كرسى الاعتراف

انا جيت يا جماعة

متشكر يا فاطمة علي اختياري .هتتردلك في حاجة تانية :lol!:

بعدين ايه الاسئله دي كلها ده احنا لسه في اول يوم

ربنا يعينا علي الاجابات

نبتدي واحدة واحدة

الاسم: عمرو مبروك عبدالعاطي

المزاج: عالي قوي

الهوايات: الانترنت

الاغنية المفضلة: اي حاجة تطلع من عبدالحليم او عمرو دياب حلوة

رقم البطاقة: معايا رخصة السواقة.تنفع؟
ههههههه

طبعا لما فاطمة اختارتني حسيت و كأنني داخل علي امتحان و ربنا يستر

السن: بيقولولي ماشي في العشرين
العنوان: هوارة المقطع
القسم: كهربا و داخل اتصالات السنة دي ان شاء الله
التقدير: امتياز و الحمد لله

عايز ادخل القسم ده لاني بعشق المواد اللي بتدرس فيه:الماثيماتيكس والالكترونكس و الفيلدو كمان البرمجة

بيتر اعز اصحابي لاني اعرفه من زماااااااااااان من ابتدائي زي ما قلت و يعرف عني كل حاجة صحيح العلاقة كان فيها صعود و هبوط بس كانت قوية كفايه عشان تستمر

لا مش تجربة شخصية ولا حاجة بس سؤال ورد في ذهني و كنت عايز اعرف الناس بتفكر في الموضوع ازاي يعني كنت عايز اشوف وجهات النظر

هو انتوا لسه هتسخنوا زيادة عن كده
شكلي هتبهدل فعلا
ماشي يا فاطمة لن انسي لك هذا الموقف
ههههههههه

بصي صعب اني اقدر اوصف نفسي بس هحاول

انا مرح في اغلب الاحيان يعني لو مزاجي رايق و مش بفكر في حاجة.بحب الدراسة جدا .لما بتضايق من حد غالبا ببعد عنه مش اكترلاني مش بحب ااذي او اجرح حد و لو حصل فبصلح اللي انا عملته حتي لو الحد ده معرفش.مشكلتي اني شكاك .ثقتي مش بديها لاي حد لازم اعرف انه جدير بيها

اكتر من كده معرفش عن نفسي ممكن زمايلي يقولوا بقي

اتفضل يا عم ديدو
مسيرك تقعد علي الكرسي و تتبهدل

لا للاسف لسه يا ديدو ولا مرة.بس مسيرنا نقع :D

و الله يا عم ديدو حصل بس مش بهدلة بالظبط يعني هقولك
في بنت عندنا في الدفعة معروفة رديت عليها في تلات حاجات قبل كده و كل مرة ترجع تسأل نفس السؤال تاني للي احنا معاهم ولا كأني رديت.بصراحة حاجة تقرف و حلفت ولا هعبرها تاني خلاص.

هيبقي موقف صعب جدا يا ديدو بس اعجاب من اي نوع بالظبط :?: :D

يلا الله يكون فى عونك يا مهندس بس انت اكيد قدها ولا ايه
ومستنييييييييييييين ردك على باقى الاسئله مش هنزهق واستعد للباقى قالبقيه فى السكه

فاطمه مبروك روجعك بالسلامه
كان نفسي اسلك كتير بس معلشي
علشان رمضان وعموما ربنا كان يعينك
علي الاسئله كانت كفايه اووي عليكي
وبرحب بالشمهندس عمرو وبساله
لو في فرصه معينه متاحه لشخص واحد
هتفضل تختار نفسك ولا صحبك؟
ايه اكتر موقف يخليكي متكونشي متسامح؟
وياريت متقولشي متسامح مع الكل

تعمل ايه لو عرفت ان حد من صحابك علي الياهو داخل
available
علي الناس كلها و عامل عليك
appear offline
و علي فكرة بتتعرف ببرامج و مواقع يعني بتكون متأكد؟؟؟؟؟؟؟؟؟؟؟؟؟؟؟؟؟؟؟؟
انت كنت سالت السوال ده فى لعبه الصراحه
طيب لو كان حصل معاك كده بتعمل ايه؟
هل ده موقف حصلك فعلا؟؟؟؟؟؟؟؟؟
وانتظر المزيدددددددددددددد

معلش بقي هرد علي ونتر و دريم سوا لانهم ليهم تقريبا نفس الاجابة

بص يا عم دريم
انا متعجبنيش البنت الغبية بصراحة لازم تكون ذكية و لماحة و تفهم بسرعة
ولا اللي شايفه نفسها و بتكلم الناس من فوق
ولاالعنودية اللي مستحيل تغير رأيها في حاجة حتي لو كانت غلط
ولا اللي متردش عليا طبعا :lol:

لا للاسف حتي لو حبيت مقدرش اقول لاني زي ما تقول كده واخد عهد علي نفسي مقولش لبنت اني بحبك الا اذا كنت بشتغل و قادر اني افتح بيت.مش هينفع تفضل معايا كتير و نستني حاجة مش متأكدين منها محدش يعرف بكرة فيه ايه .حب يبقي خطوبة وبعدين جواز.غير كده بعتبره لعب ببنات الناس و انا مش من النوع ده

اه نسيت احلف صحيح يا سوناتا ولا تحبي اقر
اقر انا المذكور اعلاه
الساكن في العنوان ايه
ههههههههههههههههه

فتاة احلامي :ياه كلمة جامده اوي بس ممكن اتخيل

تكون بتحبني بجد لشخصي مش عشان اي حاجة تانية.لان اي حاجة تانية ممكن تروح الاشخصية الانسان اوك
كمان تكون ذكية و شاطرة و لماحة وتتعلم بسرعة وتعرف طباعي و تفهمني من غير ما اتكلم و تعرف ايه اللي بيضايقني و متعملوش
كمان اكيد لازم تكون مؤدبة و متدينة.ده شيىء مفروف منه
ولازم تكون مرحة متبقاش خنيقة و بتقفش كتير
و تحسسني انها بنت بلاش احس اني قاعد مع واحد صاحبي:D
و اخيرا يعني زي ما بيقولوا علي قدر من الجمال

ايه ده كله شكلي بطلب كتير صح؟؟؟؟؟؟؟؟؟؟

وانت بقي ايه رأيك يا دريم
تفتكر ممكن الاقي بنت و كمان في قسمي فيها كل الصفات دي و اسيبها؟؟؟؟؟؟؟ ده يبقي ..........

بص يا عمنا مع انه هيكون صعب شوية اني ارتبط بحد من سني-العرف بيقول ان البنت المفروض تكون اصغر و مش العرف كمان اغلب الزيجات اللي مش كده مش بتستمر كتير و المشاكل بتظهر اكتر مع كبر السن- بس برضه لو لقيت كل ده اكيد معنديش اي مانع.


باين عليا هتبهدل؟؟؟؟؟؟؟؟ هو فيه اكتر من كده :shock:

انا لسه داخل جديد فى اللعبه وقلت اتفرج بس شكل النا س اتبهدلت فقلت انا كمان اسال
اسئلتى ليك بقى يا هندسه وورينا شطارتك
ايه رايك فى الدفعه بتاعتك بنات وولاد ؟وكمان مين اكتر شخصيه بتشدك فيهم بنت وولد برده؟
مين اكتر واحد صاحبك فى دفعتك يا هندسه؟ومين اكتر حد بيفهمك ولقيته ولا لسه سواء بقى بنت ولا ولد؟
وكفايه عليك بقى كده النهارده

ربنا معاك شكلك هتتبهدل

شخصيه في الكليه شدت انتباهك من اول مره ولد وبنت

لو في حد من اصحابك اتكلم عليك بطريقه مش كويسه هتعاتبه ولا هتعمل ايه

ايه اكتر موقف محرج اتحطيت فيه

اوك يا نجمة

انا عموما لما بشتري اي حاجة جديدة ببقي مبسوط يعني ساعه نضارة اله حاسبة و نفسي اجيب لاب توب :P

لا مش بحبها خالص لا اني اسيطر علي حد و لا العكس.كل واحد حر يعمل اللي هو عايزة انا بنصح بس

احنا قلنا نتكلم بصراحة
الحياة بالنسبة لي هات و خد او خد و هات مش مهم مين الاول.اديني معاملة كويسه ساعديني اعملي خدمة كله هيرجعلك تاني.و العكس متضمنوش للاسف.

هدفي الاساسي اني اطلع مهندس ناجح الناس تشاور عليه واني عمل حاجات جديدةو اني ابقي معيد ثم دكتور يعني اكمل دراسه عشان زي ما قلت انا بحب الدراسه جدا.و كده ابقي رضيت ربنا و اهلي في نفس الوفت. اهدافي كتير صح؟؟؟؟؟؟؟

هو في حاجات كتير بتضايقني.مثلا لو حد في الكلية خبا عني حاجة في الدراسة اثرت عليا في امتحان مثلا ولا حاجة و تكون اصلا متوقع ان الحد ده بيقولك علي كل حاجة.كمان لو حد زي ما يقولوا فقعني زمبة عند حد تاني بشكل يأثر علي علاقتي بيه او علي مستقبلي.

انا وصفت شخصيتي في سؤال قبل كده

جينا بقي للسؤال الصعب
معلش يا جماعة الاجابة غريبه جدا.هي طقت في دماغي دلوقتي و قلت اكتبها و خلاص
الحب زي الكهربا ظاهرة متعرفش اصولها بس بتعرف تأثيرها.بتخلي الواحد يحاول يتغير للاحسن و يحاول يرضي حبيبه.يبقي فجأه مرهف الحس- و المشكلة لو كان كده اصلا هيبقي حالته صعبه خالص- اي حاجة تأثر فيه.يسمع الاغاني يفهم كلامها مع انه كان بيسمعها كتير قبل كده و كانت بتعدي عادي عليه و حاجات تانيه كتير

ده غير طبعا حب الوطن و حب بابا و ماما
هههههههههههههههه

لا صعب ارتبط و انا لسه في الكليه لاكتر من سبب

و بعدين يا ضي القمر بلاش الاسئلة الجامده دي
اعملي حساب بكرة
مش يمكن تيجي بعدي علي الكرسي ولا حاجة :twisted:
ههههههههههههه
يا ريت يا جماعة اكون بجاوب زي ما انتوا عايزين.

مع اسئلة ريما

هتبقي مشكلة جامدة وفي الاخر هنجيب حد محايد تماما يحكم و يبت في هذا الامر

اكيد مفيش حد هيكون بيكرهك و يضرك و هتكوني متسامحة معاه.ولاانتي ايه رأيك؟؟؟؟؟؟؟؟؟ :(

معاك بقي يا هندسة

للاسف في الدفعة قليلين قوي اللي عايزين يتعلموا بجد.بحس ان في ناس كتير عايزة تعدي و خلاص او متعديش و اهو وقت و بتقضيه في الكليه و هي دي مشكلتنا.مش الشطارة انك تاخد بكالوريوس المهم تكون مهتم و فاهم انت بتعمل ايه عشان تنجح.و بعدين يقولوا في مهندسين مش لاقييين شغل.اي صاحب شركة هيدور علي واحد بشهادة و خلاص و لا علي واحد يعرف ينفذ اللي مطلوب منه.

اي حد ذكي و مهتم بالدراسة يشدني

معروفه طبعا اكتر ناس صحابي سمسم و ديدو

اكتر واحد بيفهمني هو صديق عمري بيتر اللي قلت عليه قبل كده

معلش يا سندي سرحت وانا ببص نسيت سؤالك سورري

اه حصل معايا فعلا كان في ناس علي الياهوو بيعملوا كده و جاري البحث عن الاسباب و الدوافع التي ادت بهم الي عمل تلك الجريمة الشنعاءو .................

ههههههههههههههههه

مع اسئله ضي كلاكيت تاني مرة

انا جاوبت عل ده قبل كده

علي حسب هو صاحبي قوي ولا لأ.طبعا لو صاحبي قوي هاعاتبه لاني مبحبس اخسر صحابي القريبين

اصعب موقف اني اتحطيت علي الكرسي ده
عارف كله هيقول نفس اجابة فاطمة و الكلام ده كله عارفه بس هي فعلا اكتر موقف محرج لاني مبحبش اتكلم عن نفسي اصلا-و متسألونيش ليه انا طبيعتي كده- .شوفوا بقي لما اتحط علي الكرسي و اتكلم عن نفسي و ما شاء الله علي اسئلتكم يعني قمة.

السلام عليكم
ربنا معاك ويوفقك وتحقق كل احلامك بس فى بعض الاسئلة جات ورا بعض كدة وحضرتك ما رديتش عليها يمكن تكون مش عجبتك ويمكن تكون ما اخدش بالك وع حد فهمى مارديتش لحد فيهم الاجابة اللى كان نفسة يعرفها .
سؤالى انا بقى بسيط اوى اية رايك فى المواجهة وبتحب تواجة ولا بتفضل السكوت ولو زعلت من حد بتصرف ازاى ولو حد زعل منك بيبقى رد فعلك اية ؟ ولو حد زعلان منك تفضل انة كان يعاتبك ولا المفروض كان يسكت لانك بطبيعتك هتبقى عارف انة زعلان ولو كنت عايز تصالحة هتصالحة ؟ ومين الشخص اللى انت حاسس انك غلط فى حقة وعايز تقولة ماكنش قصدى ؟ ( مش لازم تقول اسم طبعا ولا هو مين بس اتصرف انت بقى ) بس اسئلة بسيطة خالص ولو عديت اى سؤال مش هسئلوهالك تانى لانى هعرف انك مش عايز ترد علية ومش شرط ترد ع كل الاسئلة اللى يعجبك بس .

شكرا يا هبة النيل
مش عارف موضوع الاسئلة اللي عديتها دي انا مقصدش طبعا و لو حد شايف سؤال عديته يقول
و علي فكرة انا بجاوب بصراحة فعلا
بانسبة لاسئلتك بقي

المواجهة
معلش وضحي السؤال مواجهة ايه بالظبط؟؟؟؟؟

الزعل
انا قلت لو زعلت من حد ببعد عنه ممكن تقري اول او تاني اجابة ليا
المشكلة لو حد زعلان مني
ببقي مخنوق بصراحة و خصوصا لو انا اللي غلطان و بحاول احل الموضوع بسرعة لاني بقعد افكر فيه كتير و بياخد جزء كبير من تفكيري
لو مش انا اللي غلطان بسيب الموضوع شوية وهو بيتحل لوحده-اعتذار او حد يتدخل مثلا-

العتاب
علي حسب لو انا عارف غلطتي او لا طبعا لو مش عارف افضل انه يعاتبني عشان اعرف هو زعلان من ايه بالظبط-عملت حاجة و مخدتش بالي او قفش علي حاجة مكنتش اعرف انها تزعله-

بالنسبة لاخر سؤال هو الحمد لله مفيش حاليا حد حاسس اني غلطت في حقه


و بعدين فين باقي الناس يا جماعة ولا انتوا سألتوا الاسئلة كلها مره واحدة ولا يمكن الردود معجبتكمش

يلا يا فاطمة فين اسئلتك وفين سمسم و ديدو؟؟؟؟؟؟؟؟؟؟

مين اكتر معيد واكتر دكتور بتحبه؟؟؟؟

كان في سؤال مكتوب في لعبه الصراحه

انت ليه عايز تطلع معيد

في ناس بتفضل واحد صاحبهم يحكوا ليه علي مشاكلهم وفي ناس بتفضل ابوهم وناس امهم

انت بتففضل مين وليه وليه مش بتفضل التاني

انت ما قلتش مين شد انتباهك من اول ما شفته بنت ولا ولد وليه

تختار من عندك من الدفعه بتعتك ولد وبنت وتتكلم عن ايه عجبك فيه وايه مش عاجبك فيه

لو قلت صعب لك الاحقيه في ان تختار اكتر من شخص

وكده ابقي متساهل معاك اوي

هل فيه قرار اخدته وندمت عليه ؟
هل عمرك ندمت انك عرفت حد؟
هل حسيت فى مره انك اتظلمت من حد من اللى تعرفهم فى اى موقف؟
فيه حد بيعجبك موضاعاته فى المنتدى وبتشدك ومين هو؟
فيه حد فى الكليه حاسس انه هيقدر يفهمك او فاهمك انت قلت بيتر طب وفى الكليه مين بيفهمك؟
وانا كنت لاحظت انك ما رديتش على موضوع الصداقه ايه رايك فيه لو عايز ترد؟

عمرو كتب
و الله يا عم ديدو حصل بس مش بهدلة بالظبط يعني هقولك
في بنت عندنا في الدفعة معروفة رديت عليها في تلات حاجات قبل كده و كل مرة ترجع تسأل نفس السؤال تاني للي احنا معاهم ولا كأني رديت.بصراحة حاجة تقرف و حلفت ولا هعبرها تاني خلاص.



مين البنت دى ياريت تقول اسمها او اول حرف فيه؟
وايه السؤال اللى سالته لك

ايه تفسيرك للصورة اللى انت حطتها لنفسك فى المنتدى