحلمي أحلام يقظه ؟ لو اه ممكن نعرف ايه هي ؟
اكيد انى اكون حاجة كبيرة ان شاء الله

مستعده للتيرم التاني ؟
مش قوى بس نفسى اكون احسن من الترم الاول

تفتكري مين هايطلع الاول عندكم ؟
يااااااااااااه كتيييييييييييير
القسم بتاعنا والحمد لله ملياااان شطار

تتمني مين يطلع الاول ؟
والله فى واحدة عندنا كويسه جدا اتمنى تكون هى او من الاوائل

الترتيب بيفرق معاك ظ ولا المهم التقدير ؟ وليه
لا التقدير
الترتيب ميفرقش خالص
لانى مش بالعبقرية انى اكون من الترتيب وكمان مش عاوزه اكون معيدة ابدا
ومش حاطه فى دمماغى

شكرا يا بسام

بصي بقي انا هسئلك شويه اسئله ضغيرين خالص
معاك يا باشا

ايه الي بيعجبك في نجوم
fm
بصى صراحة انا بحب اسمعها الصبح بحب اسمع فيروز الصبح قبل ما امشى وبحب برنامج القهوة وساعات اسامة منير

وايه رائيك في برنامج القهوه و نفسك تقعدي علي القهوه
جدااااااااا

واهتعملي ايه لو قعدتي
هلعب ديمنو واروح انا واصحابى بقى وابعت رسالة لكل الناس ان محدش يزعل منى ابد
ا
بصي لوبقيتي بتشتغلي في قهوه ايه المشروب الي هتقدميه
لكل عضو سئلك علي الكرسي (حسب اسئله كل واحد
بصى طه هديله عرقسوس اسئلة صعبة اوى
سارة هديها النسكافيه اللى بتحبه
محمد جمعه كده شكله بيحب الشاى
ضياء هديله شيشه بدل المشاريب
سويت نديهاعصيرتفاح
انتى اديكى عصير مانجو
ديمو اديها حلبة انتوا عارفين الاسئلة بتاعتها
ياسو اديها كاكاو
بسام اديله موز باللبن

طيب لو بقيتي ساعي بريد ايه الجواب الي هتوصليه
لكل عضو سئلك علي الكرسي (حسب اسئله كل واحد

صعب اوى دى
بصى بجد كل الاسئلة كويسه مفيش حاجة صعبة للدرجة دى وكفاية ان هما بجد سالونى وان هما ادونى الاهتمام لكل الناس اللى سالتنى واللى مسالتنيش
شكراااااااااااااااااااااااااا

هتعملي ايه في المواقف دي :



1-
اذا كنتي ماشيه في الشارع وحد رمي عليكي ميه سخنه من البلكونه
هاعقد ازعق فى اللى عمل كده واروح على طوووووول

2-اذا حد حب يهزر معاكي وعملك شاي وحطلك بدل السكر ملح
هستنى لحد ما يطلب شاى واعملها فيه

ايه اكتر مقلب اتعمل فيكي
مفيش حاجة معينة دلوقتى

هل عملتي في حد مقلب
لا ممكن فى اخويا

هل بتشتري خضار من السوق وبتعرفي تفاصلي مع البياع ولا بتخافي
اه كذا مرة ومش بخاف بدووس عادى

وايه رائيك في معرض الكتاب السنادي
احلى حاجة انى رحتوا معاكم وبجد جبت حاجات من هناك حلوة اوى اه انا لسه مقرتهاش كلها بس ربنا يسهل واتمنى اروحه كل سنة

كفايه كده
ولوفي سؤال متكرر متجاوبيش عليه
يلا شفتي اسئلتي خفيفه ازاي
سلام

حلوة اوى بجد
احلى اسئلة جاوبت عليها

السلام عليكم ورحمة الله وبركاته
وعليكم السلام

اتمنى انك تكونى بخير
اخبارك ايه على الكرسى

ايه اكتر فيلم اثر فيكى؟؟
انت عمرى علشان المرض ده صعب اوى وانا عارفه ظروفه

مين الممثل المفضل ليكى؟؟؟؟؟
احمد حلمى

لما بتفتحى التلفزيون اول قناة بتدورى عليها ايه؟؟؟؟؟؟؟
قنوات المنوعات عامة مش قناة معينة

ايه النوع الى بتحبيه فى الافلام الرومانسى ولا الاكشن ولا..؟؟؟
الرومانسى


ايه اكتر ماده كنتى بتكرهيها فى ابتدائى واعدادى وثانوى واخيرا الكليه؟
مش بحب العربى خالص والدراسات بقى بكل مشتقاتها
الكلية السركيت مش حباها خالص

ايه رايك فى النقاب والبنات المنقبات؟؟
فى ناس بتلبس النقاب ده عشان تعمل من وراه حاجات تانيه وبتسىء ليه وانا شوفت كذا حد كده لكن برضوا فى ناس كويسه ولبساه ومحترماه المفروض يبقى كده
ومش معنى ان البنت لبسه نقاب تبقى متدينه


ايه رأيك فى الاختلاط ؟
مش ضده بس فى حدود باحترام

ايه رايك فى الحب فى الجامعة ؟؟؟؟؟؟
مش معاه ده لو كان فى الظلمة من غير علم حدفى البيت لكن غير كده طالما نهايته خير ما اعتقدش ان وحش وانا اعرف كذا حد واتجوزوا فى الاخر

ايه رايك فى الكافتريا بتاع كليه هندسة وهى ولا زراعة؟؟؟؟؟؟؟؟
الاتنين زى بعض
بس انا الا مش بجيب منها شاندوتشات خالص جرب مرة وماحولتش تانى
اخرى البيبسى وكيش الشيبسى


ايه رايك فى المعاكسات دلوقتى وفى البنات الى بيعكسو الولاد؟؟
دى بقى حاجة مقرفة جدا مش فاهمه البنات دى بتفكر ازاى

بابا بيشتغل اية وماما بردو ولو فى حد من اخواتك بيشتغل قولى بردو؟؟؟؟؟
بابا مهندس
ماما ست بيت
اخواتى بنتين مدرسات

ايه اكتر موقف حصل قدامك وصدمك؟؟؟؟

هى البنت الللى قولت عليها

لو خطيبك ان شاء الله جابلك هديه تتمنى تكون ورد ولا دبدوب ولا دهب ولا حاجة تانية؟؟
ورد بموووووووووت فيه

انتى قلتى قبل كده ان ديمو بنت عسوله ونفسك تتعرفى عليها بعد الاسئله دى لسة مصرة على رايك؟؟
والله نفسى

هههههههههههههههههههههههههههههه
احساسك ايه دلوقتى؟؟؟
دلوقتى نفسى اخلص الاسئلة

نفسك تقولى ايه دلوقتى؟؟؟؟؟
نفسى اقول خفوا عليا شويه

نوع موبيلك ايه؟؟ وشريحتك ؟؟؟
دمعة وشريحتى فودافون

بتحبى تكونى كاجول ولا كلاسك؟؟
ده ليه وقت وده ليه وقت بحب البس الاتنين

لما بتخرجى مع صحابك بتروحو فين؟؟
على طول بنتمشى وبنجيب ايس كريم من بندق ونتمشى

عنوانك باه ايه؟؟؟
اه ده ما يتوهش لندن الدور التانى الف مين يدلك

مقاس الجذمة بالمره ؟؟
مقاس صغير
36 37

بتحبى يكون لبسك بسيط ولا كاجول واكسسورات وشغل جامد؟؟
ساعات وساعات حسب اللبس بس مش بحب افور

لو عندك عماره هبى فيها مسجد ؟؟؟
حد يطول يارييييييييييييييت

لو فى يوم اتجوزتى واكتشفتى ان جوزك مش كويس ممكن تفكرى فى فكرة الطلاق ؟؟
مش كويس ازاى صفة يعنى ممكن اتحمل
لكن انه يعرف حد تانى اه افكر

ايه اكتر عضو بتحبى مواضيعة فى المنتدى؟؟
كل الناس حسب المواضيع
يعنى كل حد بينزل حاجة معينه

ايه اختار بقى ولا لسه حد هيسال
واتمنى انى ما كنتش زعلت حد

شوفت والله ما كنت اعرف
نصيبك

بص نغيرهولك بما انى خلاص هاقوم
نخليه


ايه واحدة سبورت عشان المقاطعه

سؤال بما انك رحتى معرض الكتاب
هل حضرتى ندوات لناس معينة؟ وايه افضل كتاب اشتريتيه؟
وايه اللى اتغير فى معرض الكتاب عن السنين الماضية؟

بصي يا اتش انا عرفت كل حاجة عنك تقريبا ولو مش كله مش هتفرق لاني بحبك علي كده زي مانتي
بس لازم ارخم مسري الدم في العروق
ايه امنياتك للترم التاني

eng hhhh كتب:

شوفت والله ما كنت اعرف
نصيبك

بص نغيرهولك بما انى خلاص هاقوم
نخليه


ايه واحدة سبورت عشان المقاطعه

موافق جدا

ENG_TAHA RASHAD كتب:

سؤال بما انك رحتى معرض الكتاب
هل حضرتى ندوات لناس معينة؟ وايه افضل كتاب اشتريتيه؟
وايه اللى اتغير فى معرض الكتاب عن السنين الماضية؟

لا محضرتش قبل كده
افضل كتاب
كتاب اسمه استمتع بحياتك
انا لسه مش قريته بس شكله جامد اوى

صراحة دى اول مرة اروحه
بس ان شاء الله الوقت يسمح واروح على طووووووووووووووووووول

covertina كتب:

بصي يا اتش انا عرفت كل حاجة عنك تقريبا ولو مش كله مش هتفرق لاني بحبك علي كده زي مانتي
بس لازم ارخم مسري الدم في العروق
ايه امنياتك للترم التاني

مرسيه يا باشا على الكلام الجامد ده

والرخامة دى ليها ناسها برضوا
بصى يا ستى امنياتى انى انجح بجد بس
لان ربنا يستر السنةدى والسنين اللى جايه
بس والله انا عاوز اذاكر كويس الترم ده
ربنا يسهل


مرسيه يا باشا على السؤال

بصى الاول فى اتنين
ماخدوش مشاريب على القهوة كتبولى اسئلة
كولوبالى هديله لبن بما انه زمالكاوى او اى حاجة هوه يطلبها

asaبرضوا اى حاجة يطلبها علشان شكله زعل منى بس ممكن اختارله عصير فراولة

دلوقتى بقى جه الوقت المنتظر
يا ترى مين اللى هيقعد على الكرسى
الحمد لله انى قومت من عليه بسلااااااااااام

مين؟









مين؟









مين؟















هختار









فور ام
محمد محمود محمد مسعود




عاوزاكم تروقوه

الله يسامحك يا اتش
دا انا بقول عليكى طيبة
ههههههههههههههههههه

دا انا الوحيد اللى مسألتكشى على الكرسى
لقيتك ملخومة
وكمان مرضتشى احكم عليكى بالمحكمة
هههههههههههههههههه
انتظرينى فى المحكمة
ههههههههههههههههههه