منقول أمثال شعبية جديدة

- اللى بيته من إزاز...................... ميغيرش هدومه فى الصالون

- فاقد الشىء........................... . يدور عليه

- اقلب القدره على فومها............................. الفول يقع منها

- تأتى الرياح.............................. محمله بالأتربة

- ياخبرالنهارده بفلوس............................ بكره ينزل عليه أوكازيون

- اللى معاه قرش محيره.......................... يجيب حمام ويحمره

- قال يامحشحشين.................... يكفيكوا شر الكمين

- اللى ياكل ...................... لوحده يشبع

- لاتبكى على اللبن .................فى البسكوت

- اقطع عرق و........................... حته بتلو

- اطبخى ياجاريه........................ .... الأنبوبه فاضيه يا سيدى

- لو حبيبك عسل............................. ما تحطلوش طحينة

- اللى يتلسع من الشوربه............................... يتصل بالمطافى

- وبكره ترجع ريما......................... من عند خلتها فى مارينا

- اصوم اصوم................................ وافطر على المدفع

- القرش الأبيض.......................... بيعوم فى البحر الأحمر

- ضربوا الأعور على عينه........................... قالهم كسرتوا النضاره

- اللى ميشفش من الغربال........................... يكشف نظر

- المال السايب...................... يعلم الطلبه

- نام وارتاح .............................وكل عسل نحل التمساح

- من خرج من داره........................ مينساش يأخد المفتاح معاه

- الباب اللى يجيجلك منه الريح.............................. شيله وركب قبنورى

- المضطر يركب........................ التاكسى

- رب صدفة خير من ألف........................... ليلة و ليلة

- اللى يخاف من العفريت................................ يعمل عبيط

-المركب اللى فيها رايسين ........................يلعبوا طاولة

- اللى خدتوا الأرعه تخدو......................... ام الخلول

-اللى ميعرفش يقول...................... .what ?????

- أكل العيش يحب........................ الطعميه

-العين عليها ....................... lenses
-قالوا للحرامى أحلف قالهم.......................... وحياة قلبى وأفراحوا


طمعنجى بنى له بيت واجره.......قانون جديد
بكره نقعد على الحيطة و......نقع من عليها
القفة ام ودنين يشيلها ......عم حسين
ايد لوحدها ......ماتفليش
مالقيوش فى الورد عيب قالوا...... سعره تقيل ع الجيب
طالع واكل نازل...... شبعان
لو ليك عند الكلب حاجه قول له....... "لو سمحت هاتها"
قالوا عد غنمك يا جحا قال .......101 , 102 , 103 , ......
اللى له ظهر ما......يستلفش آخر الشهر
قال ايه اللى رماك ع المر........ماردتش عليه وسيبته ومشيت
انا واخويا على ابن عمى....وانا وابن عمى على اخويا....واخويا وابن عمى عليا
الشرطة فى خدمة...... الكنج
خالتى وخالتك و.....اتجمعوا التلات
صباح الخير يا جارى.....صباحوا عنب يا مان (الجار الروش)
صباح الخير يا جارى.....صباح الزفت عليك وع اللى.... (الجار العصبى)
صباح الخير يا جارى....."صباح" اللى بتغنى يا عسل (الجار المسطول)
قال يا قاعدين..........قلنا "نعم..عايز ايه؟"
دارى على...... فرختك تبيض
يضربنى فى زفة..... ويصالحنى بلفة
يموت الزمار...... ونروح نعزى
التمس الصديق وقت الغدا
يا نحلة لاتقرصينى ولا اقرصك
اللى بيته من ازاز...... ميغيرش هدومه فى الصاله
ياداخل بين البصله وقشرتها ........حط قطرة علشان هادمع من ريحتها
مسير الحي..... يتسفلت

قالو يا فرعون ايه فرعنك قال...... مزاجى

يا ريت تكون عجبتكم

بجد حلوة قوى ومستنين الأحلى

حلوه جدا يا ميرو
طبعا مش انتي اللي جايبها يبقي لازم تكون حلوه
لكن
منتظرين الأفضل
سمسم

حلوه اوى الامثال ده ويا ريت تمتعنا اكثر منها

حاضر كل ما اقابل شوية تانية هبعتها
و شكرا علي الردود

هههههههههههههه جميله جداااااااا

جميله جداااااااا
منتظرين الاكثر

ايه الحلاوة دى يا ميرو بجد ضحكتنا
شكرا ليك

ممكن ارد بالنيابه عن ميرو
بما أننا واحد
محمد باشا احنا تحت أمرك وتكفينا ضحكتك
بس لازم تدفع تمن الضحكه دي
لازم تطلنا مواضيع جديده على المنتدي نستمتع بيها
موافق على التمن ولا لأ

موافق يا بسام

خلاص منتظرين التمن يا محمد
بس لازم يكون يليق بمحمد ماشي

بجد جميلة جدا جدا جدا ومستنيين الاحلى

امثال جميله جدا جدا

شكرا علي ردك

هههههههههههههههههههههههههههههههههههههههههههههههههههههههههههههههههههههههههههههههههههههه


جامده وتهلك من الضحك موضوع حلو

شكرا

عفوا يا هندسه ده موضوع حلو فعلا

جميله اوى الامثال ده جديده

متشكر وانا سعيد انها عجبتكم

قال يامحشحشين.................... يكفيكوا شر الكمين

هههههههههههههههههههههههههههههههههههههههههههههههههههههههههه ده انتم منتدي عسل

بيك يا معلم

وخد بالك من نفسك

اللى بيته من إزاز...................... ميغيرش هدومه فى الصالون
تحفة تحفة تحفة بجد تهلك من الضحك
مرسية ليك يا بشمهندس بجد موضوع جميلة جدااااااااااااااااااااااااااااااااااا

شكرا