wellcome كرسي الاعتراف

تذكير بمساهمة فاتح الموضوع :

ياله يا جماعه
اللي عايز يسأل يسأل

انا مستني الأسئله الجامده

روميساء كتب:: الاول سلام عليكم
وعليكم السلام ورحمه الله وبركاته
اول سؤال واضح جدااااااااا انك بتحب سمسم جدا
جدا جدا جدا جدا جدا
فاول حاجه انتي ليه حبتها؟
بصي هي بنت عمي
الحكايه جات واحده واحده هيا طيبه قوي
وكيميتنا ظبطت مع بعض
ايه لون عنين البنت الي بتحبها؟
بني
ياتري كان الجمال مطلب اساسي؟
لا مش امر المهم عندي حاجتين الأخلاق بعدين الجمال كمكمل
لو لقدر الله شكلها اتغير مع مرور الزمن هتفضل تحبها؟
طبعـــــــــــــــــــــا
سؤال اخير هل جمال البنت شيء اساسي علشان تحبها؟
المهم اخلاقها
بعدين الجمال ده حاجه نسبيه
يعني انا ممكن اشوف واحده حلوه وغيري لأ
لاء مش اخير في سؤال كمان
لو ليك اخت بنت توافق ان هي تتعامل مع الاولاد الي معها في الجامعه؟ كفايه عليك كده
على حسب التعامل لو في حدود الكليه من غير الدخول في الحياه الخاصه اه اوافق
عادي دي حريتها الشخصيه

علشان انتي بتجاوب بسرعه انا بحيك علي تواجدك بشكل مستمر وهسال تاني
في بنت او ولد معاك في الدفعه كنت واخد عنه فكره وغيرتها عنه او عنها؟
مين البنت الي ممكن تستفزك؟

انا عارف ان انت تعبت من الاسئلة يا بسام.......خد السؤالين دول

1-هل تفضل الزواج من بنت مستواها الاجتماعى اعلى منك؟ولماذا

2-هل تحبذ فكرة الزواج من دكتورة ام من اى كلية اخرى؟

روميساء كتب:: علشان انت بتجاوب بسرعه انا بحيك علي تواجدك بشكل مستمر وهسال تاني
في بنت او ولد معاك في الدفعه كنت واخد عنه فكره وغيرتها عنه او عنها؟
انا ممكن اغير في السؤال شويه
في بنت معانا في الدفعه في ناس واخدين عنها فكره مش صح مش عارف ليه مع انها طيبه جدا ومحترمه جدا
بس الناس فاهمينها غلط انا عن نفسي ما شفتش منها حاجه وحشه
يعني الناس هما اللي واخدين عنها فكره غلط مش انا
مين البنت الي ممكن تستفزك؟
اللي تحاول تستخف دمها وتهزر بدون سبب
البنت دي حاجه عاليه قوي لازم تفضل اميره يطلبها الفرسان

eng_hamada11 كتب:: انا عارف ان انت تعبت من الاسئلة يا بسام.......خد السؤالين دول

1-هل تفضل الزواج من بنت مستواها الاجتماعى اعلى منك؟ولماذا
لا لانها هتكون واخده على مستوي مش هاقدر احققه ليها فهتحصل مشاكل
لكن لو الفرق بسيط عادي اوافق

2-هل تحبذ فكرة الزواج من مهندسه ام من اى كلية اخرى؟
انا خلاص اخترت وهيا من كليه تانيه غير هندسه

اولا السلام عليكم ورحمة الله وبركاتة
انت ساكن فى تلات اية رايك فيها وهل تمنيت انك تكون ساكن فى مكان تانى
اية رايك فى بنات الدفعة بتاعتك
انت بتشتغل فى الدرسة
هل لما تفكر تتجوز هتعتمد على نفسك ولا اهلك ممكن يسعدوك فى ده
هلعلمت ان فى بنت بتحبك فى الكلية او غير الكلية وكان رد فعلك اية؟؟؟

eng_dido كتب:: انا جاي معاكم و عارف البيت
هقولكم عليه
و بسام كرررررررررررررريم جدا و ها يوافق
يللا يا كولوبالي جهز الشنطة
:D :D :D
عشان برضووو ها نلم معانا و احنا جايين

يا عم كريم مين ده جلدة ده اخره هيوديكم عند أبو حبيبة بتاع التلات

Bassam AbdEltwab كتب:: طيب ايه المرتب اللي نفسك تاخده ؟
انا مش طماع انا عايز ابدأ ب 3 الاف بس
بعدين ممكن يزيد
لو قولنا طموح بسام هيكون واصل لفين ؟
اني ابقي رئيس شركه
oracle
الكلام ده ممكن يتحقق في حالة واحدة
لو أنا بقيت أحسن جراح في مصر
لو في دكتور ما غلط في برانامج وانت عارفه انه غلطانه هتقوله في المحاضره ؟ ولا في المكتب وهو ييجي يعدلها المره اللي بعدها
؟
مش عارف يا داليا بصراحه حسب المود بس الأغلب اني بعدله في المحاضره
وليه؟
لاني ما بعرفش امسكم نفسي لما بحس ان في حاجه غلط وفي الخر بتطلع على دماغي انا وبطلع انا الغلطان والدكتور صح
يا بني هو في دكتور بيغلط ؟؟؟؟
كل دكتور و ليه المقرر الخاص بيه

Bassam AbdEltwab كتب:: والدك
شايف اني مهمل ومش بذاكر
وانا شايفه احسن اب في الدنيا
والدتك
شايفاني طيب جدا ، امي دي حته سكره اخواتك
شيفيني غبي جدا وبيقولوا انت أزاي دخلت هندسه ، اخواتي جدعان قوي ما بيبخلوش عني بحاجه والحاجه اللي عوزها بتكون عندي
اصحابك
طيب جدا ، رجاله

اخواتك دول بيفهموا على فكرة
سؤال بلو لو المنتدى (بعد الشر يعني) بيغرق وهتختار تلاته بس تاخدهم وتنقذهم هيكونو مين؟؟؟؟؟؟ ومين اللي ما هتصدق تسيبهم؟؟؟؟؟
هختار : ضياء عشان يعمل واحد جديد
ساره مصطفي عشان تملي المنتدي مواضيع جديده
ميرو : صاحبي لازم بقي
اللي هاسيبه : طبعا
ASA
عشان مدني
على فكرة بعرف أعوم
بس مش هتلاقوا حد غيري يسوق
و بعدين ماله مدني يا حمامة يا بتاع التيليفونات

eng_dido كتب:: 4- مين اللى رسم الحورس وخد عليه الجايزة ؟؟؟؟
ASA

حرام عليك يا بسام ايش جاب لجاب

:evil: :evil: :evil: :evil: :evil:

خاف عالمنتدى بتاعك ياد

demo كتب:: اولا السلام عليكم ورحمة الله وبركاتة
وعلكم السلام ورحمه اللله وبركاته
انت ساكن فى تلات ( ممكن اعرف عرفتي منين ) اية رايك فيها
(100 فل و 14) بجد ناسها طيبين جدا والخير فيها كتير
وهل تمنيت انك تكون ساكن فى مكان تانى
ممكن يعني انا بتمني اني اكون بره مصر عايش في السعوديه عشان ابقي جمب المسجد النبوي والمسجد الحرام
ياه يا رب نولنا

اية رايك فى بنات الدفعة بتاعتك
بصراحه معظمهم كويسين وخاصه اللي اتعاملت معاهم بس في
كذا بنت انا مش بحترمها من دفعتنا
وفي واحده بس
مش عارف هي مش بتتكلم مع حد خالص
بس مش بتساعد حد برضه خالص
احنا عندنا ( على الأقل في اتصالات ) اللي بيعرف حاجه بيقولها للتاني إلا هيا
يا رب تحاول تغير من نفسها
انت بتشتغل فى الدراسة
اول مره اعملها السنه اللي فاتت بس
كنت شغال مع عمي
يعني حاجه بسيطه كنت بشتغل لحد المغرب واروح الكورس بالليل
يعني حاجه عشان تقعدني طول الاسبوع
هل لما تفكر تتجوز هتعتمد على نفسك ولا اهلك ممكن يسعدوك فى ده
في الزمن ده لازم يساعدوني
لحد ما ربنا يكرمني واشتغل وبالتأكيد هساعد ان كمان مع اخويا الصغير بعد كده
هل علمت ان فى بنت بتحبك فى الكلية او غير الكلية وكان رد فعلك اية؟؟؟
حصل بس كان قبل الكليه كنت في أعدادي لسه عيال بقي وبنت قالت لي كده
قلت لها اسف انا بحب واحده تانيه

زائر

عرفت انك ساكن في تلات من اول سؤال انت جاوبت عليه
عنوانك ايه

اه تصدقي اني نسيت اني جاوبت على لاسؤال ده
يجبو ان الزهيمر بدأ من جديد

فين أسئلتك يا ساره ؟؟؟؟؟؟؟؟؟؟؟

يا بني انت ما تعبتش من الاسئله

بجد الكرسي ده بيخلي اللى قاعد عليه يكون كتاب مفتووووووووووح

زائر

اسأل انا بقى ومش هأطول عليك
حد عايز تقوله حاجه ؟؟؟؟ مين ؟؟؟؟؟ وايه ؟؟؟

انت مكملتش يوميات ساره وعمر ولا ايه ؟؟ احط اخر جزء فيها ولا لا ؟؟؟؟؟ ايه عجبك فيها ؟؟؟؟؟؟؟؟؟؟ شايف في نفسك ايه من عمر ؟؟؟؟؟

ايه الحاجه اللي كنت بتخاف منها وانت صغير ؟؟؟؟؟ ولما كبرت بطلت تخاف منها ولا لا؟؟؟؟؟؟؟

انا هقولك كام اغنيه كده وتقولى كل واحده تهديها لمين بس مش لازم تاخد الاغنيه بمعناها كله يعنى خليك فى الاسم الى هكتبه بس

( القلب الطيب لمحمد فؤاد )
(السود عيونه لمصطفى قمر )
(زى الملايكه لعمرو دياب)
(الله يباركلى فيك لتامر حسنى)
(على بالى لشرين)
القلب الطيب
اسف جدا
رحله عمرى
عرفت الى فيها
كل سنه وانت طيب
ريح بالك
الا دموعك انت

كفايه كده

انا ماعنديش حاجه اخبيها يا محمد

اسئل وانا هجاوب

زائر

معلش بقى اخر اسئله ليا
ويارب متكونش مخنوق مني

ما ردة فعلك عندما يقول لك حبيبك : أحبك نعم أتزوجك لا ؟ ( بعد الشر يارب ما تحصل ابدا)

ماذا ستكتب لنا لتعبر عن حياتك التي عشتها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟

هل هزمك حزنك في يوما من الايام؟

هل تؤيد الزواج العاطفي ام الزواج التقليدي ؟ ولماذا ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

حاسه ان السؤال اللي جاي مكرر بس لو مكرر غيرصيغته او غير الاجابه
اختار 5 اعضاء وامنحهم القاب؟

اختار 5 اعضاء وقول لكل واحد فيهم نصيحه؟

اية الحاجة الى نفسك ترجع صغير تانى عشان تعملها؟

اية اكتر سنة عمرية قريبة ليك وبتحبها ونفسك ايامها ترجع تانى؟ولية؟
اية اكتر سنة صعبة عليك؟ولية؟
اية السنة الى مش عايز تفتكرها؟
اية اكتر سنة كنت شقي فيها؟
اية اكتر سنة اتعرفت فيها على ناس؟

ياتى كان فى حركة مجنونة نفسك تعملها وحد ساعدك وعملتها؟ بالتفصيل
حركة مجنونة كان نفسك تعملها ومحدش شجعك؟ بالتفصيل

وعند هذا الحد انتهى ويارب مكنش ضايقتك

يا بسابيسو سيبني كده
انا مستمتع بالمشاهده

sara mostafa كتب:: اسأل انا بقى ومش هأطول عليك
ولا يهمك يا ساره
حد عايز تقوله حاجه ؟؟؟؟ مين ؟؟؟؟؟ وايه ؟؟؟
هما اتنين ، مش مهم مين
انا بقول كلام كتير من غير ما احسب انا بقول ايه يا ريت ماحدش يزعل مني يا جماعه

انت مكملتش يوميات ساره وعمر ولا ايه ؟؟ احط اخر جزء فيها ولا لا ؟؟؟؟؟ ايه عجبك فيها ؟؟؟؟؟؟؟؟؟؟ شايف في نفسك ايه من عمر ؟؟؟؟؟
لا لسه ما كملتهاش بس هاكلمها ، قصه الحب اللي بدأت بنهم من الصفر ، طيبته وحنيته على ساره
ايه الحاجه اللي كنت بتخاف منها وانت صغير ؟؟؟؟؟ ولما كبرت بطلت تخاف منها ولا لا؟؟؟؟؟؟؟
الكلاب ، بصراحه بعمل نفسي ما بخافش بس في أوقات بترعب منهم
انا هقولك كام اغنيه كده وتقولى كل واحده تهديها لمين بس مش لازم تاخد الاغنيه بمعناها كله يعنى خليك فى الاسم الى هكتبه بس

( القلب الطيب لمحمد فؤاد )
semsem
(السود عيونه لمصطفى قمر )
ميرو
(زى الملايكه لعمرو دياب)
semsem

(الله يباركلى فيك لتامر حسنى)
اخويا الكبير
(على بالى لشرين)
طبعا طبعا طعا semsem

اسف جدا
اي حد زعلته مني
رحله عمرى
الدراسه
عرفت الى فيها
مافيش حد معين
كل سنه وانت طيب
اخويا عشان عيد ميلاده قرب
ريح بالك
انا
الا دموعك انت
semsem
كفايه كده
ليييييييييييييه ما تكملي

السلام عليكم
منور الكرسى يا سمسم
انت اللى قلت نادونى كده
هسالك كام سؤال رفيعين
اولا يعنى ايه وينتر مفقود؟
ثانيا هتعيد على سمسم بايه؟
ثالثا هفرح باخويا الكبير امتى سواء كان جواز او خطوبه؟

زائر

وراعي ان في شوية اسأله ليا مش اتجاوبو
وهأضيف ليهم

هتختار مين ياترى ينور الكرسي بعدك

sara mostafa كتب:: معلش بقى اخر اسئله ليا
واخر ليه ما تكملي
ويارب متكونش مخنوق مني
ولا مخنوق ولا حاجه انا مبسوط جدا بأسئلتك
ما ردة فعلك عندما يقول لك حبيبك : أحبك نعم أتزوجك لا ؟ ( بعد الشر يارب ما تحصل ابدا)
مش هايحصل
ماذا ستكتب لنا لتعبر عن حياتك التي عشتها الى الان في كلمات قليله ؟
حياه هادئه جدا إلى الإعداديه بدايه التداخل الاجتماعي في الثانويه مرحله جديده وفكر جدبد في الجامعه
اذا اردت ان تبكي الان , فعلى من تبكي؟
غـــــــــــــــــــــــــــــــــــــــــــــــــــــــــــــــــــــــــــزه
من ستختار ليمسح دموعك ؟
كل العرب
هل هزمك حزنك في يوما من الايام؟
لا
هل تؤيد الزواج العاطفي ام الزواج التقليدي ؟ ولماذا ؟
العاطفي ، لان التقليدي آيل للفشل بنسبه اكبر من العاطفي
هل من الممكن ان تتحول الصداقه الى حب ؟
نعم وحصلت أمامي اكتر من مره
هل تعترف بشيء اسمه الصداقه بين الرجل والمرأة ؟
ممكن نقول الزماله اه
حاسه ان السؤال اللي جاي مكرر بس لو مكرر غيرصيغته او غير الاجابه
اختار 5 اعضاء وامنحهم القاب؟
الذكي : ميرو
الطموح : ديدو
المتجدده : ساره مصطفي
الطيبه : داليا
the helpful : future eng

اختار 5 اعضاء وقول لكل واحد فيهم نصيحه؟

اية الحاجة الى نفسك ترجع صغير تانى عشان تعملها؟
راحه البال ، النوم اول ما ادخل على السرير
اية اكتر سنة عمرية قريبة ليك وبتحبها ونفسك ايامها ترجع تانى؟ولية؟
ثالته ثانوي ، مدرستنا مانت مشتركه بنات وبنين وفي السنه دي انفصلنا وبقينا لوحدنا
ياه شعور جميل انك تعمل كل اللي انت عايزه من غير ما تحسب حساب حد واقف او كده عيب
اية اكتر سنة صعبة عليك؟ولية؟
ثالته إعددي ، الترم الاول جبت درجه وحشه قوي وترتيبي نزل جامد
بس الحمد لله التم التاني ذاكرت وطلعت التاني
اية السنة الى مش عايز تفتكرها؟
ماعتقدش ان في سنه عدت عليا كده
اية اكتر سنة كنت شقي فيها؟
ممكن ابتدائي كلها مش شقاوه بس براءه أطفال
اية اكتر سنة اتعرفت فيها على ناس؟
إعدادي هندسه اتعرفت على الدفعه كلها

ياترى كان فى حركة مجنونة نفسك تعملها وحد ساعدك وعملتها؟ بالتفصيل
اه بالتأكيد ، اني جبت في يوم معايا الكليه بعد العيد كحك وبسكوت والعيال نزلوا عليهم تقولي ايه مابيرحموش
والبيت كله ساعدني انا ماعملتش غير اني خدتها معايا بس
حركة مجنونة كان نفسك تعملها ومحدش شجعك؟ بالتفصيل
لا انا لما بحب اعمل حاجه بعملها من غير ما افكر على طول

وعند هذا الحد انتهى ويارب مكنش ضايقتك
لا ضيقه ولا حاجه بس
عايز منك أسئله تاني
على قد ما تقدري لحد
اليوم الساعه 8 مساء
لاني مش هدخل بعد كده علشان اخويا جي النهارده
وانتوا عارفين بقي المشاعر
مش هاينفع اسيبه

winter sonata كتب:: السلام عليكم
وعليكم السلام ورحمه الله وبركاته
منور الكرسى يا سمسم
ده نورك و الله
انت اللى قلت نادونى كده
ولا يهمك انتي تقولي الاسم اللي يعجبك
هسالك كام سؤال رفيعين
رفيعين ليه ما تخليهم مليانين
اولا يعنى ايه وينتر مفقود؟
يعني انتي بقالك كتيييييييييييييييييييييييييييييييييييييييير قوي ما بتدخليش على المنتدي والمنتدي من غيرك ناقص
ثانيا هتعيد على سمسم بايه؟
ولاهي ربنا يسهل بس هيا
عايزه عديه خاصه مش عايزه فلوس
ثالثا هفرح باخويا الكبير امتى سواء كان جواز او خطوبه؟
بصي انا نا شاء الله على سنه رابعه هتكون في خطوبه رسمي ان شاء الله
ولو دخلت الجيش هيبقي بعد ما اخلص باربع سنين جواز
ولو ما دخلتش هيبقي بعد تلت سنين

فين باقي الأسئله هما دول بس

sara mostafa كتب:: وراعي ان في شوية اسأله ليا مش اتجاوبو
وهأضيف ليهم

هتختار مين ياترى ينور الكرسي بعدك

يا ريت تكتبيهم تاني يا ساره
انا ما اخدتش بالي منهم
وهاقول على اللي اخترته
الناهرده نص اليوم كده

بسام انتي جاوبت علي سؤالي وقللت ان في بنت معاكم في الفعه الناس هي الي واخده عنها فكره غلط اولا
ايه هي الفكره الغلط الي الناس واخدنها
ثانيا ليه انت رايك مختلف فيها
ثالثا تقدر تنصح البنت دي علشان الناس تغير رايها فيها
رابعا لو سؤالي رخم شويه البنت دي معانا علي المنتدي ولا مش معانا وده بقي سؤال اجباري